مزرعة أشجار زيتون

[ممدوح]

السلام عليكم ورحمة الله وبركاته
انا أمتلك مزرعة زيتون 10 فدادين فى طريق الفيوم ( الأرض بين طريق الفيوم وطريق بنى سويف) , بدأت انتاجها (بشاير) من سنتين ومزروعة من سنه 2007 , طبعا كان فى بشاير السنين الماضيه وعلى حسب علمى ان الانتاج كل سنه بيزيد وخاصة بعد خمس سنوات.
كانت هذه مقدمة ولدى سؤال عن كيفية التسويق بأعلى سعر , طبعا انا عارف ان التاجر بييجى الأرض ويعاين لكن انا ارغب فى معرفة السعر السائد فى وقت البيع فهل يوجد مرجع يمكن الواحد يرجع له حتى يتأكد ان السعر المعروض عليه مناسب .
شاكر ردكم مقدماً

[بومحمد2000]

الله يبارك لك الافضل تشوف طريقة تصدر

[ممدوح]

الله يبارك لك الافضل تشوف طريقة تصدر

وهل انتاج 10 فدادين يكفى للتصدير؟

[haitham aly]

اهلا وسهلا استاذ ممدوح اعرف مكان المزرعه جيدا ومشكلة التسويق هى اهم المشاكل التى تصادف المنتج لانها يتحكم فيها مجموعه من السماسره وبالتالى يخسف السعر

الاهم ان تنتج صنف ممتاز ومطلوب ويأتى بعد ذلك التسويق من خلال التجار وليس السماسره

فحاول ان تنزل لتسوق نفسك فى القاهره والتعرف على التجار

تقبل خالص تحياتى

[بومحمد2000]

وهل انتاج 10 فدادين يكفى للتصدير؟

طبعا ينفع للتصدير كم تقريبا الانتاج للفدان

[ممدوح]

طبعا ينفع للتصدير كم تقريبا الانتاج للفدان

والله أنا لا أدرى الفدان بيطلع إنتاج كام طن أو كيلو حيث اننى كما قلت فى المشاركة الأولى إن الأرض مزروعة سنة 2007 وكل اللى طلع السنوات الماضية كان بشاير .
وهى دى النقطة الثانية اللى باستفسر عنها من الإخوة الذين لديهم خبر ه , دلوقت الأرض مزروعة تعتبر دى خامس سنه أول سنتين ما كان فى محصول بدأت من 2009 او 2010 ترمى بشاير, أنا عاوز أعرف دلوقتى دى السنة الخامسه مع طبعا الخدمة الجيدة للارض ( مياه وتسميد يعنى كل الخدمات ) انتاج افدان يمكن يوصل لكام كيلو تقريباً .علما بأن الزيتون المزروع هو عجيزى وتفاحى.


-----||-- الدمج الآلي للمشاركات المتعاقبة - المشاركة التالية أضيفت الساعة 11:55 AM -----||----- المشاركة السابقة أضيفت الساعة 11:51 AM --||-----


اهلا وسهلا استاذ ممدوح اعرف مكان المزرعه جيدا ومشكلة التسويق هى اهم المشاكل التى تصادف المنتج لانها يتحكم فيها مجموعه من السماسره وبالتالى يخسف السعر

الاهم ان تنتج صنف ممتاز ومطلوب ويأتى بعد ذلك التسويق من خلال التجار وليس السماسره

فحاول ان تنزل لتسوق نفسك فى القاهره والتعرف على التجار

تقبل خالص تحياتى


شكرا على اهتمامك وردك أستاذ هيثم ويمكن ده اللى هاحاول أعمله بس المشكله ان الواحد يلاقى اماكن هؤلاء التجار فهل عند حضرتك فكره؟

[haitham aly]

شكرا على اهتمامك وردك أستاذ هيثم ويمكن ده اللى هاحاول أعمله بس المشكله ان الواحد يلاقى اماكن هؤلاء التجار فهل عند حضرتك فكره؟

العفو اخى الكريم انا مازلت مصمم على ان تنزل بنفسك وتبحث عن التجار وتسمع الاسعار وتقيم بنفسك ...الموضوع بيحتاج شوية تعب وجهد علشان الانسان يحس بقيمة تعبه ويكتسب الخبره

[ممدوح]

