المساعد الشخصي الرقمي

مشاهدة النسخة كاملة : مجالى ما اجمله ........ولكن!!!!!!!!!



مريم يوسف
01-12-2007, 03:04 PM
بسم الله الرحمن الرحيم
السلام عليكم ورحمة الله وبركاته
اخوانى واخواتى فى الله كثيرا ما جلست مع نفسى افكر فى هذا المجال الجميل بل والرائع الذى يجمعنا
نعم مجال الزراعه من انجح واعظم المجالات والذى يهتم بتوفير ما يلزم الانسان بل والحيوان بل والبيئه كنظام متكامل
وبالرجوع بتفكيرى الى فترة ما قبل التحاقى بكلية الزراعه اجد ان تفكيرى كان يجنح بالفعل الى هذا المجال لما زرعه بى والدى من حب له
وبالفعل التحقت بالكليه - على الرغم من كون ذلك رغما عن ارادة امى وكثير ممن هم حولى-ومرت فترة الدراسه
لكن ما اثر فى كثيرا هو الحقائق التى ظهرت امامى جليه سواء فى فترة الدراسه او بعد ان انهيت دراستى من تراجع اهمية هذا المجال وصغره فى نظر الكثير ممن هم حولنا
واعجب فعلا عندما اواجه هذا التفكير على الرغم من اهمية هذا المجال ولكن بالبحث عن الاسباب اجد ان عدم فاعلية الكثير من الخريجين لمثل هذه الكليات هو من اهم الاسباب لذلك وبالبحث ايضا عن اسباب عدم الفاعليه هذه اجد ان قلة الخبرات التى يتلقاها الطالب اثناء فترة دراسته من اكبر اسباب عزوفه بعد التخرج لامتهان الزراعه وذلك لخوفه من الفشل
وتطرأ كذلك افكار ايجابيه لحل مثل هذه المعوقات ولكن اذا نظرنا اليها بعين الاعتبار والدراسه
فانا خريجه لكلية الزراعه بجامعة جنوب الوادى بصعيد مصر والغريب ان هذه لجامعه تعتبر من اكبر الجامعات العربيه مساحة نظرا لاقامتها فى موقع متميز وهو على ارض صحراويه فى الطريق من محافظة قنا لمحافظة البحر الاحمر ومعظم هذه المساحه ما زالت خاليه ولكنها قابله للزراعه والاستصلاح
قد يتساءل البعض لما تطرقت لكل ذلك فى موضوعى وما الهدف منه؟
فبكل بساطه كنا فى فترة الدراسه لا نقوم بممارسة الزراعه بطريقه عمليه حتى نتخرج ونحن اصحاب خبره ولو بسيطه وذلك على الرغم من امتلاك الكليه لمساحات اراضى مخصصه لمزارع الكليه سواء داخل الجامعه او خارجها اى ان الامر لم يكن يتعلق بالامكانيات
وتساؤلى هنا لما لم تعمل الكليه او الجامعه او حتى المحافظه او الحكومه - واقصد بذلك من بيده الامر - دورات صيفيه تقوم فيها الكليه برعاية الطلاب وتدريبهم على ما قاموا بدراسته طوال العام واعتقد ان ذلك كان سيفيد كل الاطراف سواء الدوله - وذلك بما سيعود عليها من اراضى مستصلحه- وكذلك الطلاب - بما سيجنونه من خبره تساعدهم على اختراق مجال العمل
واعتقد ان هذه المساله غير متواجده فى جامعتى فقط بل فى كثير من الجامعات العربيه
ولكن من المستفيد؟؟؟؟؟؟؟!!!!!!
بالفعل مجالى جميل . ولكن هذا ما ينقصه

ethylene
01-12-2007, 04:09 PM
السلام عليكم و رحمة الله و بركاته

كلامك أثر بي، و خاصة أني مررت بتجربة مشابهة

و لكن أنت من مصر، و انا من لبنان، فلذلك ربما هناك فرق ببعض الأشياء..

