المساعد الشخصي الرقمي

مشاهدة النسخة كاملة : زراعة الذرة في الأراضي الجديدة



محمد أيوب المصري
14-05-2011, 08:46 PM
بالنسبة إلي زراعة الذرة في الأرض ي الجديده هل يتم الزراعة بدون استصلاح وأريد أن أعرف التكاليف علما ان مساحة الأرض 100 فدان والتربه صالحه:
1-العمالة كم رجل بصفه دائمه
2-كم عدد رشاش وما تكلفة شبكة الري المحوري
3- هل بالنسبة للعزيق هل يدوي أم ألي
4- هل يتم إيجار الجرار أم شرائه
5- بالنسبة لسماد البلدي هل 20 م3 توضع عند أول الزراعه فقط أم عند كل زرعه أم كل عام
6- هل 100 فدان أقتصادي ام يجب تكثير المساحه
7-كيف الحصول علي محصول لا يحتوي علي سموم فطرية حتي يتم تغذية للدواجن

محمد أيوب المصري
19-05-2011, 11:22 PM
هو ياجماعة محدش متخصص ولا أيه ولارد واحد هو الموقع مفهوش حد أرجوا الإهتمام

samx
22-05-2011, 01:28 AM
اضم صوتى اليك فى التسائل
و ارجو الاجابة

ma15345
22-10-2011, 03:50 PM
انا ايضا اضم صوتي اليكم ومحتاج الاجابه

محمد أيوب المصري
22-11-2011, 10:38 PM
سبحان الملك السؤال من شهر خمسه ومفيش ولا رد كأني بسأل في الفزياء لو كل واحد يرد كلمه كلمه كان زمان الموضوع خلص

احمد عبد ربة
23-11-2011, 04:19 AM
بالنسبة إلي زراعة الذرة في الأرض ي الجديده هل يتم الزراعة بدون استصلاح وأريد أن أعرف التكاليف علما ان مساحة الأرض 100 فدان والتربه صالحه:
1-العمالة كم رجل بصفه دائمه
2-كم عدد رشاش وما تكلفة شبكة الري المحوري
3- هل بالنسبة للعزيق هل يدوي أم ألي
4- هل يتم إيجار الجرار أم شرائه
5- بالنسبة لسماد البلدي هل 20 م3 توضع عند أول الزراعه فقط أم عند كل زرعه أم كل عام
6- هل 100 فدان أقتصادي ام يجب تكثير المساحه
7-كيف الحصول علي محصول لا يحتوي علي سموم فطرية حتي يتم تغذية للدواجن
أولا الله يبارك لك فى أرضك ويرزقك من خيرها هجاوب على أسئلتك باللى ربنا يقدرنى علية وأرجو الدعاء لى بالغيب وللمسلمين جميعا ولازم فى الاول أستصلاح الأرض بالكمبوست كل فدان ياخد حوالى 20م3 كمبوست نظيف خالى من البذور والحشائش الضارة ويتم ذلك بالحفار الزراعى على العمق المناسب وبعدة يمكن الاستغناء عن السماد البلدى مؤقتا
1-العمالة هتحتاج على الأقل ثلاثة أشخاص لهذة المساحة
2-الرشاش المحورى هتحتاج 5 أبراج وهو مكلف وأنصحك بعمل شبكة رى تنقيط أرخص وصيانتها أسهل وأوفر
3- العزيق طبعا للمساحة دى ألى ويستحسن تأجير المعدات
4-الأيجار فى الأول وبعدين تشترى جرار 100 حصان ماركة كويسة بكل مشتملاتة بعد ما تحصد بأذن الله تعالى
5-السماد البلدى تضعة أول مرة وتقلل الكمية كل سنة أو حسب خصوبة الأرض بعد ما تاخد عينة من الأرض كل سنة
6- 100 فدان مشاء الله تبارك الله يبارك لك فيهم بس انتا ضامن التسويق كويس لو أة توكل على الله ولو أنى أنصحك بالتنويع فى المحاصيل ولو هتستخدم منهم للعلف زى ما فهمت الأحسن تنوع ما تزرعش نوع واحد انتا محتاج مع الذرة فول صويا وقمح وشعير وكسب سمسم وبرسيم حجازى أو بلدى وكل الزراعات دى بتفيد التربة جدا لأنها بتزود النتروجين فى الأرض فتصبح الأرض خصبة وتتحمل الملوحة العالية وأنصحك كمان بعمل تسمين عجول وخراف وماعز على الزراعات دى عشان تعظيم العائد أو القيمة المضافة
7- جيب البذور المحسنة المعالجة ضد السموم الفطرية وأسأل فى وزارة الزراعة قسم البحوث هتلاقى طلبك عندهم
أخيرا أخى أتمنى لك التوفيق من الله ولكن خذ بالأسباب وأعمل دراسة جدوى أقتصادية وفنية الأول لكامل المشروع وبعدين توكل على الله يرزقك من حيث لا تعلم والسلام عليكم ورحمة الله وبركاتة