فوائد التطعيم فى مستقبل الزراعة [الأرشيف]

مشاهدة النسخة كاملة : فوائد التطعيم فى مستقبل الزراعة

aahmed0055

18-01-2013, 10:37 PM

اخوانى السلام عليكم
اقدم لكم موضوع اليوم بأذن الله
تعالى موضوع التطعيم
ليما لة من فوائد كثيرة جدا منجميع الجوانب
كلمة تطعيم تعنى تركيب صف مميزعلى صنف اشد تميزا"
ويتم اختيار الصنف المراد التطعيم علية
لتحملة اغلبية الامراض التى يعانى منها المزارع
وتعود هذة العملية وهى(التعطعيم) على المزارع بفوائد عدة منها:-
1- امكانية تكرار الزراعة وخصوصا" فى الاراضى القديمة
2- التغلب على امراض التربة
3- التوفير فى عدد الشتلات المستخدمة (يتم استخدام ثلث عدد الشتلات المستخدمة من قبل)
مثال
زراعة البطيخ الغير مطعوم عددشتلات الفدان من 1800 الى 2000 شتلة
فى حالة المطعوم عدد الشتلات من700 الى 800 شتلة
4- انتاج عالى دون التغير فى مواصفات الثمار
5- تقليل كمية السماد المستخدمة من قبل فى الاصناف الاخرى
6- تقليل التكلفة المادية فى سعر الشتلات
ارجو ان تعم الفائد على الجميع
تحياتى

اسعدالفقى

27-01-2013, 09:36 PM

aahmed0055

27-01-2013, 11:44 PM

مشكور اخونا العزيز م شوقى ابو عزيز
وان كان لى تعليق بسيط على المثال السابق فيما بخص البطيخ حيث ان البطيخ المطعوم يباع بسعر اقل من البطيخ الغير مطعوم واصبح غير مرغوب فية رغم انى اتفق معك تماما فى الكمية وحجم الثمار الغير مسبوق حيث تمتاز الثمار بالحجم الكبير لكن تتغير مواصفات الثنار من ناحية اللون الداخلى ومذاق الثمار
وايضا سعر الشتلات المطعومة ااغلى بكثير عن سعر الثمار الغير مطعومة فهى نسبة متناسبة بين العدد والسعر بمعنى سعر شتله البطيخ المطعوم مثلا قد تصل الى اكثر من 1 جنية اى ان الصينية لا يقل ثمنها عن 200 جنية للصينية ال209 ولكن فى الغالب يتم تحضينها كما تعلم انها تحضن فى صوانى 84 عين مما يجعل سعرها 85 جنية تقريبا ولو نظرنا الى ذلك فيكون السعر مرتفع جدا
ولكن الموضوع عموما شيق ويستحق الشكر والتقدير
تحياتى لك

اشكر م اسعد الفقى على التعليق
ولكن احب انا اوضح شئ للمهندس اسعد
انا جميع الارضى اغلبها اصبحت قديمة وكثرت بها المشاكل سواء كانت ارضك تملكها فيصعب عليك ايجار ارض فيكون مرتفع ايجار الارض البكر فالشتلات المطعومة تغلبت على المشكلة نظر" لوجود اصناف من الخضار لابد ان تزرع فى ارض بكر مثل بعض اصناف الكانتلوب
وان اضريت تزرع فى لاراضى القديمة تواجة مشاكل امراض التربة فالشتلات المطعومة تغلبت عليها
والانتاج فى الاراضى القديمة بنفس الاصناف يقل اكيد فالشتلات المطعومة تغلبت عليها
وبالنسبة لاسعار الشتلات المطعومة حتى لو كانت زيادة فى الاسعار قليلة او الضعف
انظر الى الكم من المشاكل التى يصعب حلها فالشتلات المطعومة حلت المشكلة
وبالنسبة لبيع الانتاج فى السوق هو عرض وطلب مثال ذلك
الطماطم فى السوق من اجود الاصناف وسعر القفص 15ج ويمكن اقل
اسعار البطيخ كانت فى العام الماضى كانت يعنى لا تزكر وكان اغلبها الاصناف الغير مطعومة هى ليست بشرط مطعومة او غير مطعومة
اسعار شتلات البطيخ المطعوم
سعر العود الواحد 2.5 ويكفى الفدان شتلات 700 نبات
بيكون تكلفة الفدان شتلات = 1750ج
واسعار شتلات البطيخ سكاتا
يكفى الفدان شتلات عدد 10 صنية بعدد 209 شتلة يعنى بيكون عدد الشتلات 2000 شتلة
وسعر الصنية 85 جنية
بيكون تكلفة الفدان شتلات = 850 ج
نعم انا تفق معاك ان هناك فى فرق مادى فى اسعار الشتلات
ولكن بتوفر عليك مشاكل اخرى لو حبيت ان تحلها او تعالجها سوف اتصر وتكلف اضعاف اضعاف
وهناك شى اخر البطيخ المطعوم يوفر او يقلل فى استهلاك التسميد المعدنى
ولكن تعليقك ودخولك على موضوعى
يستحق الشكر والتقدير
تحياتى لك

