افيدوني فى معرفة نوع الورد ده لو سمحتم

[Nirvana]

السلام عليكم
ده اول موضوع ليه فى المنتدي الرائع ده وعندي سؤال لانى لسه جديدة فى هواية الزرع و النباتات ومعنديش اى معلومات كافية
انا ساعات بشوف الورد ده فى البلكونات و شكله بيعجبني اوووى ونفسي اعرف اسمه ايه

4271




لو سمحتوا حد يقولي معلومات عن الورد ده و العناية بيه و بينمو بسرعة ولا ايه ؟ و ينفع احطه فى البلكونة عادي
على فكرة الصورة دي انا صورتها لبلكونة شوفتها ويارب تكون واضحة
وشكرا لاعضاء المنتدي المحترمين

http://imageshack.us/photo/my-images/718/img0427sw.jpg/

[زنبق الوادي]

السلام عليكم و رحمة الله و بركاته
النبات يدعى (الجهنمية) Bougainvillea و بحسب علمي يسمى كذلك في مصر, النبات سهل التربية و لا يحتاج الى عناية كبيرة يمكن ان يتحمل الحرارة فهو ينمو في بغداد الحارة بشكل جيد و ينفع ان ينمو متسلقا او بشكل شجيرات او اسيجة, قد يتاثر بالبرد و تسقط بعض او كل اوراقه في الشتاء و هو يزهر بكثافة ابتداءا من الربيع الى الشتاء.

[Nirvana]

السلام عليكم و رحمة الله و بركاته
النبات يدعى (الجهنمية) Bougainvillea و بحسب علمي يسمى كذلك في مصر, النبات سهل التربية و لا يحتاج الى عناية كبيرة يمكن ان يتحمل الحرارة فهو ينمو في بغداد الحارة بشكل جيد و ينفع ان ينمو متسلقا او بشكل شجيرات او اسيجة, قد يتاثر بالبرد و تسقط بعض او كل اوراقه في الشتاء و هو يزهر بكثافة ابتداءا من الربيع الى الشتاء.


الف الف شكر ليكي يا زنبق الوادي ربنا يجازيكي خير حبيبتي
واعتقد فعلا انى سمعت اسم الجهنمية ده و هسأل عنه عشان اشتريه
وياريت لو حد زارعه عنده فى البلكونة يكلمنى عنه لو فى مشاكل واجهته
الف شكر ليكي يا قمر على ردك و اهتمامك

[زنبق الوادي]

السلام عليكم و رحمة الله و بركاته
عفوا Nirvana, و ربنا يجازيكي خير.
انا لدي اثنين من الجهنمية في المنزل, تنمو احداهما متسلقة على شجرة اخرى قريبة و الاخرى تنمو بشكل شجيرة قصيرة اقصها دائما بشكل كروي, المتسلقة تنمو بحرية و تزهر دائما و هي في مكان مشمس, اما الثانية فلا تزهر ربما بسبب القص المستمر او ان الضوء غير كاف بالنسبة لها.

[Nirvana]

السلام عليكم و رحمة الله و بركاته
عفوا Nirvana, و ربنا يجازيكي خير.
انا لدي اثنين من الجهنمية في المنزل, تنمو احداهما متسلقة على شجرة اخرى قريبة و الاخرى تنمو بشكل شجيرة قصيرة اقصها دائما بشكل كروي, المتسلقة تنمو بحرية و تزهر دائما و هي في مكان مشمس, اما الثانية فلا تزهر ربما بسبب القص المستمر او ان الضوء غير كاف بالنسبة لها.



و عليكم السلام ورحمة الله
شكرا يا زنبق الوادي على متابعتك واهتمامك بالموضوع وكنت عاوزة اقولك انى هحطها فى البلكونة بحيث انها تنزل و تعمل شكل جميل على جدار البلكونة عندي ,, كنت عاوزة اعرف هل اشتري منها اصيص واحد كفاية ليعطيني الشكل و الكثافة المطلوبة ولا لازم اكتر من واحد
وكمان هل لما بتنمو اكتر لازم انقلها لاصيص اكبر ولا بتعيش فى نفس الاصيص و تنمو عادي ؟
كمان معلش عاوزة اعرف بتسقيها كل قد ايه ؟ و التسميد كمان كل قد ايه ؟
وهل بتذبل فى الشتاء ؟؟
معلش ازعجتك بس انا هموووووت و اجيب الشجرة دي لان شكلها يجنن فى البلكونات

[بسمه]

