سماد من فضلات عصافير الزينة

[كريم وليد]

السلام عليكم و رحمة الله
جت كدا فكرة فى دماغى هو له مينفعش استخدم فضلات عصافير الزينة ببدل متترمى فحبيت اسأل حضرتكم عن امكانية ذلك فلو ينفع ياريت تفيدونى

[aaly70]

اخى الكريم ، اى فضلات لاى حيوانات او طيور سواء زينة او منزلية ممكن الاستفادة منها كسماد طبيعى بعد تخميرها وتمام تحللها للتخلص من المواد الضارة ، ممكن مراجعة كيفية عمل الكمبوست واتباع الارشادان ، علما ان الاسمدة الطبيعية توضع مرتين فى العام مرة فى الخريف ومرة فى الربيع

دمت بخير

[كريم وليد]

تمام الف شكر لحضرتك
حروح دلوقتر اقرا مواضيع الكمبوست

[محمد الحسينى]

زرق الحمام والعصافير يحتوى على اعلى نسبة ازوت مما يسرع من نمو النبات وبنصحك بوضع بعيد على الجذور لانة عالى فى نسبة الازوت

[كريم وليد]

بس هل لما احطه احطه على حالته كدا و لا لازم يتحلل يعنى اعمله كمبوست

[aaly70]

يفضل ان يتحلل اولا ككمبوست وذلك لكى يستفيد منة النيات ، وضعة على حالة لن يتمكن النبات من الاستفادة منة الا بعد تحللة الى العناصر الاساسية وتختلف العناصر فى السماد من حيوان او طائر الى اخر وذلك حسب ما ياكل وعادة ما تكون المكون الاساسى للسماد من فضلات الطيور هو النيتروجين ( الازوت ) وهو من اهم العناصر لتكوين نجموع خضرى جيد وان كان زيادتة مضرة للنيات ، وكما ذكر الاخ الكريم يوضع بعيدا عن ساق وجذور النبات تفاديا لتاذى النبات من الحرارة الناتجة عن السماد

كل التوفيق

دمت بخير