كيف اكشف عن غش لبن البودرة ؟

[عبد الرحمن أحمد]

السلام عليكم

انا جبت لبن بودرة من باب البحر و للاسف طعمه غريب و البودرة خشنة و معرفش ازاي اتأكد اذا كان مغشوش و لا لأ ؟!

و اللي زاد احساسي اكتر انه سعره رخيص قوي 24 جنيه للكيلو ...مع ان الاسعار العالمية بتتكلم عن 3.5 دولار على الاقل و توصل ...يعني بالسعر ده المفروض انه بيخسر !!!


فياريت اللي يعرف طريقة اتأكد بيها من غش اللبن يقولي الله يكرمكم

[اموون 11]

السلام عليكم
أ / عبد الرحمن
اعتقد والله اعلم ان الغش في هذه الحاله انه يتم استبدال الدسم الطبيعي بدهن نباتي وهذا مع سؤ التخزين يؤدي لتغير الطعم

[م- عمرو نجيب]

مرتجعات حليب سريع الذوبان تم أعادة تعبئتها واجهتنى شخصيا

[MOSTAFAAL.HOSENY]

السلام عليكم
طيب لو لبن مضاف الية بروتين شرش اوشرش مجفف كيف اكشف عنة لان فية معلومة عندى انهم بيخلطو البن مع الشرش المجفف .

[elrefaey]

كل سنة وحضرتك طيب يابشمهندس مصطفى .......
بالنسبة للبن السائل المغشوش ببروتين شرش . ممكن تعمل اختبار بسيط بأنك تجبن عينة من اللبن ده فى كأس بسيط وتفصل الشرش عن الخثرة ونقدر البروتين فى الشرش بطريقة الفرومول لو ذادت عن الحدود المعروفة على اساس ان الكازين 80% وبروتينات الشرش 20 % يبقى اكيد فى غش ببروتينات الشرش

[عبده بن ابو عبده]

يعني ايه مرتجعات الحليب مش فاهم ؟

[م- عمرو نجيب]

شوف يا هندسة الطريقة السليمة هى أختبار تكوين الخثرة وهية انك تعمل استرجاع وتجبن بالمنفحة وبعدين تاخد الخثرة تقدر رطوبتها وتقارن التصافى بالكمية الاستاندر عندك ، بالنسبة للفرمول هي طريقة تقديرية فقط يا عزيزي ولا تعطي نتائج دقيقة فى حال الغش بالشرش لن يتجبن بالمنفحة .... جرب والنتيجة مضمونة

[napoleon2009]

هو مش ينفع نعمل لبن مسترجع بنسبة 10% وبعدين نقدر البروتين ونشوف النتيجه لو 34% تقريبا في عينة البودره بدون شك هتكون لبن بودره ولو النتيجه اقل من كده بكتير هتكون العينه خليط لان بروتين الشرش 11% بروتين
ولا ايه ؟؟؟ نرجو الافاده :-)

[عبده بن ابو عبده]

يعني ايه مرتجعات برضه محدش رد عليا ؟!

هل مقصود بيها اللبن منتهي الصلاحية ؟ انا عارف اللبن البودرة بيقعد 5 سنين !


و هل كل اللبن البودرة في باب البحر من النوعية دي ؟

[م- عمرو نجيب]

مفيش حاجة أسمها صلا حية خمس سنين أبدا http://www.globaldairytrade.info/assets/Uploads/sellers/fonterra/WMP-Regular-NZ.pdf (http://f.zira3a.net/ext.php?url=http%3A%2F%2Fwww.global dairytrade.info%2Fassets%2FUploads% 2Fsellers%2Ffonterra%2FWMP-Regular-NZ.pdf)
http://www.globaldairytrade.info/assets/Uploads/sellers/fonterra/SMP-Medium-Heat-NZ.pdf (http://f.zira3a.net/ext.php?url=http%3A%2F%2Fwww.global dairytrade.info%2Fassets%2FUploads% 2Fsellers%2Ffonterra%2FSMP-Medium-Heat-NZ.pdf)
- -- - - تم تحديث المشاركة بما يلي - - - - - -

بالنسبة للمرتجعات بعض الشركات الكبيرة جدا تقوم بجمع االمنتجات التى لا تباع ووضعها فى شكاير وبيعها مرة أخري وعموما تكون خواصها ضعيفة جدا ورائحتها قريبة للتزنخ لكن سعرها مغري وحضرتك بتشتري الشيكارة لازم تتأكد من أنها مقفولة قفل المصنع ومش مفتوحة أو مخرومة .... نقطة أخري بالحليب البودر كامل الدسم فى حال الحبيبات كانت كبيرة و مصفرة بشكل أكبر من العادية تعرف على طول أنة حليب سريع الذوبان ودة تصافية قليلة بعد التنفيح ... عموما أفضل حليب لصناعة الجبن هو الامريكى أو أرلا أو فونتيرا وأغلب الشركات بتشتري النوعيات دي وتخلط منها زي الحليب التركى و فية شركة فى ستة أكتوبر أعتقد فاتحة من أربع سنين وشغالى فى الحليب البودر والجودة بتاعتهم ممتازة

[عبد الرحمن أحمد]

لو سمحت يا بشمهندس ممكن عنوان الشرطة اللي في اكتوبر او اسمها او اي حاجة تبعها ؟

[م- عمرو نجيب]

الاسم لا أتذكرة تماما ولكنها بجوار حلو الشام وامام مخبز الحجاز أتمنى تكون ذاكرتى قوية لم أذهب الى هناك منذ أكثر من ثمان سنوات