ما هي الخضراوت الصالحه للزراعه في هذا الموسم

[hend]

السلام عليكم ورحمة الله وبركاته
انا جديده في مجال الزراعه وعايزه ازرع خضرورات في البيت علشان استفاد منها
فعايزه اعرف في الموسم الي احنا فيه ده ممكن ازرع ايه وازاي ازرعه ؟
جزاكم الله خيرا

[ياسمينه]

ممكن تزرعى جرجير او ملوخيه او شبت وطماطم وفلفل

لو انتى فى القاهره انزلى عند باب الخلق الشارع الى جنبها مليان محلات بذور تشترى منهم وهما يفيدوكى في الحاجات دى

موفقه

[hend]

شكرا ليكي ياسمينه
اروح باب الخلق ازاي ؟

[ياسمينه]

طيب هو انتى فى القاهره

باب الخلق دى منطقه الحسين والموسكى

لو انتى فى القاهره اسالى اى حد عن مكنا مديريه امن القاهره هى الشارع الى جنبها على طول لو معرفتيش قولى مكانك فين وهحاول اوصفلك

[hend]

لا للاسف مش من القاهره
بس ممكن لما انزل اجيب

[ياسمينه]

خلاص دى سهله جدا لما تنزلى القاهره اسالى اى حد على مكان مبنى مديريه امن القاهره وهناك اسالى على محلات البذور

هتلاقى محلات كتير اوى يمكن اشهرهم واحد اسمه حراز

وبرضه فيه محلات تانى جنبه بتبيع بذور للنباتات مستورده ومحليه كيس البذور بحوالى من 5 ج ل 7

بالتوفيييييييق

[روحي الورد]

هل الجو عندكم في مصر مناسب للزراعة الان

- -- - - تم تحديث المشاركة بما يلي - - - - - -

هل الجو عندكم في مصر مناسب للزراعة الان

[ياسمينه]

انا سالت مهندس زراعى قالى تقدرى تزرعى فى اى وقت فى السنه ومفيش ادنى مشكله

طالما النبات بيحصل على رطوبه كفايه واهتمام ورعايه

والحراره فى مصر دلوقتى معقوله جدا اقصى درجه حراره الايام دى 36 او اقل شويه مش حر شديد

وانا شخصيا زرعت ونكا وعرف الديك وابو خنجر ولوف وفلفل ولسه هزرع تانى قرنفل و بيتونيا

[hend]

شكرا لك كتير طيب ممكن تنصحيني باني اشتري ايه ؟

[ياسمينه]

بصراحه انا مش عارفه هو حضرتك حابه تزرعى ايه ؟؟؟؟؟؟؟ انا مجربتش انى ازرع اى خضروات بصراحه قبل كده رغم انى واخده كورس فى الزراعه المائيه

عموما انتى ممكن تبدأى بحاجات بسيطه مثلا جرجير او شبت حاجات صغيره وبرضه ممكن تاخدى فكره عن طريقه التشتيل وزراعه باقى الخضروات من المشاركات هنا فى المنتدى

[aahmed0055]

معلومة للجميع انا البذور الموجودة فى باب الخلق معظمها كاسل وليست هجين ممكن بقة تحددى طلبك للبائع هناك انك ترغبى او تريدى زراعة اصناف هجين حتى يفهم ابائع هناك انك فهمة واسعار الهجين طبعا غالية او اسعارها مرتفعة على حسب كل صنف اتمنى لكى التوفيق

[hend]

عايزه ازرع خضراوت ابدا بالحاجات السهله في الزراعه علشان استخدمها في البيت

- -- - - تم تحديث المشاركة بما يلي - - - - - -

شكرا لك طيب يعني ايه بقي هجين ؟ واغلي قد ايه يعني ؟

[شيمو حنه]

السلام عليكم حببتى واهلا بكى ف عالم الزراعه واللون الاخضر انتى من مصر حببتى المحاصيل والنباتات التى تصلح الان كما قالت ياسمينا ولكن ايضا البميه والذره الرفيعه نصيحه اختى الخضراوات ك جرجير والشبت الشتاء لها افضل فى الزراعه اما كيف المجئ بهم سهل ولا تسفرى ولاحاجه اقرب عطار عندكم والى عوزه هيعطيكى ان شاء الله اومن السوق هتجدى ان شاء الله انا افعل ذلك وعينى لكى شكرا

[hend]

وعليكم السلام ورحمة الله وبركاته شكرا ليك كتير والله انا نفسي اتشجع في الموضوع ده
انا جربت الجرير والشبت والكزبره بس للاسف كان بينمو صغير خالص ومات في الاخر
وبما انك حضرتك بتقولي الافضل الشتا فخلاص
ممكن ازرع دلوقتي البميه بقي اجيبها بذور وبعدين هعمل فيها ايه ايه المقاس المناسب للاصيص والخطوات وكده معلش هتعبك معايا

[شيمو حنه]

السلام عليكم عيد سعيد انتى لا تتعبينى بصى اصيص كبير يستحسن علشان البميه تكبر انا زرعته ولسه طلعه والله يبارك لكى ولنا وانا تحت امرك وامر اى حدمن الاخوه ع حد علمى شكرا السقيه حسب الحاجه

[akrammhmad]

الرجاء أفراغ البريد الخاص شيمو حنا لأان الرسائل لا تصل

[hend]

وعليكم السلام ورحمة الله وبركاته
وعيد سعيد عليكي انتي كمان
معلش اسفه علي الاسئله الكتير
شكرا ليكي