اول مره طماطم...ساعدونى

[memoH]

السلام عليكم ورحمه الله وبركاته
بعد التعرف على المنتدى العبقرى بالصدفه واللى حمسنى جدا للزراعه قررت انى ابدأ بالطماطم من البذور
قمت بتجفيف البذور واشتريت بيتموس و زرعت البذور فيها من يوم 19/1/2014
لكنى لاحظت ان نموها بطىء ولما دورت فى المنتدى عرفت انى لازم اغطيها وحصل وفعلا نبتت
لكن بتواجهنى مشكله دلوقتى ان النبات وقف نموه عند حد معين وهو ورقتين بس ...انا مش عارفه المفروض اعملها ايه؟
او اصبر عليها قد ايه عشان تورق اكتر من كده ؟
وانقلها امتى؟
ارجو المساعده من حضراتكم لانى مصره ان انجح بإذن الله

[Msamy]

إن شاء الله تنجحى و ياريت ترفعى صور الشتلات

[memoH]

شكرا Msamy على اهتمامك ... دى صوره الشتلات على قد ما قدرت :)
http://www.2shared.com/photo/_9MXzjNv/20140126_154851.html

- -- - - تم تحديث المشاركة بما يلي - - - - - -

[محمد سكر]

السلام عليكم واضح من الصورة ان الاضاءة ضعيفة مما تسبب فى سرولة الشتلات وجعلها ضعيفة سهلة الكسر لابد من تعريض الشتلات لضوء شمس مباشر وحمايتها من برودة الليل لان الجو الان بارد جدا على شتلات الطماطم وخصوصا ليلاً يمكن بشكل مؤقت اخراج الشتلات فى مكان مفتوح من قبل الظهر بساعتين الى المغرب ثم ادخالها فى مكان دافئ ليلا وليكن داخل الشقة حتى تمر هذه الفترة ثم تترك فى مكان مفتوح ولابد من التسميد بعد ظهور اربع ورقات الى خمسة ورقات بالشتلة بسماد متوازن فى هذا الفترة من عمر الشتلات

[memoH]

استاذ محمد اشكرك على الرد
انا مش عارفه يعنى ايه سروله الشتلات بس من اول ما ظهر الورق وانا بعرضها للشمس كل يوم طول النهار وبتبات عالتلاجه طول الليل ....بس هى فعلا ابتدت تصفر وتضعف اعمل ايه عشان انقذها

[aahmed0055]

السلام عليكم
من خلال الصور واضح ان النبات معرض الى نسبة تظليل علية مع زيادة الرى اليومى فحدث لة ضعف فى الساق وحدث لة سرولة يعنى استطالة النبات يودى ذلك الى الضعف العام للنبات ويكون غض جدا ويكون عرضة للاصابة
http://dc581.2shared.com/img/_9MXzjNv/20140126_154851.jpg

المطلوب لة التقسية والعطش قليل ويعرض لاشعة الشمس مع رش الشتلات من حين الى اخر مبيدفطرى نحاس مثل الكوسيد او الرودميل مع التبديل مع العناصر الصغرىحتى يحدث نموات جديدة ولو فى استفسار او توضيح عليكى بالاتصال
وبالتوفيق ان شاء الله

[محمد سكر]

استاذ محمد اشكرك على الرد
انا مش عارفه يعنى ايه سروله الشتلات بس من اول ما ظهر الورق وانا بعرضها للشمس كل يوم طول النهار وبتبات عالتلاجه طول الليل ....بس هى فعلا ابتدت تصفر وتضعف اعمل ايه عشان انقذها


الموضوع ميسر ان شاء الله سرولة تحدث عندما لا يستقبل النبات قدر كافى من اشعة الشمس ولكن لن يكون هناك ضرر ان لحقنا الامر سريعاً ووضعنا النبات فى مكان تصل له اشعة الشمس بشكل جيد ولا نروى الشتلات الا عندما نجد التربة جفت بالفعل فلا نضع ماء والتربة مازالت رطبة ممكن يكون اصفرار الاوراق بسبب زيادة الرى

[memoH]

