اشتري نباتات ايه جديده ؟ انصحوني

[بسمه]

بسم الله الرحمن الرحيم
كيف احوالكم اصدقائي الاعزاء ؟
يارب تكونوا جميعا بخير وكل عام وانتم بخير وان شاء الله يكون ربيع كله خير عليكم وعلى نباتاتكم :)

الحقيقه انا محتاجه نصيحتكم
بقالي كذا شهر بشتري نباتات من مشتل قريب .. هوا مشتل بسيط والعمال فيه بينزلوا كل اسبوع يبيعوا عندنا في المدينه لأنه في مدينه مجاوره
المشكبه انى اشتريت كل الاصناف اللي عندهم بالمعنى الحرفي للكلمه
خبيزه (جيرانيوم ) جميع الالوان المتاحه
مسك الليل
ورد جوري
صباريات - لانتانا كمارا
ريحان - عطر - شيفيليرا - ياسمين - فل -سجاد - وينكا وغيرهم حاجات مش عارفه اسمها
المشكله ان الحاجات دي بالنسبه ليا بقت تقليديه وكل اسبوع بشوفها عندهم
لكن واحد منهم قاللي ان اخوه بيشتغل في مشتل في اسكندريه وانه ممكن يجيبلي كل اللي انا عايزاه من هناك لاني مش بروح اسكندريه الا كل خمستلاف سنه مره ومعرفش مشاتل هناك اصلا
فعايزه اعرف ايه المتاح في المشاتل
ويفضل تكون ازهار دائمه مش موسميه ( لو في موسميه تستحق اوكي )
ويكون سعرها في المتوسط ( يعني لا تزيد الواحده عن 10 جنيه - لو في حاجه غاليه كده اصلا )
وتكون حاجات مزهره لاني بحب النبات يبقى فيه زهور
هوا جابلي بوتس من هناك قبل كده وماشاء الله العنايه واضحه فيه جدا .. نضيف ومنظم وقوي
فياريت ماتبخلوش عليا بالنصيحه اللي عنده نبات حلو يقوللي ... وقدامنا اسبوع كامل ان شاء الله على ما اشوفه
دمتم في حفظ الله:)

[دراسينا]

أهلا بسمة

بامكانك أقتناءشجرة التويا اوالسرو أو السنسفيريا مثلا

ووضعها في حوض كبير نوعا ما وأحاطتها بالزهور الموسمية والاعشاب كالنعناع والاسبرجس الناعم

هذا ماقمت به مؤخرا

[مهندس معماري /احمد]

اختبرت قريبا الجربيرا نبات ممتع و زهره جميله
اقتني الدراسينا بكل الوانها و اصنافها
اختبري تجميع دراسينا ليمون و رفلكسا و كوردلين فحوض واحد للدراسينا
صبار عمه القاضي ممتع
كل ذلك عن تجربه شخصيه ممتع جدا

[sherif shabaan]

هاي بسمه والله لو جأتي اسكندريه نسوي معاكي احلي واجب كلمينا بس اما تيجي و نحضر لك احسن انواع
المهم ليستفيد الجميع ارشح لك الاتي
الشجيرات:
الياسمين الهندي الأبيض Plumeria alba
بوتوسبورم Pittosporum tobira
موريـا Murraea exotica
دودونيـا Dodonaea viscose
عشبيات شتويه معمره وهي تنمو وتزهر خلال الصيف والخريف؛
الونكـا Vinca rosea
العتر الانجليزى Pelargoniun grandiflorum
العتر البلدى Pelargonium graveolens
الجاورنيا Pelargonium zonate
الجارونيا المدادة Pelargonium pelatum
السلفيا المستديمة Salvia splentens
فيربينيا مستديمة Verbena vigida

[بسمه]

