زبادي رمضان

[متعب السعيد]

كان عندي مشكله في صناعة زبادي في البيت ألا وهي بعد خروج الزبادي من الفرن ( بديل الحضان ) ألاحظ ان قوام الزبادي ضعيف ويحدث تشريش بكميه زياده عن اللزوم مع العلم اني صنعتها داخل حضان في معمل من المعامل وكانت جيده جدا فهل يحدث هذا العيب نتيجة عدم التحكم في درجات الحراره ام هناك شيء أخر

[احمد على على]

الاخ متعب
ما هى جودة اللبن المستخدم
ما هو نوع البادئ المستخدم ( زبادى بلدى ام شركات )
ما هى درجة حرارة التلقيح
و اخيرا درجة حرارة الفرن طول فترة التحضين

[محمد سكر]

فى انتظار الاجابة اخوانى بارك الله لكم

[احمد على على]

مساء الفل يا باشمهندس عماد

اخوك احمد عندى معمل لتصنيع الزبادى
لو عايز تعمل زبادى احلى من النستله و الجهينة تعمل الاتى
اولا مصدر جيد للالبان و الاحسن لبن جاموسى
= تفرز نصف كمية اللبن المطلوب تصنيعه و تضيفها على النصف الاخر
الغلى ===
تغلى اللبن على نار هادئة مع التقليب -- ليه علشان اللبن لا يشيط منك و يتغير طعمه و لونه ممكن يغمق و دا مش مطلوب و يفضل غلى كميات لا تتجاوز 10 كيلو فى الحلة اما الغلايات الكبيرة غير مرغوب فيها
بعد الغلى ===
ضع اللبن المغلى فى قسط و يفضل ستانلس و ضع القسط فى ماء بارد = انا عامل بانيو احط فيها الاقساط بعد غلى اللبن لحد درجة الحرارة تنزل ل 45 درجة
التلقيح
بعد كدا تنقل اللبن لتنك التلقيح ممكن يكون اى وعاء معدنى
البادئ ===
البادئ اللى هو الخميرة تحط 300 جم لكل 10 ك لبن دا فى الشتاء و 200 جم فى الصيف
البادئ عبارة عن زبادى بلدى طازج و حط خط تحت طازج ليه علشان كل ما بيقدم تضعف الخميرة اللى فيه و يطلع الزبادى رخو القوام
ابعد من زبادى الشركات فى الخميرة
فى خميرة جاهزة تتباع عند بائعى مستلزمات الالبان علبة ب 85 ج بتعمل 250 ك لبن و فى الصيف بتعمل 300 ك
تحط الخميرة فى اناء و تقوم بدعكها جيدا بملعقة و بعد كدا حط تقريبا نصف كيلو من اللبن عليها و قلب جيدا لحد ما تدوب الخميرة
حط اللبن ابو خميرة على باقى كمية اللبن و قلب جيدا
حط 5جم سوربات بوتاسيوم على ال 10 ك لبن و قلب جيدا و دى مادة حافظة مصرح بها و بتدى صلاحية توصل لعشرة ايام فى عز الصيف
التنقية ==
دى عملية مهمة باعمل ايه
اصفى اللبن الملقح فى شاش زى بتاع الجبنة كدا او اى مرشح دقيق الفتحات عشان امنع وجود اى بواقى او تكتلات من الخميرة لم تذوب فى اللبن
و العملية دى بتطلع الزبادى ناعم زى الزبدة
بعد كدا ابتدى تعبئة الاكواب باللبن و هى مرصوصة مسبقا فى صينية الحضان
ملحوظة -- الحضان يكون شغال قبل وضع الاكواب فيه
و اظبط الترموستات بتاع الحضان على 35 الى 37 درجة
بعد 3 ساعات او 4 افتح الحضان و بعد التاكد من تمام الاستواء طلع صوانى الزبادى و خليها برة فى الهواء حوالى نصف ساعة للتهوية
عشان متعملش بخار على غطاء العلبة يتكثف و ينزل على الزبادى من جوة و دا عيب فى المنتج
بعد كدا حط الزبادى فى الثلاجة لمدة 4 ساعات بعد كدا تقدر تنقله و تسوقة فى اى مكان
=====================
بالنسبة للمثبتات انت ممكن مش هتحتاج لها
لكن فى شركة اسمها magic line و دى فى الشرقية بتصنع مثبتات للالبان المختلفة منها الزبادى
في الشرقيه يوجد محمد ع المنعم وابو راغب و عادل مصباح يمكن طلب المثبت منهم ٠١٠٠٥٥٤٨٤٦٣ و٠١١١٦٨٧٠١٦٠ و٠١٠٠١٨٣٠٩٥٩ تليفوناتهم بالترتيب
==============

