سلمى المعبدى (تسبيح الورد)
23-09-2012, 03:55 AM
( عتاب نفس )
فى نفسى كلمة يا نفسى ............ بدّى أقولهالك
هى مش كلمة يعنى ....... ولا سر أعنى
بس إوسعيلى صدرك ....... وافتحى ودانك
ممكن تقولى نصيحة ..... بس شوية صريحة
تبقى حياتى مريحة ........... لو بس أقولهالك
ممكن تقولى عتاب ........ بين إتنين أصحاب
يفتح لهم أبواب ....... ويبقى خير جالك
بس إوعدينى يا نفسى .......... تستمعى وتحسى
مش يبقى صرخى وهمسى ....... وانتى ولا بالك
هبدأ كلامى وهسأل ....... عن اللى كان وأأمل
إنى ألاقى منك ...... ما يطمنى عن حالك
أنا شفت فيكى زمان ........ تقوى وصلاح أعمال
دلوقتى واحد منهم ....... فينه فى أعمالك
راح فين فعل الخير .......... ولا إيثار الغير
والذكر والقرآن ........ دايما على لسانك
كنتى لا تعرفى كذب ...... ولا شتيمة وسب
غير بس صدق وحب ........ لكل من جالك
كنتى بتعفى كتييير ........ عن ظلم أو تقصير
وبتقنعى بتأثير ........ لو حد جه سألك
راح فين ذكر الله .......... وذكر رسوله معاه
فى كل كلمة فى سرك ........ أو فى إعلانك
كنتى بتحصنى نفسك ....... ومن كتر غض بصرك
لقيتى حلاوة فى قلبك ........ من كتر إيمانك
ومن كتر إستغفارك ....... وصلاتك وصيامك
جه النبى وزارك .......... كم مرة فى منامك
وشفتى حلاوة التوبة ......... من أجر ومثوبة
لما ثبتتى وتوبتى ...... وغلبتى شيطانك
وكان فى كلامك ذكر .... لله ... ونهى وأمر
للناس .... وكل الناس تشهد بإحسانك
كنتى تحسى بنور .... من حواليكى يدور
وكل خطوة .... خير ... تلاقيها قدامك
وكان فى القلب يقين ... ورضا ... راحوا فين
من قلبك المسكين .... قسّتيه بإهمالك
والعقل كان يتفكر .... والقلب كان يتذكر
والعين تبكى وتسهر ..... فى حبك لله وهيامك
كنتى مسامحة صبورة ..... كنتى قنوعة شكورة
كنتى فى عينى صغيرة .... كان التواضع شأنك
والبدء بالخير كان طبعك ..... ورفقة الخير كان جمعك
وكل ما فيه خير كان سمعك ...... إيه بس اللى جرالك
وكان فيكى يا نفسى نقاء ..... وشرودك فى السماء
دلوقتى مش لاقياه ..... ولا لاقية إلهامك
وكان هدوءك سيادة ..... وكان وضوءك عبادة
وكان فى خشوعك سعادة ..... بتزيد فى إيمانك
أتمنى يا نفسى لو توبتى ..... من بعد ما سمعتى
وبكيتى وندمتى ...... ورجعتى لصوابك
فكرى فى بكرة ........ وإيه اللى هيجرى
لو فى العمر مرة ........ طاوعتى شيطانك
فما بالك بسنين ........ وبذنوبها الكتيرين
هتروحى منها فين ....... ومن حمل أثقالك
يانفسى إرجعى لربك ....... واستغفرى لذنبك
وابكى على عملك ....... وسوء أفعالك
أنا قلت ما عندى ...... وربى هو سندى
هدعيه يقويكى ....... ويزيد فى إيمانك
فى نفسى كلمة يا نفسى ............ بدّى أقولهالك
هى مش كلمة يعنى ....... ولا سر أعنى
بس إوسعيلى صدرك ....... وافتحى ودانك
ممكن تقولى نصيحة ..... بس شوية صريحة
تبقى حياتى مريحة ........... لو بس أقولهالك
ممكن تقولى عتاب ........ بين إتنين أصحاب
يفتح لهم أبواب ....... ويبقى خير جالك
بس إوعدينى يا نفسى .......... تستمعى وتحسى
مش يبقى صرخى وهمسى ....... وانتى ولا بالك
هبدأ كلامى وهسأل ....... عن اللى كان وأأمل
إنى ألاقى منك ...... ما يطمنى عن حالك
أنا شفت فيكى زمان ........ تقوى وصلاح أعمال
دلوقتى واحد منهم ....... فينه فى أعمالك
راح فين فعل الخير .......... ولا إيثار الغير
والذكر والقرآن ........ دايما على لسانك
كنتى لا تعرفى كذب ...... ولا شتيمة وسب
غير بس صدق وحب ........ لكل من جالك
كنتى بتعفى كتييير ........ عن ظلم أو تقصير
وبتقنعى بتأثير ........ لو حد جه سألك
راح فين ذكر الله .......... وذكر رسوله معاه
فى كل كلمة فى سرك ........ أو فى إعلانك
كنتى بتحصنى نفسك ....... ومن كتر غض بصرك
لقيتى حلاوة فى قلبك ........ من كتر إيمانك
ومن كتر إستغفارك ....... وصلاتك وصيامك
جه النبى وزارك .......... كم مرة فى منامك
وشفتى حلاوة التوبة ......... من أجر ومثوبة
لما ثبتتى وتوبتى ...... وغلبتى شيطانك
وكان فى كلامك ذكر .... لله ... ونهى وأمر
للناس .... وكل الناس تشهد بإحسانك
كنتى تحسى بنور .... من حواليكى يدور
وكل خطوة .... خير ... تلاقيها قدامك
وكان فى القلب يقين ... ورضا ... راحوا فين
من قلبك المسكين .... قسّتيه بإهمالك
والعقل كان يتفكر .... والقلب كان يتذكر
والعين تبكى وتسهر ..... فى حبك لله وهيامك
كنتى مسامحة صبورة ..... كنتى قنوعة شكورة
كنتى فى عينى صغيرة .... كان التواضع شأنك
والبدء بالخير كان طبعك ..... ورفقة الخير كان جمعك
وكل ما فيه خير كان سمعك ...... إيه بس اللى جرالك
وكان فيكى يا نفسى نقاء ..... وشرودك فى السماء
دلوقتى مش لاقياه ..... ولا لاقية إلهامك
وكان هدوءك سيادة ..... وكان وضوءك عبادة
وكان فى خشوعك سعادة ..... بتزيد فى إيمانك
أتمنى يا نفسى لو توبتى ..... من بعد ما سمعتى
وبكيتى وندمتى ...... ورجعتى لصوابك
فكرى فى بكرة ........ وإيه اللى هيجرى
لو فى العمر مرة ........ طاوعتى شيطانك
فما بالك بسنين ........ وبذنوبها الكتيرين
هتروحى منها فين ....... ومن حمل أثقالك
يانفسى إرجعى لربك ....... واستغفرى لذنبك
وابكى على عملك ....... وسوء أفعالك
أنا قلت ما عندى ...... وربى هو سندى
هدعيه يقويكى ....... ويزيد فى إيمانك