المساعد الشخصي الرقمي

مشاهدة النسخة كاملة : لا فرق بين الكفته والسياسه



gamal amin amin
21-08-2007, 06:57 PM
الكل بيستوى على نار هاديه
الكفته تتالف من عده عناصر لحمه وبصل وبهارات
والسياسه ايضا تتالف من عده عناصر كلمه حلوه وكذبه جميله وبرواز ذهبى
اما الاثنين فيشتركو ا فى شئ واحد الا وهو السيخ الحديدى
الاول للتسويه والثانى لل & خليكم اذكياء
من يومين ظهر فى مارينا محافظ مطروح على الهواء فى التلفزيون وقال انه ماعنده مشاكل فى مطروح وان الشغل كتير وان المحافظه بتدور على حد يشتغل حتى ان المذيعه قالت انا عندى 100 عايزيين يشتغلوا فرد المحافظ ارسليهم الصبح عمال نظافه والراتب 500ج فى الشهر
قال ان ما عنده مشكله فى المياه وكمان نسبه الاشغال عنده 100 % وان فى عصره اتبدلت مطروح
وانا وغيرى اوافقه ان الكل تبدل
وان الكذب فى مارينا اجمل ... وان المياه النقيه فى مطروح تغلق عن البيوت لتباع بالسيارات باضعاف ثمنها
وان الكذب فى مارينا اجمل .. نسبه الاشغال عنده 100%لانه موقوف كل شئ بامره. المبانى وطلبات الشراء حتى ولو كانت سكنيه او بعيده عن البحر المهم عنده المستثمر وكأن المصريين الغلابه ال عايز 200 او 300 متر كخه . وبالتالى وصل سعر الحجز فى اليوم الى200 ج طبعا بعيدا عن البحر..
وان الكذب فى مارينا اجمل ..اما بعد الصيف اى 9 شهور فى السنه فهى فتره بيات لسكان وشباب مطروح فلا شغل ولا فلوس ولا حتى قهوه
معروف ان مطروح لمتوسطى الدخل اى للموظفين والعمال ويجب ان تظل كذلك فليس المصريين لهم فى الشرم ولا الغردقه ولا مارينا ولا حتى الساحل الشمالى
والغريب انه مثل اى مسؤل اخر لا يحترم القوانين وانه ماشى بذراعه كما نقول فى مصر
الى متى سيظل الناس فى بياتهم الشتوى على الاقل منصب المحافظ يجب ان يكون بالانتخاب حتى يعمل للناس من محافظته وليس للاخرين وان النظام لن يحميه اذا اخطأ
وان مارينا ليست كل مطروح
يا ريت اسمع راى المصريين فيما يحدث الان فى مصر

gamal amin amin
22-08-2007, 10:28 AM
فين الردود يا اخوانى
واللهى انا ما عندى مشكله مع احد ولكنى مشفق على الشباب وخايف عليهم من بكره
بالامس كان سئ واليوم اسوأ وغدا والله اعلم ولكن بالواقع والحاصل اسوأ وسوأ

mloshm
22-08-2007, 10:36 AM
ياباشا والله .. فعلا هي دي الحقيقه .. ربنا يتولانا برحمته
شكرالك ياغالي

روز
25-08-2007, 01:28 AM
عند حضرتك حق الكفته والسياسه واحد كلها كوسه مش فى مطروح بس ده فى كل مكان فى كليتى كل الدكاتره والمعيدين قرايب شكلهم كده عملوا خطه واحتلوها من ورانا

gamal amin amin
25-08-2007, 11:38 AM
شكرا لمرورك روز
والى متى سنظل صامتين عموما انتم الشباب والخساره كلها عليكم الله معكم

سامح سليم
26-08-2007, 11:06 AM
بالفعل نحن الخاسرون ولا تنسو اننا الامتداد الطبيعى لصمتكم

