اكثار البطاطس بزراعة الانسجة (معمليا )

[محمد الحسينى]

الخطوات المتبعة فى اكثار البطاطس معمليا :
1- اختيار الصنف ( اسبونتا - كارا-دراجا )
2- كسر طور السكون : يكون خلال شهر يناير
ا-تخزينها لمدة 3الى 4 اسابيع فى درجة حرارة 20الى 30 درجة مئوية ورطوبة مرتفعة
ب- المعاملة للدرنات بغاز ثانى كبريتيد الكربون
ج-المعاملة للدرنات بالايثلين كلورهيدرين
د- الغمر للدرنات الكاملة او المجزاة فى محلول حمض الجبريليك 1-10جزء فى المليون لمدة ساعة
ه- الغمر للدرنات فى محلول ثيوسيانات صوديوم 1%لمدة ساعة وهذا قبل الزراعة ثم تزرع الدرنات بعدها
و- الغمر للدرنات الحديثة فى محلول ثيوريا 2%لمدة ساعة
ز- الغمر فى محلول كاربيد الكالسيوم 1%لمدة 4الى 5ساعات
3- تنبيت البراعم
4- فصل البراعم بطول 1-3 سم فى منتصف شهر فبراير حتى اخر مايو بمشرط حاد ومعقم وتحفظ فى برطمان بة ماء مقطر ومعقم
5- تعقيم المنفصلات النباتية باستخدام :
ا- ايثانول 70% ثم غسيل بماء مقطر ومعقم
ب-هيبوكلورات صوديوم (كلوراكس)5الى 20% لمدة 20 دقيقة
ج- غسيل بماء مقطر ومعقم عدة مرات داخل الهود
6- فصل المرستيمات
7- زراعة المرستيمات فى البئات الصناعية المعقمة المعدة لذلك
انواع البيئات
ا- البيئة البادئة
ب- بيئة التضاعف
ج- بيئة التجذير
د- بيئة تكوين الدرنات : ويراعى عند البيئات مراعاة حالة الاتزان الهرمونى بين منظمات النمو فى البيئة المستخدمة خاصة الاكسين والسيتوكين حيث ان النسبة بينهم هى التى تتحكم فى الناتج المزرعى
8- التحضين
ويكون فى حضانات على درجة 22 الى 24 درجة مئوية وكثافة ضوئية 3000-4000 لاكس وفترة ضوئية 16 ساعة لمدة شهر ونصف الى شهرين ويجدد نقل المرستيمات الى بيئة حديثة بعد حوالى 15-20 يوم من الزراعة
9- اكثار النباتات الصغيرة
:boxing:

[mohamrd]

ياستاذ محمد انا مش فاهم حاجه ممكنتقول بطريقعه اسهل شويا انا اول مرا ازرع واحب ان ازرع البطاطس ممكن تقولي اجيب البطاطس الدرنا من فين ىانات من سكان قليوب قريب من من منطقة الثلاجه اهي فيه درنا ارجو الأفاده
m_mohamrd[at]yahoo.com
هل ازرع بطاطس ولا لا العام دا هتكون سعرا كويس ولا مش هتجيب تكلفتها زي ما بيقفول

[محمد الحسينى]

اولا بحب ارحب بيك فى المنتدى كاخ عزيز
ثانيا بالنسبة للمكتوب اعلاة فهو اكثار البطاطس بواسطة تكنيك زراعة الانسجة ويكون الاكثار فى المعمل
ام اللى انتة عايزة فهو كالتالى
تزرع الدرنات فى المواعيد التالية
1- عروة شتوى 9و10 وتكون مزروعة من تقاوى محلية
2- عروة نيلى 11و12 وتكون من تقاوى محلية
3- عروة صيفى 1و2 وتكون من تقاوى مستوردة
ام موضوع الربح فهى مجزية جدا ولكن يجب عليك اتباع التوصيات من مكافحة واضافة اسمدة ( محصول شرهة فى احتياجات من الاسمدة )
ام موضوع التقاوى فحتضرتك بتجيبها من ثلاجة تقاوى بطاطس
ويكون انتاج الفدان من العروة الشثوى والنيلى 7الى 10 طن للفدان
ام انتاج الفدان فى العروة الصيفية 15 الى 20 طن للفدان وتكون مصاريف الصيفية اعلى نظرا لشراء تقاوى مستوردة

[hanaa hassan maki]