والفرق انكم انتم ما شاء الله بمصر عندكم اهتمام كبير بالزراعة، أظنه يفوق اهتمام الناس عندنا في بلدنا، و أظن عندكم مختصين فيها أكثر من اللي عندنا.. و مجالات أوسع.. و هذا رأيته من خلال تصفحي لهذا المنتدى، أو حتى من خلال الذي أسمعه من الناس



و لكن تبقى مشكلتي تتشابه مع مشكلتك.. نوعاً ما

غير أني قد لا اجد من يعينني على حلها.....

bee
01-12-2007, 07:15 PM
والله يا اختى مريم كلامك موثر لانى من جامعة المنصورة ونفس مشكلة عزوف الطلاب عن الكليه مش عارفة ليه عارفة كلمة فى سرك انا لما خلصت الثانوية العامة وجبت 90% مكنش فى دماغى كلية الزراعة دى ولا عمرى سمعت عنها وحتى صديقتى بتقولى انا هدخل كليه الزراعة قولت ليها يايبنتى هتمسكى الفاس وتزرعى بس والله بعد اما دخلتها حبتها وحسيت انها كليه قيمه وذات اهميه قصوى الا انه سوء المعرفة بها وجايز اسمها مش ظريف للشباب فبيبعدوا عنها واكتشفت ان الكليه مش فاس بس دى حاجات كتير قوى وعلى فكرة الحمد لله ربنا كرمنى وبقيت معيدة بالكليه عارفة لواحنا خلاينا اسمها زراعة انجليزى جايز يدخلها ناس كتييييييييير زى تجارة وحقوق انجليزى
ربنا يستر انا عندى كلام كتيييييييير بس كفايه كده علشان ربنا يسترها معانا

سيف الله
01-12-2007, 11:20 PM
م . مريم ..

اثرتى موضوع هام للغاية ....


لما يعزف الطلاب الان عن الزراعة حتى اصبحت ومع كل اسف

اقل الكليات والمعاهد من حيث المجموع المطلوب

فمن يصدق ان معهد متوسط يشترط 55 بالمائة للالتحاق به

بينما لا تشترط اى من كليات الزراعة فى معظم جامعتنا سوى

خمسون بالمائة .....!!!!!!

وارى ان هذا التدهور له عدة اسباب ....

اهمها طبيعة العمل فى حد ذاته .....

فالزراعة واستصلاح الاراضى على وجه خاص يحتاج الى مجهود كبير وشاق للغاية ...

كما انه يحتاج للتواجد بالموقع دائما كما ان مواقع العمل غالباب ما تكون بعيدة عن المدن والعمران ....

مما يعنى ان الخريج سيجد نفسه قد اخذ من الدار الى النار على حد التعبير العامى الدارج ...

اذن فلابد اولا من توافر سمات شخصية معينة لمن يعمل بهذا المجال .

اهمها على الاطلاق وجود هدف معين يصبو اليه المرء

كأن يكون صاحب ارض او رب عمل او اى شئ من هذا القبيل لكى تكون دافع له كما لا بد ان يكون مثابر بشدة ....

ولما كانت رواتب المهندسيين الزراعيين ليست تحمل ميزة نسبية وخاصة للمهندسين المبتدئين فيكون السؤال لما التغرب
طالما القيمة المادية شبه متساوية .... مع من هو فى المدينة

فيعزف خريجى الزراعة عن العمل بها ومن ثم النصيحة للاقارب بعد ذلك بعدم دخول كلية الزراعة ....

ومن هنا بدا التدهور والانحدار ...

ذلك الى جانب العديد من الاسباب منها ما ذكرتيه يا مريم بنفسك .

ومنها ما ذكرته bee ...

واسباب اخرى عدة ....

اسف للاطالة .....

وطرح جيد لموضوع مهم .....

تحياتى ...

