المساعد الشخصي الرقمي

مشاهدة النسخة كاملة : اماكن شراء الشتلات في المنصورة



markus
24-06-2012, 06:57 PM
اصحابي الاعزاء
انا من المنصورة وارجو ان يكون هناك احد من المنصورة ايضا
فانا احتاج الي بذور ولا اعرف من اين أتي بها
وليس هناك مشاتل في المنصورة
ارجو الرد

مهندس معماري /احمد
24-06-2012, 07:30 PM
سلام عليكم
من قال لك تلك الاشاعات
اعرف المنصوره جيدا و بالدقهليه تحديدا من خيره مشاتل الجمهوريه باكملها
ولي منهم من اصدقائي المقرين
تتوافر لديهم كثير من اصنف الزهور ونباتات الزينه
حدد ماذا تريد و ساوصفه لك ان شاء الله و تحياتي

markus
24-06-2012, 07:36 PM
انا لا اعرف اي مشاتل في المنصورة
ارجو منك اخي احمد ان توصف لي اماكن المشاتل علي قدر استطاعتك
انا اسكن في شارع الايمان فما اقرب مشتل؟

تامرحماد
24-06-2012, 08:14 PM
ماهو الصنف اللي حضرتك عاوزةارجو التوضيح


-----||-- الدمج الآلي للمشاركات المتعاقبة - المشاركة التالية أضيفت الساعة 07:14 PM -----||----- المشاركة السابقة أضيفت الساعة 07:10 PM --||-----

01062454415 دة رقم الهاتف لشركة البسملة

markus
24-06-2012, 08:38 PM
احتاج الي نبات نعناع
وخضراوات مثل الخيار
وبعض الورود التي لا تحتاج الي شمس

مهندس معماري /احمد
25-06-2012, 12:00 AM
اهلا ا ماركوس
بالنسبه للمنصوره و الدقهليه
تعرف كوبري المنصوره كوبري الجا معه تحته من الاسفل مشتل داليا لصاحبه م جابر اسال عنه تقدر تروحله امتداد المشايه متجه لموقف ويش هوا جمبه عند الصينيه اسال عليه معروف
ارخص و اادب مشتل في الدقهليه
تتواجد لديه شتلات نعناع وورد و ريحان و كل شيء اخر
قوله جايلك من طرف م- احمد منتدي زراعه و هو راجل محترم جدا و رخيص و امين جدا


لو انت بقي معاك عربيه و ممكن تسافر ففيه قبل السنبلاوين بلد اسمها طوخ الاقلام دي فيها تجمع مشاتل و خضر و شتلات فواكه الزينه مشاتل كبيره جدا و انتاجها متعدد
تحياتي و لكل اهل المنصوره ارشح المحترم م- جابر مشتل داليا لاند سكيب اسفل كوبري الجامعه دا بالنسبه للمنصوره
لو عايز مشاتل القاهره او الاسكندريه تقدر تتواصل معايا برضه من فضل الله من حبي للنبات عندي قاعده بيانات و اصدقاء ماشاء الله و من فضله
تحياتي لك و اتمني ان توفق في موضوعك

markus
25-06-2012, 12:07 AM
اخي احمد
بجد بجد
شكرا
thanks
mersi
ان عايز الايميل بتاعك علشان التواصل يبقا اكتر
ولو كنت اعرف لغات تانية كنت شكرتك بيها

ميس فله
26-08-2012, 08:29 PM
اخى الكريم المنصورة فيها مشاتل كثيرة
اشهرها المشتل اللى بجوار موقف ويش اللى المهندس احمد قال عليه
والتانى مشتل كليه زراعه داخل الجامعه نفسها تقدر توصله من بوابه ويش الخلفيه للجامعه اللى عندها مدينه الامل للشباب وتسأل هتلاقيه ادامك واعتقد متوفر فيه كل شئ وبالتوفيق

