اول مرة زراعة الورد البلدى

[fatma_fares]

السلام عليكم ورحمه الله وبركاته

هذه اول مشاركة لى فى هذا المنتدى وقد اشتركت به لانى وجدت انكم "بسم الله ماشاء الله" خبرة فى مجال الزراعة

وكنت اود المساعدة منكم فلقد اشتريت امس نبتة ورد بلدى وفى نفس التربة فل وياسمين وهى شتلة جديدة اخذتها من بائع الورد هى مثل الصورة ولكن كان بها اربع وردات حمراء اللون قصصتها بالامس ورويت التربة فى الفجر بكوبين او ثلاث من الماء وهى الان مثل الصورة لم تطرح ورد وكان هناك وردة فل قطفتها بالامس ولم تنبت اخرى اليوم


فماهى المدة المفروض ان ينبت بها الورد او الفل ؟

افيدونى فانا اول مرة وخائفة ان تهلك منى وجزاكم الله خيرا7643

واسفة على الاطالة وشكرا

[ياسمينه]

اولا اهلا وسهلا بيك وسطنا

بالنسبه للورد احنا فى دخول فصل الشتاء والنبات هتحصل له حاله يكون فى الشتاء يعنى مع الاسف متتوقعش ورد او فل فى الوقت ده

لسه فتره على دخول الربيع يعنى شهر مارس باذن الله

وبالنسبه للميه تسقى فى البرد مرتين فى الاسبوع الورد والفل يحب الجفاف اكتر

وفى فصل الصيف او مع ارتفاع درجات الحراره ممكن تسقى يوم بعد يوم

والسقايه انك بتزود ميه لغايه لما تخرج من فتحات الاصيص السفلى

بلاش سقى ميه كتير لان ده ممكن جدا يضر النبات

موفق ان شاء الله

[fatma_fares]

شكرا جزيلا لرد حضرتك واهتمامك

بس ممكن اسال سؤال تانى هو صاحب المشتل اداهانى فيها اربع وردات وقالى قبل كده لما اتفقت معاه عليها انها كل يوم حطلع وردة واقطفها

هو ده صح ولا انا كده فهمت غلط وهو مقليش على انها حتقعد شهور عقبال الورد التانى لما يظهر وقالى لازم اقطف الورد عشان نمو الفرع لا يقف وتنمو ازهار من جديد

معلش اعذرينى انا مبتدئة وكنت عايزة افهم كويس لان النباتا بالنسبة ليا بتعنى حياة انا مسئولة عنها

وجزاكم الله خيرا
وكل عام وحضرتك بصحة وخير

[شيمو حنه]

السلام عليكم اختى اهلا بكى فالعالم الاخضر اه اختى لازم تقطفى الورده علشان بتاخذ من غذاء الشجره وهذا يقلل من انتاج الشجره للورد لان الزهره ستتحول لبذور فهمت اختى وبارك الله لكى

[كاردينا]

السلام عليكم اريد ان اشارككم هذه المعلومة وافيدوني اذا كانت صحيحة اختي العزيزة
الورة لاتنتج زهرة كل يزم بل تاخذ عدة ايام لانتاج زهرة ثانية اضافة انها تمر بفترة من الركود عند تغيير المكان عليها
اضافة الى ان المكان الجديد هل هو معرض لضوء الشمس المباشر على اقل تقدير ساعتان في اليوم في ايام المعتدلة الحرارة
اضافة الى الاصيص هل حجمه مناسب وان النبتة تتناسب مع حجمه
واخيرا اتمنى لك الموفقية

[fatma_fares]

اسلام عليكم ورحمه الله
شكرا لكم على اهتمامكم ومعلوماتكم القيمة


شكرا لك اخت "شيمو حنة" انا فعلا قطفتها اول يوم جبتها وتقصدى بان الوردة بتتحول لبذور يعنى باستخدمها تانى ولا ايه ؟ معلش انا اسفة ازعجتك

اخت "كاردينا " شكرا لردك وهو منطقى جدا بالمناسبة وهذا ما ابلغت به صاحب المشتل بان بلكونتى بها "تاندة" وان الشمس لا تدخلها مباشرة .
بس بعد ماقريت هنا فى المنتدى انها لازم تتعرض للشمش عدة ساعات حطتها على صور البلكونة بس الكلام ده بعد يوم من شراءها

انا خايفة بس عدم ظهور اى زهور ان يكون فيه حاجة غلط ,هو قالى اسقيها كل يوم فى الصيف ويوم بعد يوم فى الشتاء وادانى معاها سماد "منشط نباتات" وقالى احطه كل شهر مع انه مكتوب عليه كل اسبوع بس انا قلت اكيد بيختلف من نبات لاخر انا سقيتها تانى يوم شراءها وفوت يوم وسقيتها النهاردة بما اننا لسه مدخلاناش الشتاء

فيه اوراق بدأت تجف واوراق متاكلة فهل ده عشان اختلاف المناخ ؟ ارجوكم افيدونى

وشكرا لكم وجزاكم الله خيرا

[كاردينا]

السلام عليكم اختي العزيزة
انا عندي ورد بلدي زرعة في مكان يصله فقط شمس الصباح وقد قرات عنه انه يفضل السقي اليومي او الرش بماء على الاوراق وقمت بقطف ازهاره كي يدفع وفعلا بعد اسابيع بداء بلازهار مرة ثانية

[fatma_fares]

شكرا لكى اخت " كاردينا " سأخذ بنصيحتك ^_^*

جزاك الله خيرا

[شيمو حنه]

السلام عليكم بارك الله لكم حببتى ع هذه المعلومات وما اجمل الورده الجوريه البلدى