ALais
02-12-2007, 06:39 AM
مشكوره اختى مريم على مناقشه هذه القضيه لكن فى رايى الشخصى ان فتره الدراسه الجاممعيهة فتره مهمه جدا للتدريب والتاهيل للعمل ف المجال خارج اسوار الجامعه هذا طبعا بالاضافه الى استعداد الطالب نفسه الى ان يعمل فى هذا المجال الشاق
يعنى انا عايزه اقول احنا كنا يا جماعه عندنا ف جامعه قناه السويس تدريب صيفى تخبيلوا كنا بنعمل فى ايه كنا طول النهار قاعدين واخر اليوم نروح وخلاص بعد ما الشمس تاكل دماغنا من ما نستفاد اى حاجه غير شويه صحاب قاعدين مع بعض
يا جماعه لازم الدوله تزيد من الاهتمام بكليات الزراعه ويا ريت ميروحش عن بالنا ان مصر دوله زراعيه ف المقام الاول
دا احنا حضارتنا قامت على الزراعه اصلا دلوقتى مش لاقيين حد يدخلها كمجال عمل من اساسه
سبحاااااااااااان الله
ازاى معرفش

ango
02-12-2007, 10:27 AM
فعلا لدرجة ان مجلس الاعلى للجامعات بنقش على الغاء كليات زراعة ويتيحخا 4 فقط على انحاء جمهورية بدل 22 كلية
للاسف ده عاهد مهندسين الزراعين بس احنا الى رخصنا نفسنا

مشكور على موضوع

مريم يوسف
02-12-2007, 03:20 PM
السلام عليكم ورحمة الله وبركاته
بارك الله فى الجميع على التفاعل الملموس فى الموضوع ومناقشة القضيه
الى الاخت (ehtylene) ارجو ان يكون الكلام مؤثر بالايجاب لا بالسلب وخصوصا على النفسيه فهو عامل هام فى مجالنا . لكن صدقى او لا تصدقى نحن لا نشعر بالفرق الذى ذكرتيه عندنا فالحال من بعضه
الى الاخت (Bee) كلامك مظبوط ميه فى الميه طريقة التفكير فى وضع الكليه وتاثير كلام اللى حولينا عن الكليه خلى حتى الطلاب اللى عاوزين يدخلوا الكليه حبا فيها يصرفوا نظر عن الموضوع من قبل ما يدرسوه . وبخصوص الكلام خدى راحتك خالص احنا هنا كلنا علشان نتناقش بجديه ونحل المشاكل مش علشان نخلق مشاكل وان شاء الله ربنا هيستر
الى الاخ ( سيف الله) معاك حق لازم اللى يشتغل فى مجالنا تكون ليه شخصيه ذاتن سمات معينه واهم حاجه يكون حابب المجال بس صدقنى انا دلوقتى لسه على اتصال ببعض زمايلى ايام الجامعه ونفسنا فعلا نعمل حاجه مشروع مشترك كبير نخدم بيه بلدنا ونرفع قدر امتنا وديننا بس الخبره هى اللى مخليانا نخاف نتخذ خطوه ايجابيه
الى الاخت (ALias) بصراحه انتى الاكثر حظا فينا على الاقل جامعتك كان عندها النيه فى التدريب الصيفى ده بس احنا عمرنا ما سمعنا عنه
الى الاخ (ango) هاتبقى مصيبه بجد لو اتنفذ القرار اللى بتقول عليه ده وياريت نصحى بقى ونفوق قبل ما يفوت الاوان

bee
02-12-2007, 09:13 PM
السلام عليكم مريم على فكرة جامعة المنصورة فيها تدريب صيفى برضوا مش جامعة قناة السويس فقط بس زى مابتقول الاخت alais بنفضل قاعدين شوية بنات مع بعض نتكلم فى الاكلات والنزهات بس بصراحة الحق يتقال ساعات كنا بنشتغل وننزل المزرعة فى الشمس نشوف مظاهر الاصابة والمفترسات والحشرات لان ده مجالى بس والله البنات كانت بتدلع دلع ملوهش حل اه الشمس هتحرق وشى اه مش عارفة امشى على الارض ولا بيبصوا ولا بيتفرجوا وان جيت عايزة تعملى حاجة يقولوا ايه الجديه ديه ايه النشاط ده يعنى احباط من كل ناحيه ولا يوم ما نزلنا المنحل المفروض تلبسى القناع فالبنات تقول ايه لا انا مش لبس ده اصله مش نضيف ودلع ملهوش معنى يلا فوضت امرى لله

