عايز رايكم فى الى عملته لتكاثر الكروتون

[egman]

السلام عليكم ورحمة الله وبركاته

انا عندى نبات كروتن والحمد لله هو متواجد داخل امنزل من سنة تقريبا والحمد لله بحالة جيدة هو نموه بطىء شوية لكن الحمد لله فى نمو وحالة جيدة وارتفع طوله ففكرت فى التكاثر بالعقلة وقمت بعمل التالى :


قمت بقطع حوالى 15 سم من النبات من الاعلى .

قمت بتقطيع الاوراق وابقيت الساق على 3 ورقات بجانب انه فى نهاية الساق براعم كانت لنموات جديدة .

قمت الساق المقطوعة من النبات فى هرمون منشط اسمه Super Vigro X اشتريته من معرض الزهور ووضعت الساق فى زجاجه بها ماء وصعت نسبة بسيطة ملاءمة لحجم الماء من الهرومون المنشط .

اسئلتى :

ال عملته ده صح ولا غلط ؟
النبات الاصلي بعد القطع اية الى هيحصل فيه هل هينمو تانى من نفس مكان القطع ولا هيكون اية الشكل لانى بعد القطع كده انا قضيت على الساق الى كانت بتتطول وينمو منها الورق ؟
الجذوز بتظهر بعد قد ايه ؟
هل اقوم بتغيير المياه فى الزجاجه ام لا ؟
تحياتى لحضراتكم ،،

[egman]

في انتظار الاجابة لأهمية الموضوع لدي

[ندوة]

اسئلتى :

ال عملته ده صح ولا غلط ؟
النبات الاصلي بعد القطع اية الى هيحصل فيه هل هينمو تانى من نفس مكان القطع ولا هيكون اية الشكل لانى بعد القطع كده انا قضيت على الساق الى كانت بتتطول وينمو منها الورق ؟
الجذوز بتظهر بعد قد ايه ؟
هل اقوم بتغيير المياه فى الزجاجه ام لا ؟

اهلا بك

* من الافضل زراعة العقل في التربة المناسبة .

* كم سم طول العقله المقطوعة ( او الساق ).؟

*هل العقلة المقطوعة طرفية ام ساقية ..؟

* تحتاج العقل للتجذير لوقت يصل الى شهرين..

* النبات الام سيبقى يواصل النمو بالتاكيد ..

[egman]

تحياتى لحضرت وعلى اهتمامك الرائع بالهواه

اما بخصوص المعلومات المطلوبة فهى كالتالى :

العقله المقطوعه هى ساقيه من اصل النبات الرئيسي او الام وهو الجزء الاعلى منها وليست طرفية .

طولها حوالى 15 سم .

هل حضرتك تقدصي انه من الافضل وضعها على طول ومباشرة بعد القطع فى تربة البيتموس مرة اخرى دون وضعها فى المياه لحين ظهور الجزور؟

هل النبات الام سينمو من جديد من نفس المكان الى حدث فيه القطع ولا هيواصل ارتفاعه مرة اخرى ازاى ؟

منتظر رد حضرتك ،،

وخالص تحياتى ،،

[broly]

عليك بقطع (كشط) جزئ من الخشب من مكان خروج الجذور تقريباً1-2سم

او شقها بحيث تصبح نصفين

[sherif shabaan]

ينصح باخذ العقل الساقيه للكروتن ابتداء من هذا الشهر علي ان توضع العقل في تربه خليط بيتموس ورمل بداخل الصوبه لتحفز الحراره العاليه العقل للتجذير والنمو
اما اسهل وانجح الطرق لاكثار الكروتن المزروع بالحديقه هي الترقيد الهوائي.

[egman]

تحياتى لحضرتك يا باشمهندس / شريف وجزاك الله كل الخير .

انا ممكن اعمل كده النهارد وهعوض موضوع الصوبه انى ادخل الاصيص كلها فى كيس بلاستيك شفاف .

وبالنسبة لعملية الرى هتكون كل قد ايه ولا على حسب جفاف التربه كالوضع الطبيعي ؟

طيب بالنسبة للنبات الام الى انا قعطت القمة المترفعه الى فيه هل مكان القطع هينمو فية افرع تانية ولا الافرع الجديدة هتكون جانبيه لانى مكان القطع الى عملته فى النبته الام تقريبا جف ؟

[sherif shabaan]

*بالنسبه الري طبعا الاول تسقي التربه حتي تتشبع وتتركها برهه من الوقت ليتبخر جزء من الماء ثم تضع العقله بالشاليه وتغطيها كما قولت وتفتح الكيس اسبوعيا للتهويه والري باعتدال بعد الكشف باصبعك علي الرطوبه بالتربه

* لقد قطعت القمه الناميه فوضع طبيعي ان يتجه النبات الي نمو البراعم الجانبيه.
تحياتي

[egman]

تحياتى لحضرتك على ذوقك الرفيع واهتمامك بالموضوع .

انا الحمد لله عملت زي ما حضرتك قلت بالضبط .

بس يا ريت اعرف هو الطبيعي ان العقله الساقيه ده تبدا فى النمو بعد قد اية او بياخد وقت قد اية للتجذير والنمو ؟

الورق الى اان سايبه فى العقله ده هما 3 ورقات كبار ومكان النمو بتاع العقله بس الملاحظ ان الورق ما بقاش فيه نضارة زي الاول هل ده طبيعي ؟