استفسار خاص بخلط التربه و التسميد" هاوي "

[drmestika]

السلام عليكم و رحمه الله و بركاته


اول مشاركه ليا .. بصراحه منتداكم عاجبني .. و لاحظت انكم اسره و بتنقلو العلم و ما بتبخلوش ..

انا بصراحه هاوي زراعه .. سواء زينه او محاصيل ..

بدا الموضوع يكبر في دماغي حبتين ... ف حبيت اطور نفسي ..

دورت كتير و قعدت اتابع كام معلومه عن الزراعه و التربه ... الخ

استغليت موضوع معرض الزهور و رحت اشتريت شويه مستلزمات

و لاحظت ان الناس بتسال علي الاسعار فا انا هقولكو الى جبتو


1-بتموس(الكيس 2 كيلو ب 3 جنيه )
2- كمبوست (الكيس 2 كيلو ب 5 جنيه ) كمبوست النيل
3-سماد متوازن ( واحد قالي حلو قلت اشتريه كيس كده بتاع 100 جرام تقريبا ب 5 جنيه )

المهم

انا محتار اخلط التربه ازاي ..

اخلط بتموس مع كمبوست و رمل

ولا بتموس و رمل بس

انا هزرع بذور ..

و استخدم ازاي الكمبوست في تسميد زرع في عمر سنه تقريبا مزروعه في قصاري تربه طينيه من المشتل
( فل - مسك الليل - عتر - نعناع - ريحان )

------------------------------------------------------------------------------------------------------------------
تعديل
---------
للاسف الموضوع بقالو كتير .. مشاهدات و محدش رد ..

انا دورت و بحثت كتير

و خلطه تربتي

(بيتموس + كومبوست + بيرلايت +فيرموكيوليت )

النسب

1/2:1/2:1:1 بيتموس : كمبوست :بيرلايت : فيرموكيولايت
حسب المعيار
انا حطيت 2 كيلو بيتموس .. 2 كيلو كمبوست .. كيلو بيرليت .. كيلو فيرموكيولايت

خصائص البيئه

البيتموس يعتبر التربه الى بتحتفظ بالمياه
كمبوست يعتبر السماد العضوي و التغذيه للنبات
البيرلايت للتهوئه و عد الاحتفاظ بالمياه
الفيرموكيولايت ده فيه زنك و مغنسيوم ..+ انو بيساعت التربه انها تحافظ علي رطوبتها لانو بيحتفظ بالمياه

كده بيئه متكامله .. تغذيه و تهويه و رطوبه ...
ديه حاجه


تاني حاجه انا بجهز حضانه ..

تتميز بانها ( رطبه - دافئه - اضاءه صناعي )
عباره عن كرتونه .. بحط فيها قوالب للبذور .. قوالب صغيره .. و فيها لمبتين من الموفرين .. دول بيوفرو حراره خفيفه جدا تحافظ دفئ المساحه

بالنسبه للتسميد

الكمبوست تنقعو في مياه مع معلقه عسل اسود

نسبه 1 : 6

كوب من الكمبوست : 6 كوب مياه و عليهم معلقه عسل .. لمده 4 ايام مع التقليب المستمر ..

و بعدها لو عاوز تخفها و تسقي بيها النبات كل فتره ممكن ..

كل المعلومات ديه اجتهاد و بحث من النت و يوتيوب و متابعه غير العرب في تجاربهم

انا حبيت اشارك عشان افيد ..

[بسمة حسن]

بارك الله لك في مشترياتك ومتعك بها واختياراتك موفقة

اما بخصوص النصيحة فساتركها لاصحاب الخبرة والمتخصصين​

[drmestika]

بارك الله لك في مشترياتك ومتعك بها واختياراتك موفقة

اما بخصوص النصيحة فساتركها لاصحاب الخبرة والمتخصصين​

اشكرك علي مرورك :)

[drmestika]

انا لقيت الاجابه .. و ضفتها للموضوع عموما يعنى .. عشان غيري يستفيد ..

[زهرة الصبار]

بسـ الله الرحمن الرحيم ـم



نشكرك جداً على المعلومات

وأيضاً على الإضافة

بارك الله فيك

[Msamy]

السلام عليكم drmestika
من الواضح أنك لست بحاجه إلى نصائح و من الواضح أنك مجنهد جدا"
و بدايتك ليست بداية عادية
وفقك الله ........

[drmestika]

بسـ الله الرحمن الرحيم ـم



نشكرك جداً على المعلومات

وأيضاً على الإضافة

بارك الله فيك


لا شكر علي واجب .. لا خير في كاتم علم


السلام عليكم drmestika
من الواضح أنك لست بحاجه إلى نصائح و من الواضح أنك مجنهد جدا"
و بدايتك ليست بداية عادية
وفقك الله ........

اشكرك علي مرورك الكريم .. انا الحمد لله اجتهدت و دورت .. و لو عندي معلومه هشارك بيها ان شاء الله .. و التجربه بتاعت الجضانه هشارك بها ان شاء الله في قسم تجارب و افكار .. بس ناقص التنفيذ

[Ehab Salem]

شكرا اخى الكريم معلومات قيمه ومهمه واكيد استفدنا منها ويسعدنا دائما اننا نستفيد منك

[drmestika]

شكرا اخى الكريم معلومات قيمه ومهمه واكيد استفدنا منها ويسعدنا دائما اننا نستفيد منك

مشكووووور .. انا دائما في الخدمه