ALais
03-12-2007, 03:51 AM
فعلا اختى الكريمهbee كلامك واقع ملموس وعشان كده بنقول يا جماعه لازم لازم ان اللى يفكر يدخل كليه زراعه متكونش بالنسبه ليه اى كليه والسلام
يا جماعه الزراعه تعرف باسم كليه طب الارض تخيلوا انتو كده ومع ذلك بنلاقى الاهتمام بيها معدوم
مع خالص تحياتى لجميع اخوانى واخواتى

مريم يوسف
05-12-2007, 03:08 PM
السلام عليكم ورحمة الله وبركاته
اعجبتنى كثيرا كلمتك اختى (ALais) كلية طب الارض وهى فعلا وصف جميل لمجالنا . والمحزن اننا لا نهتم بذلك المجال على الرغم من شدة اهتمام الدول المتقدمه - التى نقلدها فى كل شئ - بهذا المجال لايقانهم ان فعلا من يملك قوته يملك حريته
فانظروا معى ماذا تفعل امريكا مثلا بالقمح والبطاطس تلقى بها فى المحيط بدلا من تصديرها للدول التى يدمرها الجوع والفقر ومع ذلك اصبحت المتحكم بالعالم فى كثير من المجالات
والى اختى (Bee) الموضوع مش موضوع ايه الجامعه اللى عندها النشاط الصيفى المهم امتى هاتطبقه الجامعات بجد مش كلام على ورق وتضيع وقت وخلاص
ربنا يعيننا ونقف وقفه جاده علشان نغير الغلط فى كل الدول العربيه مش عندنا بس

bee
07-12-2007, 12:47 PM
كلامك صح بس انا لااقصد ان جامعتى فيها تدريب صيفى انا قصدى اما تيجى الفرصة للتدريب والشغل والتعلم حاجة يجوا البنات يضيقوا ويقولوا احنا مش هننزل فى الشمس وحاجات كتييييييييير من هذا القبيل يعنى العيب فينا برضوا

امضاء /
خريجة كلية طب الارض

shz1981n
08-12-2007, 04:47 AM
بداية شكر لكي على إثارة هذا الموضوع....إن الحال لدينا في سوريا يشبه الوضع عندكم تماماً نحن لدينا الآن 8 كليات زراعة ولكن للأسف الخريجين في حالة صعبة جدا ... حتى أننا أحيانا نسمع كلمات كثيرة من العوام تسيئ لنا من قبيل (زراعة وهندسة!!! ) على الرغم أن القبول عندنا يحتاج إلى 80% في الشهادة الثانوية الآن ... بينما وصل إلى ذروته في عام 2000 على ماأظن بمعدل حتى 83%....
شكرا مرة ثانية

مريم يوسف
08-12-2007, 11:01 PM
السلام عليكم ورحمة الله وبركاته
اختى الفاضله (bee) طبعا البنات اللى بتتكلمى عليهم اكيد اللى دخلوا الكليه رغما عنهم يعنى المجموع هو اللى اخبرهم لانه اللى دخلوها حبا فيها اكيد مش هايكون ده حالهم اذا جاتهم الفرصه
اما انت اخى (shz1981n) انتو حالكم احسن من عندنا بكتييييييير انه كلية الزراعه عندكم بيوصل مجموعها للنسبه دى اما عندنا فالحال صعب جدا زى ما وضح الاخ (سيف الله) بس اصبح الان مش هاتفرق اذا كان المجموع عالى او منخفض للقبول اذا كانت الثقافه العامه خلت الكليه نفسها هى المشكله
اللهم اصلح احولنا فى كل مكان

gamal amin amin
27-12-2007, 02:19 PM
موضوعك مهم مريم بدليل عدد المشاركات فيه
المهم انتم المستقبل مستقبل امتنا العربيه ولازم الحل يكون عن طريقكم

