استشاره بخصوص زراعة ارض صحراويه

[hazeeeeem]

السلام عليكم ورحمة الله
الاخوة الكرام كل عام وانتم بخير
انا عندى استفسار وارجو التفاعل .. عندى قطعة ارض فى طريق اسيوط الصحراوى الغربى
وعايز ازرعها ملوخيه على سبانج على بقدونس و اى خضروات زى دى ..
والسؤال :
هل هحتاج كم طمى كبير افرشه فى الارض ؟
وهل يصلح الرى لمثل هذه الخضروات نظام شبكات التنقيط ؟؟
وايه اللى ينفع يتزرع فى الارض دى من انواع الخضروات ..؟؟

اشكركم وجزاكم الله خيرا

[el3osemy]

انا عندى ارض على نفس الطريقولسه مبتدئ جدا فى الموضوع بس اللى اقدر افيدك فيه انك تاخد عينة مياه وتربه تحللهم اول حاجه فى اى معمل تحاليل الموضوع ده هيفيدك قوى فى البدايه وهتحتاج تعمل مصدات رياح تحوط المزرعه يعنى بكافور او كازورين او اى شجر زى كده وتبتدى تشتغل فى الزراعه والحاجات اللى انت سئلت عنها هتلاقى لكل حاجه موضوع خاص بيها فى المنتدى اكتب فى جوجل اسم الموقع وجنبه اسم النبات اللى انت بتستفسر عن كيفية زراعته وان شاء الله هتلاقى كل اللى بتسئل عنه وحاول يبقى فيه انتاج حيوانى من اى نوع يساعد معاك فى الاول هيصرف عليك لكن بعد كده هيشيل عنك مصاريف كتير .... وربينا يوفقك للى فيه خير ليك ان شاء الله

[hazeeeeem]

شكرا جزيلا ليك اخي الكريم ،، هي الحقيقه الارض مش كبيره ولا حاجه دول هما فدان ونص بس .. انا اصلا اخدتهم عشان انشأ مزرعة دواجن بأذن الله .. وانا الحمد لله اخدتها من سنه بالظبط وفي خلال السنه دي ربنا اكرمني وبنيت عنبر الدواجن ومخزن واستراحه شخصيه وزرعت كام شجره كده .. بس طبعا مشروع تسمين الدواجن مشروع مكلف ومش هين .. فا انا قولت اتوقف شويه لحد ما ربنا يكرم واستكمل المشروع .. وانا مابقي عندي من مساحة الارض بعد بناء العنبر والاستراحه وخلافه حوالي فدان الا ربع تقريبا .. فافكرت اني ازرعهم اي حاجه .. لأني برضو بحب الزراعه رغم اني لسه حديث عهد بيها :) .. هي الارض هناك ( جيراني اقصد ) زارعين زيتون ورمان وجوافه وبصل وطماطم ،، وكل ده شغال كويس معاهم .. بس انا بفكر في زراعة انواع تانية من الخضروات زي البطاطس او البدنجان او الملوخيه وكده ،،، اه صحيح الارض بتاعتك فين بالظبط ؟

[hazeeeeem]

ماحدش هيشارك باى افاده يا جماعه ؟؟؟؟؟؟؟؟؟

[aahmed0055]

السلام عليكم
لك منى كل التحية والتقدير ومرحبا بك فى موقع زراعة نت
انا لية وجهة نظر لو حابب تنفزها انا افضل فى الوقت الحالى تزرع كرنب يابانى طبعا فى الوقت الحالى بعد تحليل التربة والمياة جميع الزراعات الاخرى تحتاج الزراعة تحت الانفاق وعشان المساحة صغيرة حتى لا ترتفع المصاريف لو دخلت فى اشياء اخرى
تقبل تحياتى

[hazeeeeem]

انا شاكر مرور حضرتك يا بشمهندس .. بس ده اجيبه منين وينفع معاه رى التنقيط ؟
تحياتى

[aahmed0055]

انا شاكر مرور حضرتك يا بشمهندس .. بس ده اجيبه منين وينفع معاه رى التنقيط ؟
تحياتى
فى مشاتل زراعية اكتير فى المنيا ولو غير موجود الصنف هات البزرة ونزلها المشتل ولو لم تعثر عليها انا عندى مشتل بالخطاطبة لجميع انواع شتلات الخضار اقدر اوفر لك البزرة او الشتلة ان شاء الله وبالنسبة للزراعة طبعا ينفع معاة رى التنقيط او الغمر
تقبل تحيانى

[mrdmohamed]

نصيحتي لك ان تقوم بزراعة الارض الان بصل ذهبي في هذا الشتاء وعلي نفس المصاطب بعد تقليع البصل في شهر 5 تقوم بزراعة خيار صيفي وسيكون جمعه ان شاء الله في رمضان القادم وسيكون سعرة مرتفع

هذا راي في الفترة الحالية وان شاء الله ربنا يوفقك للخير

[سامر عياش]

السلام عليكم ورحمة الله وبركاتة عيد مبارك...وبعد
انا جديد في المنتدى الكريم واتمنى من يساعدني بالرد على سؤالي هل ترقيد الهوائي للشجرة يحاجة للتطعيم
نعم ام لا . وشكرا

[aahmed0055]

السلام عليكم ورحمة الله وبركاتة عيد مبارك...وبعد
انا جديد في المنتدى الكريم واتمنى من يساعدني بالرد على سؤالي هل ترقيد الهوائي للشجرة يحاجة للتطعيم
نعم ام لا . وشكرا لالالالالالالالالالالالالالالالالال الالالالالالالالالالالالالالالالالا لالالالالالالالالا

[mahamed216]

ازراع اشجار احسن علشان النباتات الحولية محتاجة متابعة كتير الاشجار سريعة والعناية هتكون محدودة خصوصا اشجار المانجو بس اهتم با ضافة التسميد العضوى