المساعد الشخصي الرقمي

مشاهدة النسخة كاملة : خاطرة تعاريف وتخاريف



جمال عبد العظيم
07-07-2012, 03:32 PM
http://www.alarab.net/data/news/image002(3).jpg


الإشتراكية : أن يكون عندك بقرتين تدي واحدة لجارك

الشيوعية : أن يكون عندك بقرتين فتأخذ الحكومة الأثنين و تديك شوية لبن

الفاشية : أن يكون عندك بقرتين فتأخذ الحكومة الأثنين و تبيعلك شوية لبن

النازية : أن يكون عندك بقرتين فتأخذ الحكومة الأثنين و تعدمك

الاسلاميه : يكون عندك بقرتين تحلبهم وتشرب وتطلع الفائض صدقه

البيروقراطية : أن يكون عندك بقرتين فتأخذ الحكومة الأثنين و تقتل واحدة و تحلب التانية وتدلق اللبن على الأرض

الرأسمالية : أن يكون عندك بقرتين فتبيع واحدة و تشتري ثور و بكده ينموا القطيع وتقوم بايعه و تتقاعد معتمد على الدخل

الليبراليه : تكون عندك بقرتين ممكن واحده تحلبها والتانيه تجوزها

السياسه الأمريكية : أن يكون عندك بقرتين فتبيع واحدة و تجبر التانية انها تديك لبن أربع بقرات و بعد كده تأجر خبير استشاري يفهمك هي البقرة ماتت ليه ؟

السياسه الفرنسية : أن يكون عندك بقرتين فتعمل إضراب علشان عاوز واحدة تالته

السياسه اليابانية : أن يكون عندك بقرتين فتعيد تصميمهم جينياً بحيث يبقى حجم البقرتين يساوي ضعف البقرة العادية مع مضاعفة إنتاجها اللبن خمس مرات
و تبتكر شخصية كرتونية و تسميها ( كاو كوزوني ) و تسوقها في العالم كله

السياسه الالمانية : أن يكون عندك بقرتين تعالجهم وراثيا وصحيا
بحيث تعيش الواحدة 150 سنة و تحلب نفسها و تاكل مرة واحدة كل شهرين

السياسه الأيطالية : أن يكون عندك بقرتين و أنت أصلاً ماتعرفش هما فين فتبطل تدور عليهم علشان ده وقت البريك بتاع الغدا

السياسه الروسية : أن يكون عندك بقرتين فتيجي تعدهم تلاقيهم خمس بقرات , تعد تاني تلاقي العدد اتنين و اربعين تعد من جديد تلاقي العدد رجع اتنين تبطل عد و تفتح قزازة فودكا تانية

السياسه السويسرية : أن يكون عندك متين ألف بقرة ولا واحدة منهم بتاعتك و تاخد فلوس من اصحابهم نظير الأحتفاظ بيهم

السياسه الصينية : أن يكون عندك بقرتين و في تلتميت واحد بيحلبوهم فتقوم ناشر خبر في الجريدة الرسمية عن إنعدام البطالة و تقدم صناعة الألبان و تعتقل أي صحفي يحاول نشر الأرقام الصحيحة مع تربية بقر رخيص الثمن وتوريده للشرق الاوسط

السياسه البريطانية : أن يكون عندك بقرتين مجنونتين

السياسه الهندية : أن يكون عندك بقرتين و تعبدهم

-
_
_

السياسه المصرية : أن يكون عندك شوية بقر عايزين يرجعوا مصر لعهد الظلم والديكتاتوريه تاني
-------------

المهندسة بثينة
07-07-2012, 03:40 PM
الله عليك استاذ جمال شرحت النظريات كلها وصلتنه الفكرة وابسط صورة

norhan
07-07-2012, 08:32 PM
هههههههههههههههههههه

والله رائعه وجدا جدا فكره حلوه للتعبير

لكن ايضا من خلالها عرفنا ماذا نحن هههههههههههههههههههه من خلال التحليل الجميل

المهندسة بثينة
07-07-2012, 08:38 PM
اختي الغالية ست نورهان كنت اتمنى ان يقراها الجميع

المهندسة بثينة
17-07-2012, 03:30 PM
يسلم اختيارك استاذ جمال موضوع طريف وبه حكمة وتوضيح لنظريات المطروحة على الساحة

اوركيدالمصري
17-07-2012, 03:49 PM
يؤسفني أقول لحضرتك ان في بلاد العجايب يكون الوضع كالتالي
1-عدد البقر اكتر من عدد البني أدمين و مع ذلك فية أزمة لحمة
2-نقابة المهندسين(بتوع الخرسانة .الكهربا,الألكترونيات......زالخ) يصنعوا منتجات غذائية مكرونة المهندس غلي سبيل المثال. و نقابة الزراعيين ههههههههه بتشحت
3-تروح عشان تاخد قطعة أرض زراعية يعني هتفني عمرك ومالك وتساهم في القضاء علي زحام المدينة وهتبني لنفسك وعيالك بيت وتخف الضغط عن وزارة الاسكان وجميع المرافق يقوموا ههههههههههههههههه
يحسبوها عليك قرض. ولما تبني بيت ياخدوا منك ضريبة عقارية ههههههههههههههههههههههههه
4-حياتك كلها طوابير طوابير طوابير
5-الثورة دخلت في التلاجة وتم شخصنة المسائل لتقسيم الشعب حتي ان لو الأخوان او غيرهم الثوار مثلا اقترحوا أي شئ عبقري ممكن ينقل البلد نقلة نوعيةيمكن بسهولة نسفة وتصفيتة بحجة انة لا يحق لفصيل أن يسوس المجتمع بالكامل بناء علي افكارة الخاصة وسلملي بقة علي وحدة الشعب يوم 25
6-عاد الشعور البقري الي قواعدة سالما فلقد عاد الأغلبية الي الاكل والشرب و معاشرة الزوجات و أصبح من يقف في التحرير أما خائن أو عميل او مش فاهم حاجة و مضلل من قبل أجهزة خارجية
7-كل يوم والتاني بتزيد شعبية توفيق عكاشة

Hacen
17-07-2012, 05:00 PM
من اطرف المواضيع واكثرها تعبيراً خلال هذا الاسبوع

وفي نهاية المقال اختزلت حال مصر والعالم العربي كله الذي هو عبارة عن بقرات حلوب للامريكان والصهاينة

رائع جداً.