اسعدالفقى

29-01-2013, 09:22 PM

اخونا المهندس شوقى
حياك الله وبياك
ونسال الله ان يهدينا واياكم ان شاء الله
اما بعد
فبخصوص تعليق حضرتك
فلى تعليق محدد
وهو ان العدد سيكون كما هو وليس 700 نبات
اى ان تكلفة الفدان ستزيد وليس لقوة النمو الخضرى اى تاثير فيما يخص ذلك وانما التطعيم هنا فى نباتات البطيخ لها صفة كبر حجم الثمار وليس تقليل العدد
والثانى كما اسلف الطعم معروف وغير مرغوب الا انه يقضى كما تفضلتم حضرتك على المشاكل بالمياة او التربة او الامراض
ولكن التكاليف تزيد
فلقد قلت انا ان العود ب1 جنية بل حضرتك قلت ان العود 2.5 جنية يعنى سيكون الامر مكلف
والله المستعان

aahmed0055

30-01-2013, 08:15 AM

اسعدالفقى

30-01-2013, 11:25 AM

كايروتريد

30-01-2013, 12:11 PM

موفق ان شاء الله وفي تقدم دائما في كافه المجالات

اسعدالفقى

30-01-2013, 02:30 PM

اخى العدد هو 700 نبات
وطريقة الزراعة هى طريقتين
الاولى
2 متر * 3 = 6 على 4200 مساحة الفدان= 700 نبات
الطريقة الثانية
1.5 * 4 = 6 على 4200 مساحة الفدان = 700 نبات
وارد ان يكون هناك ترقيع ووارد الا يكون وهذاحدث بالفعل اغلبية المزارعين لم يحدث عندهم ترقيع
ولو حدث ودة طبعا وارد على جميع الاصناف سواء خضار او فاكهة
بالنسبة لزيادة التكلفة انا معاك بس فى هناك زيادة انتاج وهناك كمان علاج لعدة مشاكل ان وجدت فى الارض القديمة ودة اكيد
وعشان تعالج ارض قديمة شوف هتصرف كام وهتعمل شبكة بكام من جديد
نسئل الله الهداية والتوفيق لنا والى عامة المسلمين

اخونا الفاضل مهندس شوقى
ايضا كما تعلم ان اهم سبب من اسباب التطعيم وكما قلت التغلب على مشاكل التربة اى ان الاصل الحقيقى والهدف من وراء التطعيم هو تحميل صنف جيد الانتاج وغزير بطبيعته على صنف مقاوم وهذا هو الهدف الست تتفق معى فى ذبك
وبناا علية فلا جدوى من تقليل عدد النباتات بالفدان ولكى تكتمل الفائدة لابد من ان يكون الصنف مقاوم او الاصل والطعم غزير والعدد اكثر للحصول على انتاجية اعلى وحجم اكبر وبالتالى الفائدة المرجوة وفقنا الله واياكم

aahmed0055

31-01-2013, 12:31 AM

الاخ المهندس شوقى
بخصوص العدد فهو عدد قليل جدا ولو طرحنا سؤال اخر
بناءا على هذا العدد كم يكون انتاج الشتله الواحدة
حتى يتم تعويض او مقارنتها بالاخر ى
اما ان يتم الزراعة بين شجيرة البطيخ والاخرى 2 متر على نفس الخرطوم فهذا امر مبالغ فية لسبب واحد
اولا وبناا علية كيف يتم حساب المقنن السمادى لهذة المساحة هل ستكون على اساس المساحة ام على اساس العدد
ثانيا هل بهذة الطريقة سيتم الزراعة فى العام الثانى بنفس المحصول
ولو تكرمت ببرنامج لهذا النظام المتباعد الجور نكون شاكرين ومقدرين مجهوداتكم فى النهوض بالشتلات المصرية

مرحبا" أخى المهندس اسعد
الطرح المتعدد للاسئلة من المهندس الزراعى اسعد الفقى هل للحصول على معلومة ام استعراض والمفروض يكون الطرح من مزارع وليس من متخصص
ما علينا نقول من الاول تانى
عدد الثمار فى البطيخ سكاتا هجين المطعوم من 5 الى 6 ثمار الوزن من 8 الى 12 كيلو
عدد الثمار فى البطيخ سكاتا هجين العادى من 3 الى 5 ثمار والوزن من 5الى 8 كيلو
اعتقد يوجد فرق
بالنسبة للتسميد تحسب على عدد النبات فى كل الحالات سواء كان طماطم او شطة او فلفل حتى لو كانت الزراعة داخل الصوب
االاحتيجات السمادية لكل نبات
تبدء من مراحل الشتل ويكون النبات على الورقة الرابعة الحقيقية
تبدء من 5 جرام احتى تصل الى 20 جرام خلال شهرين من الزراعة
للنبات الواحد
تحياتى