م . شكرا على معلومات البطاطس بس المواقيت البتتكلم عنها للزراعة فى اى بلد وكمان بسال عن الاليات المستخدمة فى الزراعة لو عايزة ازرع ألى

[محمد الحسينى]

سلامى للجميع
بالنسبة لمواعيد الزراعة فتكون واحدة
ام الاليات فيوجد مكيانات لزراعة البطاطس ام اليا او نصف اليا
ام الحصاد فيوجد ايضا اليات لحصاد البطاطس مع تقطيع العرش فى وقت واحد وتوجد اليات لحصاد البطاطس بدون عرشها

[mohamrd]

شكرا جدا علي الرد وجزاك الله بكل خير انت فعلا افتني ولكن عندي سال كمان بسي اوعي تبخل علي بارد انا جمب منطقه الثلاجه الي حمب قليوب انت يمكن متكونشي عرفه بسي هي في ثلاجات كتيراهل تعرف احد صديق في منطقتي يكون بيشتري من نفس المنطقه حتي يوفر علي نفاها من البحيرا مثلا او من اي مكاان في مصر...................السؤال.. ... هو اني في ميعاد الزراعه هذهب الي الثلاجات واشتري التقاوي ولا لازم احجز قبلها الكميه الي انا عوزها ادفع ثمنها ..............ما هو المعتاد في مصر.........ممكن تفولي اجابه ليس لها من اي حرج سعر كيلو البطاطس المستورد حتي تصل لي من المستور بكام ...... وكدا العروا الصيفيه عاليه جدا ممكن ما تجيب تكليفتها مثلا العروه الشتويا والصيفيه.......شكر جدا سوا انت رديت ام لم تردm_mohamrd[at]yahoo.co
هذا الأيمل الخاص بي
ممكن تبعت لي اي رساله لو كان هناك صديق في المنطقه قليوب

[محمد الحسينى]

سلامى للجميع
بالنسبة لاسئلتك اسئل وميهمكش
بالنسبة لشراء تقاوى البطاطس حضرتك بتحجزها من صاحب ارض قام بزراعتها بطاطس العروة الصيفية فقط وبطاطس العروة الصيفية بتكون تقاوى العروة الشتوية والنيلية ام تقاوى العروة الصيفية فبتكون استيراد وعادة تشتراة من البحيرة لقربها من موانى الاسكندرية ويوجد تجار متخصصين فى شراء التقاوى المستوردة
ام المعتاد فى مصر هو حجز التقاوى ثم يتم وضعها فى الثلاجة الى ميعاد الزراعة وقبل الزراعة باسبوعين يتم اخراجها من الثلاجة لكسر طور السكون
حضرتك عايزة تزرع البطاطس ام تقوم بحجزها من احد الثلاجات القريبة من قليوب ولو مفيش ثلاجات تقوم بالذهاب لقسم الخضر بكلية الزراعة جامعة عين شمس( شبرا الخيمة بقصر محمد على ) وانت من قليوب يعنى بينك وبين شبرا الخيمة حوالى 10 كجم وهم يدلك على شراها
ام موضوع العروات فان انصحك بزراعة العروة النيلية فقط وبتكون تكلفة زراعة الفدان حوالى 3000 الى 4000 جنية ام الانتاج المتوقع فبيكون حوالى من 7 الى 10 طن وبيكون سعر الطن حوالى 1000 الى 1500 جنية
ام الفرق فى التكلفة فالعروة الشتوية والنيلية تكون من تقاوى محلية رخيصة فى الثمن بالاضافة انها لاتحتاج الى تكلفة عالية فى مكافحة الافات والامراض ام العروة الصيفية فتكلفة التقاوى عالية فيصل سعر كيلو البطاطس من 7 الى 10 جنية بالاضافة الى التكلفة العالية فى مكافحة الافات
واى سوال انا تحت امرك اسئل وميهمكش

[mohamrd]