محمد عبدالله زايد
30-09-2012, 05:45 PM
أخى الفاضل Markus
أزور المنصورة بصورة دورية مرة أو مرتين فى الشهر وسأزورها مرتين فى خلال أسبوع
يمكنك التواصل على الخاص ولك عندى هدايا زراعية من نباتاتى
حيث أقوم باكثار النبات وتوزيعه هدايا على الأصدقاء والمهتمين وتكون فرصه للتواصل الواقعى بين أعضاء المنتدى
سعدت باهتمامك فقد بدأت الاهتمام بالزراعة المنزلية فى مثل سنك

markus
01-10-2012, 10:54 PM
طب ينفع رقم التليفون علشان اعرف اتواصل معاك؟

Menna Muhammad
13-07-2016, 07:25 PM
أنا بحاجة إلى هذه النباتات:
تيكوما صفراء
ياسمين بلدي أو هندي
فل بلدي مجوز
ورد بلدي
نعناع
جاردينيا
كوكيا حمراء
كزبرة البئر أو اسبرجس
سرو ليمون
أنا أيضًا من المنصورة ولا أجد مكانا لشراء ما أحتاجه من شتلات ولم أجد بمديرية الزراعة بالاستاد ما أبحث عنه فضلا عن غلو الأسعار بها جدا
أرجو من أصحاب الخبرة والتجربة أن يدلوني أي هذه المشاتل هو الأفضل من حيث جودة الشتلات وخلوها من الحشرات وأيضا من حيث السعر المناسب

مهندس معماري /احمد
13-07-2016, 07:36 PM
كل ما طلبتيه حضرتك متوافر عند مشتل داليا للنباتات ان شاء الله .... ماعدا الكوكيا و الجاردينيا و لكن هناك اصناف اخري
المهندس جابر اسفل كوبري الجامعه وهو صديق شخصي ليا لاي كميات او اي طلبات بيعملي تخفيض كويس جدا



- -- - - تم تحديث المشاركة بما يلي - - - - - -


أنا بحاجة إلى هذه النباتات:
تيكوما صفراء
ياسمين بلدي أو هندي
فل بلدي مجوز
ورد بلدي
نعناع
جاردينيا
كوكيا حمراء
كزبرة البئر أو اسبرجس
سرو ليمون
أنا أيضًا من المنصورة ولا أجد مكانا لشراء ما أحتاجه من شتلات ولم أجد بمديرية الزراعة بالاستاد ما أبحث عنه فضلا عن غلو الأسعار بها جدا
أرجو من أصحاب الخبرة والتجربة أن يدلوني أي هذه المشاتل هو الأفضل من حيث جودة الشتلات وخلوها من الحشرات وأيضا من حيث السعر المناسب
نباتات الزينه دي موجوده عندي و الخضروات و الفواكه تعامل فيها قريبا

Menna Muhammad
13-07-2016, 07:48 PM
كل ما طلبتيه حضرتك متوافر عند مشتل داليا للنباتات ان شاء الله .... ماعدا الكوكيا و الجاردينيا و لكن هناك اصناف اخري
المهندس جابر اسفل كوبري الجامعه وهو صديق شخصي ليا لاي كميات او اي طلبات بيعملي تخفيض كويس جدا



- -- - - تم تحديث المشاركة بما يلي - - - - - -


نباتات الزينه دي موجوده عندي و الخضروات و الفواكه تعامل فيها قريبا

طيب الحاجات دي تتكلف حوالي قد ايه؟ وأقول للباشمهندس جابر ان حضرتك اللي دلتني عليه؟

Menna Muhammad
14-07-2016, 07:50 PM
شكرا باشمهندس أحمد أنا رحت النهاردة وجبت 6 أصناف الحمد لله : ياسمين بلدي- فل- ريحان- روزماري- نعناع - Iresine herbstii
الشتلات كلها في أصص صغيرة خالص انقلهم دلوقتي؟ أصل فيه واحدة قالتلي ان تكدس الجذور بيساعد على الإزهار في بعض النباتات
حجم الأصص المناسبة لكل نوع قد ايه؟ والري يكون كل قد ايه؟ ولو حابة أزرع أكتر من نوع في حوص واحد ايه الأنواع اللي تنفع تتزرع مع بعض؟
وكان عندي استفسار: اللافندر مستديم الخضرة ولا بيدي زهرة في موسم معين وبعدين يموت؟
المجعجعة (زنبق الوادي) موجودة في مصر؟ ومستديمة الخضرة؟
ويا ريت حضرتك تقترح عليا أسمار أزهار عطرية مختلفة الألوان غير اللي فوق علشان يبقى فيه تناسق في الألوان
شكرا مقدما

مهندس معماري /احمد
15-07-2016, 12:17 AM
اهلا بيكي مبارك عليكي النباتات ....

