المساعد الشخصي الرقمي

مشاهدة النسخة كاملة : بذور عرف الديك , أزهار السجاد , أوراق الخبيزة وغيرهم



بسمه
14-08-2012, 12:01 AM
بسم الله الرحمن الرحيم

اعزائي
الفتره الي فاتت لاحظت تغييرات على نباتاتي في بعضها حلو وبعضها غريب ومش لاقيه ليه تفسير غير الحراره الغريبه الصيف ده

اول حاجه لفتت انتباهي اصفرار اوراق الخبيزات ..عندي حوالي 11 خبيزه كل واحده منهم فيها على الاقل ورقه او اتنين لونهم اصفر فاتح قريب من الابيض ودي ظاهره اول مره تحصل
مكانهم في الشمس حوالي 5 ساعات من وقت الشروق
والري يومي صباحا او مساء وانا مش بحط سماد لأنه غير متوفر للأسف لكن انا متعوده على كده بس دي اول مره تواججهني الحكايه دي!!

http://i1061.photobucket.com/albums/t461/Bosy_Basousy/2.jpg

الحاجه التانيه حاجه حلوه الحقيقه
عندي جهنميه بيضاء
فجأه وقع كل اوراقها وافتكرتها ماتت
وفجأه نمت بسرعه اوراق جديده وكميه كبيره من الزهور وشكلها ماشاء الله يفرح

http://i1061.photobucket.com/albums/t461/Bosy_Basousy/4.jpg

الحاجه التالته
نبتة السجاد ازهرت
لكن زهورها طويييييييييييييييييييييييييله جدا
هل ده يأثر على نموها؟ هل اقص الازهار او واحده او اتنين منها لأني لاحظت توقف نمو الاوراق وعدم ظهور اوراق جديده

http://i1061.photobucket.com/albums/t461/Bosy_Basousy/3.jpg

الحاجه الرابعه مضحكه شويه
عرف الديك بعد نضج الزهور انتجت مئات او آلاف من البذور
وقع منها كتير في التربه
وكانت دي النتيجه
صعبان عليا اخلعهم وسؤالي هل اخلع عرف الديك الام ( لأنها بدأت تموت )وانضف البذور واعطي مجموعه منها الفرصه للنمو؟ ولا ده مش حيبقى وقت مناسب لنمو عرف الديك اصلا؟

http://i1061.photobucket.com/albums/t461/Bosy_Basousy/5.jpg

الحاجه الاخيره
تقريبا ده نبات جلد النمر؟
اكتشفت متأخر وجود النموات الجديده دي
كنت اصلا زرعاه في زجاجه بيبسي وكان مش بيكبر وفجأه لقيت دول طلعوا من الجنب فنقلته في حاجه اكبر .. فهل المفروض اخلعهم واخليهم لوحدهم بجذورهم بحرص ولا عادي لو سبتهم جنب امهم؟
الام مش بتكبر خالص ولا بتنتج اوراق جديده ..لاحظت يوم ما شتريتها انها تقريبا متآكله من جوه وعرفت انها مش حتطلع ورق جديد ففرحت لما انجبت طفلين جدد

http://i1061.photobucket.com/albums/t461/Bosy_Basousy/1.jpg

ابو هيثم
14-08-2012, 02:27 AM
اختي العزيزه بسمه اسعد الله اوقاتك بالنسبه لنبات الخبيزه سبب الاصفرار نتيجة الري الزائد

واما السجاد عليكي بقص الازهار لزيادة النمو الخضري للنبات

واما بالنسبه لنبات عرف الديك عليكي بخلع النبات الام والابقاء على جزء من النباتات الموجوده في الاصص وهذه العمليه نسميها بعملية التفريد والباقي زراعته في اصص اخرى جديده

واما بالنبه لجلد النمر الافضل ان تبقى في نفس الاصص

بسمه
14-08-2012, 04:46 PM
بسم الله الرحمن الرحيم

اخي ابو هيثم
جزاك الله كل خير
والف شكر على التوضيحات
وان شاء الله اعمل بنصيحتك
وفعلا الخبيزات انا حاسه ان ريها زائد شويه