لخبراء المنتدى المحترمين_ومن هم من محافظة اسوان

[my2007]

اريد ان استفسر عن اسعار الاراضى الزراعية بمحافظة اسوان .. واسعار اراضى الاستصلاح بالمحافظة لانى حاولت البحث كثيرا عن قطعة ارض فى حدود من 5_10 فدان ولم اوفق فانا لدى مبلغ ليس بالكبير ولكنى اطمع ان اجد به قطعة ارض تعود على بالرزق الحلال .... وانا ليس لدى خبرة كبيرة فى مجال الزراعة... فارجو مساعدتى


شكرا لكم

[sherif shabaan]

بصراحه محافظة اسوان اكثر من رائعه وتستحق الاستثمار بها حقا
حضرتك عايز الارض فين بالضبط:
-علي النيل - اراضي الاستصلاح الزراعي بالصحراء- اراضي في المدينه - في ريف اسوان - كوم امبو (تقع شمال اسوان تبعد 40كم من اسوان) - إدفو هي مدينة في شمال

[my2007]

شكرا لذوق حضرتك وسرعة الرد على فكرة انا اصلا من اسوان ولكنى اعيش حاليا خارجها وانا ابحث عن ارض استصلاح فى المحافظة او فى مدينة كوم امبو وانا لا اعرف الاسعار

[sherif shabaan]

باذن الله نجيب لك اسعار بشرط تكون جادا في الشراء .....................وفقك الله

[احمد على على]

الاخ العزيز "اللى مش عارف اسمه "
اسعار الاراضى
الاسعار مختلفة من مشروع لاخر حسب الجودة و المياه و القرب و البعد و كذلك سابق زراعتها او انها مازالت بكر
على العموم
مشروع وادى الصعايدة مركز ادفو السعر من 20 الى 25 الف للفدان و بتكون قطع من 3 او 5 افدنة
مشروع وادى عبادى مركز ادفو السعر من 30 الى 35 الف للفدان
مشروع وادى النقرة مركز كوم امبو السعر من 45 الف تسليم شركة الاستصلاح
لكن يعاب عليه البعد و عدم التسوية الجيدة
و يكون من 75 الى 85 الف فى الارضى الجيدة المنزرعة سابقا فى نفس المشروع
و فى كمان مشروع ابار توشكى و دا مساحته 6 الاف فدان
و دا نظام مزاد فيه تامين دخول حوالى 450 جنيه للفدان
و كراسة شروط تسحبها من ادارة المشروع ب 5000 ج
و المزاد كل يوم احد من كل اسبوع تبدا النهاردة 4 مارس لحد ما تخلص جميع القطع
و ربنا يوفقك

[my2007]

شكرا للاهتمام والرد لكلا من الاستاذ احمد والاستاذ شريف وعلى فكرة يا استاذ احمد انا اسمى ابراهيم
اما فيما يخص الاسعار فانا كنت اظن ان اسعار الاراضى فى اسوان اقل ولكن للاسف المبلغ الذى امتلكه اتضح لى انه لايصلح فى الا ستثمار فى الارض الزراعية لانه لايكفى ثمن لقطعة ارض ... واكرر شكرى لكم وان امكن انا اريد ان استفسر عن شئ انا املك 100 الف جنيه ولا استطيع استثمارها فما حال الشباب الذى لايملك انا لدى اصدقاء فى الوطن العربي فرص الاستثمار لديهم للشباب رائعة فلماذا هذا الحال فى مصر... ان استطاع احد الجواب فالرجاء الرد على لانى فعلا بدات فى كره مصر

[احمد على على]

اهلا بيك يا استاذ ابراهيم
يا سيدى الفاضل لا نعيب بلدنا و العيب فينا
ممكن يكون معاك مليون لكن مش هتشترى قطار و ممكن يكون معاك 7 الاف و تشترى توك توك
تحرك على قدر ما معك من اموال انظر حولك فى المشاريع المختلفة هناك الف مشروع يبدأ بمبلغ اقل مما معك
انا واثق ان فى ناس كتير نفسها يكون معاها زيك ا ونصفك او حتى ربع ما معك
و على فكرة هتشتغل حلو جدا
اما اذا كنت فى الخارج يبقى انت فى نفس مشكلة المغتربين بعد سنوات الغربة يلقى نفسه متجمد غير قادر ليس فقط على الحركة و انما ايضا على التفكير
كل حاجة ليها تمن
مش لازم تشترى الارض ممكن تشارك اى صاحب ارض بمشروع هو بالارض و انت بالتمويل و لتكن عمل صوب مثلا سواء تصبح انت المنتج النهائى او تعمل شتلات تبيعها للمزارعين مع حفظ الحقوق القانونية
مشتل للنخيل و المانجو و دا ماشى حلو جدا لان المزارعين بدأت تمل من القصب و غلبه و اتجه اغلبهم للبحث عن بديل
و على فكرة اسوان فيها مشكلة النقل الداخلى ممكن تسحب مينى باص و تشغله داخل المدينة
هيكسب حلو جدا
ممكن تشتغل فى التجارة كل حاجة فى اسوان بتيجى من بحرى بس السيولة
المشاريع كتير بس سيح الثلج اللى انت فيه و هو صيف اسوان جاى و دا يسيح الاسفلت
و شد حيلك