مريم يوسف
27-12-2007, 10:34 PM
السلام عليكم ورحمة الله وبركاته
بارك الله فيك استاذ جمال وءاسف اسف شديد فى تاخير الرد
نعم فعلا الشباب هما الامل فى الامه وفى اى مكان عاوز يتقدم بس ياترى هل الشباب شايفين كده فعلا؟؟؟؟؟؟؟؟
انا لله وانا اليه راجعون

ango
29-12-2007, 12:07 AM
الى الاخ (ango) هاتبقى مصيبه بجد لو اتنفذ القرار اللى بتقول عليه ده وياريت نصحى بقى ونفوق قبل ما يفوت الاوان


انا موافق على هذا القرار وايد اقامة 4 كلية زراعة بس على مستوى مصر
كدة طلب هيذيد وعرض هيقل مما يرفع من شانها كامجموع وقيمة

ثانيا او بداية كانت الدراسة فى زراعة سوهاج فى عهد نائب كان على ما اعتقد عبد المتين موس الله يرحمة اذا كان ميت فوجهت مشكلة ان منهج سهلة ومفيش لها من قيمة قال واشتكت العميد فقل مش عجبك كمل فى جامعة اخرى فذهبت الى عين شمس فوجدت مستوى عالى بس بردة مش مستوى علمى انا عاوز قرارت انا اتقدم للسفارة الامريكية وفعلا وافقو على دراستى فى جامعة كالفورنيا على نفقتى الخاصة وفعلا اتعملت الصح الى انا عاوزة وفعلا كملت لحد ماجيستير ثم سفرت الى ايطاليا للحصول على درجة الدكتوراها من جامعة فيتربو الايطالية والان استقرات فى مصر بعد ما اخذت التدريس وتدريب الصحيح لان فعلا مناهج مصرية عبارة عن out line للمنهج الامريكى
فيجب رفع مستوى تعليم الزراعى لان الشركة التى اعمل بها فى مصر لا يعمل بها غير 5 مصريين ومنهم انا و2 معانا الجنسيات الامريكية وباقى 2 مصريين وباقى امريكان
حتى اخر لحظة من حوالى شهر ونصف ذهبت الى جامعة الاسكندرية كلية زراعة جميلة واهتمام فذهب الى قسم الهندسة الزراعية فطلب اتناقش مع رئيس القسم طبعا علشان يوافقو شاف الكرت بتاعى وقال مكتب على ايدك يمين فذهب فطرقت على باب ان يقول اتفضل ابدا
بعد نصف ساعة وقف على باب قال براس بمعنها اتفضل شكرا كلمتو على نهج تعليمى باللغة الانجليزية بيقولى ونبى بلاش تفلس والنبى العربى قولت انا اسف بدات اترجم بيقول عندى بعد اذنك ...
كان كل نظريتى اخد 10 طلاب فى جازة ادربهم عندنا فى شركة وكان كل طالب ياخذ مكفاء تقريبا 150 دولار وهيتعلمو اعلى نظم تكنولوجيا وممكن نشغل الاذكياء .... فعلا اهمل كلام قولت فى نفسى خير تعمل شرا تلاقى ... وفجاة سكرتير حكيت بيقول كان فكرك طالب حتى لو طالب لازم نحترم فكرة العيب ان دكتور لا يحترم او الكبير لا يحترم فكر الصغير فى امريكا الصغير فكرة فوق رؤس العلماء
ودى رسالة تدل انا التقدم هياتى اذا احترمت فكر انسان بخلاف سنة
محديش هيسمع ولكن نفسى مصر تكون فعلا ام دنيا بس ده كان زمان فى جولتى فى خليج متقدمين عن مصر بمليون سنة فى نظام تعليم وتخطيط بعد ما كان مصر هى متقدمة لو كداب سافر روح سياحة اتفرج على احترام وتكنولوجيا عرب الخليج
مش عارف اقول اية غير تحيا مصر تحيا الكوسة تحيا عدم احترام افكار البشر مهما كان سنة او عقلة
اول تجربة فشل اعرف انك على باب النجاح
والله موفق
انشاء الله

