زراعة البسلة من البزرة حتى ..... البزرة بردو :D

[Aih14]

السلام عليكم


شكري لأخي العزيز أستازي أ/ محمد سكر .. و على مجهوده الممتاز في الجروب
بجد الراجل ده راجل محترم جدا جدا جدا و من القليلين جدا الي ممكن أقبلهم في حياتي
رجل رغم أنشغالة بأمور كثيرة إلا أنه في وقت الفراغ يحب يساعد الناس و يفيد الناس
ربنا يجعله من ميزان حسناته و يا ربنا يا رب يبارك له في الدنيا و الأخره

زراعة البسله ... أول مره ليا
أنا زرعت البسلة عن طريق الشتلات
و هو أني جبت كوبيات من البلاستكية دي بتاعت المياه و خرمتها من تحت
و بعدين حطيت 3/4 من الكباية تربة ووعملت في التربة بصباع يدي
خرم ووضعت فيه بزرة البسلة واحد فقط في كل كوب

الري كان تقريباً كل 3 أيام
بس كان ري على دفعتين في نفس الوقت
لان الي بيحصل أن التربة بتاخد وقت لشرب المياه

http://www6.0zz0.com/2015/02/25/20/180337775.jpg (http://www.0zz0.com)

http://www6.0zz0.com/2015/02/25/20/896576422.jpg (http://www.0zz0.com)

http://www6.0zz0.com/2015/02/25/20/459999609.jpg (http://www.0zz0.com)

http://www6.0zz0.com/2015/02/25/20/841354557.jpg (http://www.0zz0.com)

و بعدين ظهرت البدارات في وقت قصير جداً و كان 5 أيام تقريباً لبعض الشتلات

http://www6.0zz0.com/2015/02/25/20/754271376.jpg (http://www.0zz0.com)

- -- - - تم تحديث المشاركة بما يلي - - - - - -

بعد أسبوعين تقريباً من زراعة الشتلة
ظهرت معظم الشتلات و لكن الملحوظة الغربيبة
أن أي نبات بيظهر له أول ورقتين ورق البداية و ثالث و رابع ورقة
بيكونوا الورق الحقيقي ... لكن أنا ملاحظ أن مافيش ورق غير حقيقي
و بعد مراجعة الأستاذ محمد سكر للمظهر الشتلات
قالي ان دي الورق الحقيقي و أنها جاهزة للنقل

و أستعملت طريقتان في
النقل الأولى :- أني أضعها في أكياس من أكياس شتلات الأشجار
و دي بيكون أرتفاع التربة فيها 25 سم تقريباً

و الطريقة الثانية:- هي أنا أضع أربع شتلات في الشكائر
و بيكون أرتفاع التربة تقريباً 15 سم

و أنا معاكم و أنا بجرب و هنشوف التجربة

نقلت نصف الشتلات تقريباً و مازلت منتظر الباقي حتى
أن يكتمل نمو الشتلة و تصبح أكبر

http://www14.0zz0.com/2015/02/25/20/600850142.jpg (http://www.0zz0.com)

http://www14.0zz0.com/2015/02/25/20/400038050.jpg (http://www.0zz0.com)

http://www14.0zz0.com/2015/02/25/20/389400650.jpg (http://www.0zz0.com)

http://www14.0zz0.com/2015/02/25/20/607521445.jpg (http://www.0zz0.com)

http://www14.0zz0.com/2015/02/25/20/196477206.jpg (http://www.0zz0.com)

http://www14.0zz0.com/2015/02/25/20/191648861.jpg (http://www.0zz0.com)

http://www14.0zz0.com/2015/02/25/20/676298618.jpg (http://www.0zz0.com)



شكراً لكل واحد حابب أن يشارك و يشوف التجربة
و أنتظروا الأبديت إن شاء الله

[شيمو حنه]

السلام عليكم الف مبروك اخى وربنا يزيدك ىرب جربت الفول سهل برده ربنا يبارك لكم والشكر للاخ محمد ربنا يجعله ف ميزان حسناتك وشكرا

[محمد سكر]

السلام عليكم ورحمة الله وبركاته

جزاك الله خيراً اخى الحبيب عمرو على كلماتك الجميلة

ما شاء الله عليك وعلى مجهودك وعملك المميز دائما عمرو أسال الله العلى القدير أن يوفقك لما فيه خير وتكون من خبراء زراعة الاسطح فى فترة وجيزة جدا وانت تسير على الدرب حقاً بتجاربك وبحثك وسؤالك وتطلعك لكل جديد .