إقرأ المزيد: مساعده لتصنيع زبادي (http://f.zira3a.net/t32484#ixzz222hSlkmG) http://f.zira3a.net/t32484#ixzz222hSlkmG

[محمد سكر]

ما شاء الله عليك استاذ احمد معلومات قيمة للغاية وهامة جدا وكافية وشافيه لا نحتاج بعدها لسؤال جزاكم الله كل خير اخى

كنت حابب ان اسأل عن الكيفية لعمل الزبادى فى البيت بحيث يتوفر لى يوميا من 8 الى 10 علب زبادى

ام من رايك طالما ان الكمية صغيرة نوفر على انفسنا تعب العمايل ونشترى جاهز افضل

احب ان اعرف رايك فى هذا الموضوع جزاكم الله كل خير اخى

[احمد على على]

استاذ محمد
ممكن تعمل زبادى فى البيت طبعا بالكمية اللى انت عايزها
ومن غير امكانيات تذكر
اولا و عاشرا مصدر جيد للبن
و بنفس الطريقة اللى شرحتها لكن باختصار
ازاى
تغلى كيلو او اثنين كيلو لبن تتركه حتى يبرد لدرجة 45 او لحد ما تقدر تضع اصبعك فيه دون الم
تضع 2 ملعقة خميرة زبادى بلدى طازج و تكون جامدة القوام مش رخوة
تقلبها فى نصف الكمية جيدا ثم تخلطها على باقى الكمية و تصبها فى اى اوعية عندك سواء زجاجية و بلاستيكية
و ممكن كما لوحبيت تحط فاكهة مضروبة بالخلاط ممكن
وتحطها فى مكان دافئ ممكن فرن البيوتاجاز او المطبخ او حتى كرتونة بها لمبة كهرباء تكون مصدر للحرارة
بعد 4 او 5 ساعات يكون عندك زبادى ضعه فى الثلاجة و بالهنا و الشفا

[محمد سكر]

استاذ محمد
ممكن تعمل زبادى فى البيت طبعا بالكمية اللى انت عايزها
ومن غير امكانيات تذكر
اولا و عاشرا مصدر جيد للبن
و بنفس الطريقة اللى شرحتها لكن باختصار
ازاى
تغلى كيلو او اثنين كيلو لبن تتركه حتى يبرد لدرجة 45 او لحد ما تقدر تضع اصبعك فيه دون الم
تضع 2 ملعقة خميرة زبادى بلدى طازج و تكون جامدة القوام مش رخوة
تقلبها فى نصف الكمية جيدا ثم تخلطها على باقى الكمية و تصبها فى اى اوعية عندك سواء زجاجية و بلاستيكية
و ممكن كما لوحبيت تحط فاكهة مضروبة بالخلاط ممكن
وتحطها فى مكان دافئ ممكن فرن البيوتاجاز او المطبخ او حتى كرتونة بها لمبة كهرباء تكون مصدر للحرارة
بعد 4 او 5 ساعات يكون عندك زبادى ضعه فى الثلاجة و بالهنا و الشفا

الف الف شكر استاذ احمد جزاكم الله كل خير اخى

[هدى نوفل]

شكرا الاخ الكريم أحمد على الشرح و التوضيح و جزاك الله خيرا .

و تقبل الله منكم الشهر الكريم .

[hazeen]

الاستاذ احمد

بعد التحية الحارة

لك مشاركة قيمة في هذا المنتدى عن صناعة الزبادي
انا اسكن خارج مصر وقمت بالبحث كثيرا لاعرف نوع بادئ الزبادي المستخدم في مصر ولم اتمكن.

هل ممكن تساعدني في معرفة اسم المنتج بالانجليزي او اسم البكتيريا او المادة العالة للبادئ لان الزبادي المتوفر في البلد التي اسكن فيها لا يعطي نفس طعم الزبادي المصري

ان امكن ترسل صورة المنتج وانا ابحث عنه
ولك خالص الشكر

[شيمو حنه]

السلام عليكم جزاك الله خير اخي احمد علي علي عالشرح يرب يجعله فميزان حسناتك