- -- - - تم تحديث المشاركة بما يلي - - - - - -

اخونا الفاضل مهندس شوقى
ايضا كما تعلم ان اهم سبب من اسباب التطعيم وكما قلت التغلب على مشاكل التربة اى ان الاصل الحقيقى والهدف من وراء التطعيم هو تحميل صنف جيد الانتاج وغزير بطبيعته على صنف مقاوم وهذا هو الهدف الست تتفق معى فى ذبك
وبناا علية فلا جدوى من تقليل عدد النباتات بالفدان ولكى تكتمل الفائدة لابد من ان يكون الصنف مقاوم او الاصل والطعم غزير والعدد اكثر للحصول على انتاجية اعلى وحجم اكبر وبالتالى الفائدة المرجوة وفقنا الله واياكم

نعم اتفق معك فى البند الاول
والبند الثانى
بالنسبة لصنف البطيخ سكاتا يعتبر من اجود الاصناف فى الاسواق المصرية سواء فى الزراعة والانتاج والتسويق ولكن الزيادة فى الانتاج طبعا شئى مرغوب الى اى شخص
وفى هذة الحالة توصلو الى حل مشاكل التربة وزيادة الانتاج فى نفس الوقت بالتطعيم
كما حدث فى التطعيم فى شجر الفاكهة وتطور الوضع ومازال فى تطور لحل مشاكل التربة والتغلب على الامراض
تحياتى

اسعدالفقى

31-01-2013, 07:34 PM

اخونا
الاستاز شوقى
انما اردت من الطرح للاسئله ان يستفيد الزوار والاعضاء
وساجيب عليك ايضا بناءا على كلامك

فى حاله البطيخ الهجين العدد 700 شتله انتاج الشتله الواحدة بنعتبرها 6 ثمار وسنعتبر الوزن 12 كجم
وبذلك يكون اجمالى الفدان بالوزن هو 6 ثنار ×12كجم =72 كجم
وبماءا علية فان انتاج الفدان =72 كجم ×700 شتله = 50400 كجم اى بواقع 54 طن اليس هذا ماتقصدة

طيب الى هنا اعتقد متفقين
هيا بنا الى النقطة الاخرى
عدد النباتات فى الفدان سنعتبرها فقط 1400 نبات اى على مسافة 1متر بين النبات او الشتله والاخرى
وبذلك يكون العدد 4200 ÷3متر =1400 شتله
متوسط انتاج الفدان = نفترضها 5كجم
وعدد الثمار 5 ثمار بافتراض اننا سناخذ كل شسء من المتوسط الذى كتبته حضرتك
فيكون كمية انتاج الفدان = عدد الثمار ×زن الثمار =5 ثمار ×8 كجم =40 كجم
فالناتج لدينا يكون هو 1400 شتله ×80كجم 112000 كجم اى حوالى 112 طن
وبناءا على ذلك يكون البطيخ السكاتا بدون تطعيم وحتى لو اعطى اقل من ذلك بكثير فلن يتكلف الكثير
برجاء اعادة الحسبة مرة اخرى لتعم الفائدة للجميع
والموضوع ليس استعراض بقدر ان الناس تثق فى كلامنا لذا لابد ان يكون واقعيا ليس اكثر
ودعنى اسأل حضرتك سؤال فى صميم الموضوع
ما الفرق بين التهجين والتطعيم
ارجو الاجابة لتتضح الامر اكثر وما معنى كلمه قوة الهجين
بارك الله فيك مهندسنا الهمام

aahmed0055

31-01-2013, 11:20 PM

اخونا الاستاذ اسعد
نحن فى خدمة المنتدى والسادة الاعضاء والاخوة الزائرين للمنتدى الكريم
والغرض من الموضوع هو توضيح فقط للزائرين والموضوع ليس بجديد يمكن يكون جديد على النت
بس فى الواقع ليس بجديد
بالنسبة لزراعة البطيخ المطعوم يزرع من حوالى تقريبأ 4سنوات
والمساحة المزروعة من الصنفين الهجين والمطعوم سنويا" ما يقرب 7000 فدان على مستوى الجمهورية
ونصيب البطيخ المطعوم من هذا الرقم ما يقرب من 2500 فدان يعنى مساحة مش صغيرة
وكان اختيار المزارعين والمهندسين للصنف بغرض الانتاج والتخطى والتغلب على الامور الاخرى وليس من الاساسى انى ازرع فى ارض بها مشاكل عشان اظهر قدرة الصنف ويا حبزة لو تمت الزراعة فى ارض بكرة طبعا المردود هيكون افضل الخلاصة الموضوع ليس بجديد على الواقع وانما
هو طرح واعطاء خلفية لمن يريد ان يخوض التجربة على الواقع
المهم انا تقدمت وطرحت انا عدد الشتلات البطيخ المطعوم فى الفدان 700 شتلة وعدد الثمار فى النبات الواحد بتتراوح من 5 الى 6 ثمار ووزن الثمرة
الواحدة من 8 الى 12 كيلو
هنقول متوسط عدد الثمار كاحد ادنى 5 ووزن الثمرة كاحد متوسط 10 كيلو
يبقى هيكون انتاج الفدان = 700 *5 = 3500 ثمرة فى الوزن 10 كيلو = 35000 كيلو
لو تم البيع بالبطيخة الواحدة هيكون سعر البطيخة الواحد متوسط سعرها 7 جنية جملة التى وزنها 10 كيلو
هيكون ايرادات الفدان = 3500 * 7 = 24500 جنية فين حين تكلفة الفدان كاملة حتى الجمع لا تتعدى 14500 جنية حتى الجمع هتكون الارباح واحضة
ولو نفترض تم البيع بسعر الكيلو جملة 75 قرش
هتكون ايرادات الفدان او البيع = 35000 كيلو * 75 قرش = 26250 جنية وهتكون الارباح واضحة .......... تمام
ننتقل
نقطة حضرتك بتقول الفدان 1400 نبات ليس من مصلحة النبات لان الكثافة فى البطيخ هيقل الانتاج وهتنتشر الامراض الفطرية وخاصة البياض الدقيقى والزغبى مع قلة العقد بسبب كثافة النبات والنمو الخضرى الشديد ............ تمام
بالنسبة لعملية التهجين والتطعيم
التهجين هى عملية بتم من جهة اصحاب شركات البذزور خارج مصر وتحديدأ" فى جنوب افريقيا اغلبها بتم هناك ولكن فى مناطق اخرى هتقولى اية السبب بتم هناك
بقول اسباب كثيرة جدا منها رخص اليد العاملة ومنها العوامل الجوية ومنها الخدمات الاخرى .............. تمام
التهجين : هو زرع صنفين مع بعض يحملو نفس الصفات لكى يتم استخراج الجيل الاول منهم (عملية دمج)
او هى عملية تمج نوعين مختلفين لكى اطلع بصنف ثالث نتيجة عن طريق الجينات الوراثية للصنفين
او على حسب التحديد من العملية ممكن استخرج صنف اخر تماما متخلف الصفات

