مشكلة فى نبات الفل

[mustafa kamal]

السلام عليكم ورحمة الله وبركاتة
ظهرت اصفرا الاوراق والنقاط البيضاء فى كثير من الاوراق وعلى طول ساق النبات وبدات الكثير من الاوراق فى التساقط اريد اعرف ما هذا واعرف الحل واسف لو الصور مش واضحة
http://imageshack.us/a/img138/4161/9s0c.jpg
http://imageshack.us/a/img401/7420/ulpi.jpg
http://imageshack.us/a/img534/3277/xzs7.jpg
http://imageshack.us/a/img41/8655/2mlt.jpg
http://imageshack.us/a/img9/1517/dwys.jpg
http://imageshack.us/a/img43/413/qw4r.jpg
http://imageshack.us/a/img821/6735/hx5p.jpg

[اشرف جعفر]

السلام عليكم
--- اهلا بك اخى العزيز مصطفى نورت منتدى زراعه نت .
--- من الافضل وضع نبات الفل فى ضوء الشمس المباشر وتسميده بال NPK والانتظام معه بالري وحتى يستعيد عافيته .
--- كما يمكنك تنظيف الساق والاوراق من الحشرات التى عليه تفرك باليد بهدوء وتزال ودون جرح الساق وليتك ترفق صوره اوضح .
صوره للنبات عندى فى الشمس المباشره من الشروق وحتى الساعه 4 بعد العصر .
http://img197.imageshack.us/img197/278/ct5w.jpg
​تحياتى

[ياسمينه]

اتصاب نباتى بنفس الحاله

وعملت محلول من ميه وصابون حوالى معلقه وملح معلقه صغيره ورشيت بيه الاوراق المصابه


وبعدها بيومين شات كل الاوراق المصابه بالاصفرار ده وظهرت اوراق جديده بسرعه جدا وحالته فى تحسن

واكيد زى ما قال الاخ اشرف لازم يتعرض الفل للشمس المباشره مش اقل من 4 ساعات فى اليوم

موفق

[mustafa kamal]

بسم الله ماشاء الله اشكر مساهمة حضرتك وبالفعل نظفت الساق والاوراق من الحشرات الى حضرتك قلت عليها وتخلصت من 80% منها الى كانت على الساق وكانت تطلع على شكل قشور بيضاء في منتصفها نقطة سوداء وكنت اريد ان استفسر عن السماد عن صورتة اى مكان بيعة لانى هاوى فى الصف الثانى الثانوى ليس لدى خبرة

- -- - - تم تحديث المشاركة بما يلي - - - - - -

شكرا لمسهمتك كنت عاوز حضرتك توضحلى اكتر صابون اية وعلى قد اية ميه ؟؟ وشكرا

[ياسمينه]

الصابون صابون سائل عادى جدا اى صابون بيستخدم لغسيل الاطباق

معلقه منه +معلقه ملح صغيره + ميه كتير حوالى نص لتر ميه

وبالنسبه للسماد الى استاذ اشرف قال عليه هتلاقيه فى منطقه باب الخلق عند مديريه الامن

اسمه npk او 20\20 وسعره فى حدود 15 او 20 ج

بتحط معلقه سماد صغيره على لتر ميه وتسقى به النبات كل 15 يوم

[mustafa kamal]

بشكر حضرتكوا مرة تانية وهحاول ابحث على السماد لانى ساكن اخر جسر السويس عند مطار القاهرة فصعب ليا انى هروح وكمان الاحداث الى بتحصل فى الشارع

[ياسمينه]

مش لازم انك تسمد النبات دلوقتى خالص

انت ممكن تستعوض عن السماد بقشر بيض مطحون ومعاه معلقه سكر

او بواقى الشاى والقهوه مفيده جدا للنبات

وممكن جدا تسقى النبات بماء محلول فيه شويه سكر

وفى جسر السويس جنبك فى حديقه الميرلاند فيه مشاتل اسمع ان هى كويسه جدا ورخيصه ومتوافر فيها كل شئ لو قريبه ممكن تشترى

او ممكن برضه تنتظر شهر كده وبعدين تشترى

موفق ان شاء الله