بذور الكركديه

[بسمه]

بسم الله الرحمن الرحيم
السلام عليكم اعزائي
من شويه طلعت في دماغي فكره وانا بعمل كركديه
قلت ادعبس في البرطمان يمكن الاقي بذور تنفع ازرعها
وفعلا لقيت 8 بذور بس
وبكره ان شاء الله حروح لماما وادعبس عندها يمكن الاقي كمان خمسه سته
المهم
قلت اسالكم احسن طريقه لزراعتهم وايه المطلوب بالظبط لانهم 8 بذور يتما ياعيني بس ولقيتهم بالعافيه
لاني لاحظت ان في وردتين تلاته في البرطمان مفتوحين ومتاخد البذور اللي جواهم ودي لقيتها كده الحمد لله قدريا

http://img594.imageshack.us/img594/5822/dsc07403v.jpg


مستنيه نصيحتكم
دمتم في رعايه الله :)

[بسمه]

بسم الله الرحمن الرحيم
اه صحيح يا جماعه
انا مش عارفه هوا تصنيفه ايه علشان كده حطيته هنا معلش يعني لو كان في المكان الغلط
وكمان انا قريت من شويه ان العناب مش هو الكركديه بس هوا دع المتعارف عندنا في مصر
وطول عمرنا عارفين ان ده هوا ده ... دي معلومه اول مره اعرفها
كانوا بيضحكوا علينا باين واحنا صغيرين
عموما دي بذور الكركديه اللي لونه نبيتي وبيتشرب :)

[الـــــ ـ ـ ـ ـــروح]

تحيه طيبه
اهلا اختي بسمه
الكركديه ده نبات جميل ولما يتعمل بيبقى اجمل
بس احبيت اساعدك الكركديه بيتزرع في التربه الخفيفه الخصبه ليس الثقيله
ومعاد زراعته في ابريل
وعلى فكره انا في مره زرعت منه بالبذور في اصيصات صغيره فيها شويه بيتموس رطبه والنبات ظهر بعد اربعه ايام وكنت مغطياه ببلاستك علبه البيبسي قطعتها من النص وعملت فيها ثقوب وغطيته بيها وكل يوم بيكبر لحد صار شتله ونقلته للحديقه
يعني زراعته سهله جدا بس اهم حاجه انك مش تسقيه ميه كتير او تغرقيه وهو لسه صغير
بس اهم حاجه ميعاد الزراعه
ان شاء الله بقيت الاخوان والاخوات يساعدوكي ننتظر منهم

[مشاطي]

السلام وعليكم ..اختي الفاضله الكركديه من الاعشاب الطبيه المعروفه وفي العراق يعتبر من انواع الشاي ويعرف ايضا بشاي الديوانيه نسبتا الى المنطقه التي يزرع بها وفي رمضان نشربه بارد ويمكن لو بحتي عنه في الاعشاب الطبيه راح تلاقي معلومات تفيدك اكثر

[بسمه]

بسم الله الرحمن الرحيم
عزيزتي الروح
تسلمي على المعلومات يا جميله
بس يعني ماينفعش نزحزح ابريل دي ليونيو ؟؟ :(
انا نفسي ازرعه خالص
بصي انا حجرب وان شاء الله لو نفع حوريهلكم انا عارفه نفسي مش حقدر استنى لابريل :)
انا التربه عندي طينيه رمليه
انا مش خبيره بس انا شايفه انها متوسه مش تقيله خالص
والحمد لله بينجح فيها حاجات كتير
حجرب مين عارف يمكن ربنا يسهل وتنجح


استاذ مشاطي
شكرا كتير على المعلومات
وان شاء الله ادور عليه هنا في المنتدى
:)

[الـــــ ـ ـ ـ ـــروح]

ههههه
ومالو جربي التجربه بنتعلم منها اشياء كتيره وابقي سجلي السلبيات الى راح تطرا على النبات وسوا في النمو او التربه عشان تتجنبيها في زراعتها في ابريل
وربنا يبارك في الي بتزرعيه ان شاء الله

[بسمه]

بسم الله الرحمن الرحيم
اكيد يا روح ان شاء الله حسجل كل حاجه
انا بصور النباتات اللي عندي يوم بيوم الحمد لله
بس لما يبدأ الحاجات اللي زرعتها تنبت ححطها في موضوع في المنتدى ان شاء الله علشان استفيد من خبره الاساتذه هنا :)
انا لسه يا دوب بادئه من يومين

[زنبق الوادي]

السلام عليكم و رحمة الله و بركاته
الكردكديه او كما يسمى في العراق الكوجرات اسمه العلمي Hibiscus sabdariffa من العائلة Malvaceae
في حال اردتم ان تبحثوا عن معلومات حوله.
اخت بسمة ارجو ان توفقي في زراعته^_^

