انا مش تخصصي صناعات وعايز افهم حاجة

[عبدالفتاح القليوبي]

السلام عليكم
ان تخصصي اراضي ومياه مش تخصصي صناعات ولا البان ولا حتي شعبة عامة
انا حاليا شغال مهندس جودة في شركة خضروات مجمدة وكل لما اقول لحد عن تخصصي يقولي احمد ربنا
شركات الصناعات مبتاخدش غير تخصصاتها بس .. مال قسم الاراضي بالصناعات الكلمة دي قالهالي مدير مصنع في انترفيو

عايز استفسر بعد اذنكم انا بسعي وبجتهد في شغلي عاوز اعرف ممكن يبقي ليا مستقبل في مجال الصناعات الغذائية
زي الالبان او مجالات الشيكولاتة ولا الشركات دي مش بتقبل الا اقسام الالبان والصناعات بس وأراضي لاء
....
معلش استفسار كمان
ممكن شركات المياه المعدنية بما اني اراضي ومياه ولا بردك ايه وضعها
وشكرااا ازعجتكم

[gamal amin amin]

المفروض ان تخصصك هو اهم تخصص فى مجال الزراعه
فلا يستقيم اى مشروع زراعى بدون مياه وجوده فى الارض
فلا تبتئس صديقى ..............تخصصك قادم الى الواجه وبالذات ونحن نتعرض لندره فى المياه بسبب قله الوارد من مياه النيل من اثيوبيا بعد سد الالفيه
واعتقد ان الزمن القادم سيعتمد اكثر على المياه الجوفيه والاراضى الصحراويه الجديده
فلا تغضب اعرف مهندس ميكانيكى يعمل فى اداره الاعمال ومحاسب يعمل فى شئ تنفيذى
حظ مصر العاسر فى الثلاثين عاما الماضيه حين اغتلنا او اغتالوا مستقبل ابنائنا
شكرا

[م- عمرو نجيب]

انت درست سنتين عام مفيش مشكلة فية صنيعية بصمجية بيفهموا احسن من مديرين أنتاج توكل على الله وكمل شغلك وربنا يوفقك لو قريت كتاب او كتابين مع حبة خبرة انتهت القصة

[جمال عبد العظيم]

اخي العزيز الخبرة الحقيقية هي الواقع الذي تعمل فية تاخذ خبرتك منه واترك الدراسة علي جنب اعرف مديرين انتاج ارشاد زراعي لايمت بصلة بالانتاج ولكنة تعايش واصبح خبرة في عملة اعرف ايضا واحد مدير مزرعة دواجن والله العظيم يمكن معاة اعدادية بالعافية ولكن عمل في المجال واصبح يدير مزرعة دواجن يعم اتوكل علي الله واستمر

[م- عمرو نجيب]

الكليات وكتب الدكاترة مبتعلمش حاجة يا زميلى الخبرة العملية هي الفيصل وأهم حاجة تكون عندك أستعداد للفهم و الأستنباط و التعلم من الاخرين

[عبدالفتاح القليوبي]

تمام والله العظيم انا ماعارف اقول ايه علي الاهتمام
شكرا ليك يابشمهندس عمرو نجيب وحضرتك يا بشمهندس جمال عبدالعظيم وليك يا بشمهندس جمال امين
اشكركم بجد
طب انا يعني بعد اذنكم كنت بفكر احضر دراسات عليا مش عايز اتوقف عند البكالوريوس
ينفع احضر في مجال الصناعات ؟؟؟ اللي اعرفه ان الواحد بيحضر في التخصص بتاعه وانا اراضي
طب لو مينفعش ايه اقرب حاجة او مجال احضر فيه ؟؟ انا نفسي اكمل مقفش لحد كدا

[bakynam]

كثيرا اخى الفاضل مانسمع ان حد بيشتغل فى تخصص غير شهادتهولكن الجيد ان تحب شغلك وتحاول معرفة كل شىء خاص به وان شاء الله تتميز وتعطيه الكثير وبعدين مجال الصناعات الغذائية لذيذ ومهم ايضا والله الموفق فلا تحزن ولعل يكون فتحة خير عليك ان شاء الله