بسم الله الرحمن الرحيم
انا كمان نفسي اعرف لاني برضو حموووووووووت واجيبها
بس عايزه اعرف كمان هل بتجذب انواع معينه من الحشرات ؟ لاني اتخنقت من النمل ومش ناقصه حاجه تانيه تزهقني :)
على فكره يا نيرفانا شفت ناس عاملين مكس بين الابيض والفوشيا يجنن ان شاء الله حعمله بس كانت على سور فيلا مقولكيش اللونين مع بعض عاملين ازاي روعه

[Nirvana]

بسم الله الرحمن الرحيم
انا كمان نفسي اعرف لاني برضو حموووووووووت واجيبها
بس عايزه اعرف كمان هل بتجذب انواع معينه من الحشرات ؟ لاني اتخنقت من النمل ومش ناقصه حاجه تانيه تزهقني :)
على فكره يا نيرفانا شفت ناس عاملين مكس بين الابيض والفوشيا يجنن ان شاء الله حعمله بس كانت على سور فيلا مقولكيش اللونين مع بعض عاملين ازاي روعه


هااي بسمه منوره الموضوع :happy:
بالنسبة للنمل اللي عندك جربي ترشي قهوة (( بن )) على اى اماكن بتشوفي فيها النمل و ان شاء الله موش هييجي فيها تانى ... ابقي جربي و قوليلي
اكيييييييييد الفوشيا مع الابيض هيبقي تحفة ,, انا لمحت منه قصاري صغيرة موش عارفة لو جبتها هتكبر عندي و تدي الشكل الحلو ولا ده بيحتاج يتزرع فى جنينة
بس بجد شيك اوى الشجر ده وان شاء الله هجيبه و يارب نعرف معلومات اكتر

[ندوة]

اهلا بك NIRVANA


NIRVANA>>آ لهة الفجر وهي اخت القمر في الاساطير اليونانية وهي عند الرومان تسمى اورورا .

هناك عدة الوان للجهنمية وهناك لونين في نبات واحد .. التنع افضل بالتاكيد وبوضع عدة حاويات ومن الافضل ايضا ان تكون كبيرة لتحتوي المجموع الجذري للجهنمية ..

اما عدم اِزهار الجهنمية عند الاخت زنبق الوادي .. فسبب ان البراعم الزهرية في الجهنمية تكون طرفية وبعمر سنة ..القص بهذا الشكل يعيق بقاءها لمدة سنة ليتم الاِزهار فيها ..

تحياتي لكم

[Nirvana]

اهلا بك NIRVANA


NIRVANA>>آ لهة الفجر وهي اخت القمر في الاساطير اليونانية وهي عند الرومان تسمى اورورا .

هناك عدة الوان للجهنمية وهناك لونين في نبات واحد .. التنع افضل بالتاكيد وبوضع عدة حاويات ومن الافضل ايضا ان تكون كبيرة لتحتوي المجموع الجذري للجهنمية ..

اما عدم اِزهار الجهنمية عند الاخت زنبق الوادي .. فسبب ان البراعم الزهرية في الجهنمية تكون طرفية وبعمر سنة ..القص بهذا الشكل يعيق بقاءها لمدة سنة ليتم الاِزهار فيها ..

تحياتي لكم






شكرا ليكي يا ندوة يا قمرة على ذكر معنى اسمي بجد كلك ذوق :)
و شكرا على ردك و اهتمامك بسؤالي .. وانا استفدت انه عرفت ان الحاوية لازم تكون كبيرة عشان تحتوى الجذور و اكيد تعيش اطول
بس عاوزة اعرف مواعيد الري و التسميد بعد اذنك ؟؟
وعندي سؤال عام هل عدم الانتظام فى مواعيد الري لاى نبات ممكن يؤثر على صحته ؟.......... لانه عندي نباتات ظل فى البيت وهي البوتس ومش بنتظم اوى فى مواعيد الري و بسقيها كل ما احس التربة جفت شوية .. هل ده غلط عليها ؟

[ندوة]

السلام عليكم ورحمة الله

بالتأكيد ليس خطأ لان الري الزائد عن حاجة النبات يؤدي الى تعفن الجذور وهلاك النبات .. ..

مواعيد الري تعتمد على:

*نوع التربة : التربة الرملية تحتاج الى السقي اكثر من التربة الطينية والتي تحتفظ بالماء لمدة اطول ..

*وطبيعة المناخ ..في المناخ الحار يحتاج النبات الى السقي اكثر من غيره .

*ونوع النبات ..حيث ان هناك نباتات مائية ونصف مائية..تحتاج بطبيعة الحال الى السقي المتواصل وهناك ايضا نباتات تعيش في الاجواء الرطبة وفي ترب رطبة ..

*المكان المتواجد فيه النبات . كأن يكون داخل المنزل او في الظل في الحديقة او في مكان مشمس ومعرّض للرياح ..