1- ايوه طبعا فكره التجميع فكره سديده و موفقه و دي امثله لنباتات مجمعهم في احواض و كلهم من عند م جابر

http://s24.postimg.org/lx8fe876d/DSC_0254.jpg


2- اه تنقليهم الوقتي مع مراعاه الاحترافيه في النقل ووجود تربه او بيتموس او طين عشان لما تجميعهمي في حوض هتحتاجي طين او تربه زياده لملا الفراغات
و مراعاه ريهم مباشره بعد التجميع ولو انت هاويه زي الحجر لتغطي التربه جهزي كيسين تلاته من عند بتوع اسماك الزينه و مستلزمات الحيوانات لتغطيه التربه
وفي اشكال كتير و الوان كتير لكسر الحجاره و الزلط
http://g02.a.alicdn.com/kf/HTB1y3RgIVXXXXX4XXXXq6xXFXXXq/New-Automatic-Home-Garden-Mini-Watering-Sprinklers-Kits-Flower-Pot-Micro-Drip-Irrigation-System-Balcony-Watering.jpg

3- لو عندك مساحه حطي كل نبات في شاليت دائريه- شكل كاس او اسطواني بقطر - 40 سم فيها تربه كتير و هيكبر ان شاء الله بسرعه و جذوره هتمتد انما لو حابه تعملي احواض تجميع زي الصوره بتاعتي كدا فعليكي و علي الاحواض و هذا ما ارشحه ليكي و بقوه احواض مستطيله - ولو كنتي سالتيني كنت قلتلك خلي جنايني جابر - عم رمزي او عم محمد يجمعهملك و كنتي جبتي الاحواض من قبلها عموما خير اهي فرصه تتدربي علي تجميع النباتات هي بتبقي حلوه
و عموما اشكال الاصص زي الصوره كدا و افضل شركه اسمها خورشيد للبلاستيك - بالنسبه للمصري و المستورد IKEA -و الاصص الالماني و الحمد لله عندي كافه الانواع بكلمك عن تجربه و اسواهم الاسود .....
اشكال الاحواض شركه خورشيد
http://www.khorshedplast.com/images/slider/03.jpg

ودا رابط تنزيل كتالوج شركه خورشيد للبلاستيك فيه كافه انواع و اشكال الاصص و الاحواض :

http://www.khorshedplast.com/catalog_2016.pdf (http://f.zira3a.net/ext.php?url=http%3A%2F%2Fwww.khorsh edplast.com%2Fcatalog_2016.pdf)

4- حجم الاصص قد ايه؟ السؤال اجابته علي حسب كام نبات هيتجمعوا في الحوض - انا شخصيا بجمع 3 نباتات في حوض مثلا 60 سم الطرف و الطرف و المنتصف عشان ادي فرصه لما يكبروا ان شاء الله - و احيانا شاليه دائريه اجمع فيها 3 حاجات اهم حاجه ميكونوش زحمه و دا مثال لبعض حاجاتي..

http://s1.postimg.org/hauwp5vkf/image.jpg

5- الاسماء اللي قلتيها لو انا منك هجمع :
- النعناع و الريحان مع بعض - لانهم نباتات عطريه اضافه الي احتياجهم المستمر للماء و كرههم للعطش او ندره المياه
- الياسمين و الفل مع بعض لانهم نباتات مزهره نفس اللون الزهره و احتياجهم للماء شبه واحد - هحط ياسمين في المنتصف و فله يمينها و يسارها
- الروز ماري هسيبه لوحده
- و النبات الاخير هجمع كذا واحده منه في حوض مع بعضه - علي ما اعتقد اسمه دم العاشق Iresine herbstii
* معيار نجاح تجميع الاحواض هو احتياج النبات للماء و المورفولوجي بتاعته او شكلها الظاهري العام لما يكبر ....( يعني نموه بالنسبه للي جمبه )
مثال مثلا انا اشتريت صباره عمه القاضي و هي كرويه الشكل حطيتها و هي صغيره بين صبارتين لما كبرت بقت اسطوانه لانها اتحشرت بينهم فخدت شكل اسطوانه بدل كوره و هكذا ... كمان مينفعش اجمع مثلا صباريات مع نعناع لا شكل ولا عائله ولا احتياج للماء ....كمان تناسق الالوان و كذا احسن وقت تجميع هو قبل الربيع - حيث الزهور في موسمها المعروف و دي امثله للاستدلال لا الحصر


http://s24.postimg.org/xae1g1q45/image.jpghttp://s24.postimg.org/q8kp7lbw5/image.jpghttp://s24.postimg.org/yyhs8ftdh/image.jpg

http://s24.postimg.org/5qv5i7aet/image.jpg
6- اللافندر و زنبق الوادي غير موجودين في المنصوره مشاتل القاهره و مستورديها ان شاء الله تجديها عندهم