بالنسبة لعملية التطعيم
اختيار صنف مميز فى الصفات والانتاج والتبكير فى الانتاج لكى يتم تركيبة على صنف اخر وهو الاصل لكى يتحمل مشاكل التربة من امراض وخلافة
ارجو ان اكون او ضحت
وانا فى غاية السعادة من الطرح المباشر ودائرة النقاش التى تعود على الجميع
تحياتى

اسعدالفقى

01-02-2013, 12:34 PM

وعليكم السلام اخونا شوقى
ماتقدمت به من شرح جيد ولكن
كنا نامل ان تعطينا صافى الربح ايضا لفدان سكاتا منزرع بدون تطعيم لكى تتم المقارنه وانت قلت ليس شرط ان يزرع فى ارض قديمة مهنى هذا ان هناك تناقض فى الكلام الخاص بالموضوع
ولكن عموما نامل ان تعطينا اوجه مقارنه كامله بين الصنفين او الطريقتين
البطيخ سكاتا المطعوم
والبطيخ سكاتا غير المطعوم
على ان تشتمل اوجه المقارنه الاتى
1- موعد الزراعة للنوعين
2- عدد الشتلات للنوعين فى الفدان
3- متوسط انتاج الفدان للنوعين
4- برنامج التسميد وكمية السماد للنوعين
5- الامراض المحتمل الاصابة للنوعين
6- مسافات الزراعة للنوعين
7- افضل انواع الاراضى للنوعين
9- تكاليف الزراعة للنوعين
10- المناطق التى تجود فيها زراعة البطيخ فى النوعين
11- الصفات التسويقية لثمار فى النوعين
***
واخيرا لم تجيب على سؤالى
ماهو المقصود بكلمة ( قوة الهجين ) فهى التى ستفصل الموضوع
اشكرك جدا على سعة صدرك والله المستعان

aahmed0055

01-02-2013, 06:26 PM

لا يوجد تضارب و تناقض ولا شئى انا بقول مش لازم بالتحديد انى ازرع الصنف المطعوم فى الارض القديمة ان وجد او اطريت لذلك يعنى مثال عندى 100 فدان ارض قديمة وعندى 100 فدان ارض بكر انا ازرع فين دلوقتى ازرع فى الارض البكر
طيب لو عندى ارض قديمة ومفيش البديل الغى موضوع الزراعة يبقى كدة انا عارف مميزات الصنف انة متحمل مشاكل التربة يبقى كدة ازرع وانا مطمن
هذا ما اقصدة
بالنسبة للطرح لاسئلة حضرتك الكثيرة والمتعددة
كل سوال من دول عاوز موضوع كامل وانت واحد من الناس عارف الكلام دة وبعدين شوف واحد لسة تلميذ واعرض علية الاسئلة دى
وبعدين انت بتتكلم فى اية حضرتك تعترض او توافق لا يفيد شئ فى الموضوع عشان الناس بتزرع البطيخ من سنين وعارفة الانتاج والتسميد وخلافة وبتتكلم عن الامراض اللى اصغر مزارع يعرفها وعدد الشتلات للصنفين وتكلمنا عليها فى اول الموضوع والصفات التسويقية كل المزارعين يعرفها حضرتك بتعرض اسئلة لا دخل لها فى النقاش دة يعنى مش عاوز اقول يعنى ................................
وبعدين لما حضرتك تزرع ان شاء اللة ارض خاصة بيك سوف اضع لك برنامج التسميد وكمان هقلك على الاراضى التى يجود بها زراعة البطيخ

