شجيراتي الجميله تحتضر .. ساعدوني في تشخيص المشكله

[r1ksa]

السلام عليكم

و كل عام وانتم بخير

انا حاطه بنفس الحوض نبتة ياسمين احمر + جاردينيا

لكن مع الوقت و الحراره مدري بصراحه شفت الشتلتين متأثرين كثير
باقي نبتاتي كويسين ولو اني اشوف جفاف شوي بالاطراف بس اتوقع من حرارة الجو بالمنطقه عندنا وهي تتجاوز 45 نهارا و تصل الى 29 ليلا

و هذي الصور للنبتات

اللي مموجه بني واصفر هذي غاردينيا و الثنتين اللي اطرافها بيج كانها محروقه وناشفه هي الياسمين الاحمر

واليوم اشوف النبته اوراقها واغصانها راخيه مرررررره كانها ودها تموت :( وش اسوي؟؟

[abtheep]

الحراره تؤثر بشكل كبير على النباتات المزروعه في الاحواض المستقله وخاصه في اجوائنا الحاره

لكن ممكن نحاول اننا نقوم ببعض الاحتياطات :

الري المنتظم يوميا وعلى فترتين صباحا ومساء ويشترط وجود فتحات تصريف اسفل الاحواض للماء الزائد

وضعهم في مكان شبه مضلل والافضل ان تكون الاحواض بجانب بعض ..

عدم التسميد وخاصه في هذا الوقت الحار

ابعادهم عن التيارات الهوائيه الحاره

وان شاء الله تتعافى نباتاتك

واخبرنا اذا حصل لها تغير ففي االمستقبل

[r1ksa]

اطراف الورق صارت كذا بسبب الحراره؟؟

لقيت هذا الموضوع و قرأت ان الجاردينيا البقع اللي فيها سببها فطريات

هذا اللينك

http://davesgarden.com/community/forums/fp.php?pid=8401998#b

[abtheep]

القاردينيا من النباتات الحساسه جدا لعوامل المناخ وخاصه الحراره
وبحسب خبرتي فانه يفضل وضعها في مكان مضلل يصلها اشعة الشمس خلال فترة الصباح

ومن باب الاحتياط لا مانع من رشها بمببيد فطري وذلك اما في الصباح الباكر او المساء

[r1ksa]

:( الياسمين الاحمر نشفت اوراقها السفلى و صايره تصفر و جااااااااااااااافه

اللي فوق نازله لتحت لكن ما ماتت لسه خذرا لكن لينه جدا

وش اسوي :(

[strong]

كل عام و انتي بخير ملهاش حل الحراره بالمملكه و لكن بعد اسبوعين الحراره تنخفض و تتحسن الاحوال مع الري المنتظم و ترطيب النباتات ليلا
خصوصا ان بالرياض الحراره بتوصل 41 الي العاشره مساءا

[r1ksa]

الله يستر

شكرا لك و النبته تعافت لما اضفت المزيد من التراب حولها وتماسكت اكثر لكن الجاردينيا مصابه لحد الان وعجزت ابعد المرض عنها

[احمد AHMED]

خذها قاعدة في شهور الصيف الحارة يوليو ، اغسطس ، سبتمبر يتم التوقف كليا عن التسميد و ري النباتات مرتين يوميا دون اغراق و بسبب السموم و الغبار فأن الحفاظ على النباتات حية و مورقة ينبغي رش النباتات بالمبيد المضاد للعنكبوت المسؤل الرئيسي عن التواء و تغضن الاوراق و موت العديد من النباتات مع ملاحظة ان الرش يتم مرتين شهريا على ان يتم غسل النباتات بالماء العذب قبل يوم من رش المبيد .

[ahmed q8]

يا اختي العزيزة الوقت الذي اشتريتي به النباتات(غلط)
بس الله يوفقك و يرزقك غيرهم اذا ماتت بس خلاص قرب يخلص الشهر

[r1ksa]

لالا باذن الله ما يموتون بس انا بغيتهم بالصيف عشان اشوف النبته باسوء حالاتها ما يضحكون علينا المشاتل ويورنا نبتات حلوه في الشتا و اتوهق بالصيف

الله يستر .. عالعموم الياسمين الاحمر ابتدت تستجيب للرش بالماء في الفجر وطلعت اوراق جديده بدل اللي جفت اما الغاردينيا لحد الان مدري وش حلها متعبتني

[الضيافة]

يمكنك عرض النبته على أقرب مشتل يوجد فية مهندس زراعي يشوفها على الواقع والله يعين .