7- اقتراحي للاحواض المجمعه
- بيتونيا الوان متعدده - نبات حولي غير عطر
- فربينيا و زهره البانسيه
- نبات العتر و النعناع و الريحان
- جيرانيوم او جارونيا الوان متعدده
- متهدل و نبات متدلي كالبوتس و معه نخله دراسينا طرف احمر او ثلاثيه اللون TRI COLOUR
- فيتونيا و كوليس و كروتونس - نباتات ملونه و مزرقشه مع بعضها *بعضها سام
- قرنفل بلدي و مستورد في حوض واحد
- صبارات جلد النمر الصغير و عمه القاضي و الامريكي و خلافه
- دورانتا صفراء او ذهبيه GOLDEN DORANTA
http://s3.postimg.org/o43585s8z/bab2a42b5c7ad40be75330be5a54dfc8.jp g
http://s3.postimg.org/40jiw408z/Colored_flower_pots_2.jpg

http://s3.postimg.org/50ef5k4sj/landscape.jpg
http://s3.postimg.org/ybq9yb3ur/planters_HGTV1_1.jpg
--------------------------------------------------------------------------
- ان شاء الله اكون رديت بشكل موفق
وشكرا

Menna Muhammad
15-07-2016, 04:04 PM
شكرا جدا لحضرتك على الرد الشافي ده ولكن كان عندي بعض الاستفسارات بخصوص ما ورد ذكره في التعليق وهذكر كل الاستفسارات المتعلقة بكل جزئية مسبوقة برقمها:
1- ايه الطريقة الصحيحة لتجهيز التربة؟ أجيب شرب من أي أرض زراعية وأنشفه علشان لو فيه حضرات تموت وأجيب رمل حرشة وأغسله وأصفيه علشان لو فيه شوائب أو أملاح وحصى مختلف الأحجام وأخلطهم كلهم مع بعض ولا بيبقوا على شكل طبقات؟ والحاجات دي بتبقى بنسبة كام لكام؟
النبات اللي وردته صفرا اسمه ايه؟ ووردته عطرية؟
2- أنا بحاول أوفر في التكلفة: سعر الزلط بتاع أحواض السمك ده بكام؟ ولو غالي ممكن أكسر زلط وألونه أنا بألوان جواش مثلا؟ وهل الألوان دي هتضر التربة؟ وأكسر الحصى أو الزط ازاي؟
3- هم للأسف الشديد مش كاتبين أسعار وأنا زي ما قلت بوفر في التكلفة علشان بابا وماما ميزعقوش لأنهم كانوا رافضين موضوع الزرع من البداية وشايفين إنه إهدار للمال
4- عندي جركنين أبعادهم : 45 سم ارتفاع ، 25 سم عرض ، 21 طول واحد مفتوح من الوجه اللي بعديه 25 * 21 والتاني من الوجه اللي بعديه 45 * 21 وعندي جركن بويا
قطره حوالي 30 سم وعمقه حوالي 35 سم وعندي جركن تاني بتاع مصر للبترول الأزرق ده وعندي أصص فخار 20 سم دول ينفعوا لايه؟
5- في أول صورة النبات اللي ورقه أصفر وفيه خطوط بني اسمه ايه؟ والنبات اللي زهره بنفسجي عطري؟ واسمه ايه هو كمان؟ والنبات البني اللي شبه النخل ده اسمه ايه؟
6- اللافندر موجود في وزارة الزراعة بس سؤال هو مستديم أو معمر ولا بيدي زهرة ويموت؟
7- كل الاقتراحات دي جميلة ما شاء الله لكن أنا كنت عايزة أزهار عطرية علشان تدي ريحة جميلة وألوناها مختلفة علشان يبقى فيه تناسق في الألوان
عندي كروتن عدسي زي اللي في أول صورة في نمرة 2 هو في إصيص بلاستيك أسمر قطره حوالي 17 سم وعمقه حوالي 14 سم أسيبه في الإصيص ده ولا أنقله وأزرع كوليوس حواليه؟ وينفع أبقى أجيب شتلة كوليوس واحدة وأبقى آخد منها عقلة وأكترها في الإصيص توفيرا للتكلفة بردو؟
عندي صبار جلد النمر ومش هينفع أجيب صبار فيه شوك زي عمة القاضي والأمريكي علشان ميشوكش حد في البيت أدخل جلد النمر مع ايه؟
الدورانتا جميلة بس هي بتكبر وبتبقى شجرة هتنفع تتزرع في إصيص؟
المساحة الكلية المتاحة ليا في البلكونة مستطيل طوله عرضه مترين وطوله حوالي 35 سم بالكتير جدا علشان أسيب مكان للي هيعدي والارتفاع 3 متر تقريبا يا ريت حضرتك تقولي ازاي أستغل المساحة دي أحسن استغلال بما ان حضرتك مهندس معماري
كنت بفكر أجيب نبات من مغطيات التربة زي كزبرة البئر والاسبرجس بنوعيه الناعم والخشن وغيرهم حضرتك تنصحني بايه؟
ملحوظة: إن شاء الله هجيب ورد بلدي الأسبوع الجاي علشان حضرتك تبقى عامل حسابه في التنسيق
وشكرا جدا لحضرتك مرة تانية

