حلم المزرعة وامكانية التحقق

[محمد متولى]

السلام عليكم ورحمة الله
اخوانى الاعزاء أعضاء المنتدى
نا متابع موضوعات المنتدى الرائع منذ فترة (قراءة فقط - يعنى مشارك سلبى) والنهاردة بس قررت اشارك معاكو واكون ايجابى.
باسم الله نبدأ
قرأت مشاركات كثيرة جدا عن اللى نفسة فى مزرعة صغيرة يزرعها بنفسة ويقيم فيها وتعددت أسباب الناس ومآربهم فى هذا الغرض فمنهم من يريد ذلك هربا من زحام المدن الذى لا يطاق، ومنهم من يريد عمل مشروع بعد غربة السنين، ومنهم من يريد مشروع يؤمن له حياه كريمة له ولأولادة، ومنهم من ضاقت به أرضة ولم تعد تدر عليه سوى أقل القليل وان تعبه وشقاه فى الارض الصغيرة لم يعد مجديا، ومنهم الشباب وما أكثرهم الذىن يريدون بدأ مشروع صغير ويكبرون به، ومنهم ومنهم ومنهم، تتعدد الاسباب ولكن الهدف واحد "نفسى اعمل مزرعة"

الحلم دة مش مستحيل ولا حاجة ولا هو ضرب من الخيال زى ما البعض بيصور لأن فى ناس بالفعل عملت كدة ومن أمثلتهم أ/ خالد ابو عيسى وهذا الرجل حكايته هنا على المنتدى بدأ فى 2009 يدعو لتأسيس جمعية من اعضاء المنتدى ليشتروا قطعة ارض ويستصلحوها وانا كلمته تليفونيا من اسبوعين علشان اشارك معاه وقالى الموضوع تم من زمان وتم تقسيم الاراضى بالفعل على المساهمين.
كمان فى شركة ابناء دمياط عبارة عن مجموعة معارف بعضهم من بعيد لبعيد، أسسوا الشركة واخدوا مساحة 5000 فدان فى منديشة بالواحات البحرية وانا اتصلت بأحد المساهمين من يومين فقط على شان اشترى منه والراجل وافق وبكل ترحاب وذهبت اليه فى الدقهلية وفطرت عنده كمان وحكالى القصة كلها بتاعت الارض.
وفى الاخ ياسر اللى اخد 300 فدان ومشى شوية فى المشروع وبعدين فلوسة كلها صرفها على الارض ولم تنتج بعد واضطر يبيع جزئ من المساحة علشان يستثمر فلوسه فى باقى المزرعة وحاليا الامور مشيت كويس مهاه والحمد لله وانا اتصلت به شخصيا 3 مرات.
وهناك العديد من المحاولات منها من نجح واخذ قطعة ارض يبنى عليها حلمه ومنهم من ظل يتحدث فقط وحتى النهاردة فى دعوى مثلا بدأت هنا على المنتدى من قبل أحد الاعضاء من 2009 وحتى اليوم مازال كلام فقط (الله يكون فى عون اللى كتب الموضوع).
ولو فى أحد هنا فى المنتدى نفسه يحقق حلمة بجد ويشتغل بجد ويتعب ويعرق ومش بتاع كلام وبس فأنا معاه.

والفكرة باختصار (للحق واعطاء كل ذى حق حقه ليست من بنات أفكارى، فكما أشرت سابقا هناك من سبقنا إليها) انى وجدت على المنتدى اطياف من الناس: المزارع الصغير والمهندس والشاب وعلى المعاش والمحامى والبيطرى واللى بيشتغل فى التسويق والادارى والعامل البسيط وأطياف اخرى من الناس كلهم يبحثون عن قطعة ارض ماتكونش غالية ويقدر على تمنها علشان يعمل فيها حلمه. فلماذا لا نتحد سويا ونستفيد من خبرات بعضنا البعض ونبحث سويا عن قطعة ارض بسعر معقول ونقوم بتقسيمها بين المساهمين فى المشروع يعنى مثلا نبحث عن قطعة ارض 1000 فدان وتقسم بين المساهمين 50 فدان مثلا على كل مساهم (علشان العائد الاقتصادى يجون مجدى) أو أكثر أو أقل حسب نسبة مشاركته وطبعا حتى تتم الاستفادة القصوى فنحن بحاجة لكل الخبرات السابق ذكرها.
طبعا الفكرة ممكن تأخذ شكل شركة أو جمعية ولكن يجب ملاحظة ان الفترة القادمة ان شاء الله هيكون الاهتمام أكثر بالفرد ودة لأن الشركات عملت مشاكل كتير فى الفترة السابقة وفى مداخلة للأستاذ "أبو اليسر" بيتكلم فيها عن القانون الجديد الموحد لأراضى الدولة وهذا نصها:


#6
أبو اليسر (http://f.zira3a.net/member.php?u=45165)
http://f.zira3a.net/images/statusicon/user-offline.pngزراعي جديد



تاريخ التسجيلMay 2011الدولةمصرالمهنةمعاشالجنسذكرالمش اركات39
أكد اللواء عمر الشوادفى، رئيس المركز الوطنى لاستخدامات أراضى الدولة، أن هناك إجماعاً داخل اللجنة القانونية المنوط بها إعداد القانون الموحد للتصرف فى أراضى الدولة، على تخصيص المساحات الكبيرة من الأراضى للمستثمرين بنظام حق الانتفاع، لضمان الدولة لحقوقها وإجبار المستثمر على عدم تغيير النشاط المتفق عليه عند تخصيص المساحات.

وقال «الشوادفى» فى تصريح خاص لـ«المصرى اليوم»، إن هناك توجهاً لقصر التمليك على المساحات الصغيرة التى لا تزيد على‏ 100‏ فدان،‏ وبعض الاستثناءات المرتبطة بالمنفعة العامة والتى تحددها الجهات الحكومية طبقا لضوابط مشددة محددة تضمن حق الدولة.
وأشار إلى أن تطبيق «حق الانتفاع»، يمثل واحداً من الطرق التى تضمن للحكومة عدم تغيير المستثمر للنشاط الرئيسى المخصصة من أجله الأراضى، لافتا إلى أن فترات الانتفاع ستتحدد وفقا لطبيعة النشاط وأهميته.


ولو عايزين نبدأ بجد يبقى نحدد ميعاد ونتقابل فيه كل اللى عايز يشارك ونشوف هل نأسس شركة أو جمعية و ممكن نشترى قطعة ارض ونقسمها على بعض ونسعى مع بعض فى اجراءات التقنين أو نوكل أحد المحامين المخضرمين فى هذا المجال علشان يقنن لنا وضع الارض.

