اين افضل مكان لزراعة المانجو في مصر؟

[محمد ابو يونس]

اين افضل مكان لزراعة المانجو الكيت في مصر؟
. ارجو المساعدة

[unique21170]

بالنسبة للمناخ تزرع فى اى حتة فى مصر
بالنسبة للمياه يفضل 300 جزء فى المليون طالما بتسال افضل
بالنسبة للارض جيدة الصرف خالية من الملوحة مستوى الماء الارضى اكثر من 2 متر
قريبة من مصادر التسويق و على طرق ممهدة "
توافر العمالة الرخيصة بصفة مستمرة ضرورى
اعذرنى سؤالك غريب انت معاك شتلة كيت و بتدور على ارض و لا معاك ارض و عايز تزرعها " لو فاكر الموضوع عائده خرافى على فكرة العائد بتاعها مش زى ما هو مكتوب فى معظم المنتديات و لا حتى مصاريفها زى ما هو مكتوب برضه" و رغم كده البلد كلها بتزرع كيت دلوقتى و انا منهم" :)

[MAGDY ABD RABO OSSELY]

اين افضل مكان لزراعة المانجو الكيت في مصر؟
. ارجو المساعدة

الأخ الكريم محمد
يمكن زراعة المانجو فى أى مكان فى مصر بشرط أن يكون الصرف للتربة جيد ولا توجد مشكلة فيه ويفضل ألا تزيد ملوحة مياه الرى فكلما كانت مياه الرى عذبة كان أفضل لنمو أشجار المانجو إلا أنها تحتاج لمعاملات فنية هامة يجب أن يقوم بها من لديهم خبرة فى المانجو وتربيتها خاصة فى السنوات الأولى لبناء هيكل شجرة قوى قادر على حمل الثمار وتغطيتها من أشعة الشمس كما تحتاج لعمليات خاصة مثل إزالة الشماريخ الزهرية المبكرة بهدف أن يكون الحصاد فى شهرى أكتوبر ونوفمبر حتى يأتى هذا بعائد إقتصادى جيد ليعوض تكاليف الزراعة والعمليات
والله الموفق