- -- - - تم تحديث المشاركة بما يلي - - - - - -

وكنت عايزة رقم باشمهندس جابر لو مع حضرتك علشان أسأله على الأنواع إذا كانت موجودة ولا لأ من قبل ما أروح لأن المشوار بعيد عليا

- -- - - تم تحديث المشاركة بما يلي - - - - - -

معلش هي زهرة الـ Gladiolus أحسن ولا الزنبق (Lily) ولا hydrangea ولا الفريزيا؟ وموجودين عند عمو جابر؟ وهي أزهار عطرية؟ ويا ريت بردو لو حضرتك تقولي أسماء زهور عطرية لونها أزرق أو موف بأي درجة من درجاتهم الهادية ما عدا الألوان الفاقعة

مهندس معماري /احمد
15-07-2016, 06:20 PM
1- التربه الطينيه الزراعيه المعروفه افضل تربه في وجهه نظري - المشاتل الكبيره زي مشتل مهندس جابر - عنده خليط من افضل انواع التربه الطينيه بتاعه الاراضي و عليها سماد عضوي - مخلفات حيوانات - يابسه بنسبه بسيطه و جاهز للاستخدام في المشتل ممكن تاخدي منه في شكاره او كيس
- في شكاير بيتموس جاهزه لكنها غاليه و هي خفيفه و مناسبه مع نباتات الظل تحديدا ......

2- كيس كسر الزلط في محلات بيع الاسماك بيبدا من 3 جنيه للابيض و 8 جنيه للالوان ..... كمان في خامات بلاستيك ملون و شفافه اللي بتستخدم في حلي البنات بتتباع عند بتوع اسماك الزينه ايضا عشان الاحواض ممكن تستخدميهم
- في شكاير زلط شكاره صغيره مليانه زلط بتتباع عند تجار المون زي مركز المهندس صلاح نصر في شارع الترعه ميدان الاديب - اطلبي منه شكاره حصو ...بس هو زلط صغير و شكاره واحده تكفي جدا لكنه غير ملون
- تجربه تلوين الاحجار في عدد كبير متهيالي هتاخد وقت و تكلفه تساوي شراء الملون

3- طبعا الشركه مش كاتبه السعر كمان هو بيختلف من تاجر لاخر - ارخص مكان معرض الشريف في عبدالسلام عارف بضماني الشخصي

4- الجراكن تنفع لاي حاجه طالما فيها فتحه تصريف المياه انا شخصيا جرادل الدهانات بخرمها من تحت و اعيد تشغيلها كاصيص زرع اي زرع .....

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
اكمل لاحقا باذن الله

Menna Muhammad
15-07-2016, 07:24 PM
1- أنا معرفش مكونات التربة الطينية الزراعية المعروفة
لو أخدت من مشتل م/ جابر هيبقى for free ولا بيبيع الشكارة بكام؟
2- تمام بس هي شكارة الحصو دي بكام؟ ووزنها قد ايه؟
4- أنا عارفة ان الجراكن تنفع لأي حاجة وأنا عاملة فيها فتحات صرف بس بسأل أبعادها دي تناسب ايه؟

kingmagy
12-02-2019, 11:26 AM
باشمهندس أحمد
اسمح لى اولا ان اشكرك على سعة صدرك وكرمك فى اهداء المعلمات للغير لوجه الله جعل الله عملك هذا فى ميزان حسناتك وبعد
هل اطمع فى تليفون او ايميل مشتل المهندس جابر للتواصل معه ؟
انا من الاسكندرية فاذا كنت تعرف مشتل فى الاسكندرية يتحلى بصفات مشتل صديقك المهندس جابر فلا تبخل على بتلفنه وعنوانه
مع قبول شكرى وامتنانى.. (KINGMAGY)