انا شخصيا أفضل أرض الواحات البحرية لعدة اسباب:
1- المياه قريبة مما يوفر من تكلفة حفر البئر (حتى انى سمعت من ناس انه ممكن يركب طلمبة مياه عاديه اللى هى الدويتس اللى بنشوفها على الترع اللى الفلاحين بيستعملوها) وطبعا دة لو حقيقى يبقى هنوفر ثمن طلمبة الاعماق ولوحة التحكم ومولد الكهرباء (طبعا هنحتاج مولد علشان يولد لنا كهرباء لزوم المعيشة لكن لن يكون بنفس قدرة المولد فى حال استخدام طلمة الاعماق) وكمان ملوحة المياه لا تتعدى 300 جزئ فى المليون.
2- نوعية التربة العديد من الخبراء هنا على المنتدى اشادو بجودة التربة فى الواحات البحرية.
3- سعر الارض (ممتاز بالنسبة لأماكن أخرى) بل انه خيالى.
ولكن اهم العيوب هو الوضع القانونى للأرض (وضع يد) يعنى هنشترى من العرب أو من حد شارى من العرب أو البدو.
ثم نبدأ اجراءات التقنين . وأنا لا أعرف لو اشترينا النهاردة هل ممكن نبدأ اجراءات التقنين ولا ماينفعش زى ما قال د/ التلمسانى ان هيئة التعمير لن تقبل طلبات جديدة بعد تاريخ 31/12/2010. (يا ريت لو فى حد عندة معلومة بهذا الخصوص يفيدنا)
وانا عن نفسى هتوكل على الله وهشترى سواء الناس اشتركت معايا أو لم تشترك ولكن فى الاتحاد قوة ويد الله مع الجماعة ولو الواحد له طلب و مظلمة يقولوا لك دة له طلب شخصى ولو مجموعة يقوا لك دى مطالب فئوية . طب يا عم خلينا تبع الفئات أحسن من الفردى يعنى خلينا نطالب بشئ كمجموعة وهو السعى فى طلب تقنين الارض.

طبعا اللى عايز يشترى معانا ويسقع الارض ويستفيد من تعب وعرق غيره نقول له اتقى الله وابعد عننا احنا عايزين نعمر مش ندمر.
دة حلمى نتحد ويكون لنا كيان ماهو أصل انا مش هكون أجير فى ارضى وفى ملكى تيجى الشركات الكبيرة والمستثمرين الاجانب يفتحوا لهم كل الابواب المغلقة اما احنا الشباب ناكل طين ونشتغل عندهم بالاجرة فى ارضنا وفى املاكنا. (وهذا ليس حقد أو حسد على أحد ربنا يعطى الجميع ما يستحقون ولكن أنا بتكلم عن الأوضاع المقلوبة والمشوهه).
قانون 148 لسنى 2006 والقوانين السابقة عليه المتعلقة بالاراضى وتقنين اوضاعها بتسمح للفرد المصرى بتملك 100 فدان من الاراضى الصحراوية أو 10 فدنة من اراضى الوادى القديم (الدلتا والنيل) فلماذا لا نستغل هذا الحق.
سافرنا واتغربنا واتبهدلنا علىشان لقمة العيش أنا اكلها بالزل فى حين ان الغريب مرحب به يأخذ من الارض وخيرها ما يشاء اما انا المصرى لا حرام ليه تاخد 10 فدادين ولا عشرين مش هتقدر عليهم يا راجل ومش هتعرف تسوق منتجك ومش هتعرف تنقله اصل انت لسة شاب ومش فاهم حاجة (دة انت حتى مش هتعرف تحلم الحلم دة). طيب انا علشان اثبتلكم انى شاب بجد وراجل بجد قمت بأعظم ثورة فى تاريخ مصر.

وانا لن انتظر رئيس جديد او دستور جديد. انا هاخد حته ارض وضع يد وابدأ فى تقنين أوضاعها مثل ما الكثيرين عملوا وهزرعها ان شاء الله بأيدى واسنانى والناس اللى هتدخل على الموضوع وتحبط فى عزيمتنا بلاش منكم اللى عايز يقول خير ويساعدنا فى طريق المشروع اهلا وسهلا واللى داخل يكسر مقاديفنا بقول له عذرا ملاكش لازمة.

وعلشان ما حدش يشكك فى النوايا انا ما عنديش أرض ببيعا وبسوق لها ولا صاحب شركة تقسيم أراضى أنا مش عايز غير قطعة ارض أزرعها وأكل من خيرها وتكون مشروع لى ولأولادى (لأنى شايف أن دة مشروع حلال 100*100 ان شاء الله وليس به اى شبهه من اى نوع) وكمان مش عايز اكون رئيس المجموعة انا عايز حته الارض بتاعتى اللى ازرعها بدراعى. وطبعا هشارك معاكم بخبرتى الادارية البسيطة لوجه الله وياريت يكون معانا محامى ومهندسين زراعيين ومزارعين.
ويا جماعة صدقونى احنا لو اتحدنا حنقدر نوفر على بعض فلوس وخبرات كتير جدا.

والموضوع مفتوح للتواصل


محمد متولى
0114403770

[yasserwahba]

انا على استعداد للدخول فى المشروع ارجو التواصل yasser-wahba[at]hotmail.com

[محمد متولى]

السلام عليكم
أ/ ياسر
ان شاء الله انا حاليا بتكلم مع ناس واخدين اراضى فى الواحات وهروح اليومين اللى جايين إلى الواحات علشان اشوف قطعة ارض وسأبلغك بالجديد فور عودتى ان شاء الله

[fares_1492]

إنشاء الله انا معاكمأرجو التواصلوعذرا على عدم تواجدى بالمنتدى

[fares_1492]

إنشاء الله انا معاكم أرجو التواصل وعذرا على عدم تواجدى بالمنتدى

[adelnabil]

السلام عليكم ورحمة الله وبركاته

بالتوفيق يا أستاذ محمد.. وربنا يوفقك في رحلتك.. وفي انتظار نتيجة هذه الرحلة التي أرجو أن تكلل بالنجاح.