بس المشكلة اننانوصل الخوف لا الحبن اللى احنا فية لاولدنا فيما بعد

بس الحل فى المشكلة دى اننا نحاول ان نربى انفسنا واولانا فيما بعد على حرية الراى فى كل المجالات وخاصة السياسة دون الخوف من احد

gamal amin amin
26-08-2007, 02:31 PM
الاخ سامح شكرا لمرورك
وتعليقا على انكم امتداد لصمتنا
نحن لدينا ما نخاف عليه وهم اولادنا اى انتم ...وانتم على من تخافون ارجو الاجابه الواقعيه

سامح سليم
26-08-2007, 05:28 PM
انا ماقصدش انتم كاجيل بل كاجيال سابقة اندثرت فيهم المقاومة واستلمو للامر الواقع
وكل واحد فيهم بيقول يالله نفسى ووياحيطة درينى والكلام دة كلة

لو كل واحد كان قال لا للظلم كنا احنا كمان قولنا لا ولنا فى الحديث بقية باءذن الله

روز
26-08-2007, 08:27 PM
السلام عليكم اخ سامح
انى اعترض معك فى وجهة نظرك الاجيال القادمه والماضيه كانت ومازالت تقول للظلم لا وتبحث عن الحقيقه بس صوتنا مش مسموع مدفون فى الزحمه

سامح سليم
26-08-2007, 08:35 PM
نص مقتبص:
السلام عليكم اخ سامح
انى اعترض معك فى وجهة نظرك الاجيال القادمه والماضيه كانت ومازالت تقول للظلم لا وتبحث عن الحقيقه بس صوتنا مش مسموع مدفون فى الزحمه

الصوت مش مسموع ومدفون لان اللى بيتكلمو وبيقولو لا قلة

mloshm
26-08-2007, 09:00 PM
http://eyelash.ps/files/mobile/pic/2/11gif/bananas_md_wht.gif


ياباشا كله هتصلح.. كله هيبقي تمام بس نطلع بس من تحت الارض .. الخوف لو طلعنا حتي مانعرفش نتكلم .. مشكله ماهو ياتعيش اسد ياتعيش ارنب؟؟
تحب تعيش ايه :worthy:

بدون شك ان تعلم الاجابه لذلك ما فضلت ان اذكرها
الارانب اليومين دولن كتروا اوي :grin: :grin:

سامح سليم
26-08-2007, 09:11 PM
احب اعيش اسد مهما كانت الاحوال وهعيش طول عمرى اسد واولادى فيما بعد

لو غيرى عايز يعيش؟؟؟؟؟؟ فادى حرية شخصية لة بكرة اولادة هيلموة عليها

وكمان انا لوعايز اعيش ارنب كنت نفضت لاى حاجة واعيش فى جحر الخوف اللى انا بنيتة

صح ياباشا

gamal amin amin
27-08-2007, 08:05 PM
عموما انا مبسوط لكل من عبر عن رأيه المهم انه كل واحد يبقى عارف هو هيقول اه ليه او لا ليه من قلبه وعلى مسؤليته حتى لو اعتقلوه
وكنت اتمنى ان كل الاخوه فى المنتدى شباب وشابات يعبر كل منهم برايه

سامح سليم
27-08-2007, 08:54 PM
الاستقلال التام او الموت سواء دى كانت شعارت زمااااااااااااااان

يسقط الاستقلال للاسف دة شعارنا النهاردة وانا كل كلامى قدة وعلى مسؤليتى

انا بشكرك وبشكر موضوك اللى ادنا فرصة اننا نعبر عن كرهنا للسلبية اللى احنا فيها

سامح سليم
27-08-2007, 09:16 PM
بالمناسبة انا رايح المعتقل بكرة(الجيش)

gamal amin amin
18-09-2007, 01:00 PM
الله معك يا سامح الجيش للرجاله

gamal amin amin
03-12-2007, 06:23 PM
اين انتم يا شباب فين ردكم وانفعالكم

ALais
03-12-2007, 11:25 PM
والله اخى هيا فعلا كوسه مش كفته وبس
بس يعنى يعنى انا كنت عايزه اقول يا ريت كل واحد فينا يبدا بنفسه ويحاول يغير الواقع حواليه ع قد ما يقدر ما اصل احنا حالنا ده مش هيصلح الا اذا احنا كمان كان عندنا الرغبه فى التغير والاصلاح
واصل انا قولتها كلمه قل كده احنا محتاجين احمد عرابى ولا سعد زغلول عشان نفوق من الغفله
والله الموفق اخى الكريم
مشكور على فتح باب المناقشه فى مثل هذا الموضوع