مريم يوسف
29-12-2007, 01:25 AM
السلام عليكم ورحمة الله وبركاته
اخى (ango) او لو تحب خليها اخى (angry)زى ما لمست من كلام حضرتك
فهمت وجهة نظر حضرتك من انك مؤيد لفكرة انهم يلغوا الكليات ويخلوها 4 بس على مستوى الجمهوريه .هى فكره كويسه بس انا كنت بتكلم من جهة انه فى مصر الاقاليم بعيده عن بعض وفى ناس زى اخوانا اللى فى( صعيدى الجميل) زى ما بحب اسميه لسه ما بيحبوش يخلوا بناتهم يتغربوا حتى لو علشان الدراسه وده عائق جديد
اما بخصوص ما ذكرته عن سيرتك الذاتيه فاءسف اسف شديد ان كان الموضوع اثار موجه من الحزن والكآبه غير المقصوده بالتذكير بما بمضى
ولا يسعنى الا قول ( لنا الله)
دمتم فى حفظ الله

ango
29-12-2007, 02:09 AM
السلام عليكم ورحمة الله وبركاته
اخى (ango) او لو تحب خليها اخى (angry)زى ما لمست من كلام حضرتك
الموضوع اثار موجه من الحزن والكآبه غير المقصوده بالتذكير بما بمضى
ولا يسعنى الا قول ( لنا الله)
دمتم فى حفظ الله



اولا مفيش حاجة تخلينى اغضب او احزن ولا ماضى انا بحب تعليم وعلى راى الشعب المصرى الغاوى ينقت بطقيتو

عاوز اتعلم صح لازم ادفع
بخصوص التغرب وكلام ده للفتايات ده كان زمان لما فى سهاج من قرون كانت بنات عادى زى بحرى او بنات القاهرة
ثانيا انا بحاول الى اى اجتمع مع معالى الوزير الزراعة بقول عن وجهة النظر وطبعا الرجل محترم بيقول ليس لى شان فى تعليم لان فى وزير للتعليم
على اقل بنحاول نجتهد للرقى بمستوى المهندس الزراعى
وفعلا فى امريكا المهندس الزراعى مثل الدكتور بقوة ومكانة ومرتبة
انا نزلت مصر لان مرتب الى هاخده فى مصر مقترب من مرتب فى امريكا يبقى حسباتى مع الغربة تقول افضل فى مصر ولكن هذا لا يمنع كلما اريد تعلم شىء اسافر الى دول الغرب واتعلم وارجع
ياريت مهندس الزراعى يوصل فى نفس مكانة المهندس الزراعى فى الغرب
برغم منهج وراعة يعد 3 على مستوى صعوبة فى تعليم
مش عارف اقول اية
غير حسبى الله ونعم وكيل فى 4 اشخاص ولا داعى ذكر اسمهم لانهم دمرو كرامة المهندس الزراعى المصرى ومنها سار المهندس الزراعى بن البطة السودة فى وسط مستوى التعليم المختلفة