[إيمي 111]

ربنا يوفقك يا ا/ محمد

وعلشان الواحد يكون معاك في الفكرة الجميلة دي:thumb1:

لازم يكون معاه مبلغ اد ايه لكي يبدأ ؟

[محمد العقيلي]

الأخ محمد
السلام عليكم ورحمة الله وبركاته ،،،
أنا معاك وبجدية تامة ، كنت مقيم بالسعودية وجئت لمصر نهائي لذلك السبب وهو حلم المزرعة ، ولكني مش عارف احصل على متر ارض في بلدي ومش عارف أتحرك من مكاني ، وكل يوم يزيد عندي حالة الاحباط من شدة الملل ، لأني مش متعود على الجلوس في البيت ، وللاسف كل ما أملكه حوالي 120 الف جنيه هو كل ما حوشته من الغربة . وعندي أفكار كثيرة ممكن تدر دخل سريع من خلال الأرض الزراعية ، ليتم الصرف على الزراعة في الأرض الجديدة لأن الزراعة في الأرض الجديدة نتيجته بطيئة ، فياريت نتواصل وأيميلي هو awad_455[at]hotmail.com , والفيس بوك بتاعي هو mody awad والاسكاي بي هو mody_455

[yasserwahba]

فى انتظار ردك و يوجدك صديق لى عنده 90 فدان فى و ادى النطرون يمكن استغلالهم

[محمد متولى]

ربنا يوفقك يا ا/ محمد

وعلشان الواحد يكون معاك في الفكرة الجميلة دي:thumb1:

لازم يكون معاه مبلغ اد ايه لكي يبدأ ؟

المبلغ هيتحدد على اساس سعر الارض وكمان هنشوف اذا كنا كمجموعة سنقوم بحفر بئر واحد أو بئرين وتوزيع المياه وكم تبلغ تكلفة حفر البئر ؟
وشكرا على اهتمامك

[محمد متولى]

الأخ محمد
السلام عليكم ورحمة الله وبركاته ،،،
أنا معاك وبجدية تامة ، كنت مقيم بالسعودية وجئت لمصر نهائي لذلك السبب وهو حلم المزرعة ، ولكني مش عارف احصل على متر ارض في بلدي ومش عارف أتحرك من مكاني ، وكل يوم يزيد عندي حالة الاحباط من شدة الملل ، لأني مش متعود على الجلوس في البيت ، وللاسف كل ما أملكه حوالي 120 الف جنيه هو كل ما حوشته من الغربة . وعندي أفكار كثيرة ممكن تدر دخل سريع من خلال الأرض الزراعية ، ليتم الصرف على الزراعة في الأرض الجديدة لأن الزراعة في الأرض الجديدة نتيجته بطيئة ، فياريت نتواصل وأيميلي هو awad_455[at]hotmail.com , والفيس بوك بتاعي هو mody awad والاسكاي بي هو mody_455

الاخ الكريم / محمد العقيلى
زى ما قلت قبل كدة اننا باتحادنا ممكن نوفر على بعض كتير لو كان عندنا النية اننا نشتغل بجد ونساعد بعض وانا زى حضرتك بالضبط جئت من سفر منذ فترة قريبة جدا وفكرت فى المشروعات الزراعية ولأن البلد لم يعد فيها مكان فدان واحد للشباب (حتى ارض الوادى الجديد كلها تقريبا تم توزيعها) فكرت فى الشراء فى الواحات بنظام وضع اليد ثم تقنين السعى فى مشوار تقنين الارض. وقد اتصلت اليوم بالأستاذ سالم عياد المحامى (له عدة مشاركات على المنتدى بخصوص توفيق اوضاع واضعى اليد) وقد رحب بأن يساعدنا فى مسألة تقنين الارض.
المهم انك ما تخليش الاحباط يسيطر عليك وخليك متفائل خصوصا بالفترة الجاية ان شاء الله. وأنا كنت قرأت ان الدوله حاليا بتناقش اصدار قانون جديد لتقنين وضع واضعى اليد على اراضى الدوله بحيث تسمح بتملك الافراد فيما لا يزيد عن 100 فدان وأن يكون بنظام حق الانتفاع بالنسبة للشركات ودة طبعا على اساس ان الاهتمام هيكون بالفرد فى الفترة القادمة (هذا إن صدقوا فى ذلك الزعم).

[محمد متولى]

فى انتظار ردك و يوجدك صديق لى عنده 90 فدان فى و ادى النطرون يمكن استغلالهم

أ/ ياسر وهبة
شكرا على اهتمامك
وياريت لو حضرتك تعطينا فكرة عن الارض اللى حضرتك بتقول عليها بتاعت صديقك: يعنى مكانها فين بالضبط فى وادى النطرون وأقرب طريق لها وهل هو على استعداد للبيع أم انه يريد المشاركة بالأرض او كيف سيكون وجه الاستغلال للأرض، وهل قام بعمل بعض التحاليل للتربة والمياه أم ان الارض ما زالت كما هى كما اشتراها؟
اعذرنى الاسئلة كتير. لكن احنا قررنا اننا نساعد بعض.....
كما ارجو كتابة رقم التليفون بعد اذن الادارة لكى نتواصل بشكل مباشر
رقم تليفونى موجود فى اول المشاركة بأعلى.
وبارك الله فى كل من شارك وكل من لم يشارك وأرجو من أصحاب الخبرة أن يشاركونا بخبراتهم وألا يبخلوا علينا بما أنعم الله عليهم به (العلم).
ولكم خالص تحياتى واحترامى

[محمد متولى]

السلام عليكم ورحمة الله وبركاته

بالتوفيق يا أستاذ محمد.. وربنا يوفقك في رحلتك.. وفي انتظار نتيجة هذه الرحلة التي أرجو أن تكلل بالنجاح.

أ/ عادل نبيل
متشكر جدا على كلامك الجميل وداعأك الاجمل. وبإذن الله انا اليوم تحدثت هاتفيا مع عدد من الاشخاص وجار تربيط موعد معهم بحيث أن الرحلة ستكون لمدة 3 ايام وازور خلالها عدة اراضى فى الواحات البحرية.

[محمد متولى]

اتصل بى الاخ الكريم أ/ نبيل تليفونيا مرتين
وانا استأذنه فى انى أذكر التالى هنا فى المنتدى لتعم الفائدة على الجميع
ويقترح أ/ نبيل أن يكون المشروع فى مكان قريب (أقرب من الواحات البحرية) ويقترح وادى النطرون على سبيل المثال.
طبعا انا بالنسبة لى ليس لى اعتراض على مكان المشروع طالما ستكون الفائدة للجميع ولا شك أن قرب المكان وبعده له عامل هام ومؤثر فى نجاح المشروع ولكن أيضا هناك ايجابيات وسلبيات لكل مكان، وان سأذكر هنا ما خلصت اليه من قراءات على مدار الشهرين السابقين ولا أدعى مطلق العلم ولا أدعى ان ما اقول هو القول الفصل ولكن هذه هى خلاصة ما وصلت اليه شخصيا.
وادى النطرون:
المميزات:
1- قرب المسافة النسبى عن الواحات البحرية أو طريق اسيوط الغربى.
العيوب:
1- مستوى سطح الماء الجوفى بعيد (ملحوظة: فى مشاركات قرأت فى مشاركة واحدة فقط أن سطح الماء قريب على 18 متر) وللأمانه قول أن مستوى سطح الماء الجوفى يختلف من قطعة لأخرى.
2- نسبة ملوحة الماء تتراوح من 1500 جزئ فى المليون إلى 4000 جزئ فى المليون.
3- الارض ملحية نوعا ما.