ango
26-12-2007, 05:05 PM
والله شكل الحكومة بسببك هتقفل المنتدى

gamal amin amin
26-12-2007, 05:22 PM
خليها على الله انجو
الغريب انهم بيسمحوا بكل شئ اليومين دول والاغرب انه مافى رد فعل منهم
اقولك على حاجه حلوه اتكلم زى ماانت عايز وفى كل حاجه وبلا حدود على راى احمد منصور وحتى فى الاتجاه المعاكس على راى فيصل بالجزيره المهم انك ماتعمل او تنفذ او تتجمهر او تكون تبع الاخوان او تكون لك راى مسموع اوتكون معروف اوتكون عندك احساس اوتكون طويل مثل رئيس الحكومه او تكون قضوه لاى احد اوتكون بنى ادم
ولك كل الشكر على مرورك اخبار مستر بوش ايه

مريم يوسف
27-12-2007, 10:50 PM
السلام عليكم ورحمة الله وبركاته
استاذ جمال وجميع اخوانى واخواتى اللى شاركوا فى الموضوع
طبعا ردى متاخر بس انا عضوه جديده بالنسبه ليكم يعنى لسه بدور فى الانقاض ....اقصد تراث المنتدى الجميل
موضوع مهم فعلا
بس رايى المتواضع وتفكيرى يملى عليا انى انحنى اجلالا للاجيال السابقه اللى منها الاستاذ جمال واللى منها والدى ووالدتى كمان
الاجيال اللى عاصرت الازمات .اجيال اتربت على المبادئ فى ظل ظروف صعبه كونت شخصيات قويه وعندها تجاربها الخاصه اللى بالطبع لما بيواحهوا بيها مشاكلنا دلوقتى لازم يتعاملوا فى كثير منها بالصمت زى ما قال الاخ (سامح سليم) وده طبعا مش ضعف ولا جبن ولا خوف ولكن لانهم عاصروا فترة حكم سبقت ايامنا فعرفوا وتوقعوا دلوقتى الدنيا ماشيه ازاى
اما دلوقتى فالواجب علينا احنا الاجيال الجديده (التعبانه) اللى انا منهم بالطبع نعمل اللى علينا ونعيش ايامنا صح وبحط تحت كلمة صح الف خط .طبعا مفهوم اقصد ايه
وبعدين كفايه علينا نعلق اخطائنا وتقصيرنا على شماعة الغير
اعذرونى على الاطاله
دمتم فى حفظ الله

gamal amin amin
03-01-2008, 07:28 PM
يحفظك الله يا مريم ويشرفنى ان تكونى مثل ابنتى
المهم الا يتسرب اليأس الى قلبك
كونى دائما صاحبه مبدأ
واشكرك على مرورك