مريم يوسف
05-01-2008, 05:44 PM
السلام عليكم ورحمة الله وبركاته
اخى الكريم (ango)
ما ذكرته بان الناس دلوقتى اتغيرت وبقى عادى انه البنات تسافر علشان التعليم صحيح بالفعل . ولكن ما قصدته انا انه مجالنا - وللاسف - علشان مجرد المجموع اللى بتقبل بيه الكليه بيخلى بعض الناس تقول(البنت تتغرب وتتشحطط علشان الزراعه ؟؟؟)
ده فعلا تفكير بعض الناس هنا مازال قدامنا عوائق
ويارب نوصل لنص تفكير الغرب فى النظر لمجالنا والاهتمام بيه وتطويره .يارب
فى امان الله

دولفين
20-06-2009, 02:58 AM
اشكرالاخت مريم على فتح باب المناقشة فى هذا الموضوع -
وهوجزء لا يتجزا من المنظومه العامه ككل فى التعليم -
فحلقة التعليم باكملها تحتاج الى تصحيح - وكل الكليات وكل التخصصات مهمه ومطلوبه -
لكن اعتقد ان المشكله فى ان الشعب ينظر الى شئ والحكومه تنظر الى شئ اخر -
وسوف احاول تبسيط المساله - وربنا يستر -
بمعنى احنا عايزين من الحكومه فلوس علشان تساعدنا فى التدريب وفى دعم الشباب وفى 00000
والحكومه عايزه عن طريقنا الفلوس - بخصصة الكليات والقطارات وكل شئ 00 الخ الخ
يعنى ان الحوار بيننا وبين الحكومه هو حوار الاخرس -
وادعو الله ان ينتهى هذا الحوار ونكون بعد كده بنسمع لان طبعا مش ممكن تكون الحكومه هى اللى مش بتسمع -
شكرا

ابن الشاطىء
20-06-2009, 04:32 AM
اشكرالاخت مريم على فتح باب المناقشة فى هذا الموضوع -
وهوجزء لا يتجزا من المنظومه العامه ككل فى التعليم -
فحلقة التعليم باكملها تحتاج الى تصحيح - وكل الكليات وكل التخصصات مهمه ومطلوبه -
لكن اعتقد ان المشكله فى ان الشعب ينظر الى شئ والحكومه تنظر الى شئ اخر -
وسوف احاول تبسيط المساله - وربنا يستر -
بمعنى احنا عايزين من الحكومه فلوس علشان تساعدنا فى التدريب وفى دعم الشباب وفى 00000
والحكومه عايزه عن طريقنا الفلوس - بخصصة الكليات والقطارات وكل شئ 00 الخ الخ
يعنى ان الحوار بيننا وبين الحكومه هو حوار الاخرس -
وادعو الله ان ينتهى هذا الحوار ونكون بعد كده بنسمع لان طبعا مش ممكن تكون الحكومه هى اللى مش بتسمع -
شكرا

طبعا لا .....................الحكومة بتسمع و



الحكومة كويسة جدا خالص قوى و طيبة و





غلبانة كمان و مظلومة قوى





بس الموضوع ان الحكومة




مابتفهمش ................................... ..








قصدنا......................... ياعيينى...........





يعنى نبقى احنا عايزنها و بنحبها وهى



فاكرة اننا مش عايزنها ياعيينى ..............







عين و صابتها





و عايزين ................................... .........





عايزين نيديها على................................ .......





خدها ................................... ............








بوسه ................................... ...........








وبالكف............................. ..............








على ................................... ..........









كتفها و نطبطب.............................. ...





و طبعا الغلطة عندنا لاننا مش بنشرح كويس





و طبعا المفروض نيديها............................





درس................................ .....................






خصوصى ............ خصوصى ....................





جدا ................... خصوصى ..............





خالص ..................




و الدرس ده ..................... عايز





فلوس ............................ قوم



ايه .............. قوم راح ...................................








الناس الطيبة دى .............. اللى هم فى




الحكومة الغلبانه دى ............ أى و الله




الغلبانه دى





قوم قالوا نخصخص البلد كلها عشان ايه فلوس





الدروس الخصوصى ديهه .........................





و آهه كله عشان الشعب ...............









فهمتوا ياشعب ................. ولاه عايزين درس



كمان............................... .........................



بس خلاص