الواحات البحرية
العيوب:
1- البعد النسبى عن الحضر.
المميزات:
1- مستوى سطح الماء الجوفى (وش المياه) بشكل عام فى اراضى الواحات ما بين 6 أمتار إلى 20 متر. وذلك من شأنه تقليل تكلفة حفر البئر.
2- نسبة ملوحة الماء تتراوح ما بين 190 جزئ فى المليون ألى 1500 جزئ فى المليون (وأن كانت فى معظم الاراضى لا تتجاوز 400 جزء فى المليون حسب عمق البئر).
3- نسبة ملوحة الارض قريبة من المستوى الطبيعى وإذا وجدت يكون السبب هو قرب مستوى سطح الماء الجوفى وعادة تكون فى الاراضى اللى وش الماء فيها على أقل من 6 متر.
4- وهو العامل الاكثر تأثيرا وهو سعر الارض فسعر الارض هناك يبدأ من 1000 جنية للفدان (وضع يد) طبعا عند التقنين سوف يتم تقدير ثمن الارض بواسطة الحكومة.
طبعا البعض هيقول ان الكلام دة مش علمى سأرد عليه وأقول انى قلت أن هذا الكلام خلاصة القراءات التى قمت بها فى هذا المنتدى الرائع وفى غيره من المنتديات الزراعية طوال الشهرين السابقين طما انه نتاج بعض اللقاءات الشخصية مع بعض الاشخاص الذين لهم اراضى فى الواحات البحرية وكذلك هو نتاج العديد من المحادثات الهاتفية مع بعض الشخصيات الاخرى صاحبة الاهتمام.
ان اختيارى لأراضى الواحات ليس لتعصب شخصى ولكن بعد أن تحدثت مع بعض من لهم سابق خبرات هناك ولا يوجد مانع من ان يدلوا كل منا بدلوه فى هذا الصدد .
والشكر موصول لكل من شارك وقال رأيه.
وكما قلت سابقا أرجو ألا يبخل علينا أهل الخبرة العلمية بما اتاهم الله.
وجعله الله فى ميزان حسناتكم

وملحوظة مهمة جدا جدا انا لسة والحمد لله ماعنديش ارض لا فى الواحات ولا فى غيرها انا بسعى جاهدا علشان ابنى حلمى. والكلام دة علشان ماحدش يقول انى عندى ارض فى اى مكان وعايز اخلص منها. والله على ما اقول شهيد.

[محمد متولى]

قمت اليوم بالاتصال بـ أ/ سالم محمد سالم عياد المحامى
وهو له عده مشاركات هنا فى المنتدى بخصوص تقنين وضع واضعى اليد وشرحت له الموضوع واتفقت معه مبدئيا على ان يقوم مشكورا بإجراءات تقنين وضع الارض بعد ان نقوم بالشراء ان شاء الله.
وقد رحب بذلك على ان اقوم بزيارة قريبا لمكتبه فى الاسكندرية.
وذلك للعم.

[محمدالمنسي]

نفسي اكون عندي مزرعة ............... جاري تحقيق الحلم باذن الله

[IBRAHIM.KORTOBI]

اعتقد ان البدايه تكون في تجميع العدد المطلوب وعمل كيان قانوني جمعيه او شركه مساهمه ومن ثم تحديد الارض ودفع وضع اليد وبعد كده مع الحكومه مش هانختلف لان الهدف الشغل وليس التسقيع وانا معكم ولو مطلوب اي مبلغ بسيط من الاعضاء لتغطية مصاريف البحث انا جاهز ibrahim.kortobi[at]yahoo.com وربنا هايوفق لو خلصت النيات وكان العمل لابتغاء مرضات الله .

[HAMDYZYADA]

نحن مجموعة من 11 فرد لدينا 1000 فدان بطريق اسيوط الغربى لها ملف بالهيئة من عام 2009 ونحتاج الى شركاء معنا لتوصيل المياه الى الارض ثم تقسيم الارض بنسبة مساهمة كل فرد ونحن على استعداد للدخول معك فى هذا المشروع وعلى فكرة هذه ثالث تجربة لنا بطريق اسيوط الغربى الاولى كانت خاصة بى فى 29 فدان عام 2007 وهى منتجة الان والحمد لله وبها زراعات عنب فليم ومانجو كيت وبرتقال صيفى ويوسفى موركت وخوخ والتجربة الثانية كانت عام 2010 لمساحة 300 فدان تم توصيل المياه لها وتقسيمها على المساهمين كل حسب مساهمته من فدانين الى 50 فدان ومنهم من زرع ارضه ومنهم من قام بإيجارها ومنهم من يقوم بتجهيزها لزراعتها ونحن الان بصدد البحث عن شركاء لاستكمال التجربة الثالثة التى تأخرت لكبر المساحة او بيع جزء من ال 300 فدان واستكمال المشروع

[أبو أسامه]

مــشروع جيــــد أتمنى لكم التوفيق وتحقق مبتغاك

[fayiz ebrahem]

انا معكم وسأتصل بك اليوم للتعارف وتبادل الاراء
اخوك فايز عمر
0119851055

[AMA1811]

اﻻستاذ العزيز / محمد متولى
اتمنى للك التوفيق فى المشروع و ان شاء الله يكون فاتحه خير لك و ﻻوﻻدك
و ربنا يسهل و نكون معاك فى القريب العاجل
للتواصل ahmedmaher[at]email.com

[هاوية الزراعة]

السلام عليكم و رحمة الله و بركاته أما بعد الى صاحب حلم المزرعة عندما قرات مشاركتك طرت من الفرح فأنا أيضا من هواة المزارع فمند فترة وأنا أحلم بأن أمتلك مزرعة فأناشغوفة بحب تربية النباتات و الحيوانات على مختلف أنواعها مند الصغر و بحكم عملي في تدريس مادة العلوم الطبيعية كنت دائما أحلم بأن أمتلك قطعة أرض وأنشى عليها مزرعة صغيرة أزرع فيها الحبوب وأشجار الزيتون و أربي فيها المواشي و النحل ووووووو. لكني ولسوء حظي فقد اصطدمت بالواقع المر فأنا لن أستطيع أن أشتري قطعة أرض مهما عملت و وفرت لن أوفر المبلغ المطلوب الدي هو في تزايد مستمر لدلك أنا تخليت عن فكرة المزرعة غير أني أتمنى من كل قلبي لك التوفيق و شكرا

