مساعدة عاجلة بشأن زهرة الجارونيا

[nile flower]

أنا عضوة جديدة في المنتدى , الرجاء مساعدتي بالأجابة عن سؤال و هي كيفية العناية بالجارونيا الموضوعة في أصص في الشرفات , أنا من مصر , و النباتات مزروعة في القاهرة. شكرا

[nadiaalihafez]

انا مش خبيرة فى الزراعة بس الى اعرفة انك تعرضيها للشمس بس فى الشتا و فى الصيف تحطيها فى الظل

[nile flower]

يعني هي نبات ظل و لا شمس , علشان أنا أشتريتها من المشتل على أساس أنها تتحط في شمس قوية , و أنا شايفة هنا في المنتدى أراء متباينة بخصوصها , دلوقت هي تنفع تتزرع كنبات ظل يعني تتحط في الريسبشن جانب البلكونة مثلا , و لا أنا أسيها زي ما أنا حطاها دلوقت على سور البلكونة.

[ahmedsobhe83]

للأسف الشديد تعتبر الجاردينيا من أهم نباتات التنسيق الداخلي التي تخيب أمل من يقوم بتربيتها في المنزل :) و في الحقيقة إن أحنا اللي بنخيب أمل الجاردينيا فينا .. مشكلة نبات الجاردينيا كونه نبات مزهر بيحتاج ظروف بيئية معينة علشان تتفتح البراعم و تعطي أزهار و خليني أنصح حضرتك نضائح عامة

الحرارة .. نبات الجاردينيا محب للدفء يعني في الشتاء أحرصي ان النبات ميتعرض للتيارات الهوائية الباردة و يفضل ان يعيش في درجة حرارة لا تقل عن 15

الضوء .. كنبات مزهر أكيد بيحتاج للأضاءة الجيدة و لكن في الصيف ممنوع التعرض لأشعة الشمس المباشرة ( خطر جدا ) وعلى فكرة بصفة عامة يفضل لنباتات التنسيق الداخلي الضوء الأبيض النيون و أن يكون مصدر الاضاءة على مسافة لا تقل عن 1 متر من النبات

الري .. تربة الجاردينيا تربة رطبة باستمرار يعني حضرتك لازم تحسي ان التربة في مياه يعني ببساطة لو غرستي اصبعك جوه التربة تحسي ان في رطوبة مع الحرص طبعا على تقليل فترات الري في فصل الشتاء.

دي معلومات بصفة عامة و خلينا ننتظر رأي أهل الخبرة الأكثر علما مني برضه أكيد هيضيفوا حاجات تاني

[nadiaalihafez]

عفوا يا استاذ احمد ..الاخت بتسال عن الجارونيا مش الجاردينيا

[nile flower]

عموما شكرا على جميع من شارك بأجابات