وكمان عاوز تعرف ما المقصود بقوة الهجين يا سلام هو دة الفيصل فى اية بالظبط
انا لو فعلن عارف انت محتاج الاجابة كنت جوبتك بس انت بتسئل سوال فى صميم عملى وانت بتستعرض نفسك مش للمعلومة
انا فى تم الاستعداد انى اوصل المعلومة الى اللى محتاج المعلومة

سلام يا مهندس اسعد

اسعدالفقى

01-02-2013, 07:41 PM

اخونا الفاضل مهندس شوقى
اعتقد ان صدرك قد ضاق بالاسئله
وان كان كل المزارعين عارفين التسميد والمميزات والعيوب فما فائدة الموضوع من الاصل اذن
لكن اعتقد ان الموضوع بدأ يأخذ شكل غير لائق وانت لم يتسع صدرك
وانا انما اناقشك لفائدة الناس
وان كنا لانفيد الناس فما فائدة المنتدى
لكن ما كنت انتظر ان يضيق صدرك وهذا له سبباب
السبب الاول انك احتمال قد لاتعلم حقا"
والثانى وهو ان كنت تعلم وتكتم فهذا اثم كبير
اما موضوع انى اشوف واحد تلميذ فهذا يعنى ان حضرتك استاذ وتعلم الاجابة وتكتمها او ان الاسئله سهله للغاية
اعدك ان تكون هذة اخر مشاركة فى هذا الموضوع ولكن تذكر انك لم تجيب على استفساراتى والله المستعان
بس ابقى هدى نفسك شوية

aahmed0055

01-02-2013, 08:09 PM

تحياتى ليك يا مهندس اسعد مواضيعك كفاية لتعليم الناس
بس انا شايف ان اسئلتك مش فى محلها احنا منتكلم حول موضوع معين ومعروف فى البداية
حضرتك تشعبت ودخلت فى مواضيع اخرى مينفعش الواحد يتكلم فيها على الماشى كدة لازم تكون موضوع كامل .
وبعدين المزارع المصرى من قديم الزمان كان يزرع من على النت وكمان كان يسمد من على النت لا نضحك على انفسنا
احنا وغيرنا مجرد سبب
وبعدين موضوع صدرى ضاق عشان رى يعنى لكل فعل رد فعل
انا شايف ان اسئلتك خارج نطاق الموضوع
تحياتى الكريمة ليك يا مهندس

اسعدالفقى

01-02-2013, 09:37 PM

السلام عليكم ورحمة الله وبركاته
ان كان المزارع لا يزرع من على النت ولا يسمد من على النت فلماذا منتدى زراعة نت
لا اجد الا انى اكتفى بقرارك فى الاجابة والله الموفق

م/شلبي سعيد

01-02-2013, 10:52 PM

السلام عليكم ورحمة الله وبركاتة

اخواني الافاضل
لقد تابعت الموضوع من البداية

واشكر المهندس القدير شوقي علي المعلومات
واتقدم بالشكر ايضا للمهندس اسعد الفقي

لقد استفدنا كثيرا من النقاش الحار جدا
لدرجة انني بحثت كثيرا
ووجدت كم المعلومات المستفادة من الطرح والنقاش الدائر بينكما
معلومات قلما نجدها علي المنتديات

مثل عدد الثمار والخف والتربية وخلافة

فشكرا لكما علي الافادة للجميع

ولا تنسيا اصدقائي ان اختلاف العلماء رحمة

تقبلا مودتي واحترامي

ونتمني من القائمين علي المنتدي تثبيت الموضوع لاهميتة والمعلومات التي يحتويها

خالص مودتي
ابو منة

aahmed0055

01-02-2013, 11:34 PM

يا اخى الفاضل اسعد
المنتدى يتداول المعلومة للجميع
وليس من الضرورى ولا اساسى عشان ازرع انى اتجة الى النت وليس تقليل من شأن العظماء والعلماء الموجودين على النت
وقد تم توصيل المعلومة للجميع من اول الموضوع
والهدف واضح من التطعيم
وكل قاعدة لها شواز وهنا المميزات اكثر من العيوب
اصل حضرتك بتعترض على حاجة الجميع يعمل بها فى الفاكهة والخضار وليس بجديد على الناس ولا على المزارع
الموضوع هدفة واضح وهو التطعيم ومميزاتة
وليس الزام على المزارعين ان يعملو بة
الشكر والتقدير للمهندس اسعد الذى استخدم الموضوع لاظهار براعتة الجبارة فى الطرح وعرض مناسب ودخل الموضوع فى اكثر من اتجاة
تحياتى
لكل مزارع ولكل مستثمر ولكل مهندس شاهد الموضوع

اسعدالفقى

02-02-2013, 12:15 AM

اشكر الاخ المهندس شلبى سعيد على المداخله
والشكر موصول للاخ الاستاز شوقى
وان شاء الله لكم منى موضوع كامل بالصور لتطعيم البطيخ جديد جدا وحصرى جدا ومميز جدا وموضوع متكامل الاركان والمقارنات بالدليل والصور وعرض كمية الثمار لاكثر من 12 ثمرة لاكثر من 90% من بطيخ سكاتا فى الشتله الواحدة بدون تطعيم
تحياتى لكم والله الموفق والمستعان

aahmed0055

03-02-2013, 09:47 PM

انا اتمنى ان يكون نصف العدد المذكوررررررررررررررررررررررررررررر ر
واسئل الله التوفيق
تحياتى

