صلاحيه الفكرة العلمية لزراعه الاسطح ...(ضرورى الافادة)

[lodk]

كما اتضح من مواضيع سابقة
فانا بصدد انشاء مزرعة على سطح المنزل الخاص بى لانتاج محصولين رئيسين الفراولة و الطماطم
اتجهت لاكثر من جهة بحثية فى مصر و كلهم اكدو فعالية فكرة الزراعه المائية للاسطح لانتاج الخضر و الفاكهه
لكن احد المهندسين الزراعيين اخبرنى ان الفكرة غير مناسبة و غير قابلة للتطبيق فى مصر
بسبب مشاكل تتعلق بعدم النمو الكامل لنبات مثل الفراولة مثلا
فكنت اود الاستفسار عن مدى فعالية الزراعه المائية فى انتاج الفراولة مثلا او الطماطم
و هل هناك مشاكل تتعلق بهذين النباتين فى فكرة الانتاج بالزراعة المائية و ما هى مشاكل الزراعه المائية بشكل عام

وهل هناك مراكز بحثية عربية او اجنبيه خارج مصر استطيع التواصل معها للحصول على معلومات دقيقة بشأن الزراعة المائية وزراعه الاسطح
جزيل الشكر
:-)

[waleedss]

انما العلم بالتعلم. ولكن تحتاج النظام الصحيح لان الهيدروبونيكس اكثر من نظام. وتحتاج الى صوبة مكيفة (تكييف صحراوي) يمكن بنائها بسهولة بخامات محلية مثل قص الارز. لماذا لا تصلح في مصر فالماء هوا الماء في اي مكان في العالم وعندنا المياه جيده جدا لا تحتاج الى تقطير وعندنا شمس ساطعة طول السنة. ايضا تحتاج استخدام بذور اصناف تجود في الزراعة المائية.باختصر تحتاج الى استثمار مبدئي حوالي 2000-5000 جنيه من اجل مشروعك.

[lodk]

انا ما عنديش اى مشكلة بالنسبة للتكاليف او الرؤية المادية خالص
انا يهمنى من الاساس الفكرة العلمية
يعنى هل ناس نفذت المشروع مع المحاصيل دى فعلا و نجحت .... ؟

[waleedss]

Egyptian Hydrofarms (http://www.egyptianhydrofarms.com)

هذه مزرعة في مصر هيدروبونيك تزرع الخس والورقيات.

انظر ايضا

Growing Hydroponic Strawberries - H2oGrowing (http://www.h2ogrowing.com/growing-hydroponic-strawberries/)

[طحان محترف]

لكن احد المهندسين الزراعيين اخبرنى ان الفكرة غير مناسبة و غير قابلة للتطبيق فى مصر
بسبب مشاكل تتعلق بعدم النمو الكامل لنبات مثل الفراولة مثلا



طيب لو تتكرم تسال لنا المهندس نفسه ما سبب عدم اكتمال نمو نبات مثل الفراولة مثلا ؟؟؟؟؟!!!!
طب نودي فين كل التجارب اللي عملناها والاخوة الأفاضل نفذوها
انا عن نفسي زرعت خيار واكلت منه وزرعت طماطم واكلت منها وزرعت خس وبدأت آكل منه وزرعت ورد بلدي هيدروبونك برضو ونجحت بفضل الله وكمان زرعت كنتالوب بس مكلتش منه ودلوقتي بجهز لبطيخ وكنتالوب من تاني.....
وعلى فكرة ....
المفاجأة إني كمان عايش في مصر:brows:

هو يمكن المشكلة الحقيقة في الموضوع ده تكون مسالة العفن اللي بيطرأ على الجذور وأظن ان الموضوع ده أصعب من موضوع المحلول المغذي بمعنى انك ان لم تستطع ان تسيطر على هذه المشكلة فمن الطبيعي ان النبات لن يكتمل نموه لكن المشكلة دي ملهاش علاقة ان الزراعة في مصر لكن هي مسألة خبرة من القائم على الزراعة نفسه كيف يقدر يتغلب على المشكله دي.

[waleedss]

طيب لو تتكرم تسال لنا المهندس نفسه ما سبب عدم اكتمال نمو نبات مثل الفراولة مثلا ؟؟؟؟؟!!!!
طب نودي فين كل التجارب اللي عملناها والاخوة الأفاضل نفذوها
انا عن نفسي زرعت خيار واكلت منه وزرعت طماطم واكلت منها وزرعت خس وبدأت آكل منه وزرعت ورد بلدي هيدروبونك برضو ونجحت بفضل الله وكمان زرعت كنتالوب بس مكلتش منه ودلوقتي بجهز لبطيخ وكنتالوب من تاني.....
وعلى فكرة ....
المفاجأة إني كمان عايش في مصر:brows:

هو يمكن المشكلة الحقيقة في الموضوع ده تكون مسالة العفن اللي بيطرأ على الجذور وأظن ان الموضوع ده أصعب من موضوع المحلول المغذي بمعنى انك ان لم تستطع ان تسيطر على هذه المشكلة فمن الطبيعي ان النبات لن يكتمل نموه لكن المشكلة دي ملهاش علاقة ان الزراعة في مصر لكن هي مسألة خبرة من القائم على الزراعة نفسه كيف يقدر يتغلب على المشكله دي.

اتفق تماما مع المهندس طحان وازيد ان عفن الجذور سهل السيطرة عليها . باضافة ماء الاكسجين الى المحلول المغذي او معالجته بالاكسجين. او معالجته بجهاز اشعة فوق البنفسجية المخصص لاحواض الاسماك. مع رش شيلات الحديد على النباتات كل اسبوعين لان هذه الطرق الثلاث تؤكسد الحديد وترسبه.

[lodk]

ولله يا اساتذتى الكرام مش عارف من غير نصايحكم كنت عملت ايه
حقيقى كل ما بيئس من الموضوع بتشجعونى مرة تانية :)