شكرا جدا بش مهندس محمد الحسيني انت فعلا كدا يعتبر افتني ولكن في سوال يحيرا عاما باني لم ازرع البطاطس اولأ هل ينفع ان ازرعه في الأراضي الطينيه الي فيه منطقة القليوبيه ثانيا... ممكن اضيف كميه من الرمله ولو صغيرا تساعد علي تفكك ارضي ولا هذا سوف يكون خاطءا وسوف يسبب اللتباك للأرض وياذيهاهذه النقطقه مهم اويهل الرمل في الأرض الطينيه صحيح ام لا مع السوبر في الطاطس طبعا..... وكمان عاوز اعرف الفدان بياخد كام شكارة سوبر هنا في مصر..........سوال خاص بي انت قلت الي اني سوف اشتري التقلوي من المزارع الذي يزرع العروه الصيقيه بعد الحصاد واضعه باسمي في الثلاجات صح كدا .......... طيب تقربا كام تاخذ الثلاجه في الشهر في الطن ايجار التخزين وشكرا جدا يابش مهندس محمد علي النصايح دي انت انسان كويس

[محمد الحسينى]

تحياتى للجميع وبالاخص الاخ mohamrd
بالنسبة لزراعة البطاطس فهى تصلح ولا يوجد اى مشاكل فعلاج التربة الطينية وتمسكها هو السوبر
ام الرمل فاعتقد ان اضافتة غير مجدية وانا شفت اراضى فى المنصورة مزروعة بالبطاطس ومحصولها جيد على الرغم من ان التربة اللى فى الدقهلية اتقل من القليوبية والدليل مزارع الفاكهة المنتشرة فى القليوبية من موالح بانواعة ومشمش وخوخ
فيحتاج الفدان 10 اجوالة من السوبر تضاف بعد الحرثة الثانية
ام ايجار البطاطس فى الثلاجة فيكون بالطن فيكون الطن بحوالى 120 جنية
ملوحظة مهم جدا
التقاوى اللى انتة هتزرعها تكون من ارض مزروعة مرة واحدة فقط خلال الموسم والمقصود العروة الصيفية فقط وليس الشتوية وبعدها الصيفية فل تصلح الارض المزروعة شتوى ثم صيفى كتقاوى

[mohamrd]

انا متشكرا جدا يابش مهندس محمد الحسيني.......
طبعا 120 جنيه دل في الشهر للطن الواحد انا عاوز اعرف معلومه لي ما هي فائدة هذه الثلاجات الي هحت فيه البطاطس من العروه الصيفيه حتي الشتويه والفرق بنها وبين النوبه ايه وبتكون الدرنه بعد الشهور التخزين قد خرج منها جزء من البرعم ام لا تكون مثل ما هي
وكيق اقطع البطاطس بالسكين بدون ما تنقل العدوه وهل من الممكن ان اضع علي المنطقه المكشوفه بعد التقطيع(ماء+رماد+قليل من الغرا+ اي محلول حديد)انا الي فكرت في دا
......... كمان سوال عند الري اشبع الأرض ام يكون مثل سقية الذره ولا مثلا المحيا لا اشبعه
وها تختلف من سقيه واخري في الأول مثل الأخر

[mohamrd]

معلشي انا عندي كمان سوال ممكن تقول ارش البطاطس ايه مغزي ومبيد في كل عمر من اعمار المختلفه لنبات كي احميها من الألتفاف الورقي او اي اصابه انا عارف اني السؤال دا طويل اوي لكن لو كان في اي موقع يفدني بد من اتعبك علي الرد علي

سوال تاني انا عارف اني بتال عليك لكن الموقع بتعكم دا جميل جدا كانت لي فرصه ان اجمع المعلومات عن زراعة البطاطس الي محيراني هو جميل اكتر بيك انت انسان كويس فعلا حتي الرد يكون سريع......... ممكن ان اصدر ها الي الخارج وهل هذ يطاطلب مني تكلف ولزم يكن امتلك مكتب اصتيراد ولا لا....... فرد عادي مثلي هليمكت ان يصدر البطاطس ادول عربيه او اوربيا وكيف ازرعه بدون مواد كماويه وتجيب نفس الكميه دي

[محمد الحسينى]

