دراسينا ليمون و سهولة العقل

[هدى نوفل]

السلام عليكم و رحمة الله و بركاته

عندى تجربة لاكثار الدراسينا ليمون بالعقل الطرفية و الساقية

و كان عندى نبات دراسينا و طول و أصبح الساق بدون أوراق الا المجموعة الطرفية

فقررت أن أغير شكله و أستفيد أعمل منه عقل أكثر يعنى بدل الواحد أصبح عشرة و الحمد لله .

قطعت النبات لاربع أو خمس عقل طول العقلة حوالى 10 سم و طبعا العقلة الطرفية أطول قليلا .

و كانت المفاجأة أن العقل كلها نمت بنجاح من فضل الله مجرد انى أقطع و أغرس و سواء فى

بتموس فقط أو فى مخلوط من الطمى و أشياء أخرى و اليكم الصور



http://i45.tinypic.com/33e25uf.jpg






هذا النبات قبل القص و كان طوله حوالى 80 سم و معظم الساق فاضى من الاوراق .


http://i50.tinypic.com/11qtj15.jpg

هل ترون النموات الجديدة و قد خرجت من أماكن عديدة و جديدة .http://i50.tinypic.com/1sfes5.jpg


النموات الجديدة تخرج من أعلى و من أسفل مع ان فى أنواع أخرى من الدراسينا
تخرج من أعلى فقط .



http://i45.tinypic.com/2e202s0.jpg

و هذه هى العقلة الطرفية قطعتها من النبات بطول حوالى 20 سم ووضعتها فى اصيص جديد

بدأت فى ظهور أول ورقة من القلب بعد حوالى أكثر من شهر عكس العقل الصغيرة ظهرت عليها

النموات الجديدة بعد حوالى عشرة أيام .

[احمد AHMED]

يا سلام يا هدى .. عمل متقن و تجربة عمليه ممتازه .. البعض للاسف اذا تساقطت اوراق الدراسينا او اشجار زينة اخرى بيستعجل و يروح يرميها لكن تجربتك بتعطي درس ان الشجرة المتعبة او الكهلة يمكن اعادت رونقها و تكاثرها ايضا .. الله يبارك لك فيها اختي هدى و ( جود لوك ) .

[هدى نوفل]

شكرا لك أحمد على اعجابك بالنباتات الجديدة


فعلا المفروض عندما يتعب النبات و يكون محتاج للتجديد يجب أن

يتم هذا التغيير . المهم الى عايزة أقوله هو سهولة عرس العقل

بدون أى هرمون . و هذا تم على أكثر من نوع من الدراسينات

و سوف اعرضها فى مرات قادمة ان شاء الله .

[ميس فله]

ايه الجمال ده
بجد تجربه جميله اسمحيلى اقولك ابله هدى
ثانيا عاوزة استفسر منك فى كذا حاجه ويا رب ماكونش بتقل عليكى
اولا هل لازم تكون التربه بيتموس مينفعش تربه مخلوطه من الطمى والرمل
ثانيا ايه الميعاد اللى بدأتى فيه بالاكثار
وهل غطيتى النبات بأى حاجه وقت الاكثار
وشكرا ليكى مقدما

[روحي الورد]

ماشاء الله
ايدك مبروكه بالزراعة عزيزتي
نفسي بواحده دارسينا
شكرا للموضوع

[balsamina2]

صباح الخير غاليتي هدى
ماشاء الله تجربة ناجحة ومبشرة ومحفزة للقيام بمثل هذه التجربة غاليتي هدى نوفل ربنا يخليكي يارب
حتى انه كما يظهر عندك تربة متوعة ومنها الطينية ايضا نجح التجدير فيها ماشاء الله
شكل النموات الصغيرة يفرح القلب سبحان الله الف مبروك عليكي النباتات الجديدة ويارب مباركة ان شاء الله

[هدى نوفل]

مساء الفل يا مس فلة

أولا انت تسألى و كل الاخوة فى المنتدى أهلا بكل أسئلتهم

و نجاح العقل بفضل ربنا و أنا لم أكن أتوقع أن تنجح كل العقل .