ahmad_najar
03-01-2008, 11:01 PM
والله ياعمي
معك حئ مافي فرق بين
الكفته والسياسه

mesry
10-01-2008, 01:18 PM
السلام عليكم
تحياتى للأستاذ جمال و اختلف مع اخى سامح فلأجيال السابقة لنا لم تكن صامتة بل واجهت العاصفة و هى فى اشد قوتها و الوضع وان كان سيئاً الان فإنه كان يمكن ان يكون اسوأ
و التغيير لن يحدث إلا بنا .. و اعتقد ان صلب الموضوع هو مدى صدق ايماننا بالله .. أليس الله بقادر ان يغير هذا الوضع فى طرفة عين ؟ ولكنه اختبار لنا .. فعلينا العمل على التغيير و نحن محاسبون على العمل اما النتيجة فهى التغيير لا محالة ولكن متى ؟ هذه علمها عند الله ؟ ولذلك فمن سن سنة حسنة فله أجرها و اجر من عمل بها الى يوم القيامة ،
و لا يكون التغيير بحمل البندقية او المظاهرات فالتغيير يمكن ان يحدث بوسائل متعددة منها ما يحدث الان من حالة تواصل ما بين الشباب و الاجيال و حرية التعبير ، ففى السابق قد لا ارى من يريد الاصلاح اما الان انا و غيرى يعرفون ان التغيير مطلب عام و هذا مكسب فى حد ذاته ، و نقطة أخرى .. صناديق الأنتخاب.. فمن منأ يحمل بطاقة إنتخابية ؟ فأذا ذهبنا جميعنا للأقتراع لصعب تزييف الأنتخابات ،
و تحياتى للجميع

gamal amin amin
10-01-2008, 05:40 PM
اشكرك اخى الفاضل مصرى
فأنت مثال للشباب الناضج الحر واكيد الحريه ستأتى مع امثالك
لك كل تقديرى واعزازى

gamal amin amin
10-12-2011, 07:58 AM
مررت على مواضيعى القديمه..ووجدت ان بالفعل الثوره اتأخرت
الناس كانت فى ثوره مكموره ..والشباب الذى ظلمته فى مقالات سابقه فى ذلك الوقت كان يخطط للثوره الحقيقيه
كم كان غبيا ذلك النظام .كان مفروض يفهم ويحل او يقتل كل الشباب مثل فرعون ..او يغتال من كان محرضا مثلى
كم احب واحترم شباب تلك الامه

gamal amin amin
22-01-2012, 04:10 PM
بعد يومين الذكرى الاولى ل 25 يناير
وبعد تأمل فى المستجد لم اجد شئ ذو قيمه تحقق
الفساد مازال وفى كل المجالات والعدل رغم قصر الوقت يبدو بعيد المنال
المجلس العسكرى يريد شروطا للتحول الديمقراطى يبتعد فيه الجيش عن المسائله والحساب
فلول النظام السابق بدأت تظهر للنور مخرجه للجميع لسانها
الازمه الاقتصاديه تزداد وطأه للضغط على الثوار
المحاكمات هزليه للغايه ويبدو ان الكل منتظر البراءه
ولما لا وكل الادله امام القضاء واهيه
الشرطه المتهمه بالقتل هى من تجمع الادله
المنتظر يوم 25يناير الا يكون هناك احتفال بالذكرى الاولى
وقد تتطور الامور الى ما لا يحمد عقباه
وشكرا

جمال عبد العظيم
15-02-2012, 02:27 PM
حقيقي كنا عيشين مثل الثور في الساقية بنلف نلف والساقية بتجيب مية (فلوس ) ويستفيد بيها مبارك وحشيتة وعندما نسمع المليارات اللي راحة واللي جاية نقول دة احنا كنا فران ناكل بواقي البواقي لكن اخي الحبيب جمال الغمة انكشفت لكن لسة باقي حيتان صغيرة ودة الخوف منها لكن الله كبير وفوق كل شئ وربنا مطلع علي عبارة والظلم ظلمات وكل شئ له نهاية نسال الله ان يديم علينا الامن والامان وان يكشف الغمة عن باقي بلاد المسلمين سوريا اليمن ليبيا البحرين السودان ويزيل كل جبار وحراميييييييييييييييييييييييييييييي ييييييييييييييييييييييييييييييييييي ييييييييي


-----||-- الدمج الآلي للمشاركات المتعاقبة - المشاركة التالية أضيفت الساعة 03:27 PM -----||----- المشاركة السابقة أضيفت الساعة 03:21 PM --||-----