اسئل ولا يهمك
ال 120 جنية فى الموسم وليس الشهر
ام فائدة الثلاجة فهى تحفظ البطاطس من العفن والاصابة الحشرية وتعمل على اطالة فترة السكون فى الدرنات الى ميعاد زراعة الدرنات
ام النوالة فهو حفظها فى مكان يكون عادة من الطوب النيى ولة فتحات بنظام معين ولكن يعاب علية عدم التحكم فى سكون الدرنات ايضا وتعريض الدرنات لالاصابة الحشرية
ام التقطيع فانت بتقطع الدرنات على حسب وجود البراعم فعند كل برع او برعمين تقوم بالتقطيع وبعد ذلك تترك البطاطس لمدة يومين حتى تجف طبقة البرديرم ( الداخلية) ولا داعى لاضافى اى شى
ام الرى فتكون الرى الاولى قبل الزراعة بحوالى 15 يوم ثم تنتظر حتى تكون الارض مستحرثة ثم تقوم بالزراعة ثم تنتظر حتى ظهور النموات الخضرية ثم تقوم بالرى بعد ذلك يكون الرى كل 15 يوم ويكون الرى تجرية وليس تغريق
ام الرش فانك تقوم بمكافحة الافات الاتية ان ظهرت
المن والذبابة البيضاء والعنكبوت الاحمر وتعتبر هذة الافات هى الناقل للا مراض الفيروسية ( التفاف الاوراق)وفراشة درنات البطاطس
بالنسبة للزراعة العضوية ( عدم استخدام اسمدة او مبيدات حشرية ) فل يمكن مع البطاطس نظرا لانها مجهدة الارض وتحتاج اسمدة بكميات كبيرة
ام التصدير فيكون عن طريق تجار كبار التجار وليس صغار المزارعين

[bl3ck_horse]

مشكور يا اخ محمد على المعلومات الغاليه
انا محتاج لبعض معلومات منك وخصوصا فى تاسيس المزارع
على فكرة احنا بلديات انا من بقاس السوق العمومى واريد مراسلتكاعزرنى انى لاارد على الموضوع ولكن لانى لسه جديد ايميلى bl3ck_horse[at]yahoo.com

[mohamrd]

انا مش عارف اقول غير جزاك الله عنا خيرا ورزقق وحقق لك احلامك.........ز
انا عاوز اسئل اولا انا هزرع العروه شتويه من الصيفيه دي انا عرفه اما العروه الي بعد الشتويه المحير او النيليه مش مهم الأسم هي بتزرع من العروه الصيفيه كما ولا من العروه الشتويه
ثانيالزم البطاطس الي من العروه الصيفيه بعد التقليه تضل فترا في الجو كام يوم كدا قبل التخزين في الثلاجات ولا احطه في نفس اليوم في الثلاجه يوم الحصاد للعروه الصيفيه كما
عاو ز اعرف لما اتي بالبطاطس من الثلاجات لزراعة العروه الشتويه في شهر 8 او 9 كا انت قلت الي قبل كدا كام من الوقت اطرقه بعد خروجها من الثلاجات كام يوم حتي يتم الزراعه بها متكون علي احسن حال سمعة انهو اسبوع في الضل هل هذا مضبوط ام لا

[mohamrd]

يابش مهند محمد معلش انا ما استفتش خالص من نقطة ما هو نوع الرش الذي ارشه في أعمار المختلفه حتي لا تصاب البطاطس بالأمراض دي كلها هو في جدول امش عليه ولا ما في لما ياتي البطاطس مرض ابدا اعالج ولا لابد من الأستعداد بكل عمر من مغزيات ومبيداتممكن تفدني وتكتبلي جدول امش عليه طوال الفتر الي مزوع فيها الطاطس........................ .....
كما انا عاوز اعرف ممكن اضع للبطاطس كماوي اللوريا ولا لازم النترات وضها في وقت من الأوقات في عمر النبات وممكن ان اضع الكماوي علي الأرض فبل الزريع ولا لا وممكن ان اضع الكبريت ولا لا مش مهم

[mohamrd]

انا شقت قبل كدا في زراعة الخضروات مثلا البازنجان والفلفل الأخضر وغيرها من الخضروات في الري بعد الناس توضع( روس المواشي الخام في المياه)غير السباخ البلدي في الري فل لو فعلت هذا سوف يصيب البطاطس عندي ببعض الأوراض وهل هو مفيد في المياه ام لالا وهل من الممكن ان اضعه بدل من السباخ البلدي في بدايه الزراعة .................
الجير هل هو يستعمل في زراعة البطاطس وكيف يستعمل

[محمد الحسينى]