[محمد متولى]

الشكر موصول لكل من شارك برأيه ولكل الناس اللى اتصلت بى فأنا بصراحة لم أكن اتوقع هذا الكم من الاتصالات وهذا طبعا أثلج صدرى وأراح قلبى لأن هذا معناه إنى مش لوحدى، وهذا فى حد ذاته دافع كبير جدا لى علشان اكمل المشوار.
انا مش عايز استعجل، ولازم من التأنى ودة اللى انا بعمله حاليا، فى أمامى عدد من العروض للأراضى وانا حاليا بفاضل بينهم من حيث المكان وإلى أى مدى وصل ورق التقنين والسعر واشياء من هذا القبيل.
وطبعا احتراما للمنتدى ولكل الناس اللى شاركت واللى اتصلوا بى سوف اكتب هنا كل الخطوات اولا بأول فى حال وجود اى جديد.
وتفظلوا بقبول خالص التحية والتقدير

[معتز الدهشورى]

الأخ العزيز محمد
قمت بالتسجيل خصيصا للاشتراك فى موضوعك الجميل
لدى حلم المزرعة منذ سنوات ولكنى لم انجح فى تحقيقه وحتى والدى لم ينجح فى تحقيقه حين اشترى 80 فدان بمديرية التحرير فى الثمانينات شاء حظه العثر أن تكون قريبة من أرض الجيش واستولى عليها أحد اللواءات قهرا بعد مشاكل وصلت لهدم المنزل وردم البئر

سأتواصل معك على أمل تحقيق الحلم يوما ومستعد لأي معاونة تطلبها

[محمد متولى]

أ/ معتز الدهشورى
اهلا وسهلا بك، ويشرفنى ان يكون هناك تعاون بين الجميع.
واللى حضرتك بتحكى انه حدث مع والدك فذلك كان الحال قبل الثورة زى ما انت عارف، تكون صاحب حق ولا تستطيع ان تحصل على حقك. ربنا بعوض عليكم ونرجوا الله عز وجل أن يكون حظنا أوفر ويكلل الله جهودنا جميعا بالتوفيق.

[محمد متولى]

نحن مجموعة من 11 فرد لدينا 1000 فدان بطريق اسيوط الغربى لها ملف بالهيئة من عام 2009 ونحتاج الى شركاء معنا لتوصيل المياه الى الارض ثم تقسيم الارض بنسبة مساهمة كل فرد ونحن على استعداد للدخول معك فى هذا المشروع وعلى فكرة هذه ثالث تجربة لنا بطريق اسيوط الغربى الاولى كانت خاصة بى فى 29 فدان عام 2007 وهى منتجة الان والحمد لله وبها زراعات عنب فليم ومانجو كيت وبرتقال صيفى ويوسفى موركت وخوخ والتجربة الثانية كانت عام 2010 لمساحة 300 فدان تم توصيل المياه لها وتقسيمها على المساهمين كل حسب مساهمته من فدانين الى 50 فدان ومنهم من زرع ارضه ومنهم من قام بإيجارها ومنهم من يقوم بتجهيزها لزراعتها ونحن الان بصدد البحث عن شركاء لاستكمال التجربة الثالثة التى تأخرت لكبر المساحة او بيع جزء من ال 300 فدان واستكمال المشروع
الاستاذ الفاضل/ حمدى زيادة ارجو ان تكتب ارقام تليفونك حتى استطيع التواصل المباشر معك ولك جزيل الشكر.
أو ان حضرتك ممكن تكتب هنا بعض التفاصيل حتى يستفيد الجميع عملا بمبدأ الشفافية.
محمد متولى
0114403770

[محمد متولى]

اعتقد ان البدايه تكون في تجميع العدد المطلوب وعمل كيان قانوني جمعيه او شركه مساهمه ومن ثم تحديد الارض ودفع وضع اليد وبعد كده مع الحكومه مش هانختلف لان الهدف الشغل وليس التسقيع وانا معكم ولو مطلوب اي مبلغ بسيط من الاعضاء لتغطية مصاريف البحث انا جاهز ibrahim.kortobi[at]yahoo.com وربنا هايوفق لو خلصت النيات وكان العمل لابتغاء مرضات الله .
أ/ ابراهيم قرطبى
أولاً: بعتذر عن التأخر فى الرد
ثانيا: كلام حضرتك طبعا مضبوط 100*100 ولا خلاف على ذلك وبخصوص مبلغ من الاعضاء لتغطية مصاريف البحث فحضرتك مستعد ولكن هناك اشخاص اخرين ليسوا مستعدين يدفعوا مليم واحد غير لما يشوفوا شئ على ارض الواقع. وفى اعتقادى ان لهم الحق فى ذلك. وارى ان مصاريف البحث ليست بالكثيرة ويمكن فى وقت لاحق إضافة هذه المصاريف على ثمن الارض وهى طبعا هتكون مبلغ تافه.
متشكر جدا على عرضك الكريم والذى يعنى الجدية الفعلية فى الموضوع رقم تليفونى مكتوب فى المشاركات ارجو ان نتواصل أو حضرتك تكمل الكتابة هنا ليستفيد الجميع.

[HAMDYZYADA]

الاستاذ الفاضل محمد متولى تليفونى هو 0148000473 ومستعد للاجابة عن اى استفسارات تطلبها بالمنتدى

[د. ياسر التلمسانى]

أسمحوا لى ان اشترك معكم فى المناقشه حول هذا الموضوع:

من متابعتى لمشاركات ا. حمدى زيادة، أعتقد انه رجل عنده ما يكفى من المصداقية (و الصراحة) فيما يقول و يتحدث دائما بالأرقام بدون عبارات إنشائية مطاطه و له على أرض الواقع تجربة حيه لمن يريد أن يتابعها و قد ذكرها فى المنتدى، و رغم عدم معرفتى بالرجل نهائيا إلا أننى أحسبه على خير وأتوجه إليه بالإسئله التالية نيابة عن الجميع:

1. موقع الأرض الجديدة و هل هى على الأسفلت الرئيسى و اذا كانت الإجابه بنعم فكم يبلغ طول الواجهة؟