بسم الله الرحمن الرحيم

اختى دراسينا
اختياراتك ملهمه كالعاده
بحثت عها على النت وعجبتني جدااااااااااااااااااا السنسفيريا .. اوراقها قمه في الجمال
ان شاء الله حتكون اختياري رقم واحد :) والنعناع رقم اتنين ده اكيد
وان شاء الله اتبع نصيحتك في تنسيقها مع الزهور الموسميه وياريت لو تقدري ترفعي صوره لتنسيقك علشان اغشه منه هههه اصلي ماليش خبره في تنسيق الزهور مع بعض ...معنديش الموهبه دي للأسف

باشمهندس احمد
بعد البحث كالعاده ... الجيربيرا تحفه بس الوانها هي المشكله .. محتااااااااااره اختار اي لون .. كلهم احلى من بعض
اما الدراسينا رهيبه خصوصا الليمون والكوردالين
والصبار ان شاء الله حيكون ليه ركن خاااااص جدا عندي لأني اعشقه
يبقى الدراسينا والجربيرا ان شاء الله مع السنسفيريا والنعناع

باشمهندس شريف
والله اتمنى من كل قلبي اني اجي اسكندريه واتشرف بمقابله حضرتك
وان شاء الله في خطوه اذا ربنا اراد وتمت على خير يبقى ان شاء الله الزياره اكيده

بالنسبه لاختيارات حضرتك
كنت عندي الياسمين الهندي وماتت بس سمعت انها سامه وانا عندي قطط بيعشقوا الزرع وكمان بنت اخويا اخاف عليها تتهور وتاكل منها حاجه ..اي نعم مش ممكن بس الاحتياط واجب
عجبني العطر الانجليزي جدا الوان ورده تحفه انما العطر البلدي عندي منه اتنين
واحده ازهرت والتانيه بدأت تطلع برعم اخيرا
الدودونيا وموريا تحفه وان كانت الموريا شبه البوتوسبورم شويه مش كده؟
الجارونيا حاسه انهم شبه العطر والخبيزه وانا عندي اكتفاااااااااااااء من ناحيه الخبيزات ولو ان في كام لون ناقصين بس كفايه عليهم خالص كده
السلفيا والفيربينا ورتهم مختلفه وده اللي بدور عليه

يبقى العطر الانجيزي والدودونيا والسلفيا والفربينا مع السنسفيريا والنعناع والدراسينا والجربيرا ان شاء الله
اي اقتراحات تانيه؟

ممناسبه وانا بدور لقيت النوع ده حموت عليه
Hypoestes
ده متوفر عندنا في مصر وللا لأ؟

[مهندس معماري /احمد]

الجميله و المتالقهHibiscusهيبسكس بدون شك و كل الوانه و اصنافه
http://f.zira3a.net/my-files/48244_01334483099.jpg (http://f.zira3a.net)
وبالمناسبه الجريبيرا تبدا من 3 جنيه فممكن تقتني اكتر من لون فحوض واحد

[دراسينا]

http://desmond.imageshack.us/Himg99/scaled.php?server=99&filename=dsc0380s.jpg&res=landing



http://desmond.imageshack.us/Himg31/scaled.php?server=31&filename=dsc0206mk.jpg&res=landing

هذه صورة بعض التنسيقات المؤقتة قبل كم شهر الان كبرت وملئت الحوض (أحاول أصورها بعدما كبرت )

لاحظي النباتات هنافي أوعية فأنا أضع النباتات باوعيتهم في البداية حتى اعرف مدى مناسبة الحوض لهم والمكان والتناسق في الحجم

وكذلك ممكن يكون تجميع مؤقت للمناسبات ثم توزع في الحديقة بحسب ذوقك أو يغير التنسيق كأن تضعي النبتة الكبيرة

جانبية وليست في الوسط أو ترتبيهم بحسب طولهم المعروف وتضيفي إليهم بعض الحجارة للزينة

انتبهي بعض النباتات لاتناسبها الاحواض ربما تمرض لان احتياجاتها تختلف فيمكنك نقلها لمكان أخركما حدث لي مع