[sherif shabaan]

فعلا فكرة الاستثمار في مجال الزراعه غير التقليديه يا استاذ ابراهيم ممتازه
انصحك شراء قطعة ارض صغيره فدان وتبداء زراعة بذور نخيل الزينه غير التقليديه وطبعا يساعدك الجو الحار باسوان والذي يشبه لحد كبير جو الخليج والذي تتطلبه بذور النخيل لسرعة الانبات
وعهد علينا نوفر لك البذور التي عليها الطلب الكبير داخليا وخارجيا ونسوق المنتج لك
وابدأ والله معك

[my2007]

شكرا للردود وارجو من حضراتكم ارشادى الى مشروع زراعى لا يحتاج الى ارض بمساحة كبيرة ويكون العائد الحلال منه جيد
فانا كما قلت لحضراتكم ليس لدى خبرة فى الزراعة ولدى الرغبة فى التعلم
واكرر شكرى للاهتمام جزاكم الله عنى خير

[كريم اسوان]

و على فكرة اسوان فيها مشكلة النقل الداخلى ممكن تسحب مينى باص و تشغله داخل المدينة
هيكسب حلو جدا
ممكن تشتغل فى التجارة كل حاجة فى اسوان بتيجى من بحرى بس السيولة
المشاريع كتير بس سيح الثلج اللى انت فيه و هو صيف اسوان جاى و دا يسيح الاسفلت
و شد حيلك[/QUOTE] انا كريم من اسوان عندى نفس المشكلة يا استاذ احمد فى فلوس بس مفيش خبرة فى التجارة انا معايا حوالى 25 الف و خريج سياحة وفنادق حابب اشتغل فى التجارة بس مش عارف اعمل ايه بالظبط (عجبتنى ممكن تشتغل فى التجارة كل حاجة فى اسوان بتيجى من بحرى بس السيولة
المشاريع كتير بس سيح الثلج اللى انت فيه) ممكن تقولى زى ايه لو سمحت انا متابع الرد على الميل وعلى الموقع كمان وعلى فكرة انا سجلت عشان ارد عليك وشكرا جزيلا.............

[احمد على على]

انت من فين فى اسوان يا عم كريم كمان المبلغ ده مش كبير يعنى على التجارة لكن ممكن مفيش مستحيل
و لو بطلنا نحلم نموت على رأى منير

[كريم اسوان]

انت من فين فى اسوان يا عم كريم كمان المبلغ ده مش كبير يعنى على التجارة لكن ممكن مفيش مستحيل
و لو بطلنا نحلم نموت على رأى منير انا من السيل يابو حميد السيل الريفى طب التجارة دى كلمة كبيرة جدا فا المطلوب منك تقولى ايه التجارة اللى تنفع معايا وخصوصا انك عارف اسوان ومشاكلها كويس منتظر ردك يا باشا ومتابع...............

[كريم اسوان]

انا من السيل يابو حميد السيل الريفى طب التجارة دى كلمة كبيرة جدا فا المطلوب منك تقولى ايه التجارة اللى تنفع معايا وخصوصا انك عارف اسوان ومشاكلها كويس منتظر ردك يا باشا ومتابع...............رمضان كريم يا جماعة الاستاذ احمد شكله صايم ومابيردش خالص
متابعك يا باشا فى موضوع التجارة وشكرا.....

[احمد على على]

اسف اسف اسف جدا يا كيمو
انا نسيتك خالص الدماغ معايا مشغولة جدا والله
انا من عادتى لما ادخل المنتدى اشوف المشاركات الجديدة و عادة لا اكمل التصفح
رحت من بالى خالص
مفيش مشكلة انشاء الله يا راجل دا لو جبت شوية بطيخ و بعتهم بعد المزلقان على اول كبرى السيل كنت عملت كدهم
انا بهزر مش اكتر
لكن لا تقلق ابدا حافظ على المبلغ اللى معاك و انشاء االله خير
و انت فى بالى اشاء الله
اخلص اللى فى يدى بس
و انشاء الله خير

[كريم اسوان]

انشاء الله خير وربنا يسهل انا متابع معاك ياباشا بس ابعد عن البطيخ خالص............................... .........:heyu:مبحبش اكل علسكين

[my2007]

هل توجد فرص متاحة الان عن اراضى باسوان