2. هل مجاور للأرض اى أراضى مزروعة و ما هو حال الزراعات فيها؟

3. ما هى حالة وضع اليد الحاليه للأرض و هل يوجد أى مشاكل عليها؟

4. ما هو الموقف الحالى للأرض بالهيئة؟ هل تم سداد رسم المعاينة؟ هل تمت اية مراسلات من الهيئة معكم لتحديد موعد للمعاينة؟ هل وافقت الهيئة من حيث المبدأ و بعد المعاينة المساحية على الخرائط المقدمه منكم و تأكدت من عدم وجود (تداخل) مع طلبات أخرى مقدمه لديها؟

5. كم يبلغ بعد الأرض عن ميدان الرماية؟

6. هل تم تحليل للمياة الجوفية بالمنطقة؟ و كم تبلغ ملوحتها؟ و على بعد كم متر من سطح الأرض؟

7. هل يوجد إحتمال وصول مياه بحارى للمنطقة؟ و كم تبلغ تكلفتها؟ و هل هى قانونية؟ و هل كافيه لرى مساحة 1000 فدان؟ مع العلم بأن الإحتياجات السنوية للفدان حسب تقدير وزارة الرى هى 5400 متر مكعب للرى بالتنقيط أى أن المساحة الكليه تحتاج الى 5,4 مليون متر مكعب سنويا من المياة.

8. ما هى الحاله الحالية لسطح الأرض؟ هل هى مستوية أم بها مرتفعات و منخفضات؟

9. هل تم عمل جسات بالأرض لمعرفة صلاحيتها للزراعة بمعنى خلوها من الصخور أو طبقات الطفله الملحية؟

10. ما هو سعر الفدان المقترح للدخول معكم فى الأرض كمساهمين لا كمشترين؟

11. ما هى تكلفة توصيل المياه (جوفيه-بحارى) للفدان الواحد؟

12. ما هى المصروفات الإضافيه التى من الممكن طلبها بخلاف ثمن الأرض و تكلفة المياه و ذلك للفدان الواحد؟

13. هل يوجد خطوط كهرباء قدرة 11000 كيلو قريبة من الموقع؟

آسف لكثرة الأسئله و لكنى أريد أن تكون الأمور واضحه أمام الجميع لكى يبنى كل واحد قراره على بينه.

مع تمنياتى لكم جميعا بالتوفيق فى مساعيكم.

[د. ياسر التلمسانى]

هذه مشاركة للأستاذ حمدى زياده و مداخله منى أعتقد أن لها علاقه وثيقة بالأرض المعروضه منه.

http://f.zira3a.net/showthread.php?t=25952

[HAMDYZYADA]

الاخ العزيز د ياسر
تحية طيبة واتشرف بالرد على اسئلتكم
1 الارض على الاسفلت الرئيسى بواجهة 1000متر
2 مجاور للارض ارض خاصة بى مزروعة عنب فليم ومانجو وبرتقال ويوسفى وخوخ وهناك اراضى اخرى مزروعة طماطم حيث ان الطماطم هى المحصول الرئيسى بالمنطقة وهناك ايضا زراعات فاشلة مجاورة للارض وسبب الفشل هو الاهمال
3 وضع اليد مستقر وامن ولايوجد اى مشاكل عليها

4 الارض لها ملف بالهيئة وقد تم دفع رسم معاينة لمساحة 500 فدان كانت متداخلة مع شركة تبعد عن الارض 5 كم وتم عمل معاينة استكشافية لاثبات وضع اليد لنا
5 تبعد الارض مسافة 125كم عن ميدان الرماية
6 تم تحليل المياه الجوفية بالارض الخاصة بى وهى مجاورة لهذه الارض وكانت الملوحة 312 جزء فى المليون
7 يمكن توصيل المياه البحارى للارض ولكنها غير قانونية ولكننا علمنا ان وزارة الرى اعتمدت مساحة 27000 فدان لريها بحارى هذه الارض تقع ضمنها

8 الار ض بها بعض الارتفاع البسيط لايحتاج الى تسوية

9 لم يتم عمل جسات للارض

10 سعر الفدان بالمنطقة حوالى 3500 او 4000 جم للفدان ولكن تشجيعا للمساهمين يمكن احتسابه ب 2500 جم

11 تكلفة توصيل المياه للفدان حوالى 3500 جم تقريبا

12 لاتوجد مصاريف اضافية

13 خطوط الكهرباء تمر امام الارض على الجهة الاخرى من الطريق


لعل الامور اصبحت واضحة امام الجميع

[اشرف امين]

فكرة جميلة
وعندى ارض وضع يد ولاكن تحتاج بعض الاستصلاح وكمان ارض كانت وضع يد والان موثقة بعقد من المحافظة
وارض بالبئر بتعها السطحى وماكينة المياة (ديزل)
وكمان ارض ملك بمتور كهرباء وبئر ماء وحوض لاستقبال الماء
وماء شرب بداخلها
وطلبكم كلة عندى بسسسسسسسسسسسس
فى الوادى الجديد
ملحوظة : يوجد مبانى او تصريح مبانى حسب المطلوب
وشكرا

[Mohammed Nassar]

الاخ حمدي المحترم
امل الافادة عن الاتي
1- وجه المياه علي بعد كام وهل المزرعة الجاورة الخاصه بك تروي من مياه النيل ام ارتوازي
2- هل يجوز ادخال الكهرباء الي الارض وهي علي وضعها الحالي ( وضع يد )
3- ماهي الخطوات اللاحقة لتملك الارض وهل تم تقنين ارضكم المجاورة
4-هل من الممكن تقسيط قيمة الارض في حالة شراء مساحة من 100 الي 200 فدان
5-الارض تتبع اداريا اي محافظة ومركز
6- العمالة متوفرة هناك وباسعار مناسبة
وامل اضافة رقم الموبيل الخاص بكم ولكم منا كل الشكر والتقدير

[HAMDYZYADA]