زهور المنثور بدايظهرعليها حشرة المن فلم نقلتها الى الارض ورشيتها بالمبيد تحسن حالها

اتمنى ان تشاهدي الصور ربما تحذف لان ملف موقع التحميل ممتلئ بالصور ولدي انذار

[soulplants]

انا عندي مركان على طول و في كل موسم ازرع فيه حوليت و انسقهم مع بعض بي هذا الشكل وهذاي الصور

http://img692.imageshack.us/img692/7892/sam0576h.jpg




http://img528.imageshack.us/img528/4525/sam0578l.jpg



و دراسينا انا اشوف في الصوره الثانيه في المشركه حقتك نباته هي عندي وهذا صورة زهراته لم تفتحت في الصباح لانه تغلق مع غيب الشمس

وعندي مركان فيه نفس هذا النبات رح اصوره ان شاء الله و ارفعلكم الصوره لاني معرف ايش هو النبات ولا حت اسمه العلمي


http://img811.imageshack.us/img811/7789/sam0579w.jpg

[دراسينا]

أخي الكريم سول بلانت هذه أزهارالجازانيا splendens Gazania زرعتها بداية الشتاء

https://www.google.com.sa/search?q=splendens+Gazania&hl=ar&safe=active&site=webhp&prmd=imvns&source=lnms&tbm=isch&ei=X7CKT5uIDs_rOcHP4doJ&sa=X&oi=mode_link&ct=mode&cd=2&ved=0CBMQ_AUoAQ&biw=1280&bih=639

هذه صورة متاخرة للحوض الاول

http://desmond.imageshack.us/Himg13/scaled.php?server=13&filename=dsc0990n.jpg&res=landing

وهذه الجازانيا متفتحة

http://desmond.imageshack.us/Himg801/scaled.php?server=801&filename=dsc0800f.jpg&res=landing

[soulplants]

شكرا كثير لك دراسينا انا بحثة عن الاسم حقه و حصلت هذاي المعلومات الجميله

تحمل النبات لعوامل البئة القاسية :

الحرارة :تتحمل من 40 - 47 درجة مؤية لا تتحمل الصقيع .

التعرض لأشعة الشمس المباشرة 100% .

الرياح : جيدة التحمل إلى ممتازة .

الجفاف :جيدة التحمل .

الأملاح : متوسطة التحمل .

الحشرات والأمراض : ممتازة االتحمل .

الأدخنة والغبار : ممتازة التحمل .

[دراسينا]

مشكلتها الوحيدة تقريبا أن الطيور تأكل الأزهار لذا أختيارالمكان المناسب يساعدنا على تلافي هذه المشكلة

[soulplants]

تعرفي وجهتني نفس المشكله قبل سنه مع بعض الزهور بس حصلت الحل وهو بصيط جدا ربية بسه يعني قطه في الحديقه و صارت الطيور تخف تنزل لي الارض الحديقه و صارت اشوفه بس فوق الشجار و المتسلقات

و بي كذا ارحت من مشكل الطيور

[sherif shabaan]

الهيبستوس ده من انواع نباتات الظل الرقيقه والذي يضفي سحر ورقه عالمكان الذي يوضع به منه الوان عديده احسنها الابيضاء من الناحيه التنسيقيه يستخدم بالاماكن شبه ظليله اي يصله القليل من الضوء
انا في اعمال الديكور الداخلي اضعه اسفل الاباجوره بجد جميل ونادر اما تلاقيه ويشبه في استخدامه وشكله نبات الفيتونيا لحدا كبير
لو حابه شتلات نوفرها لك
الهيبستوس:

http://subirimagen.infojardin.com/sube-fotos/images/klz1309272661l.jpg

الفيتونيا

http://farm5.staticflickr.com/4122/4923782176_cb0f384a38_z.jpg

[norhan]

عزيزتي بسمه

قرأت ماكتبــته وحقا احيانا نحــب ان نجــدد زهورنا ونباتاتــنا...
ونصــل لمرحلــه نتمنــى ان نســتغني عن اثاث البيت ليحل محله الزهور والنباتات...