سياسة الكفتة
===========
عيش كل لحظة كأنها آخر لحظة في حياتك، عش بالإيمان، عش بالأمل، عش بالحب، عش بالكفاح، وقدر قيمة الحياة."
د. ابراهيم الفقي رحمه الله

gamal amin amin
15-02-2012, 09:03 PM
شكرا اخى الحبيب جمال على مرورك الكريم
هناك شئ انا متأكد منه واثق فيه ..هو اننا لن نعود مره اخرى للذل والهوان .لن نسمح بذلك
ارى دلك فى عيون اولادى وعيون شباب مصر
كل ما ارجوه من الله هو ان ينفذ المجلس العسكرى وعده ويصدق فى وعده ويسلم السلطه لرئيس منتخب من المصريين وليس من الامريكان
رحم الله فقيد مصر الوطن العربى دكتور ابراهيم الفقى

gamal amin amin
14-06-2012, 06:03 AM
يبدوا ان المشهد يتقدم ويتأخر والصوره غير واضحه
كذب من قال انه يفهم المشهد السياسى
بل اننى مثل غيرى اصاب احيانا بالاحباط
والمؤكد اننا نتعرض لأكبرمؤامره فى التاريخ ولا استبعد تخطيط اسرائيل بمساعده من الداخل
والسؤال هل يفرط من امتلك كل شئ فى اى شئ
الكفر بالثوره تعدى الى الكفر بالاسلام
الله يحكم بينهم يوم القيامه (سياسه خاليه من الدين والدوله الحاكمه بدين الله )
من مميزات مرسى ان ابناءه يحملون الجنسيه الامريكيه على الاقل لن يكون هناك توريث
لا يهمنى ان كان مبارك فى السجن او فى مستشفى المعادى المهم الا ننسخ نظامه فى صوره شفيق
الاقتصاد المصرى زفت ولذلك يماطل المجلس العسكرى لأذلال المصريين كمان وكمان
قانون شرطنه العسكريين يعطىهم سلطه امن الدوله للقبض على الثوريين واحد واحد
تشويه ميدان التحرير يثبت ان الثوره فى طريقها للاضمحلال
قبل الثوره كان لا فرق بين الكفته والسياسه
وبعد الثوره لا فرق بين السياسه والكفته

norhan
14-06-2012, 01:52 PM
السلام عليكم ورحمة الله وبركاته

اخي جمال امين امين

اعجبني وشــدني اسم موضوعك لادخل واقرأه لانني بصراحه اكثر الاحيان ابتعد من قــراءة موضوع ســياســي لان مه استطيع ان اوقف اصابعي من الكتابه ولســاني بالنطق والافضل ان اسكت وهو اضعف الايمــان

بدايــة اضــحكتـني بالتشــبيه بين الكفته والســياســه ولم تنصف الكفتــه مع الاســف،،، الكفته ياأخي لذيــذه ومفيــده ولكن الســياســه مره علقم ومضــره (عذرا منك لاتاخذ كلامي إلا اني ايضا اقصده بطريقتي)...

الان : اذكر كلام جدتي رحمها الله ان لســان الانســان ينطق كيف مايشــاء ليس له عظم يوقفه فهو كله لحم وغضاريف تربطه، لذا في كل محافل الحيــاة تســمع الاخريــن يتكلمــون وينصحون ويوعدون

وتقول: ياالله ماهــذا!!! نحن بنعمــة


اخي الفاضل إن قــارنت الاجيــال الســابقه وحتى قبل جيلنا وحركاتهم وثوراتهم وكيف كانت ناجحـه مثمره وتخلصت من الاسـتعمار وحققت مالم يحققه الشــباب اليوم(عــذرا منك ياشــباب فه انتم من نعتمد عليهم ونتمنى ان تكملوا مشوارنا)...


انا اعزي ماوصل اليه الشباب اليوم على النشــأه والبيئــه، ((وعذرا من احبابي الشباب في كلامي لكنها الحقيقه ولكن ليس الجميع لم اشمل كل الشباب للعلم)) زمان كان الجيل عميق ممتلئ ثقافه، طموح، ايراده، قناعــه، شجاعه بمكانها وليس تهور، انتمــاء لعائلته لوطنه لارضه، التزام ديني غير متزمت بمفاهيم القرآن الحقيقيه وووو الكثير الكثير من الصفات...

