أحتاج معلومات عن الزراعه على السطح

[h_hafiz]

بسم الله الرحمن الرحيم
انا سعيد جدا بأول مشاركة ليا فى المنتدى الممتاز دة وحاب موضوع الزراعة فوق السطح اوى وعاوز استفيد منه واربى اولادى على الاهتمام بالنبات من صغرهم
اولا :- انا مهندس كمبيوتر يعنى مليش فى موضوع الزراعة دة خالص ( بس حابب الموضوع اعمل اية؟؟؟:heyu::heyu: )
عندى السطح عامل فيه حوضين متبلطين رخام ومعزول بتومين ( بلاك ) واحد كبير والتانى صغير على كام جردل كبيرقول 10 او 15 جردل
مساحة الحوض الكبير تقريبا 3م * 80 سم عملق 25 سم
مساحة الحوض الصغيرتقريبا 1.2م * 80 سم عملق 25 سم
الشمس بتطلع عليهم طول اليوم
وباقى السطح متغطى بالبوص فى اشعة الشمس غير مباشرى بس وجودة طول اليوم
وان شاء الله ارفعلهم صور توضيحية
عندى رمل باقى من المبانى ( نظيف مفهوش اسمنت ولا تراب )
اقدر كمان اجيب طين من ارض خصبة جنب منى وكمان فية صوب لوزارة الزراعة قريبة منى اقدر اشترى منها الشتلات وكمان كلية الزراعة جامعة عين شمس الى فى المظلات قريبة منى برضة
الاسئلة الى عندى بقى :-
انا قريبت فى المنتدى ان زراعة الاسطح بتكون بالبتموس
1- الافضل البيتموس فى الخصوبة ولا الطين لو متوفر واية الى يميز البيتموس عن الطين او العكس فى البيتموس؟
2- الخضروات او النباتات الى اقدر ازرعها بسهولة واستفيد منها فى شهر 6؟
3- طريقة اختيار الشتلات؟ وافضل اماكن بيعها ( بالقرب من شبرا الخيمة )
4- المبيدات الى ممكن احتجها واماكن بيعها ( لو مش موجودة فى كلية الزراعة القيها فين )
5- الادوات الى هحتجلها ( فاس - جرار هههههههههههههههه )
6- مواعيد رش الزرع بالماء ( اى وقت ولا وقت معين )
7- الاسمدة المستخدمة واماكن بيعها

وانا برضة من نحيتى هدور فى المنتدى على الاسئلة دة واتمنى مشاركتم

[Echo]

السلام عليكم
المهندس الفاضل h_hafiz
اليكم الرابط التالى به كل الاجابات عن أسألتكم
فهو يحتوى تجربه متكامله من الألف الى الياء

http://f.zira3a.net/t31419

وصاحب التجربه يسكن قريبا منكم
المساحة المتاحة عندكم ممتازة ويمكنكم التواصل مع صاحب التجربة عن طريق ارسال رساله خاصة
اليه وأظنه لن يبخل عليكم بالتوجيه والنصيحة
أسأل الله أن تفيد منه
وفى أمان الله

[nadmondo]

بعد صباح الخير عليك اخى......
منذ فترة واتابع مواضيع المنتدى وتعلمت كثيرا عن زراعة الاسطح وخاصة من موضوع الاخ محمد سكر
وانا منذ فترة اقوم ببعض المحاولات البسيطة والغير منظمة وبها اخطاء احاول عدم تكرارها فى كل تجربة وساوضحها لك حتى لا تقع فيها:
1-استعملت الطمى الحقلى وقمت باضافة الرمل عليه
والخطا هنا اننى لم اقم بغسيل الرمل جيدا مما ادى الى حدوث تيبسات فى التربة بعد ذلك عند جفافها....ولزيادة كمية الرمل اصبحت التربة غير جيدة مما اضرنى لعلاج ذلك باضافة الجير والمزيد من التربة الطينية الصفراء
كما ان استعمالى التربة الطينية ادى الى ظهور الكثير من الحشرات و الافات الزراعية..
ولاتنسى ان الطين يمثل ثقل على السطح
لذلك نصيحتى لك ان تبتعد عن استعمال الطمى وحاول اللجوء الى البيئات الصناعية مثل البيرليت وغيره
واما عن النباتات اللى ممكن تزرعها فمثلا من الخضروات يمكنك زراعة ...الفجل والجرجر والبقدونس والملوخية و نبات الرجلة فى الاحواض حيث ان العمق 25 سم ممتاز لهذه النباتات
واستعمل سلك شبكة لتغطية النياتات لا الطيور ستاكلها بمجرد ظهورها
وما عن الرى فحاول الاتترك الترية تجف بصورة تؤذى النبات وتوقع ان يكون الرى يوميا واحيانا مرتين فى اليوم فى الصيف
وما عن البذور فهى فى منطقة تحت الربع خلف مدرية الامن بعد العتبة.......وانا تعاملت كثيرا مع شركة القرمة فى ميدان الاوبرا بالعتبة
واما عن المبيدات فلم استعملها من قبل وكنت اقبل بخسارة بسيطة فى النياتات .....ولكن احاول هذه الفترة تجربة محلول الفلفل الحار والثوم لظهور المن
واخيرا تذكر ان الرياح لها دور هام فى التاثير على النباتات فحاول حماية النباتات منها
اتمنى لك التوفيق..........