الاخى العزيز bl3ck_horseا انا ضيفتك الى ايميل على الياهو وبعت ليك رسالة ومستنى الرد
ثانيا الاخ العزيز mohamrd
بالنسبة لموضوع العروة الشوية والنيلية والصيفية
يتم زراعة العروة الشتوية والنيلية بتقاوى من العروة الصيفة التى تم زرعها العام السابق
ام العروة الصيفية فتزرع بتقاوى مستورد وتزرع بغرض تقاوى العروة القادمة ( الشوية والنيلية ) وبغرض الانتاج المحلى والتصدير
ام التقاوى فبعد الحصاد تترك حوالى اسبوعين فى مكان مظلل وتوضع البطاطس ككومة ويتم وضع عليها طبقة من القش وتعرف بعملية ( العلاج التجفيفى ) والهدف الاساسى منها هو تصلب الطبقة الخارجية ( القشرة ) للبطاطس
ام موضوع الزراعة فيتم اخراج البطاطس من الثلاجة قبل الزراعة باسبوعين ويتم وضعها فى مكان مظلل والغرض هو كسر طور السكون فى البطاطس
بالنسبة للمكافحة الافات والامراض
فحضرتك بتقوم بمكافحة الافات ذات الفم الماص ( المن والذبابة البيضاء والعنكبوت الاحمر ) كل اسبوع فى العروة الصيفية ام العروة الشتوية والنيلية فل يتم مكافحتهم نظرا لبرودة الجو
ام الامراض فهناك مرضين يمكنهم القضاء نهائيا على البطاطس وهم
الندوة المبكرة والندوة المتاخرة فمبجرد ظهورهم حضرتك بتقوم بعملية المكافحة لهم
وهناك حشرة اخر ى هى فراشة درنات البطاطس فيتم المكافحة بمجرد الظهور
وهذة اخطر الحشرات والامراض التى تصيب البطاطس
تسميد البطاطس
يحتاج الفدان حوالى 5 مقاطير سمد عضوى
التسميد الازوتى فيحتاج حوالى 150 الى 180 وحدة ازوت تضاف على دفعات الدفعة الاولى وتكون عند الزراعة وتكون فى صورة سلفات ام الدفعة الثانية فتكون فتضاف بعد تمام الانبات اى بعد حوالى 45 يوم فى صورة نترات ام الدفعة الثالثة فتكون بعد 3 اسابيع من الدفعة التانية فى صورة نترات
التسميد الفوسفاتى
فيضاف حوالى 60 الى 75 وحدة فوسفور 15 % بعد الحرت ويضاف من السماد العضوى ليعمل على تحللة
التسميد البوتاسى فيحتاج 96 وحدة بوتاسيوم فتضاف مع الدفعة الثانية من الازوت والدفعة الثانية تضاف بعد ثلاث اسابيع من الدفة الاولى للبوتاسيوم
ام طريقة التسميد اللى انت ذكرتها تسميد عضوى مع مياة الرى فلى داعى نظرا لبط تحلل السماد وبالتالى فل يستفيد منة النبات
العناصر الورقية تضاف بعد 40 يوم من الزراعة وتضاف دفعة ثانية بعد 20 يوم

[mohamrd]

متشكر جدا يابش مهندس محمد..... السماد البلدي دا بدل من السماد الأزوتي ولا هما الأثتنين لازم ..........................
عاوز اقول كمان ممكن تقولي اي نوع من انواع الرش لفراشه الدرنات كمان الندوه المبكرا الندوه المتاخر ارش لهم عند ضهورهم اي نوع من الرش اسمهه ..............ولو ممكن ارشه هذا الرش من غير ما يصاب الزرع بالأمراض ما هو ميعاد الرش الأولي والثانيه........................... ....
انا مش عارف ياعني ايه وحت الفوسفور دي يعني السوبر

[mohamrd]

انشاء الله لما اسقي ثم بعد ما تخف احرسه وبعدين اشقيه وبعدين احرسه مره تانيه ........... السوال بق هو اني احرس الأرض الحرسه الاخيرا بعد ما اضيف السماد والسوبر ىوهي الأرض رطبه ولا لما تخف افضل يعني تكون الأرض مثل تخضير القمج ........... السوال تاني هو اني ممكن ان اضبف بعض السماد الأزوتي قبل الحرس ولا ولا ............... كمان سؤال انت قلت سلفات ونترات فهل لي ان اضع بدل منهما (لوريا)..............ز يعني ايه عنصر ورقي اي مغزي الورق

[محمد الحسينى]