[Nirvana]

الف شكر ليكي يا ندوة كلك ذوق وربنا يبارك لنا فيكم جميعا

[بنت سومر]

السلام عليكم

تشرفنا بك اختي العزيزة ونورتينا ^_^

اجل انها الجهنميه الرائعه كما تفضلوا الاخوات .... وهي تعطي منظر جميل جدا في الحديقه او اي مكان تزرع فيه ..وانا املك شجرة جهنميه في حديقتي وماشاء الله عليها
روعه .... ومجرد النظر اليها تبعث في نفسك الراحه
تتهني في زراعتها ان شاء الله

تحياتي للجميع

[ال العرب]

نبات الجهنمية من النباتات التى تتحمل درجات الحرارة العالية4277

[Nirvana]

شكرا ليك يا بشمهندس ال العرب على المرور و الافادة

[بسمه]

بسم الله الرحمن الرحيم
ميرسي نيرفانا على النصيحه
ان شاء الله اجربها
انا اتعقدت من النمل فعلا لدرجه انه وصل للبوتجاز ...في نمل يعيش في بوتجاز؟!!!!
انا كمان ان شاء الله حجيبها كنت المفروض اجيبها النهارده بس مش حينفع
بس مش حرتاح الا لما اشوفها منوره البلكونه ان شاء الله :)

[Nirvana]

السلام عليكم

تشرفنا بك اختي العزيزة ونورتينا ^_^

اجل انها الجهنميه الرائعه كما تفضلوا الاخوات .... وهي تعطي منظر جميل جدا في الحديقه او اي مكان تزرع فيه ..وانا املك شجرة جهنميه في حديقتي وماشاء الله عليها
روعه .... ومجرد النظر اليها تبعث في نفسك الراحه
تتهني في زراعتها ان شاء الله

تحياتي للجميع


و عليكم السلام و رحمة الله و بركاته
شكرا ليكي يا بنت سومر على ترحيبك بيه و سورري انى مردتش عليكي معلش مخدتش بالي من مشاركتك .... منورة موضوعي حبيبتي
الله ماشاء الله اكيد منظر الشجرة فى الحديقة يجنن اذا كان بشوفه فى البلكونة شكله بيبقي خطير فمابالك بالحديقة بسم الله ماشاء الله ربنا يبارك لك يا قمرة
وشكرا حبيبتي على المرور و المشاركة

[Nirvana]

بسم الله الرحمن الرحيم
ميرسي نيرفانا على النصيحه
ان شاء الله اجربها
انا اتعقدت من النمل فعلا لدرجه انه وصل للبوتجاز ...في نمل يعيش في بوتجاز؟!!!!
انا كمان ان شاء الله حجيبها كنت المفروض اجيبها النهارده بس مش حينفع
بس مش حرتاح الا لما اشوفها منوره البلكونه ان شاء الله :)


اهلا يا بسمة
انا بقي النمل عندي بيمشي على حبل الغسيل و عند مامتى بيدخل جوه كولمان الشرب ... يعنى اماكن غريبة بصراحة فعلا .. هو غالبا بييجي من بره انتى بس تتبعي اثره وشوفي الخرم بتاعه اللي عايش فيه فين بالظبط ورشي جواه مبيد او احقنيه بحقنة جاز و رشي البن زي ما قلت لك فى الاماكن اللي فيها اكل و شرب و خايفة عليها من المبيد
كويس انك لقيتي الشجرة .. ياريت تقوليلي عرفتي سعرها كام ولا ايه ؟؟؟ و كمان حجمها ؟ عشان لما اشتري ابقي عارفة
تعرفي انا كمان موش هرتاح غير لما اجيبها و نفسي تنزل كده على البلكونة و تكبر و تنمو وتعمل منظر حلو .. بس انا كمان مستنية لما اجيب لها حوض اعلقه على سور البلكونة لان السور عندي حديد ومفيش مكان احط عليه الاصيص ... عموما ربنا يسهل و ربنا يوفقنا فى شراها ان شاء الله و ياريت لما تجيبيها ان شاء الله تقوليلي ايه الاخبار

[بسمه]

بسم الله الرحمن الرحيم
والله انا لسه مش عارفه انا عارفه انها موجوده في مشتل قريب
بس المشكله ان بابا هوا اللي حيجيبهالي ان شاء الله وهو مش فاضي
ده لاني لما بطلب من جوزي ورد بيحسسني بانى فاضيه وبيطنش هههههههههههه
فادعيلي بابا يجيبهالي بسرعه بقى
يا اما حنتهز اي فرصه وانزل مع واحده صاحبتي اشتريها انا بس خايفه لاني مفهمش فيها كويس اشتريت قبل كده ورد شكله حلو طلع الراجل ضحك عليا وباعلي اعشاب من اللي بتنمو حوالين الورود وماتت تاني يوم هههههههههههههههه