الاخ الكريم محمد نصار
1 وجه المياه على بعد 4 متر والمزرعة الخاصة بى لها مصدرين للمياه من النيل وارتوازى
2 يجوز ادخال الكهرباء للانارة فقط عن طريق الممارسة اما الكهرباء الخاصة بتشغيل الالات يجب ان تكون لديك موافقة الهيئة وهذه الموافقة تكون بعد اثبات الجدية وعمل المعاينات
3 الخطوات اللاحقة لتملك الارض هى عمل معاينات من قبل الهيئة لاثبات الجدية ثم موافقة هيئة الابار الجوفية بالمنيا ومخاطبة الجهات الاربع الجيش والاثار والمحاجر واملاك الدولة وهذه المخاطبة عن طريق هيئة التعمير وبالنسبة لارضى الخاصة فهى معى من عام 2007 وتم دفع رسم المعاينة وتم عمل معاينة اولى فى فبراير 2010 وللان لم يتم اتخاذ اى خطوة من قبل الهيئة بدعوى كثرة الطلبات لديهم ولكن الحقيقة هى طمعهم فى الحصول على المعلوم الكبير قوى
4 انا لااعرض الارض للبيع ولكن للمشاركة ولذلك يجب دفع كل المبلغ خلال فترة تنفيذ خط المياه
5 الارض تتبع اداريا مركز سمسطا محافظة بنى سويف
6 العمالة متوفرة جدا حيث ان الارض تبعد عن القرى المجاورة مسافة 3 كم او 5 كم على الاكثر واجرة العامل 35 جم يوميا واجرة البنت 20 جم يوميا
رقم الموبايل 0148000473

[محمد متولى]

السلام عليكم
الاسئلة التى تفضل د. ياسر التلمسانى وذكرها اسئلة مهمة جدا والرد الذى تفضل به أ/ حمدى زيادة يشفى الكثير .
وهذه المشاركات الرائعة والهامة هتخلينى أفكر اتجه لهذه المنطقة وأضعها ضمن حساباتى للمشروع، وفى الحقيقة انا منت صرفت نظر عن هذه المنطقة لأن العديد من الاشخاص أكدوا لى أن المياه فى هذه المنطقة بعيدة وهو مايرفع سعر حفر البئر بشكل كبير، وإن صح ما ذكره أ/ حمدى زيادة عن أن وش المياه فى هذه المنطقة على 4 متر فهذا بكل تأكيد يعيد هذه المنطقة بقوة للتفكير فيها خصوصا أن بعض الاعضاء اتصلوا بى وكانت المشكلة التى يتحدثون فيها هى بعد أرض الواحات نسبيا وكان الاقتراح بأن تكون الارض فى مكان قريب قدر الإمكان.
وبصراحة فإن الاجابات التى زودنا بها أ/ حمدى والصراحة التى نتلمسها من تلك الاجابات هى ان شاء الله دليل حسن النوايا والجدية.
وبعد شكر أ/ حمدى أريد أن أخص ايضا بالشكر د/ ياسر التلمسانى على الاسئلة الواضحة والمباشرة والتى تفتح عين اى شخص على اشياء ممكن انه لا ينتبه لها.
وأرجو من الاخ الكريم حمدى زيادة أنه يزودنا ببعض المعلومات عن التربة (نوعها - نسبة الملوحة - نتيجة أول تحليل قام به للتربة "إن وجد") انا طبعا سأتصل به بخصوص الارض ولكن ارجو ذكر هذه المعلومات هنا فى المنتدى لتعم الفائدة.
وهناك سؤال أخر مهم وهو انه بما لك من خبرة سابقه فى موضوع تقنين الارض فهل حضرتك ستساعدنا فى موضوع التقنين من عدمة (طبعا السؤال دة علشان الناس اللى بتحب تمشى فى السليم وفى المضمون).
والشكر موصول للجميع (الذين شاركوا هنا والذين قاموا بالاتصال التليفونى).

[HAMDYZYADA]

الاخ العزيز محمد متولى
اشكرك على الكلام الجميل ده
بالنسبة لمياه الابار بالارض فهى بعيدة جدا فعلا ولكننا نقوم بعمل البئر بعيد عن الارض بمسافة 5كم تقريبا على الترعة وهناك مش المياه على 4 متر وهناك ايضا مياه بحارى ( غير قانونية حاليا ) ونقوم بعمل محطة ضخ للمياه فى مواسير حتى الارض ولذلك يتكلف الفدان تقريبا 3500 جم كما ذكرت وبالنسبة للمعلومات عن التربة فانا لم اقم بعمل تحليل للتربة ولكن من الزراعات بالمنطقة يتضح انها تصلح لجميع الزراعات وبالنسبة لتقنين الارض فنحن ان شاء الله سنستكمل الاجراءات معا لاننى ساكون شريكا معكم باذن الله

[HAMDYZYADA]

الاخ العزيز د ياسر
تحية طيبة واتشرف بالرد على اسئلتكم
1 الارض على الاسفلت الرئيسى بواجهة 1000متر
2 مجاور للارض ارض خاصة بى مزروعة عنب فليم ومانجو وبرتقال ويوسفى وخوخ وهناك اراضى اخرى مزروعة طماطم حيث ان الطماطم هى المحصول الرئيسى بالمنطقة وهناك ايضا زراعات فاشلة مجاورة للارض وسبب الفشل هو الاهمال
3 وضع اليد مستقر وامن ولايوجد اى مشاكل عليها

4 الارض لها ملف بالهيئة وقد تم دفع رسم معاينة لمساحة 500 فدان كانت متداخلة مع شركة تبعد عن الارض 5 كم وتم عمل معاينة استكشافية لاثبات وضع اليد لنا
5 تبعد الارض مسافة 125كم عن ميدان الرماية
6 تم تحليل المياه الجوفية بالارض الخاصة بى وهى مجاورة لهذه الارض وكانت الملوحة 312 جزء فى المليون
7 يمكن توصيل المياه البحارى للارض ولكنها غير قانونية ولكننا علمنا ان وزارة الرى اعتمدت مساحة 27000 فدان لريها بحارى هذه الارض تقع ضمنها

8 الار ض بها بعض الارتفاع البسيط لايحتاج الى تسوية

9 لم يتم عمل جسات للارض

10 سعر الفدان بالمنطقة حوالى 3500 او 4000 جم للفدان ولكن تشجيعا للمساهمين يمكن احتسابه ب 2500 جم

11 تكلفة توصيل المياه للفدان حوالى 3500 جم تقريبا

12 لاتوجد مصاريف اضافية

13 خطوط الكهرباء تمر امام الارض على الجهة الاخرى من الطريق


لعل الامور اصبحت واضحة امام الجميع

إقرأ المزيد: عرض حلم المزرعة وامكانية التحقق - الصفحة 3 (http://f.zira3a.net/showthread.php?t=27626&page=3#ixzz1b9l9lqIN) http://f.zira3a.net/showthread.php?t=27626&page=3#ixzz1b9l9lqIN

[atiya mrak]

الأخوة الأعزاء بعد التحية ...
الرجاء إفادتنا بآخر ما توصلتم إليه فى هذا الشأن .
ولكم جزيل الشكر

[nicehuman]

