استفسار بخصوص نبات المارنتا الملونه

[egman]

السلام عليكم ورحمة الله وبركاته

انا عندى نبات المارنتا الملونه وهو قد اية نبات غاية فى الجمال ، وانا بحبه جدا جدا ولكن منذ دخول الشتاء فى مصر وبدات النبته تزبل حتى الاوراق الجديدة تنشف وتصفر وهى لة ملفوفه على بعضها قبل ما تفتح فيا ترى هل ده طبيعي علشان الشتاء ولا اية المشكلة ؟


تحياتى للجميع ،،

[sherif shabaan]

وضع طبيعي مع انخفاض الحراره اللي حصل عندك.
في اعمالنا نضع النبات بالاماكن الدفيئه خلف النوافذ الزجاج مع عدم وصول التربه للجفاف .
بالنسبه عندك اوصيك
قوم بمزج سماد عضوي مع تربة زرعك وتدفئة النبات كالاتي:
بتغطية النبات بالزجاج أو المواد البلاستيكية أو بالقش.
أجهزة التدفئة

[egman]

الله يخليكي ويكرمك يا باشمهندس / شريف

جزاك اله خيرا ،،

طيب هل لو استمر الوضع على هذا الحال مع مراعاه السقى المنتظم للنبات هل فى الربيع يبدا فى النمو مرة اخرى ولا وقتها مش هيكون فى نبات علشان ينمو وهينتهى كله فى الشتاء ؟

مع خالص شكرى وتقديري ،،

[sherif shabaan]

اهم شيء تدفأة النبات كما سبق القول والنموات الجديده تجدها ظهرت في الربيع بعد اعطاء السماد العضوي خلال الشتاء كما اشارنا من قبل

[egman]

تحياتى لحضرتك وجارى التنفيذ ،،

بس حاجة اخيرة معدل الرى يكون قد اية للنبته فى الشتاء هى فى اصيص مقاس 30 انا اسف تعبتك معايا

[sherif shabaan]

يا باشا لاتعب ولا حاجه الشاليه 30 تكفيها كوب ماء كبير اسبوعيا ودائما بعد اليوم الثالث من الري اغرس اصبع السبابه في التربه لتلاحظ هل التربه رطبه ام لا
وعليه تحدد موعد وكمية الري

[egman]

الف شكر ليك يا باشا وربنا يكرمك وجازيك خير عنا