سؤال عن الارانب .ارجو الاجابة

[gaden]

السلام عليكم ورحمة الله وبركاته

انا طالب فى الصف الثالث الاعدادى من مصر مهتم وشغوف جدآآآ بمشاريع تربية الحيوانات

انا منذ فترة بدأت بتربية الارانب تربية ارضية وحاليا بواجهه مشكلة وهى انى شوفتهم بيلعقوا نفسهم كانهم بيهروا واديت لكل ارنب عندى ماصل ضد الجرب تحت الجلد بنسبة 0.5 سم ومازال بيكرروا نفس الحركة وبيلعقوا رجليهم برضه ومش عارف هل دى ظاهرة خطرة ولا لا وهل ده جرب ولا لا؟ وايه اللى المفروض انى اعمله ؟؟
انا بحطلهم 1 سم من دوا اكاموس على 1 لتر مايه ..

ارجو المساعدى والرد السريع وشكرآآآ

[moodebond44]

انا كنت باستخدم زمان مضاد حيوى اسمه افو ماك وفيه منه الامريكى , اعطى جرعة نصف سم لكل ارنب وان شاء الله هيبقوا كويسين وياريتك تهتم بالنظافة وانصحك انك تبدأ تنقلهم فى بطاريات , لان التربيه الارضى عيوبها كتيرة وبتحتاج لمجهود كبير ومشاكلها كتيرة وبالتوفيق ان شاء الله .

[gaden]

شكراً جدآآآ م.محمد عل المساعدة بس كنتم حتاج توضيح اكتر واجابة على اسألتى

..بالنسبة للنضافة فانا بهتم بيها جدآآآ اما بالنسبة للبطاريات انا عارف انها افضل طريقة لتربية لارانب بس مشروعى صغير جدآآ مش محتاج انى اجيب بطاريات

وممكن اعرف اكتر عن المضاد اللى حضرتك بتاول عليه افو ماك يعنى سعره . فوايده ...

[moodebond44]

انا تربية الارانب كان من 5 سنين فالمعلومات عندى مش هقدر اتذكرها , بس انت ممكن تروح لاى صيدلية بيطرية وقولهم عليه او اسالهم عن البديل بتاعه, هو فعلا اللى فى الارانب جرب والافوماك مضاد حيوى واسع المدى يعنى هيقضيلك على الجرب بس المهم انك تداوى القطيع كله , وربنا يوفقك ان شاء الله ويبقى عندك اكبر خط انتاج ارانب فى مصر , بس المهم انك تستمر وان شاء الله ربنا هيكافأك

[mazen rashed]

اخي اذا سمحت لي ان اشاركك خبرتي....
من خلال تجربتي بتربية الارانب
ومن خلال المقالات والكتب يلي قرئتها
الارنب مخلوق يحب النظافة بشكل هائل كالقطة تماماً...الم تشاهد قطة تلعق نفسها يوما ؟
فعملية اللعق هذه لا لانه اجرب بل يستعملها لاخراج بعض الاتربة العالقة بشعره او ما شابه
وايضا يحبب تصفيف شعره ايضا بهذه الطريقة
وكل الارانب في العالم تقوم بهذا الفعل
فلا تقلق و توكل على الله

ثم انّي اهنئك على شجاعتك بفتح مشروع وعلى شجاعتك باعطاء المطاعيم للارانب

وفقك الله

[gaden]

شكرآ جدآآ على مشاركتكم بخبراتكم وافادتى بس ممكنسؤال يا مودى ..؟
انت بدات مشرع تربية ارانب من خمس سنين ليه حاليا سيبته هل ده بسبب ظرف زى مثلا سفر او انك مشغول ولا بسبب مرض معدى سبب خساير للمشروع ؟

...

اه انا اكتشفت ظاهرة تانية برضه وهى تساقط شعر ارنب عندى هو تساقط خفيف بس هل دى اعراض لمرض او حاجة ؟

وشكرآ مرة تانية