العفو اخى الكريم انا مازلت مصمم على ان تنزل بنفسك وتبحث عن التجار وتسمع الاسعار وتقيم بنفسك ...الموضوع بيحتاج شوية تعب وجهد علشان الانسان يحس بقيمة تعبه ويكتسب الخبره

شكرا استاذ هيثم على النصيحة وهذا ما سوف أقوم به.
فعلا مشكلة التسويق من أكبر المعوقات فى مصر وانا اقترح على إدارة المنتدى ان تفتح قسم خاص للتسعير بمعنى ان هذا القسم يكون كبورصة لجميع المنتجات والمحاصيل الزراعية وأماكن تسويقها وكيفية تصديرها وهكذا..........مما يوفر الجهد والوقت على البائع والمشترى
مع أطيب تحياتى

[اسعدالفقى]

اقتراح جميل
وارى ايضا لكى يحصل صاحب المزرعة على اعلى سعر ايضا يجب ان يكون لدية انتاج متميز وليس انتاج عادى كباقى المزارع

[ممدوح]

اقتراح جميل
وارى ايضا لكى يحصل صاحب المزرعة على اعلى سعر ايضا يجب ان يكون لدية انتاج متميز وليس انتاج عادى كباقى المزارع

ياباش مهندس أسعد انا سعدت برد حضرتك على اقتراحى وبالفعل لازم يكون الانتاج متميز أو مطلوب على الأقل, وطبعا كل حاجه وليها سعرها والمعاينه هى التى ستبين النوعية الموجودة, انا كل غرضى من اقتراحى ان يكون فى مرجع تقريبى للاسعار المتداوله للمنتج تزيد شويه تقل شويه مش مشكله بس يبقى فى Range او مؤشر وخاصة فى المحاصيل أو المنتجات اللى بتظهر مره واحده فى السنه مثل الزيتون....,,,,,
مع أطيب تحياتى

[ممدوح]

العفو اخى الكريم انا مازلت مصمم على ان تنزل بنفسك وتبحث عن التجار وتسمع الاسعار وتقيم بنفسك ...الموضوع بيحتاج شوية تعب وجهد علشان الانسان يحس بقيمة تعبه ويكتسب الخبره

اخى الكريم استاذ هيثم آسف لم استطع الرد على رسالتك الخاصة لانى لم استكمل 10 مشاركات واحب اشكرك على اهتمامك وسوف اوافيك بالتفاصيل اذا جد جديد فى الموضوع
خالص تحياتى

[nonarose]

استاذ ممدوح بعد التحية

اثار اعجابى المنتج الخاص بك وارى انه مناسب جدا للتصدير اذا اعجبتك الفكرة برجاء مراسلتى للقيام بتصديره عن طريق شركة التصدير الخاصة بى

شكرا

[ممدوح]

استاذ ممدوح بعد التحية

اثار اعجابى المنتج الخاص بك وارى انه مناسب جدا للتصدير اذا اعجبتك الفكرة برجاء مراسلتى للقيام بتصديره عن طريق شركة التصدير الخاصة بى

شكرا

مرحب بحضرتك الفكره ممتازة وتتطلب دراسة جدوى, وانا لما انزل مصر فى الصيف ممكن تعاينى المزرعة ويكون الانتاج ظهر وعلى اساسه تقررى جدوى ذلك.

أطيب تحياتى

[mustafa hafiz]

الفدان زيتون فى الظروف الجيدة و الرعاية الجيدة يعطى لكل شجرة تقريبا 50 كجم فى العام
و بحساب عدد الاشجار فى الفدان ممكن تعرف اجمالى كمية المحصول يعنى
50 كجم * 200 شجرة = 10 طن تقريبا
و على فكرة انبه حضرتك ان الزيتون اشجار متناوبة الحمل يعنى انها تعطى محصول جيد فى سنة و السنة التى تليها لا تعطى محصول او ربما محصول قليل جدا
والله الموفق

[ممدوح]

الفدان زيتون فى الظروف الجيدة و الرعاية الجيدة يعطى لكل شجرة تقريبا 50 كجم فى العام
و بحساب عدد الاشجار فى الفدان ممكن تعرف اجمالى كمية المحصول يعنى
50 كجم * 200 شجرة = 10 طن تقريبا
و على فكرة انبه حضرتك ان الزيتون اشجار متناوبة الحمل يعنى انها تعطى محصول جيد فى سنة و السنة التى تليها لا تعطى محصول او ربما محصول قليل جدا
والله الموفق