الجميع ابــدوا لك النصيحه...
لكني اضــم رأيي للاخ المهندس احمــد...
لان من قــرأت ماكتبت
تمنيــت ان تختــاري النباتــات الملونــه الدائميــه...
لان ياعزيزتي لا توجــد زهــور دائمه ... اكيد في اوقات تختفي الزهــور من الحديقه

ولكن نستطيع ان نعمل ادوار للتزهير باختيــار ما يحتل تزهيره وقت لا زهور في الاجــواء

اما النباتــات الملونه مثل النبتــه الغاليه على قلبي الدراســينيا حيث ان فيها اصناف متــباينه بالالـوان والاشــكال ومن الممكن ان تضفي على مجمعك رونق وجمال تسعدين به

وهي متحملــه لاجــواء مختلفه من البرد والحراره

غاب عنكم القرنفــل الجميل وخصوصا المهجن ذو العطر الجميل

تمنياتي لك

[بسمه]

بسم الله الرحمن الرحيم

باشمهندس احمد
الهبسكس روعه وخصوصا الابيض والاصفر .. عندي الاحمر بس منها وكانت غايبه عن بالي باقي الوانها
تم اضافتها للقايمه طبعا

دراسينا
ماشاء الله عليكي
تنسيقاتك جميله وذوقها عالي :)
وفكره ذكيه انك تحطي الاصص الاول وترتبيها قبل زراعتها وصورهم لما كبروا وتفتحت زهورهم اكيد فرقت كتير
الهمتيني بشويه افكار
مشكلتي هي اني عارفه ان بعض النباتات مش بتتوافق مع بعض في حوض واحد .. ولا انا اللي موسوسه؟
ان شاء الله لما اجيب الزهور الجديده حرتبهم واشوف رأيك :)

اخي سول بلانتس
ماشاء الله على زهورك وتنسيقها
اللي على اليمين سجاد؟
اللي ورقها فضي دي عندي منها وكل ما اقابل اسمها انساه تاني وبدأت في الربيع تنتج ورق كتير .. اعشقها
اكيد استفدت من طريقتك في التنسيق

باشمهندس شريف
لك جزيل الشكر على اضافتك
انا اول ماشفتها هوستني وخصوصا في منها ورقتها خضرا بنقط بمبى .. رهيبه
وزي ماقلت لحضرتك اول فرصه لزيارتي لاسكندريه حيكون في زياره لمشتلكم ان شاء اللهاكيد
بس هيا الفيتونيا دي حاجه تانيه؟
انا كنت فكراها هيبستوس !

اختي نورهان
تسلمي على نصايحك الغاليه
وان كان سوء تعبير مني .. انا قصدت نباتات دائمه مش زهور دائمه ( وان كنت في سري اتمنى الا تذبل الزهور ابدا )
القرنفل .... انا مجنونه قرنفل فعلا غاب عني وان شاء الله يضاف للقايمه

ان كان عليا امنيه حياتي يبقى عندي مشتل مش مجموعه زهور
مين عارف ادعولي ربنا يحقق امنيتي

[soulplants]

نعم هذا كولس سجاد

انا احبه كثير و لي معه تجراب كثيره

رح اوريكي اول تجربه لي معه وهي في سنة 2008 اول ما شريته و نسقته وضعته في غرفتي بس ما طول وذاب و مات لان هو يحتج لي اضاه قويه و برضو رطوبه ولا كان عندي فكره عنه

فا تعلمت من غلطتي هذاي

وهذاي صورة اول كولس كان عندي فس سنة 2008


http://i41.tinypic.com/34ew3np.jpg

[بسمه]

