البليلة والعاشورة

[bakynam]

كل نسة وانتم طيبين بمناسبة عاشورة وطبعا تبعا لعاداتنا فى هذا اليوم بنعمل عاشورة ولكن لا تنسوا صيام التاسع والعاشر من محرم وربنا يعينا جميعا على الصوم
كجم من القمح منقى جيدا ثم يغسل وينقى فى ميه مغليه مدة ساعة ونضع عليها 3/4كوب رز نرفعها على النار تغلى حوالى 1/4ساعة ونغلق النار ونضع عليها سكر للتحلية طبعا هنكون بالليل والصبح نجدها تفتحت واستوت نزودها باللبن نحجز شوية لو حبتى علشان تتشرب صباحا لما الولاد يرحوا المدرسة ويرش عليها جوز هند وقرفة طبعا حسب الرغبة (البليلة )
العاشورة :ناخذ الجزء الباقى ونضع عليه نشا الى ان يكون القوام سميك بعض الشىء ونضع مية ورد او فانيليا حسب الرغبة وجوز هند وزبيب وتغرف الاطباق ويرش على الوش جوز هند وقرفة وزبيب ومكسرات وتوضع فى الثلاجة ونعطى الجيران والاصدقاء وكل سنة والامة الاسلامية بخير

http://www.m5zn.com/image.php?&img=9308d31c7af8730.jpg


http://www.m5zn.com/image.php?&img=d26e21dc9800980.jpg

[احب الزرع]

كل سنة وانتى طيبة اختى الغالية باكينام اعادة الله عليكى وعلى الاسرة جميعاً بالخير والبركات
شرح وافى ورائع بارك الله فيكى ست بيت ممتاذة وبالهنا وشفا

[هدى نوفل]

كل سنة و انت طيبة يا باكينام انت و اسرة المنتدى

لماذا اضفنا الارز ؟ و هل لا يغنى عنه النشا فقط ؟

و احيانا أنا باضرب جزء منه فى الخلاط و اترك الباقى صحيح لكى يكون ناعم قليلا

انت ايه رأيك ؟

[bakynam]

كل سنة وانت بخير وسعادة ياهدى وكمان كل اعضاء المنتدى نضع الارز فى البلية حتى يعطيها قوام وريحتها المميزة وكل شىء حسب الرغبة وتفضلوا اطباق العاشورة والف هنا وشفا

[زهرة الصبار]

:salam:



ياسلام ياباكينام

هنصوم ونجهز العاشورة

أنا مش بحط رز في العاشورة

بعملها بقمح مقشور أو مبشور

وبضرب منه شوية زي هدى

بس نجرب السنادي نسوي رز مع القمح

وكل سنة وأنتم طيبين

[bakynam]

كل سنة وانت بخير والاسرة الكريمة ويارب الايام الجاية تكون احسن