أستاذ مصطفى اولاً نورت بمشاركتك وثانياً لك كل الشكر على ردك الهام بالنسبة لى وطبعا انا عارف انها ممكن تقل وممكن تزيد يعنى تقريبياً
جزاك الله كل خير
ولك أطيب تحياتى

[ممدوح]

السلام عليكم ورحمة الله وبركاته
الإخوه المحترمين من لديهم مزارع زيتون فى مصر أرجو إفادتى عن الأسعار التى تم بها بيع المحصول العام الماضى وما هى توقعاتكم لأسعار هذا العام خاصة أسعار العجيزى والتفاحى مع العلم انا خارج مصر لهذا السبب انا باسأل أهل الخير للإفادة لحين عودتى.
شاكرا ردكم مقدماً

[ممدوح]

الحاجه الغريبه انى شايف ناس كتير فى المنتدى بس مفيش حد بيرد مش عارف ليه؟؟؟؟؟؟؟؟؟

[سامح يسرى مطاوع]

اهلا وسهلا بحضرتك استاذ ممدوح يسعدنى ان اتواصل مع حضرتك بخصوص محصول الزيتون الخاص بحضرتك
رجاء ترك وسيله اتصال


-----||-- الدمج الآلي للمشاركات المتعاقبة - المشاركة التالية أضيفت الساعة 04:24 PM -----||----- المشاركة السابقة أضيفت الساعة 04:20 PM --||-----

01276582005
اهلا وسهلا بحضرتك استاذ ممدوح يسعدنى ان اتواصل مع حضرتك بخصوص محصول الزيتون الخاص بحضرتك
رجاء ترك وسيله اتصال
ده رقمى لانى قليل التواجد بالانترنت

[احمد السيد 55]

انا كمان عندى 11 فدان من الزيتون بيكول و كالاماتا وعايز اعرف اماكن التجار

[ASOM]

السلام عليكم ورحمة الله وبركاته



التوفيق انشاء الله للجميع

[ممدوح]

بسم الله الرحمن الرحيم ( وأما بنعمة ربك فحدث ) الحمد لله وبسم الله ما شاء الله محصول الأرض السنة دى معقول جدا ( عجيزى وتفاحى ) كل الشجر طارح وحاجه تفرح القلب عقبال كل واحد عنده مزرعة يشوفها بالشكل ده , انا كل همى الآن أعرف سعر بيع الزيتون السنه دى وطبعا مش ممكن يكون زى السنه اللى فاتت انا على فكره بعت السنه اللى فاتت الكيلو للتاجر اللى جمع المحصول ب 2.75 جنيه وطبعا كان سعره فى السوق قطاعى كان حوالى 6 الى 7 جنيه تقريبا مش عارف السنه دى هايوصل كام ربنا يسهل دعواتكم ............. وياريت ما تبخلوش علينا بالمعلومات

[Ahmed.]

اشكر الجميع علي المشاركات القيمة .............................

[ممدوح]

اهلا بيك يا أستاذ سامح وانا أرسلت لك الرد فى رساله

اهلا وسهلا بحضرتك استاذ ممدوح يسعدنى ان اتواصل مع حضرتك بخصوص محصول الزيتون الخاص بحضرتك
رجاء ترك وسيله اتصال


-----||-- الدمج الآلي للمشاركات المتعاقبة - المشاركة التالية أضيفت الساعة 04:24 PM -----||----- المشاركة السابقة أضيفت الساعة 04:20 PM --||-----

01276582005
اهلا وسهلا بحضرتك استاذ ممدوح يسعدنى ان اتواصل مع حضرتك بخصوص محصول الزيتون الخاص بحضرتك
رجاء ترك وسيله اتصال
ده رقمى لانى قليل التواجد بالانترنت

[ممدوح]

يا ترى حد عنده فكره سعر الزيتون وصل كام السنه دى؟
ياريت اللى عنده مزرعة زيتون واتعرض عليه سعر يقول ويفيد الجميع
- اولا سعر الزيتون على الشجر
- او السعر بالوزن بعد الجمع

[Mohamed Hesham]

يمكنك التحقق من الاسعار من خلال موقع سوق العبور الاكتروني حيث يتم متابعة الاسعار بشكل يومي
كما يمكنك عرض منتجك علي شبكة بشاير لتسويق المحاصيل الزراعية