اة يا عم فية اة انا كنت مشغول شوية اليومين دول مش اكتر
لابد من اضافة السماد البلدى والسماد الازوتى
بالنسبة لرش الندوى المبكرة والمتاخرة
الندوى المبكرة يتم الرش وقائيا خلال 50 يوم من الزراعة بمادة ( الكوبرا انتراكول ) 350مجم لكل 100 لتر ويكرر الرش كل 2الى 3 اسبوع وفى حالة الاصابة ترش بمادة الاسكور 50 سم لكل 100 لتر ماء
الندوى المتاخرة يتم رش النباتات وقائيا (بالدياثين م45) بمعدل 250 جرام لكل 100 لتر ماء عند الاصابة اول نزول المطر
بالنسبة لفراشة درنات البطاطس
يتم الرش باجرين 6.5%wpبمعدل 200جم للفدان
السوبر هو الفوسفات واسمة العلمى سوبر فوسفات الكالسيوم
ميعاد اضافة السوبر والسماد البلدى بعد الحرث الاولى ثم الرث الثانية ثم التزحيف ثم التخطيط تم الرى بعد ذلك بحوالى10 الى 15 يوم يكون ميعاد زراعة الدرنات
اضافة السماد الازوتى قبل الحرث فل يوجد منة فائد لانة عنصر متحرك وسريع التطاير
اليوريا سريعة الذوبان وبالتالى فل يستفيد منها النبات ويتم اضافتها فى صورة سلفات ونترات لانها بطئية الذوبات
عناصر ورقية هى عناصر يتم وضعها فى الماتور وتضاف على اوراق النبات وهى الزنك والحديد والمنجنيز

[mostafa ezzat saad]

السلام عليكم
ممكن اعرف طريقة التي يتم بها تكوين البريدرم في حالة جروح البطاطس

[محمد الحسينى]

تسمى بعملية العلاج التجفيفى
وهى عبارة عن وضع درنات البطاطس فى مكان مظلل وهاو ويتم وضعها فى صورة كومة ويتم تغطيتها بالقش لمدة اسبوعين الى حين تكوين طبقة البرديوم وتصلب القشرة

[mohamrd]

باجماعة انا ابحث عن تقاوي بطاطس ها من احد يساعدني انا من سكان الجيزه

[mohamrd]

شكرا جدا يا اخ محمد الحسيني انت انا اسان كويس جزاك الله عني الخير

[mohamrd]

انت قد تكلمت الكثير والكثي عن البطاطس المعمليه من اتي بهذ البطاطس في شهر واحد حتي توفر علي مصر الكثير من العملات

[gamal amin amin]

شكرا لك اخى محمد
شفت يا اخى انت مهم جدا لنا وحقيقى الناس بتفهم منك ربنا يحفظك ويخليك
وانا لى طلب عند الاستاز عونى انه يضيف لك قبل اسمك نجم المنتدى

[mohamrd]

شكرا جدا علي هذه المعلومات ممي يجعلني ان اطع وان اسال سوال يهمني ما هي المده المتبعه حتي او المضبوطه لعمليه كمور النبته بمعني انا اريد ان ازرع البطاطس بعد بدون ما اضعه في الثلاجه لزم اضعه وكام المدي العضمي والصغري يعني ممكن اضع الدرنه في الثلاجه 10 اشهر او 15 يوم فقط

images/buttons/edit.gif (editpost.php?do=editpost&p=14033)

[محمد الحسينى]

سلامى للجميع
انا بحب اشكر الاخ الاكبر العزيز جمال على الكلام الرائع دة بس انا مش بكتب على المنتدى من اجل لقب ولا غيرة بس انا بكتب معلومات وخبرات اكتسبتها وبالتالى يجب علية اخراج هذة المعلومات وانا بحب اشكرك على الكلام اللى انت بتكتبة
ام الاخ mohamrd
عادة يتم تخزين البطاطس فى الثلاجات من اجل اطالة مدة السكون ( طور الراحة ) من اجل الزراعة فى المواعيد المناسبة وعادة توضع فى الثلاجة من 6 الى 8 شهور ثم يتم اخراجها قبل الزراعة باسبوعين من اجل كسر طور السكون ولتهويتها
ام التخزين فى النوالة فيكون من اجل التخزين للبيع وفى حالات قليلة يتم تحزينها للزراعة حيث لا يتم التحكم فى طور الراحة فى النوالات مما يؤدى الى انبات الدرنات وبالتالى عدم زراعتها

[mohamrd]

شكر بشمهندس محمد علي هذه المعلومات لكن قد قلت هذ من قبل ولكن انا اسال هل من الممكن اطال فترة التخزين ام لا هل عندك من اجابه لسؤالي.......وعلي العموم شكرا جدا علي هذ المعلومات مره تانيه