بسم الله الرحمن الرحيم
اوووووووووه خساره
اوعى تقولي ان اللي في الصوره ده هوا اللي مات
انا عندي بذوره متنوعه وكل ما ازرعها مش بتنبت .. حقيقي مليت من زراعتها بس بفكر اديه فرصه اخيره ..موعد زراعته كتشتيل في شهر براير ومارس وفي الارض مباشره ابريل ومايو .. يعني ده انسب موعد لزراعته
انت شجعتني اني احاول معاه تاني ان شاء الله

[sherif shabaan]

بسم الله الرحمن الرحيم

باشمهندس شريف
لك جزيل الشكر على اضافتك
انا اول ماشفتها هوستني وخصوصا في منها ورقتها خضرا بنقط بمبى .. رهيبه
وزي ماقلت لحضرتك اول فرصه لزيارتي لاسكندريه حيكون في زياره لمشتلكم ان شاء اللهاكيد
بس هيا الفيتونيا دي حاجه تانيه؟
انا كنت فكراها هيبستوس !


الفيتونيا
من النباتات المحبه للاضاءه نصف الظليل يزرع للتنسيق الداخلي والاسبته المعلقه تتكاثر بالعقله الساقيه وتحب التربه بيتموس وتفضل الري قليل والحراره العاليه منه الوان الابيض والاحمر
الاسم العلمي fitonia verschaffeltii

[soso2020]

اللهم صلى وسلم على سيدنا محمد
اللهم صلى وسلم على سيدنا محمد
اللهم صلى وسلم على سيدنا محمد

اللهم صلى وسلم على سيدنا محمد

[بسمه]

بسم الله الرحمن الرحيم

اللهم صل وسلم على سيدنا محمد وعلى آله وصحبه اجمعين

[بستاني]

السلام عليكم

أهلا أخت بسمة نورتي

أقترح عليك بما إنك من الإسكندرية أن تركزي على نباتات حوض البحر الأبيض المتوسط مثل السرو والدفلة وإكليل الجبل والبلمباقو والجيرانيوم والجهنمية

والكمكوات أيضا ستكون زراعته بالأحواض جميلة بما أنه شجيرة

بإمكانك البحث في قوقل للمزيد من نباتات الحوض المتوسط عن طريق كتابة Mediterranean Plants

[بسمه]

بسم الله الرحمن الرحيم
النور نورك اخي بستاني
عجبني الدفله واكليل الجبل والكمكوات جدااااااااااااااااا
بس المشكله في اسماءها ممكن تكون بتختلف من مصر للسعوديه
ياريت لو تعرف الاسم العلمي ابقى شاكره ليك جدا
بحث زي مانصحتني ولقيت حاجات كتير حلوه بس عايزه وقت للتدقيق ..بكره ان شاء الله اركز معها شويه
شرفتني زيارتك
بس على فكره انا مش من اسكندريه انا من محافظه جنبها بينا وبينها ساعه واحده سفر ومع ذلك بزورها قليل جدا

[sherif shabaan]

التفله nerium oleander
اكليل الجبل Rosmarinus officinalis
الكمكوات او البرتقال الياباني Citrus Japonica

[بسمه]

بسم الله الرحمن الرحيم
لك جزيل الشكر يا باشمهندس شريف

[اتعلم]

حبيبتي بسمه

انتبهي لبعض المشاتل تلاقي عندهم

اعشاب ملونه او شجيرات الونها كثيره

بعد ماتنقليها للارض يصبح لونها اخضر

حصلت معي قبل بعد نقلها باسبوعين

وظهور اوراق جديده اصبح لونا اخضر

لا اعرف السبب ياليت الي عنده خبره

يقولي السبب .....ويارب يكون عندك مشتل

وانا زيك اتمني وكل من يحب الزراعه ربي يفتح

عليه ويملك مايتمنى

[sherif shabaan]

