من اين اشتري اصيص لوضعه داخل المنزل

[M.S]

السلام عليكم و رحمة الله و بركاته

اود الاستفسار من زملائي الاعضاء عن مكان بيع اصيص لوضعه داخل المنزل، على ان يكون المحل في القاهرة

مع جزيل الشكر

[زهرة الصبار]

بسـ الله الرحمن الرحيم ـم






من كارفور فيه أشكال ومقاسات كتيرة جداً

وفيه بيتموس وممكن نباتات

بس نباتاته أغلى من برة

ومن الشريف للبلاستك

[lamis11]

في تحت كوبري أبو العلا باتجاه وكالة البلح محل أدوات زراعية صاحب المحل اسمه عبدالمنعم

[احب الزرع]

السلام عليكم
فى اى منطقة تسكن يوجد فى باب الخلق خلف مديرية امن القاهرة والشريف للبلاستيك وخورشيد للبلاستيك المهم فى اى منطقة تسكن لاوصف لك المكان القريب
تحياتى

[M.S]

السلام عليكم

اشكر الاخوة زهرة الصبار و lamis11 و احب الزرع على ردودهم، و اريد ان انوه انني قد قارنت بعض الاسعار، و وجدت ان الاسعار بالفعل تتفاوت و حسب النوع، فلاحظت ارتفاع اثمان الوعاء بقطر 57 سم في كارفور و Spinneys و اشتريته من محل يبيع بلاستيك الهلال و النجمة بفرق كبير، و اما الاوعية البلاستيكية المستطيلة فقد رايت ان ارخص محل هو Spinneys

و بخصوص استفسار الاخ احب الزرع فبرجاء ارسال الاماكن التي تعرفها في منطقة مصر الجديدة مع جزيل الشكر

[احب الزرع]

السلام عليكم
بالنسبة فى مصر الجديدة فية مشتل الهولندى فى شارع السباق لو هتيجى من روكسى اجعل سور المريلاند على شمالك وكمل حتى نهاية السور وادخل شمال وكمل هتلاقى فى الناحية المقابلة معرض كبير اسمة القرش هو خلفة

وفية فى نفس الطريق فى الناحية المقابلة لبوابة المريلاند على الصف التانى فية التوحيد والنور بعدية على اليمين على نفس الصف فية الشريف للبلاستيك وقارن الاسعار بينهم دول اهم وافضل اماكن فى مصر الجديدة وتعاملت معهم
تحياتى