الان يفتقد معظم الجيل لهذه الصفات او بعضها واستبدلت لاغراض لصالح العدو ليكون الجيل تائه سطحي بدون طموحات يكره واقعه وووو الكثير ايضا... لان تربي على الانترنيت وضعف العلاقه الاسريه، لا يستطيع ان يكون رايي ثابت، تميله التيارات الهوائيه كالاغصان الغضه يمينا وشمالا


انا لا الوم الشــباب انا الوم الاهل لان من ضمن اخطاء الاهل انهم مه علمــوا الشــباب متى يقولوا نعم ومتى يقولو لا

مه علموا الشــباب ان يعرفوا كيف يتخذوا القرار الصحيح وما هي ابعاد الامور وبالتالي يجب من خلالها معرفة المعني لكلمة لا ... كلا... نرفض...

تحياتي

gamal amin amin
15-06-2012, 06:07 AM
اسف جدا نورهان لعدم سرعتى فى الرد ولك منى كل تقدير
المشهد السياسى المصرى يأخذ كل وقتى
والغموض فى القادم يجعلنى محبط احيانا
هناك من الناس من يجهل الامور
والبعض يتجاهل الاحداث
واخرين لا يعنيهم ما يحدث
هذا يجعلنى فى حيره
وخطابى تغير منذ اشهر قليله حينما تبدل حال الاعلام ووجه سهامه تجاه الثوره
وقتها الى الحين وارى المؤامره
الانقلاب على الحلم
ولكن والحمد لله ثقتى فى الله ليس لها حدود
ونحتاج منكم الدعاء
وشكرا

norhan
15-06-2012, 11:58 AM
جمعــة مباركــه اخي الكريم جمال امين امين
وكل من له يــد في هــذا المنتدى الجميل من اداره واعضاء وضيوف

اخي جمـال
من ذاق المــر يعـرف طعمــه

يعلم متذوق المر من هيأه ومن خلطه ومن سقاه او اطعمه

وكيف نستخرجه من جوفنــا بطريقه اتمنى ان تكون صحيه ونتائجـها لاتؤثر على باقي اعضــاءالجســم

تحياتي ودعواتــنا للجميــع بمعرفــة عميقه من هــو الصــالح ومن هــو الطالح

مهما تصـرفوا كالحربــاء الملونــه ولكن العقلاء يفهمون ما بين الســطور

لكم مني كل الدعــوات بالخير والامن والامـان لكل العرب ولكل انحاء العالم

بسمه
15-06-2012, 12:33 PM
بسم الله الرحمن الرحيم

اللي بيحصل اليومين دول بيدل على ان مبارك واعوانه واولاده عباقره
وان مبارك أمكر رئيس لدوله في التاريخ
لكن للأسف وظفوا عبقريتهم وقدراتهم ضد مصر
وسخروا كل شيئ في البل لمصلحتهم الخاصه
تخيلوا لو ناس بالذكاء ده كانوا وظفوا ذكائهم وموارد بلدهم لخدمه مصر كان زمان حالنا ايه؟

gamal amin amin
15-06-2012, 05:01 PM
صدقت بسمه
اذا سألت اللص الذكى لماذا يسرق ومعه عقليه قد تفيده فى عمل محترم
لأجابك انه اختار الاسهل
منذ سنين طويله والمصريين يسرقون ليل نهار حتى انهم سخروا وقالوا ان مصر اغنى من امريكا ..وسألوا عن السبب فقالوا ان الازمه الاقتصاديه التى حدثت فى امريكا من سرقه واحده فى البنوك العقاريه ومصر تسرق من ايام الرومان ولم تحدث مجاعه ابدا ..... والمثل المصرى بيقول كلنا بنتعشى ولا احد بيبات او ينام جوعان
المخلوع لم يسرق لوحده بل ترك نظامه ايضا يسرقنا ثم تعدى نظامه وترك اسرائيل تسرقنا ثم اصبحت عاده فأستخف بنا كالعبيد واراد توريثنا لابنائه
شكرا بسمه