السلام عليكم ورحمه الله وبركاته
للاسف الشتلات دبلت وماتت :( لانى فعلا كنت بسقيها كل يوم وعرضتها للشمس اول ما ظهرلها ورق
بس لسه عندى بذور هاحاول مره تانيه واتلافى الاخطاء بأذن الله
اشكركم جميعا عالمساعده

[Msamy]

السلام عليكم ورحمه الله وبركاته
للاسف الشتلات دبلت وماتت :( لانى فعلا كنت بسقيها كل يوم وعرضتها للشمس اول ما ظهرلها ورق
بس لسه عندى بذور هاحاول مره تانيه واتلافى الاخطاء بأذن الله
اشكركم جميعا عالمساعده

بالتوفيق إنشالله

- -- - - تم تحديث المشاركة بما يلي - - - - - -

اللى على اليمين دى شتلات طماطم لسه زارعها ( الصورة من كام يوم ) و دلوقتى خليت فى كل شتله نبته واحده بس

حاولى مره تاني و ماتيأسيش

أعتقد إن ممكن البذره نفسها تكون ضعيفة أو التربة

http://f.zira3a.net/my-files/56953_01391665677.jpg (http://f.zira3a.net)

[فراس عرار]

السلام عيكم ورحمة الله وبركاته ... اختي العزيزة ....
قبل ان ابدا ..ساقول لمحة عن البندورة ( الطماطم )
البندورة من الخضرةات التي تحتاج الى اضائة عالية و حرارة وكما هو معروف فان نبات البندورة من النباتات الصيفية ... ولكن مع تطور الزراعة والسبل الزراعية اصبحت تزرع على طول السنة وبالتالي اصبحت تتواجد على مدار العام والسبب في ذلك اننا وفرنا لهاالظروف المناخية المناسبة لنموها الا وهي الحرارة والاضائة ... بواسطة البيوت المحمية او فيما يعرف بالبيوت البلاستيكية
ومن معوقات نموها حتى في البيوت البلاستيكية .... هو برودة الجو والذي نلاحظه في فصل الشتاء بانخفاض انتاجها ..... اختي العزيزة انصحك بعمل صوبة صغيرة الحجم للنباتات التي تزرعينها ..لاننا في الوقت الحالي نعاني من فارق كبير بين درجات الحرارة في الليل والنهار الامر الذي يؤثر على نموها وبشدة ..... مع مراعاة ... عدم زيادة رطوبة التربة بشكل كبير الامر الذي يؤدي الى اصابتها في الامراض الفطرية وغيرها والتهمية ... بالاضافة الى التهوية في النهار ....ان قررتي عمل صوبة ..او فيما يعرف ببيت بلاستيكي صغير .

[memoH]

بالتوفيق إنشالله

- -- - - تم تحديث المشاركة بما يلي - - - - - -

اللى على اليمين دى شتلات طماطم لسه زارعها ( الصورة من كام يوم ) و دلوقتى خليت فى كل شتله نبته واحده بس

حاولى مره تاني و ماتيأسيش

أعتقد إن ممكن البذره نفسها تكون ضعيفة أو التربة

http://f.zira3a.net/my-files/56953_01391665677.jpg (http://f.zira3a.net)

ماشاء الله أستاذ Msamy شكلهم يفرح ربنا يباركلك فيهم انا مايئستش زرعت البذور تانى فى بيتموس بس هل اعرضها للشمس من قبل ماتزهر ولا استنى لما يظهر من البذور اى حاجه مع العلم انى حطاها فوق التلاجه من يومين

[Msamy]

من الضرورى تعريضهم للاضائه
و سوف اصورك لكى الشتلات بعد كبر حجمها
و انشالله تجدى نتائج طيبه

[memoH]

السلام عليكم ورحمه الله وبركاته
دى صوره الطماطم الجديده من يومين كده هى دلوقتى فتحت اكتر وبقت ورقتين مفتحين وهاحط الصور الجديده قريب ان شاء الله

8095

[Msamy]

السلام عليكم
زى ماوعدت حضرتك
جبتلك صور الشتلات بعد نموها
بكره إنشالله بنقلها للأصص الكبيرة

http://f.zira3a.net/my-files/56953_01392484372.jpg (http://f.zira3a.net)