المساعد الشخصي الرقمي

مشاهدة النسخة كاملة : اسعار البذور فى باب الخلق



كريم وليد
04-01-2015, 01:44 AM
السلام عليكم و رحمة الله و بركاته اما بعد
فكنت عايز اعرف من حضراتكم سعر لذور زى الفلف و الباذنجان و الخيار بتبقى فى حدود كام تقريبا فى منطقة باب الخلق لانى اول مرة اروح هناك
و سعر السماد المركب 20.20.20.
ارجو منكم عدم البخل فى المعلومة و الرد كما تعودنا منكم
فى هذا المنتدى الرائع و شكرا مقدما

aaly70
04-01-2015, 11:23 PM
وعليكم السلام ورحمة الله

تتراوح اسعار البذور بين 3 الى 5 جنية للعبوة اما السماد المتوازن NPK حوالى 10 جنية للعبوة نصف كيلو تقريبا

كل التوفيق

دمت بخير

شيمو حنه
04-01-2015, 11:36 PM
السلام عليكم الف شكرا ع الموضوع طيب هل به كل البذور وهو عباره عن ايه محلات تبيع اليذور او ايه وشكرا

كريم وليد
05-01-2015, 09:40 AM
شكرا جدا ا/ على على هذه المعلومة اصل انا اول مرة انزل هناك و خفت يضحك عليا

- -- - - تم تحديث المشاركة بما يلي - - - - - -

و هل تباع البذور بالكيلو ولا ايه . عشان انا مش عايز كميات كبيرة
و شكرا

aaly70
05-01-2015, 10:50 AM
لا شكر على واجب اخى الكريم / كريم ، البذور تباع عادة فى عبوات صغيرة للاستخدام السخصى تقدر بعدة جرامات وهذا عادة بالنسبة للزهور ونباتات الزينة اما المحاصيل الحقلية فتباع ايضا كذلك ولكن بالنسبة للاستخدام التجارى او الحقلى فتباع بكميات كبيرة ، يوجد فى مشتل وزارة الزراعة فى الدقى البذور لعدة نباتات زينة ومحصولات حقلية والعبوة كيس صغير ب 2.5 جنية ويكفى تماما للاستعمال الشخصى وايضا ممكن استعمال البذور من النبات نفسة اى ان كان لديك فلفل او طماطم او خيار فى الثلاجة او ما تشاء ممكن اخذ البذور وزراعتها ايضا اما مباشرة او بعد تجفيفها فى الظل لعدة ايام

كل التوفيق

دمت بخير

كريم وليد
05-01-2015, 08:08 PM
تمام الف شكر لشرح حضرتك الوافى و المفيد

- -- - - تم تحديث المشاركة بما يلي - - - - - -

و نعلش الكبريت الميكرونى بيتباع ازاى و بالكيلو و لا ايه و ايه سعره لو حضرتك عندك فكرة

aaly70
05-01-2015, 08:12 PM
الكبريت الميكرونى انتاج شركة كفر الزيات يباع فى عبوة كيلو وسعرة حوالى 10 جنية ولكن لماذا تريدة هل هناك اصابة فطرية او عنكبوت

كل التوفيق

دمت بخير

كريم وليد
06-01-2015, 04:58 PM
مفيش اصابة فطرية بس عايز احطه كوقاية
و هل لما احطه ادوبه فى ماء و لا احط بايدى كدا

aaly70
06-01-2015, 07:59 PM
الكبريت الميكرونى ممكن اذابتة فى الماء وبالتالى ممكن اذابتة واضافة مع ماء الرى

كل التوفيق

دمت بخير

كريم وليد
07-01-2015, 01:10 PM
يعنى يترش على ورق النبات زى الكبريت العادى ولا يسقى به النبات

aaly70
07-01-2015, 02:41 PM
اخى الكريم حسب الهدف من استعمال الكبريت ان كان لمقاومة اصابة عنكبوت يتم رشه على الاوراق وذلك بدلا من التعفير ( عملية رش بودر الكبريت على الاوراق ) اما ان كان الهدف مقاومة فطرية او لتعقيم التربة او وقاية للتربة والنبات يتم اضافتة لماء الرى والكبريت هو مطهر عام للتربة وضد فطربات عدبدة تصيب النبات والتربة وقديما لم يقتصر استخدامة على النباتات ولكن كان دواء للعديد من الامراض الجلدية للانسان

كل التوفيق

دمت بخير

كريم وليد
07-01-2015, 09:08 PM
تمام يعنى انا كدا لو عايز اعمل وقاية للتربة ممكن ادخله فى مكونات التربة او اسقى بيه النبات .
سؤالى بقا لحضرتك قد ايه الكمية على لتر ماء ؟؟ او لما احطه من مكونات التربة ؟؟؟ و هلى حيكون فيه اى ضرر على الانسان لو كل من النباتات الى عليها كبريت و حتى لو كانت نباتات ورقية ؟؟
و شكرا على رد حضرتك السريع و المفيد

aaly70
07-01-2015, 09:17 PM
اى زيادة كبيرة سوف تضر وان كانت الزيادة قليلة ولمرة واحدة فلن تضر تضرر بالغ ، بالنسبة للكمية تكون جرام على لتر ماء اى حوالى ملعقة صغيرة ، ووتتضاعف مع مضاعفة كمية الماء ، بالنسبة للوقاية يكفى استخدام مرة واحدة فى الموسم الا ان كانت هناك اصابة ، بالنسبة للثمار عند استخدام اسمدة معدنية كالسماد المتوازن او الفوسفاسية او الفسفورية او الكبريت يفضل الانتظار عدة ايام قبل استخدام النبات او ثمارة للاكل ولنقل من 3 الى 7 ايام وبالطبع يجب غسل النبات والثمار جيدا ، بالنسبة للمبيدات يجب اتباع فترة الامان وتكون مكتوبة على العبوات وتتراوح من 7 الى 21 يوم قيل استخدام النبات او ثمارة

كل التوفيق

دمت بخير

كريم وليد
07-01-2015, 11:37 PM
مش عارف اشكر حضرتك ازاى و اللهى حضرتك جوبت على اسئلة كثيرة جدا فى عقلى
شكرا مرة ثانية و زادك الله من علمه