المساعد الشخصي الرقمي

مشاهدة النسخة كاملة : يلا نزرع مصر



shereifsaber
10-10-2011, 03:30 PM
يلا نزرع مصر

لاقيت 10 أفدنه في الصالحية الجديدة محافظةالشرقية سعر إيجار الفدان 1700 جنيه في العام في حين يصل الفدان في الأراضي السمراء إلى7000 جنيه نتيجة العرض والطلب في حين إن ارض الصالحية بعد وضع السماد العضوي أحسن ألف مره من الأراضي السمراء في زراعة الخضر .

أنا معايا عقلي وذراعي و ألف جنيه أريد معايا9 شباب علشان نبقى 10 نطلع كلنا على الصحراء كل واحد هيشغل دماغه وذراعه ويدفع ألف جنيه كده الخير هيعم على الجميع يلانتوكل على الله ونأخذ بأسباب النجاح ( والله لا يضيع اجر من أحسن عملا ) أنا منتظرالمشتركين نطلع كلنا نزرع وربنا معانا وانشاء ممكن الفدان الواحد يكسب عشرة ألاف جنيه

وان شاء الله لو ربنا قدر ونجحنا نزرع مصركلها وبدل 10 أفراد نكون مجتمع فيه10مليون فرد وندخل جميع مجالات الإنتاج الزراعي والحيواني وجميع المشروعات أخيكم شريف صابر الزقازيق شرقية تليفون / 01008002845

ma15345
19-10-2011, 01:40 AM
والله فكره كويسه ويا ريت الناس كلها تبقي معانا

Hacen
19-10-2011, 02:56 AM
حفظكم الله يا اهل واعادكم إلينا رواد وفاعلين كما تعلمنا دائماً ويارب تبقى مصر خضراء من سينا إلى الوادي

samx
19-10-2011, 06:13 PM
هاكلمك ان شاء الله يكون خير بس انا مافيش خبرة بالزراعة

shereifsaber
20-10-2011, 01:09 AM
كـفايه كــــلام يلا نزرع اراضي مصر
بحلم بيوم يكون كل شبر على ارض مصر أخضر مش هستنى رئيس جمهورية يأكلني ويشربني كل الموارد موجوده بس عايزين الارادة والإدارة
يلا نشغل دمغنا انا لو أخذت ارض زراعية دلوقتي ازي هيكون معايا 100 الف جنيه علشان اعمل بئر جوفي . الحل موجود في اراضي كتيره بالإيجار من 1500 جنيه وحتى 2000 جنيه فقط في السنه فيها المياه والبئر والبنيه التحتية جاهزة بس غير مستغله واصحابها مستعدون لتأجيرها .

يبقى الارض موجوده والمناخ المصري جميل لسه من عناصر الانتاج ايه العمل ورأس المال والادارة ايد لوحدها لا تصفق عايزين نبقى مع بعض ايد واحده على سبيل المثال أنا معي عقلي وذراعي و الف جنيه ماذا افعل بمفردي لكي اغزو الصحراء وازراعها وليكن 10 فدان محتاج خراطيم و أسمدة عضوية وشتلات بحوالي 50 الف جنيه بس لوزرعنا أول محصول هتغطي التكاليف
وزياده في 4 أشهر .
يلا نبقى مع بعض ذي ما كنا في التحرير كتيبه واحده مهمتها النهوض بمصر ونخلي مصر الاولى على العالم في الزراعه ونخلي الشعب منتج نشيط ويقوم من امام التلفزيون ويعمر الصحراء ده احنا عايشين على 5% من مساحة مصر .

والحل بسيط نشارك اما بالعمل أو بالمال أو بالأشراف أو بالنصائح عايز أكل غذاء خالي من المبيدات والمسرطنات نفسي نزرع زراعه عضويه نظيفه كفايا امراض
وأعرف بصفتي مهندس زراعي ان الزراعه لما تكون صح بتكسب ليه منعملش شركة مساهمه السهم ب10 جنيه يشارك كل الناس عايزكم تساعدوني ونتعاون مع بعضنا في زراعة مصر ، أرجو مشاركتكم اما هاتفيا أو داخل معرض صحارى بقاعة المؤتمرات يوم الاثنين القادم 24أكتوبر 2011


واختم كلامي بقوله تعالى "وتعاونوا علي البر والتقوى ولا تعاونوا علي الإثم والعدوان"
العبد لله
مهندس زراعي / شريف محمد صابر مواطن مصري تليفون 01008002845

gam79
08-01-2012, 03:51 AM
هنبتدي امتي انا بفكر اليومين دول أأجر ارض بالصالحية فدان او اتنين بالكتير علشان ازرع شوية خضار

مروة محمد
08-01-2012, 03:57 AM
فكرة جميلة ،،، الله يوفقكم باذن الله

eng_agriculture
08-01-2012, 02:41 PM
لو هتشتغلو فى مجال الانتاج الحيوانى او الداجنى او الفاكهة باذن الله اكون معاكم انا من الشرقية