اسعدالفقى

03-02-2013, 09:53 PM

ان شاء الله اكتر من العدد المذكور تحياتى

aahmed0055

03-02-2013, 10:21 PM

http://oi49.tinypic.com/15mo785.jpg (http://oi49.tinypic.com/15mo785.jpg)

اسعدالفقى

03-02-2013, 11:06 PM

http://oi49.tinypic.com/15mo785.jpg (http://oi49.tinypic.com/15mo785.jpg)

اخى شوقى بعد نصف ساعة من الان ان شاء الله سيكون على المنتدى وفى هذة الصفحة فيديو لى انا شخصيا لبطيخ جيزة 1 وهو صنف اقل بكثير من سكاتا
وعلى الشتله الواحدة اكثر من 7 ثمرات بل 8 ثمار غير التزهير الموجود وهذا الفيديو حاجة بس كدة الى حين الانتهاء من هذا الموسم الذى ازرع فية الان اكثر من 23فدان سكاتا
وكما وعدتك هاننزل الفيديو ونتفرج ونستمتع مع بعض ان شاء الله لعلنا نفيد الاعضاء والزوار
ان شاء الله فلا تغادر الموقع استحلفك بالله

- -- - - تم تحديث المشاركة بما يلي - - - - - -

[SIZE=4]

http://oi49.tinypic.com/15mo785.jpg (http://oi49.tinypic.com/15mo785.jpg)

اتفضل يا مهندس شوقى
حاجة كدة علبال ماتفرج لبطيخ جيزة 1 اللى هو اقل من سكاتا
اتفرج وقولى لى رغم ان البطيخ دا مزروع كمان فى مزرعة ملوحة المياة بها 1800 جزر فى المليون واشجار الخوخ تم تركها نظرا لو جود النيماتودا بالتربة كمان
وبدون ملش او انفاق وفى وقت متاخر جدا وكل دة هاتشوفة بنفسك فى الفيديو

http://www.youtube.com/watch?v=Xv9QWpkFj00

berkelots

03-02-2013, 11:42 PM

اسعدالفقى

03-02-2013, 11:50 PM

السلام عليكم باشمهندسينا

في الحقيقة اسعدتمونا بهذا النقاش الذي افاد الجميع الغير متخصص في هذا المجال .... وان كان الباشمهندس اسعد طرح الفيديو الذي لا يدعو مجال للشك في تشكيك في قدرتة العلمية لكي يجعل هذا الصنف العادي يطرح هذا الكم من الثمار الذي لا يستطيع ان يطرح البعض بهذا الكم من الهجين الياباني... فما ادراكم بالهجين الياباني معة .. اعتقد بعد الفيديو الامر اصبح لا يحتاج الي مزيد من البراهين او اثارة اي نقطة حول هذا الخبير بالامر الذي اثبت بنفسة انة خارج اطار المسائلات

اشكرك على كلامك الرقيق ومرورك الكريم على المشاركات التى تم ادراجها بالموضوع وان شاء الله سيكون الفيديو القادم لبطيخ سكاتا كما وعدتكم باذن الله واخص بالوعد الاستاز شوقى حتى تكون البراهين كامله بهذا الخصوص واتمنى ان يسعدنا بمواضيعة الشيقة التى تعودناها منه دائما
بارك الله فيكم اخوانى الاعزاء
كما يسعدنى مشاركنكم على هذا الرابط للمشاهدة لصور بطيخ جيزة ايضا

صور توضيحية للبطيخ صنف جيزة 1 للفائدة - منتدى البيوت المحمية الزراعية (http://www.alrasheed-group.net/forums/showthread.php?t=3732)