[ندوة]

السلام عليكم ورحمة الله


شاي الكجرات وموطنه الاصلي في الهند منطقة كجرات .يزرع في منطقة الديوانية جنوب .العراق .. موعد الزراعة من بداية الشهر العاشر الى الشهر الثالث .. يزهر في الربيع ..يصل ارتفا ع الشجيرة الى 90 سم .. يسمى ايضا الشاي الاحمر ..

http://toptropicals.com/pics/garden/m1/Podarki3/Hibiscus_sabdariffa107033OlgaB.jpg

[بسمه]

بسم الله الرحمن الرحيم
تسلميلي يا زنبق الوادي ويا ندوه
فيكم الخير يا بنات
وان شاء الله حبحث عنه اكتر

انا زرعته النهارده وحطيته في حته ظل مش بيجيها شمس مباشره
وان شاء الله لو انبت حويكم صوره
ولو مانبتش حجيب غيره واجرب تانى ان شا ءالله
انا اصلي مدمنه كركديه :)
تسلمي على الصوره يا ندوه
شوقتيني اشوفها لما تكبر :)

[ahmed q8]

لتو علمت بان الكركدية من عائلة الهيبسكس و هو شكل زهوره مماثل للبامية
ههههه بسمة ادمان على الكركدية انا ما بحبوش بس بحب الشاي العادي ههههه:dwink::dwink::dwink:

[بسمه]

بسم الله الرحمن الرحيم
شكرا على المعلومه يااستاذ احمد
انا كمان ادماااااااااان شاي وياريت لو اعرف ازرعه
حروح ادور جوه علبه الشاي يمكن يكونوا ناسيين بذره كده ولا كده
هههههههههه
ملاحظه صغيره وياريت مش تزعل
كلمه في المستقبل ان شاء الله مش انشاء الله .. الغلطه دي بنغلطها كتير على فكره
انا قلت انبهك بس وياريت مش تزعل

[ahmed q8]

لا مش جزعل ازعل ليه انتي نبهتني و احسن شي انك نبهتيني بس انا عرفتي دايم بغلط بالاملاء بعض الكلامات

[ايمي ليبيا]

يا بسمة ربي يوفقك في زراعتها .....وان شاء الله اتشوفيها تكبر قدامك

انا اليوم زرعت بذرة مانجا في علبه صغيرة وربي يستر !!!!!!

[بسمه]

بسم الله الرحمن الرحيم
الحمد لله يا استاذ احمد..موضوع الغلطات ده بيحصل كتيييييييير بنبقى متحمسين وبنكتب بسرعه :)

ايمي
ربنا يوفقك انتى كمان مع المانجا وغيرها يارب
انا زرعتها بس مطلعتش حاجه
عموما لو مش نفعت حجيب غيرها ان شاء الله او احاول اجيب شتلات اسهل
ادينا بنجرب
واحلى حاجه في الدنيا لما اتفاجىء الصبح وانا داخله البلكونه بإن في حاجه بدأت تنبت في الارض
ماقولكمش الاحساس بيبقى ايه ساعتها
اكيد كلكم جربتوه طبعا :)

[Mohamed Haggag]

السلام عليكم ورحمة الله وبركاتة
الاخت بسمة/ أحييكى على المجهود الرائع والنشاط الملحوظ فى تجربة كل ما هو جديد

أما بالنسبة لزراعة بذرة المانجو فقد أحببت أن أشارك معكم تجربتى فى زراعتها , منذ حوالى خمس أسابيع قمت بتجفيف بذرة مانجو ( البذرة المتبقية بعد أكل المانجاية :) ) ثم شققتها بالعرض بواسطة سكين المطبخ ثم وضعتها فى تربة من البيتموس بأصيص متوسط الحجم ( لم أخرج الجنين من البذة ولكنى إكتفيت بشقها ) وظللت أسقيها مرتين أسبوعياً لعلمى أن المانجو تحب الحرارة و عدم الرى بغزارة , لم تحرك ساكناً حتى أحسست أنها فشلت ولكنى تفاجئت منذ ثلاثة أيام أنها أنبتت فكانت سعادتى لا توصف لدرجة أنى إحتفلت بهذا الحدث السعيد مع زوجتى :) وإليكم الصورة

[دراسينا]

اهلابسمة ايه اخباربذورك

اناقبل فترة زرعتهم وهم بالشكل هذا اللي في صورة م ندوة لانها في السوق تباع طازجة أحيانا

ونجحت في زراعتهم



http://toptropicals.com/pics/garden/m1/Podarki3/Hibiscus_sabdariffa107033OlgaB.jpg

وبالنسبة للمنجا من تجربة زراعتها في ارض الحديقة فلاحظت إن نسبة نجاحها اكبروتكون الشتلة أقوى من الأصيص