هل الزرع فى البلكونة له علاقة بتواجد حشرة البورص اللعين كل يوم اجد بورص فى البلكونة متخفى ورا الزرع

[ايهاب بهجت]

فضلا المساعدة يا اخوة لان المشكلة دى كانت موجودة بس كل فترة متباعدة اجد بورص واقتله الان اصبح كل يوم اجد بورص كبير كمان
اليوم وجد بورص صغير داخل الشقة وهرب منى تحت الاثاث ولا اجده
هل الزرع فى البلكونة هو سبب تواجد البرص مع العلم ان مفيش اى شئ فى البلكونة غير شوالى الزرع يعنى مفيش زحمة فى البلكونة؟
هل الشيح فعلا يمنع تواجده؟ لان بعض الاخوة فى المواقع الاخرى قالو الشيح للعقارب والثعبان وليس للبورص؟
هل قشر البيض فعال فى طرده؟
اسف للازعاج بس المشكلة دى مزعجة جدا

[محمد سكر]

السلام عليكم

ممكن اخى فعلا تكون النباتات لها دور بشكل غير مباشر لان تواجد النباتات بشكل كبير يعتبر عامل جاذب للحشرات والابراص تتغذى على الحشرات وبالتالى تتواجد الابراص ولكن ليس شرطاً

[ايهاب بهجت]

طيب اية الحل وهل الشيح فعلا غير مفيد للبورص؟
وهل قشر البيض مفيد؟
رجاااااء الى مر بتلك المشكلة يساعدنى

[محمد الصارف]

يمكنك زراعة نباتات نفاذة الرائحة بين نباتاتك لطرد الحشرات و الزواحف
على سبيل المثال السذاب و مسك الليل و ايضا الريحان كما يمكنك وضع شيح بلدى فى صرة من القماش الشفاف الخفيف بين معلقة بين المزروعات

[ايهاب بهجت]

انا فعلا كانت عندى ريحانة ماشاء الله كبيرة وكانت تنتج البذور وفعلا مكنش فيه ولا بورص وفعلا بعد ما قمت باهداء احد اقاربى تلك الريحانة ظهر البورص
انا زرعت ريحان بذور من اسبوعين تقريبا وهو الان فى مرحلة الانبات البطىء وذلك لبرودة الجو
جزاك الله خيرا اخى وسوف اجرب الشيح