حبيبتي بسمه

انتبهي لبعض المشاتل تلاقي عندهم

اعشاب ملونه او شجيرات الونها كثيره

بعد ماتنقليها للارض يصبح لونها اخضر

حصلت معي قبل بعد نقلها باسبوعين

وظهور اوراق جديده اصبح لونا اخضر

لا اعرف السبب ياليت الي عنده خبره

يقولي السبب .....ويارب يكون عندك مشتل

وانا زيك اتمني وكل من يحب الزراعه ربي يفتح

عليه ويملك مايتمنى

صح كلامك ينطبق علي بعض انواع مثل الكوليس المستورد الوانه جميله يتكاثر بذره غالي الثمن علي عكس النوع البلدي وما يلبس ان تشتريه وتزرعيه تجدي النموات الجديده لونها باهت اخضر او ليس مثل الام
وطبعا كثير من هم اصحاب المشاتل سامحهم الله يفتخرون ان لديهم 20 لون من الكوليس لكن لايصرحون بالحقيقه ان الالوان دي وقتيه نتيجه لتغذيه خاصه للنبات ويتغير الي نموه العادي عند المشتري للنبات
الكوليس البلدي

http://www.plantoftheweek.org/image/coleus.jpg

الكوليس المستورد
http://4.bp.blogspot.com/-mF4SDs0dckA/TpyPgcqYRGI/AAAAAAAABTs/MtD8S_87tdk/s1600/COLEUS.jpg

ده شكل النبات المستورد بعد شراؤه وزراعته


http://4.bp.blogspot.com/_qxNGQfRL4Z8/S-ViDbY3QEI/AAAAAAAAAK8/GG2UjuCe6fg/s1600/Coleus+Religious+Rutabaga.jpg

[بسمه]

بسم الله الرحمن الرحيم
عزيزتي أتعلم
تسلمي جدا على النصيحه
ان شاء الله اخد بالي واطلب حاجات بعيده عن الاوراق الملونه
لأني لسه معرفش نظامهم ايه
والنباتات حتجيلي عن طريق وسيط ان شاء الله

باشمهندس شريف
تسلم علي نصيحتك
والمثال واضح جدا
طيب انا عندي بذور كوليس زي اللي في الصوره الاولى وزرعتها مرتين وماطلعتش للأسف
بفكر ازرعها تاني
هل من نصيحه معينه للاحتفاظ بلون الاوراق ولا المعامله العاديه؟

[sherif shabaan]

بسم الله الرحمن الرحيم

باشمهندس شريف
تسلم علي نصيحتك
والمثال واضح جدا
طيب انا عندي بذور كوليس زي اللي في الصوره الاولى وزرعتها مرتين وماطلعتش للأسف
بفكر ازرعها تاني
هل من نصيحه معينه للاحتفاظ بلون الاوراق ولا المعامله العاديه؟

معظم البذور اللي في السوق ال expire date بتاعها انتهي من سنتان طبيعي الانبات يكون ضعيف او معدوم
للحصول علي بذور مستورده لازم من مصدر موثوق منه او حد قريب يكون بالخارج
ان شاء الله سوف اجيب معي بذور من انجلترا بعد شهرين (ابصال وحوليات) وسأعلن عن ذلك في حينه
الحفاظ علي لون الكوليس البلدي تعرضيه للشمس المباشر وتغذيه بالكريستالون الالوان البمبي
اما النوع المستورد للحفاظ عالون لازم تربيه تحت سيران اي ستائر سوداء مع مغذيات خلط حديد - بوتاسيم - فوسفور ووضع النترات بكميات بسيطه وفقا لجدول زمني
حوالي والله معك
رش عالورق

[بسمه]

بسم الله الرحمن الرحيم

لا يا باشمهندس البذور اللي عندي مستورده
كنت موصيه واحده قريبتي حابتهم من كارفور في السعوديه
وتاريخ الانتهاء لمعظمهم 2013 - 2014
تبع شركه اسمها هورتس ايطاليا