البسلة أخى عمرو من الاصناف التى تحتاج الى جو معتدل مائل قليلا الى البرودة وإشتداد الحرارة وإرتفاعها عن 27 درجة تقريبا من الممكن أن يتسبب فى توقفها عن النمو لذلك فربما تحتاج الى حماية النباتات من الشمس القوية خلال فترة الصيف وخصوصاً لو ارتفعت درجات الحرارة عن 27 درجة فغالبا سوف تدخل النباتات الى فترة الحرارة العالية لانها تاخذ تقريبا من ثلاثة الى اربعة شهور حتى تصل للاثمار كان من الافضل والصحيح ان تقوم بزراعة البذرة ابتداء من اكتوبر حتى لا تدخل فى فترة الطقس الحار عموماً قدر الله وما شاء فعل وإن شاء الله تحصل منها على ثمار حتى ولو بسيطة وتكتسب منها خبرة لتعيد زراعتها الموسم القادم فى موعدها الصحيح إن شاء الله .
نقطة لاحظتها من كلامك عمرو أن التربة لا تصرف الماء الا بعد فترة وهذا دليل على انها رديئة التهوية اريدك أن تخبرنا بمكونات التربة سريعاً لعلها تحتاج الى مكونات اخرى تزيد من تهويتها .
نقطة اخرى نريد أن نهتم بالتسميد حتى تنمو النباتات بشكل جيد وتتحمل الظروف المختلفة التى قد تتعرض لها مرة فى الاسبوع مرة واحدة نريدك أن تخبرنا أيضا بالطريقة التى سوف تتبعها فى التسميد والاسمدة المتوفرة لديك .

[ام اسامة]

ماشاء الله جزاك الله خيرا على مجهودك
انا زرعتها السنه الفاتت وهذه السنه بالبذور كميه بسيطه للتجربه ولحبي للزرع وقد نجحت عندي والحمد لله وكنت سعيده جدا واشكال ازهارها جميل ايضا

[Aih14]

أنا بستعمل خليط الرمل : الكوموسيت .... 1:1
بصراحة الري أنا بروي لشكارة لتر ماء و بجد أن المياه نزلت من تحت الشيكارة على الأرض
فانا مش فاهم .. موضوع تهوئة التربة أوي يا أستاذ محمد
لكن لو حضرتك بتتكلم عن الصورة الي فيها كوب فيها مياه دي انا بمجرد ما رشتها صورتها على طول
لكن التربة بتشرب مياه و بتصرفها في أفل من 10 ثواني
و بعد رش التربة بالمياه بتكون التربة هشه
بمعنى أني لو جرعت رشيت عليها مياه تاني هتعمل ثقوب في التربة بسبب المياه

بنسبة للسماد أنا هستعمل NPK 20 20 20
بالنسبة الي حضرتك قلتلي عليها و هتبقى كل أسبوع و ليكن الجمعة
و هحاول اجيب سيماد يكون متوافر فيه عنصر البوتسيم لانه زي ما حضرتك قلتلي قبل كده
أنا البوتاسيم بيساعد على إنتاج ثمار

[المهندس خليل العسكر]

زراعه مباركه اخي عمر انشاء الله فيها الخير

[Aih14]

3-3-2015
أنا غطيت معظم الشتلات زي ما قال الأستاذ محمد
و تركت بعض الشتلات بدون تغطية لنلاحظ الفرق بين الإثنين
لان في النهاية الموضوع للتجربة مش للأنتاج

و فعلاً كان في فرق كبير في النمو
الشتلات المغطاه نمت اسرع من المكشوفة في الشمس

صورة الشتلات المغطاه


http://www10.0zz0.com/2015/03/03/21/728126169.jpg (http://www.0zz0.com)

http://www10.0zz0.com/2015/03/03/21/824955409.jpg (http://www.0zz0.com)


أما الشتلة المكشوفة كبيرت لكن مش زي الشتلة المغطاه
النمو بطئ جداً


http://www10.0zz0.com/2015/03/03/21/600257474.jpg (http://www.0zz0.com)

للملاحظة الري كل ثلاث أيام و التسميد كل ست ايام

[شيمو حنه]

السلام عليكم مشء الله اخى ربنا يبارك لك ممكن علشان الى تحت الغطاء الجو ادفء وبها رطوبه اكثر وشكر الاخوه يدلوك اكتر

[Aih14]

للأسف البسلة تقريباً ماتت أو شبه ماتت في منها الي ما زال يقاوم بس أنا متأكد أنها تقريباً ماتت
السبب تقريباً هي عدم احتملها درجات الحرارة و أشعة الشمس

http://www8.0zz0.com/2015/03/30/20/901374419.jpg (http://www.0zz0.com)

http://www8.0zz0.com/2015/03/30/20/377288877.jpg (http://www.0zz0.com)

http://www8.0zz0.com/2015/03/30/20/300410809.jpg (http://www.0zz0.com)

بس عموماً شغفي بالزراعة لم ينتهي
فقمت بزراعة شتلات الخيار و الكوسه و البتنجان و فلفل و ذرة

و الحمد لله هم في وضع أنبات و قريباً في وضعية النقل و هعمل بيهم موضوع
على شان أقدر أفيد و أستفيد من الاخوة الأعضاء

[شيمو حنه]

السلام عليكم تجربه جميله ويكفى شرف المحاوله العام القادم تجنب السلبيات وان شاء الله نرى باقى المزروعات بخير جربت بردهزرعتها ومكملتش ماتت خير شكرا ربنا يزيدك

[محمد سكر]

قدر الله وما شاء فعل اخى الحبيب عمرو

التجربة القادمة إن شاء الله يكون موعد الزراعة مناسب لتجد أجمل الثمار إن شاء الله