المساعد الشخصي الرقمي

مشاهدة النسخة كاملة : عندى جنينه حوالى 250 متر زرعتتها اشجار فاكهه محتاجه معلومات تساعدنى



abdobosa
15-04-2014, 09:58 PM
السلام عليكم
محتاجه منكم تساعدونى بمعلومات اكثر عن الزراعه هى بالنسبالى هوايه نفسى اتعلمها كويس وزرعت ماشاء الله بس كل ما استعين بمواقع النت الاقى كتب ومقالات علميه فيها مواوويل كتير ولا فاهمه اى مصطلحات منها بيحسسونى انى هابقى دكتوره فى النباتات مع ان الزراعه ابسط من كده ايام اجدادنا زمان
علشان مزودش رغى اولا انا الارض الى زرعاها فى مطروح يعنى بلد صحراويه وارض تعتبر فاقده للخصوبه ؛زرعت شجرتين تفاح وشجره برقوق وشجرتين تين وشجرتين خوخ وواحده رمان ولمون وسفندى تمام كده
رحت اشتريتهم من مركز زراعى مضمون وبعد ما زرعتهم لقيتهم ورقهم سقط ونشفوا والى باقى ورقها اصفر وبقى فيه نقط سودا واطراف الورق كانها محروقه ده غير الدبلان الى الشجره فيه
السفندى زهرت كتير اوى بس السفندى مش راضى يكبر خالص
يجماعه لو سمحتم عرفونى اعمل ايه وايه المطلوب اهتم بالاشجار دى ازاى ارويها ازاى وايه الى ناقصها الارض دى بس ياريت بشكل مبسط لانى يدوب هاويه مش دارسه لانى معرفش المصطلحات الجامده الى بيقولوها عن الزراعه ودى صور للاشجار بتاعتى 8352