المساعد الشخصي الرقمي

مشاهدة النسخة كاملة : الميكروباص فوق الراس



mesry
12-11-2007, 10:59 PM
فى بلدنا عمدة همام قلبه على البلد و أهل البلد ، هو ميسور الحال طبعاً لأنه العمدة و بيته دايماً عمران من خيرات البلدوفى يوم خطر له ان يمر على أهل البلد ليرى احوالهم و طبعاً فى لمح البصر أحضر شيخ البلد الحمارة الميرى المخصصة لركوب العمدة و تم رش كل شوارع البلد بالماء وتزينت البلد استعداداً لمرور الموكب ، و مر العمدة وشاهد وسمع من الاهالى مشاكلهم ومعاناتهم و ان الارض الزراعية الموجودة أصبحت لا تكفى لأطعام أهل البلد ، طبعاً العمدة رجع لدواره مهموم ، أصله العمدة ولازم يشوف حل ، وبعد تفكير وتمحيص قرر شراء عشرين ميكروباص ، ونادى على شيخ البلد لفرض ضرائب على اهل البلد ضرائب على المزارع و على من يشترى من المزارع و رسم مرور للمزارع كلما ذهب أو عاد أصل المزارعين هم اللى بيشتغلوا بس فى البلد ، ونجح العمدة فى شراء الميكروباصات ووضعها أمام الدوار ، فى اليوم الاول ازداد فخر العمدة بنفسه عند رؤية الميكروباصات وقرر جمع كل العاطلين فى الدوار وخطب فيهم خطبة عصماء زلزلت الجميع و أبكتهم ،اصل خلاص يا جماعة البلد هيبقى فيها شغل كتير وهنعدى من عنق البلاص ، و فى اليوم التانى جاء شعراء القرية وأشعروا ألأشعار فى حكمة العمدة وفى جمال الميكروباصات و وفى اليوم الثالث امر العمدة بتجميع المزارعين من الحقول ليشهدوا الاحتفال بإنجازاته العظيمة ،و مررررررررررررررررررررت السنوات ومازال العمدة يحتفل يومياً و طبعاً من الانشغال فى الاحتفالات نسى يشغل الميكروباصات و بارت الاراضى وجاع الناس و لكن من ستر ربنا ان السكة الحديد بتمر فى قلب البلد لتنقل إليها بقايا البلاد المجاورة و إلا كان زمان الناس ماتو و الله معاك ياعمدتنا ونشيلك فوق الراس ومعاك قلوبنا ومع الميكروباص .

ابوخضره
12-11-2007, 11:49 PM
كلام كبير كبير كبير ومعانى كبيرة من كاتب يعرف كيف يطوع الفكرة لخدمة الهدف

حمادة
13-11-2007, 11:58 AM
كلام جامد مش كبير بس

gamal amin amin
08-01-2008, 06:50 PM
انا فاهم قصدك يااخى يا مصرى
وربنا يسترها معاك

شيبو
08-01-2008, 11:42 PM
كلام جميل جميل جميل جميل بس علي قد ما هو جميل هو خطير خطير خطير
بس موضوع تستحق عليه التقدير