السلام عليكم

تحية لكل القائمين علي هذا الموضوع

و اسمحوا لي بالمشاركه بصفتي كنت مثلكم من الحالمين و الحمد لله و فقت في ان بدات بالفعل و ما زال الطريق في اوله

مع احترامي الشديد لكل المشارين و خاصة الاخوة اصحاب الاراضي المعروضة للبيع

انا اولا من المنوفية و استغرقت فترة طويلة للبحث عن ارض ستصلاح

و زرت جميع المناطق المعروض بها الاراضى للبيع و عندما قرات هذا الموضوع و جدت انه واجب ان اقدم النصح الي اخواني الكرام
و هذا ما وجدته من خلال رحلة البحث

اولا اراضى و ادي النطرون

اذا كانت المياه جيده و قريبة الارض ليست مالح و تمليك و بها كهرباء و ريبة من طريق ممهد

فاسعارها من 45 الي 75 الف للفدان

و كلما ذهبت يزة من هذه المميزات كلما قل الثمن و كثرت تكلفة الزراعة و قل الربح اما وضع اليد هناك لا انصح به نهائى لانه اما العرب هيعملك شاكل و اما الولة ستاخذها لان المنطقة دي علياالعين من الحيتان الكبار


تثيا طريق ا سيوط الغربي الرب هناك مشكلة و الار ليست جيدة و المياه بعيدة اما ياه اليل هناك

اا مسروقة و اما هتشتريها تقريبا المتر من 25 لي 35 قرش و ليست مضمون استمرارها و لو فيها الخير ما كانش اه الفيوم سبوها و راحوا الواحات


ثالثا الواحات البحرية و د ي اللي اخذت فيها

كل العيوب اللي ذكرتها غير موجودة اي كلها مميزات و لكن

يعا ب عليها فقط في بعدها عن القاهرة

ولكن يا جماعة المنطقة دي ان شاء الله و اعدة جدا و اللي انا شايفه ان عيون كتير ات تتجه اليها

و علي فرة النشاط الاساسي لاهل الواحات هو النخل و السياحة و ناسها يحبون الجنيه اوي و يحترموه جدا و لكنهم لا يحبون المشاكل في حالهم

و علي فكرة انا ما كنتش اسمع عنها و لكن في شخص قريبى مقيم هناك منذ سنوات يعمل في السياحة و هو اللي شجعني اروح هناك

و علي فكرة ارض الوادي الجديد ايضا ممتازة و لكنها بعيدة جدا من 600 الي 800 كيلو من القاهرة


و لكن هناك ميزة في الواحات البحرية لا توجد اللا فيها فقط و هي نسبة الرطوبة تعتبر صفر وهذه الميزة لا يعرف قيمتها اللا الزراعيين

و ايضا لا يوجد مطر نها ئي

و اخر نصيحة

لا تبحث عن الارض الرخيصة و لكن ابحث عن الاتي

جودة الارض

جودة المياه و قربها من وش الارض علي اللا تقترب اكثر من 7الي 10 متر لان المياه الاقرب من كده ممكن تخللي الارض تطبل

قرب الارض من الطرق الممهدة لانك مش هتبطل نقل

قرب الارض من الكهرباء

و اخيرا اعلم جيدا ان ثمن الارض بتدفعو مرة و احدة اما عيوب الارض بتدفع ثمنها كل يوم


و ابتعد عن النصابين و خللي عينك فى و سط راسك

و السلام عليكم

[ابو حسام القناوى]

شكرا ا|/محمد متولى عى هذا الجهد الرائع ولرجوا من حضرتك ان تخبرنى بما وصلت اليه حتى الان لانى بافكر فى نفس الموضوع وهل لقيت الارض ام زلت تبحث وهل محتاج مساهمين ان كنت قد وجدت الارض فعلا

[atiya mrak]

الأخ العزيز أ/ حازم ... السلام عليكم ورحمة الله وبركاته
أولا : أشكرك على كل مساهماتك القيمه فى هذا المنتدى
واللى أنا شخصيا إستفدت منها جدا أكثر مما تتخيل

ثانيا : أنا لسه بأدور على أرض برده والمبلغ اللى معاية حوالى 80 ألف هناك فرصتين معروضين عليا فى الواحات ...
الأولى فى منديشه واحد عنده 12 فدان متصلحين فقط وكان عارضهم للبيع ب 3 الآلاف الفدان عرضت عليه أشاركه فيهم وأدفع له 30 ألف ندق بيهم بير ونزرع نصف المساحه حتى عشان نبدأ إجراءات التمليك وأنا هدفى أنى أشاركه عشان كدا هنوفر على بعض وهو له معارفه فى المنطقه وكدا
التانى واحد عنده 50 فدان فى نفس المنطقة تقريبا وعارض عليا أى مساحه للبيع والفدان بألفين جنيه تقسيط على سنتين ...
الرجاء إفادتنا برأيك فى الموضوع ......وياريت رقم موبايلك لو مش هيضايقك
ولكم جزيل الله
أخوك عطيه مرق 01223576679

[gam79]

الاخ عطيه مرق
ما مدي صحة عروض اراضي منديشة حيث انني ابحث عن قطعة ارض بالواحات
- عرض ال 50 فدان هل يمكن ان احصل علي 10 فدان بالتقسيط

[nicehuman]

السلام عليكم

يا استاذ عطية \ اولا موضوع الشرك انا لا اؤيده لان الاختلاف قادم لا محالة

ثانيا اه ن مساحة الارض اهتم اولا ان تتاكد من عليها مشاكل و للا نظيفة

ثانيا الماء قريب ام لا و هل قريبة من العمار و الكهرباء ام لا

و اعمل حسابك بعد بعد ثمن الارض و المياه و الماكينة و السكن و وسيلة المواصلات

تشيل 5000 الاف جنيه في جيبك لكل فدان هتزرعه و بعد كده حدد هتاخد كام فدان


حسب ميزانيتك


وربنايوفقك

و ده رقم تليفوني \ 0189118698

و انا تحت امرك

[Ahmed Allam]

الاخ محمد وجميع المشاركين
ربنا يوفقك ويوفقنا جميعا لما فية الخير لنا ولاولادنا ولبلدنا
ارجو عمل قائمة بريدية او جروب على الفيس لسرعة التواصل وضم كل المهتمين لهذا الجروب او القائمة

احمد علام
ahmedallam71[at]hotmail.com

[Eng.Ahmed Hamdy]

هل حدث جديد في هذا الموضوع و ما امكانية المشاركة

[ياسر عبد السلام]

بجد هوه ده اللى كان نفسنا نعمله من زمان لاننا اتكلمنا كتير معاك ان شاء الله