[Nirvana]

بسم الله الرحمن الرحيم
والله انا لسه مش عارفه انا عارفه انها موجوده في مشتل قريب
بس المشكله ان بابا هوا اللي حيجيبهالي ان شاء الله وهو مش فاضي
ده لاني لما بطلب من جوزي ورد بيحسسني بانى فاضيه وبيطنش هههههههههههه
فادعيلي بابا يجيبهالي بسرعه بقى
يا اما حنتهز اي فرصه وانزل مع واحده صاحبتي اشتريها انا بس خايفه لاني مفهمش فيها كويس اشتريت قبل كده ورد شكله حلو طلع الراجل ضحك عليا وباعلي اعشاب من اللي بتنمو حوالين الورود وماتت تاني يوم هههههههههههههههه


يا بنتي هو في واحدة تطلب من جوزها برده يشتري لها ورد !!!!!!! انتى بتحلمي ههههههههههه
اذا كان انا لما بطلب من جوزى ينزل معايا نجيب نباتات ظل للبيت بيبقي موش طايق نفسه بس بضطر اخده معايا عشان بيبقي الاصيص ساعات كبير و تقيل اوى وموش بعرف انقله لوحدى ولازم يتشال فى العربية ... انا اصلي بحب نباتات الظل اوى جوه البيت وبحب اشوف اللون الاخضر حواليه .. بس انا لسه جديدة برده فى الموضوع ده و معنديش بس غير بوتس جميل اوى عندي و عايش و بينمو ماشاء الله و جبت كذا نوع قبل كده شكلهم حلو اووووووى بس ماتوا فى ظروف غامضة هههههههههه و اخرهم كان الشفليرا ..... ولما عملت بحث هنا فى المنتدي لقيت ان كتير بيشتكوا من كده و السبب تقريبا بيقولك ان النبات بياخد صدمة لما بيطلع من جو المشتل و احيانا موش بيقدر يتأقلم على جو البيت ..
و بالنسبة للجهنمية انا مجربتش احط اى حاجة فى البلكونة قبل كده عشان مشكلة السور عندي وكمان الارض مفيهاش مساحة اوى بس لما شوفت الجهنمية هبلتني بصراحة وعاوزة اجيبها بأي طريقة و لما انتى كمان تشتريها راعي ان الاصيص يكون كبير زي ما الاخت ندوة قالت و كمان بصي فيها ميكونش فيها حشرات او التربة موش سليمة او كده و تكون صحتها حلوة و من المعلومات اللي عرفتها من المنتدي هنا برده ان احسن حاجة تشتري اى زرع من كلية الزراعة لان السلالات عندهم بتبقي احسن و بيشكروا فى الزرع من عندهم انه بيعيش و يتحمل اكتر
وياريت لو حد عنده معلومات و نصايح اكتر يفيدنا

[Maher78]

شكر خالص للكل على هذه المعلومات ودمتم برعاية الله واثابكم على جهودكم

[بسمه]

بسم الله الرحمن الرحيم
هههههههههههههههههه
هوا حد قاله يجيبلي بوكيه ورد ؟انا كمان عايزه ورد ازرعه ويوم ماقلتله واصريييييييت راح جابلي ورده بلدي في اصيص صغير
وحاسس ياعيني انه عمل اللي عليه وزياده
كتر خيره هههههههههههههه
انا كمان عايزاها لنفس الغرض انه يشيل الزرع في العربيه ويدفع ههههههههههههههه
عموما ياريت تصوريلنا الزرع اللي عندك انا بمووووووووت في الحاجات دي بس مشكلتي اني في شارع عمومي التراب بيبهدلني فلو حطيت زرع جوه البيت
حيترب ولو تعبت او كسلت عنه حيبقى شكله مش لذيذ بالتراب اللي عليه
انما في البلكونه محدش شايف حاجه ههههههههههه
صعب عليا الورد اللي اخد صدمه ده سبحان الله .. له في خلقه شئون
انا اليومين دول مهتميه شويه بزراعه الخضروات
زرعت فول ولوبيا من كام يوم وحبدأ بكره ان شاء الله ازرع جرز وبطاطس وبصل
وعندي بذور كوسه وخيار وفجل وجرجير وبحاول استخلص بذور الطماطم من طريقه اتعلمتها في المنتدى
ان شاء الله حوريكي صور الورد اللي عندي حاليا واللي زرعته ومات الله يرحمهم جميعا
سلام يا قمر