aahmed0055

04-02-2013, 10:25 PM

والله بجد انا نفسى نفسى اصدق الفديو
كما تعلم انا نبات البطيخ متشابك ومتداخل مع بعض الواضح انا عدد الثمار الاكثر من نبات وكمان حتى الصور الموجودة على الرابط انا الكمرة بتصور افضل شئى والموجود فى الصور عدد 3 بطيخة فى نبات وكمان فى 4 بطيخة فى نبات اخر
وهذا الصنف غير مرغوب بالمرة فى السوق هو يباع بارخص الاسعار فى السوق المحلى وفى القرى وحتى لو كان فى النبات عدد 20 بطيخة هو النبات او الام لها عمر معين وتكون غير قادرة على تسوية الباقى يأتى فى النهاية لوكش صغير جدا تباع البطيخة ب 50 قرش وفى مزارعين لا يعطو لة اهتمام
ممكن اطرح سوال وانا ها اجوب علية
ماهو مواصفات التسويقية للثمرة والمرغوبة للعميل فى السوق االمصدر او السوق المحلى
لون الثمرة اخضر داكن ومرغوب للعميل
حجم الثمرة فى منها متوسط وكمان حجم عائلى
لون الداخلى احمر داكن مرغوب ومشوق للجميع
نسبة السكر تكون عالية والكل يعلم ذلك
وهذة المواصفات المذكور فى الفديو او فى الصور غير .......
حتى بطيخ سكاتا العادى والمطعوم
بيكون فى الثمرة ما يقرب من 15 بطيخة وازهار ونمو خضرى عالى ومميزات اخرى اكتير
بس يا اخوانى انا عاوز الحاجة الفعلية والملموسة للجميع والى المزارع هو العدد اللى احنا تكلمنا علية فى الاول
لان البطيخ المدى اقصير جدا مجرد ظهور علامات الاستواء يعتبر كدة خلاص والباقى مجرد حشو
مثال للتوضيح
هل جميع ازهار الطماطم التى تخرج من النبات هى التى تجمعها فى النهاية او اى نبات اخر مثل الخيار او الكوسة
يا اخوانى
فى اصناف من الطماطم بيون المعدل الطبيعى للانتاج فى النهاية من 30 الى 40 طن والشركة المنتجة بتقول كدة والبرشور الخاص بيقول كدة
نيجى عند الفعل يحدث امر اخر مش معنى كدة ان الشركة كاذبة لالالالا طبعا
هناك عوامل مؤثرة على الانتاج ممكن من الارض ممكن عوامل جوية ممكن رش حشرى او فطرى زيادة يسقط الازهار او زيادة تسميد مع ارتفاع درجة الحراة
كل الامور دى عوزة تنظيم
وفى حاجة تانى يا اخوانى
نسبة الاملاح فى الارض 1800 جزء فى الميلون ومع التسميد هتصل كام وهو المعروف ان القرعيات حساسة جدا لاملاح التربة والمياة
وكمان الارض فيها نيماتودة اصلا اصلا الطماطم لا تصلح ان تكون فى هذة البيئة
ومن المحتمل ان يكون البطيخ جيز دة يكون مطعوم يبقى كدة ممكن مع حجم الثمار يبقى كدة فى توافق بس فى النهاية عدد البطيخ سكاتا العادى والمطعوم
كما قلت فى السابق
والمفروض عشان نحدد عدد معين نحدد على نبات واحد من جميع الجوانب ونوضح العدد للجميع الواضح فى الفديو متشابك ومختلط وفى الصور العدد واضح 3 بطيخة
وبعدين عند اختيار نبات معين للتصوير اختار افضل نبات ولا يكون اختيار نبات متوسط
يا اخوانى دى رسالة ولازم ننقلها لكم بأمنة حتى لا يخدع المزارع او المستثمر وراء ارباح وبعد ذلك تكون الامور مظلمة
احنا بنتكلم على انتاج متوسط للنبات على اقل الامور ولو زاد يبقى خير وبركة
انت مرتبط بعوامل جوية وخلافة هى التى تحدد معاك انتاج مرتفع او منخفض بجانب اختيارك للصنف والارض والمياة وبرنامج المكافحة
ارجو الا يكون هناك خلاف على شئ انما ارت ان اوضح
واختلاف الاراء لا يفسد للود قضية انما كل هذا النقاش من اجل المزارع والمستثمر ان شاء الله سوف تعود علية بالخير
تحياتى للجميع
وبالتوفيق لجميع الاخوة