[sherif shabaan]

اذا اجيبي الاسئله :
- ما اسم البذور دي
- ما وقت اللي زرعتيها
- اين زرعتيها
- ما نوع التربه المستخدم
- نوع ماء الري ومواعيده

[soulplants]

بسم الله الرحمن الرحيم
اوووووووووه خساره
اوعى تقولي ان اللي في الصوره ده هوا اللي مات
انا عندي بذوره متنوعه وكل ما ازرعها مش بتنبت .. حقيقي مليت من زراعتها بس بفكر اديه فرصه اخيره ..موعد زراعته كتشتيل في شهر براير ومارس وفي الارض مباشره ابريل ومايو .. يعني ده انسب موعد لزراعته
انت شجعتني اني احاول معاه تاني ان شاء الله



اهلين بسمة و ايوه هذا الي مات لانه ما نسبه المكان لان فيه قلة اضاه و برضو ما كان عندي فكره عن احتيجاته من الري و الاضاه و الرطوبه علشان كذا مات

وهذاي صوره ثانيه له


http://i44.tinypic.com/rk57kg.jpg

[بسمه]

بسم الله الرحمن الرحيم
باشمهندس شريف
بالنسبه للأسئله
- الاسم : COLEUS
- موعد الزراعه على الغلاف : تشتيل :فبرايو ومارس .... زراعه مباشره : ابريل ومايو
- الموعد اللي انا زرعتها فيه : شهر سبتمبر السنه اللي فاتت .. بس مش فاكره انبتت ولا لأ, لأن معظم البذور اللي انبتت العصافير اكلتها
المره التانيه زرعتها بالطريقه اللي حضرتك ذكرتها لمعرفه نسبه الانبات عن طريق وضع البذور بين شريحتين مبللين من المناديل في كيس ورقي
وده كان في شهر نوفمبر تقريبا واعذرني لو قلت مش فاكره لأني كنت زارعه بذور كتير وكلهم ماتوا لما نقلتهم للتربه لأن الجو كان برد واتشغلت عنهم كمان
المره التالته في شهر يناير بنفس الطريقه لكن لم تنبت والباقي انبتوا
المره الرابعه في الاكواب البلاستيك زي باقي البذور شهر فبراير ولم تنبت والباقي انبتوا
التربه في المره الاخيره تربه حقل .. نجحت مع جميع البذور ماعدا السجاد وال strawflower ... اللي اتمنى حضرتك تنصحني بشأنها لأنها بتنبت بنسبه قليله جدا فهل العيب من البذور نفسها؟
لأن جميع البذور من شركه واحده وفي بذور نسبه انباتها تقريبا 98 %
الكوليس نسبة انباتها على الظرف 87%
ماء الري كانت ماء الصنبور العاديه وحتى الان لجميع البذور والنباتات
مواعيد الري .. كنت بخلي التربه نديه دايما .. كنت برش بالبخاخ


اخي سولبلانتس
حقيقي زعلت عليهم ..خساره
الله يعوض عليك ...يارب
وواضح انك اتعلمت من التحربه بدليل باقي نباتاتك بسم الله ماشاء الله ... ربنا يزيد ويبارك :)

[sherif shabaan]

الاخطاء التي وقعتي فيها هي عدم زراعة البذور في الموعد المحدد لها فالحوليات الشتويه مثل زهرة الدهب او الهليكريزم الزراعه من سبتمبر الي نوفمبر مع مراعاة التقنيه الفنيه في التعامل حيث البذور حجمها صغير جدا
تزرع بالصوبه والنقل بعد 45 يوم عندما يصل طول البادره 5سم في خليط تربه باكياس بلاستيك والتسميد العضوي لحين الازهار في اخر يناير

[روحي الورد]

بسمة ماشاء الله عندج مجموعه كبيرة من النباتات يا بختج ياعم