بالنسبة للتربة أنا جربت كل الانواع الى عندى . يعنى وضعت واحدة

فى بتموس فقط وواحدة أخرى فى مخلوط من الطمى و الرمل بأى نسب

و هكذا . و قلت لو لم تنجح العقل فعل الاقل سوف تستمر النبات الام

و يغير شكله و يعطى تفرعات مختلفة .و أنا مثلكم كنت سعيدة بنجاح

هذه العقل فأنا عرضت التجربة على أساس أنها وجدتها سهلة و ممكن

أى حد يعملها .

أنا عملت هذه العقل فى شهر يوليو و لم أغطيها باى شىء و كانت فى الجو

الخارجى و طبعا طبيعى ان النبات ده بيكون فى الضوء الساطع فقط

بعيد عن الشمس . و لك هدية منهم و لو بقية أخواتنا قريبين كان لهم

هدايا هم أيضا ، لان الواحد بيكون سعيد بجد لو الناس شاركوه فرحنه .

تمنياتى لك بالتوفيق و لا تنسى نباتك الى عندى .

[مهندس معماري /احمد]

تاملي قليلا م -هدي صورتي الرمزيه ستجدي هذه الملكه المتوجه دراسينا ليمون هي اختياري
حقا سبحان من خلقها
كل درجات الاخضر في ورقه واحده ولو ان في مصر فقط السلاله الاقل جمالا هناك مشاتل الخارج رايت منها درجات اكثر و اكثر جمالا
تحياتي علي انلجاح و انا من فضل الله جربت عقل الدراسينا رفلكسا - سونج اوف جاميكا
ونجحت معي
سبحان الله الخالق المبدع و شكرا جزيلا علي الرحله الرائعه مع النبات الاكثر حبا لقلبي دراسينا ليمون
سؤال اخير كم يتراوح سعرها في محافظتك و تحياتي مره اخري

[هدى نوفل]

العزيزة روحى الورد

انت كمان أكيد ايدك مبروكة لانك لما بتتعاملى مع النبات بحب

بيحس بيكى و بيعطيك نتائج حلوة و باتمنى انى أعطيك واحدة منهم

علشان تعم الفرحة .ربنا يفرحك يارب .


-----||-- الدمج الآلي للمشاركات المتعاقبة - المشاركة التالية أضيفت الساعة 01:05 AM -----||----- المشاركة السابقة أضيفت الساعة 12:56 AM --||-----

بلسمينا الجميلة صباح النور و أسعدنى مرورك بجانب الدراسينا

و أولادها . و فعلا أنا استعملت أنواع من التربة و لكن بدون قصد

أنا كنت وقتها بأعمل عقل لحاجات كتير و الى وجدته استعملته .

المهم فى الموضوع انى حبيت أقول لاخوتى فى المنتدى على

سهولة عمل العقل لكل أنواع الدراسينا و ده بفضل ربنا مش بشطارتى

و ان شاء الله تعملى أحلى نباتات .


-----||-- الدمج الآلي للمشاركات المتعاقبة - المشاركة التالية أضيفت الساعة 01:17 AM -----||----- المشاركة السابقة أضيفت الساعة 01:05 AM --||-----

الاخ المعمارى الزراعى أحمد أهلا بك

فعلا انت مختارها لتكون الصورة الرمزية لك . و هذا النوع هو الاكثر جمالا

فى أنواع الدراسينا .

جميل ان تجربتك نجحت فى الريفلكسا . فهل ياترى عملتها بنظام

اقطع و اغرس ولا صعبت على نفسك الامر ؟

ياريت تفيدنى . لانى عملت قبل ذلك عقل من الريفليكسا بطريقتين :

وضعت بعض العقل فى الماء حتى عملت جذور ، و غرست البعض

الاخر و الاثنين نجحوا و الحمد لله . برضه دى كانت تجارب و نجحت .

و أنت بتسأل عن سعر الشتلة فى مدينتى ؟ أنا مدينتى القاهرة

و أسعار شتلات الدراسينا أى نوع بيكون فى المتوسط من 20 الى 30

جنيه و طبعا فى أغلى لو أكبر فى الحجم .

و شكرا لمرورك و اهلا بك .