اسعدالفقى

04-02-2013, 11:26 PM

[QUOTE=aahmed0055;233298]
والله بجد انا نفسى نفسى اصدق الفديو
كما تعلم انا نبات البطيخ متشابك ومتداخل مع بعض الواضح انا عدد الثمار الاكثر من نبات وكمان حتى الصور الموجودة على الرابط انا الكمرة بتصور افضل شئى والموجود فى الصور عدد 3 بطيخة فى نبات وكمان فى 4 بطيخة فى نبات اخر
وهذا الصنف غير مرغوب بالمرة فى السوق هو يباع بارخص الاسعار فى السوق المحلى وفى القرى وحتى لو كان فى النبات عدد 20 بطيخة هو النبات او الام لها عمر معين وتكون غير قادرة على تسوية الباقى يأتى فى النهاية لوكش صغير جدا تباع البطيخة ب 50 قرش وفى مزارعين لا يعطو لة اهتمام
ممكن اطرح سوال وانا ها اجوب علية
ماهو مواصفات التسويقية للثمرة والمرغوبة للعميل فى السوق االمصدر او السوق المحلى
لون الثمرة اخضر داكن ومرغوب للعميل
حجم الثمرة فى منها متوسط وكمان حجم عائلى
لون الداخلى احمر داكن مرغوب ومشوق للجميع
نسبة السكر تكون عالية والكل يعلم ذلك
وهذة المواصفات المذكور فى الفديو او فى الصور غير .......
حتى بطيخ سكاتا العادى والمطعوم
بيكون فى الثمرة ما يقرب من 15 بطيخة وازهار ونمو خضرى عالى ومميزات اخرى اكتير
بس يا اخوانى انا عاوز الحاجة الفعلية والملموسة للجميع والى المزارع هو العدد اللى احنا تكلمنا علية فى الاول
لان البطيخ المدى اقصير جدا مجرد ظهور علامات الاستواء يعتبر كدة خلاص والباقى مجرد حشو
مثال للتوضيح
هل جميع ازهار الطماطم التى تخرج من النبات هى التى تجمعها فى النهاية او اى نبات اخر مثل الخيار او الكوسة
يا اخوانى
فى اصناف من الطماطم بيون المعدل الطبيعى للانتاج فى النهاية من 30 الى 40 طن والشركة المنتجة بتقول كدة والبرشور الخاص بيقول كدة
نيجى عند الفعل يحدث امر اخر مش معنى كدة ان الشركة كاذبة لالالالا طبعا
هناك عوامل مؤثرة على الانتاج ممكن من الارض ممكن عوامل جوية ممكن رش حشرى او فطرى زيادة يسقط الازهار او زيادة تسميد مع ارتفاع درجة الحراة
كل الامور دى عوزة تنظيم
وفى حاجة تانى يا اخوانى
نسبة الاملاح فى الارض 1800 جزء فى الميلون ومع التسميد هتصل كام وهو المعروف ان القرعيات حساسة جدا لاملاح التربة والمياة
وكمان الارض فيها نيماتودة اصلا اصلا الطماطم لا تصلح ان تكون فى هذة البيئة
ومن المحتمل ان يكون البطيخ جيز دة يكون مطعوم يبقى كدة ممكن مع حجم الثمار يبقى كدة فى توافق بس فى النهاية عدد البطيخ سكاتا العادى والمطعوم
كما قلت فى السابق
والمفروض عشان نحدد عدد معين نحدد على نبات واحد من جميع الجوانب ونوضح العدد للجميع الواضح فى الفديو متشابك ومختلط وفى الصور العدد واضح 3 بطيخة
وبعدين عند اختيار نبات معين للتصوير اختار افضل نبات ولا يكون اختيار نبات متوسط
يا اخوانى دى رسالة ولازم ننقلها لكم بأمنة حتى لا يخدع المزارع او المستثمر وراء ارباح وبعد ذلك تكون الامور مظلمة
احنا بنتكلم على انتاج متوسط للنبات على اقل الامور ولو زاد يبقى خير وبركة
انت مرتبط بعوامل جوية وخلافة هى التى تحدد معاك انتاج مرتفع او منخفض بجانب اختيارك للصنف والارض والمياة وبرنامج المكافحة
ارجو الا يكون هناك خلاف على شئ انما ارت ان اوضح
واختلاف الاراء لا يفسد للود قضية انما كل هذا النقاش من اجل المزارع والمستثمر ان شاء الله سوف تعود علية بالخير
تحياتى للجميع
وبالتوفيق لجميع الاخوة[/QUOTE

ممكن بس توضح اللى انت معترض علية يعنى انا كنت مصور الفيديو لحضرتك مخصوص
اعتقد لا والدليل اننا بنتناقش الان وهو ليس وقت لاى محصول للبطيخ نهائى يعنى حصرتك انا مش مجهز الفيديو ولا عامله علشان اقنع سعادتك
وعموما اناعارف كمان لو عملت فيديو وكان فية الف بطيخة مش هاتصدقة ولو جبت الاذاعة واتليفزيون اكيد برضة هايكون متفبرك ومتجهز من زمان انتهى عهد مبار ك اقصد عهد الفبركة

اما عن صنف جيزة فانا نزلت الفيديو علشان اقول وقولت انه اقل صنف ومش باشكر فية بس قولت بالحرف الواحد اذا كان دا انتاج جيزة 1 فماباك بانتاج سكاتا

ودا رابط الموقع للشركة المنتجة
home (http://www.egaseed.com/arabic/10_1.html)
ممكن يكون متفبرك هو كمان
بس اخيرا عاوز اقول لحضرتك ايه المقصود بقوة الهجين
لو جاوبت عليها ها اعترف بحضرتك
وسوف اكمل معاك المناقشة
وياريت تنزل لنا فيديو عن البطيخ يثبت عكس ما اقول ويكون طبعا لحضرتك او حتى عن تطعيم البطيخ ويكون لحضرتك
واخيرا اشكر سعة صدر حضرتك
وسلامى لحضرتك واى خدمة لحضرتك

لانى مفهمتش حاجة من كلام حضرتك ولو حد فاهم يقول ويرد على حضرتك
ودى كمان اخر مشاركة ها ارد فيها على حضرتك واكتب اى حاجة حضرتك خلاص معدش ينفع انى اناقش حضرتك علشان ما اضيعش وقت حضرتى

م/شلبي سعيد

04-02-2013, 11:36 PM

الاخوة الافاضل يبدو ان الموضوع اتخد اتجاها اخر غير لائق بالمهندسين المبجلين

لن يستطيع القارئي والمتصفح ان ياخد المعلومة بهدة الطريقة التي اجدانها بعيدة كل البعد عن دور المهندس الزراعي

نتمني من الاخ اسعد والاخ شوقي
عدم الدخول في اشياء تفسد للود قضية

خالص الود والتحايا