استفسار بخصوص خط انتاج الصلصة

[mohammedgido]

السلام عليكم ورحمة الله وبركاتة
اخوتي الافاضل ..

انا اقوم حاليا بعمل خط مصغر لانتاج الصلصة وانا سأشرح لكم كيف هو علي أمل أن تفيديني من تقيم لة او اشادة بة

الخط عبارة عن

1- تانك نص دبل جاكت طن للتحضير مع قلاب ويتم فية ضبط الحرارة علي 60 او 70 وضبط التركيز علي 21 او 22

2- طلمبة مونو تأخذ من التنك الي مبادل حراري

3- المبادل الحراري هذا عبارة عن مسورتين بداخل بعض المسورة الخارجية يمر بها البخار او المياه التي تغلي
والمسورة الداخلية بها الصلصة التي علي درجة 60 أو 70
ومهمة هذا المبادل هي رفع حرارة الصلصة من 60 او 70 إلي 90 درجة

4- ثم بعد المبادل يتم التعبئة يدوي عن طريق محابس ثم يرجع الخط الي التنك مرة اخرى لعمل عملية تقليب

أرجو الإفادة والنصيحة ان وجدت .. وبارك الله فيكم

[amonaa]

اولا بالنسبة للمادة الخام (الطماطم ) يستخدم انواع معينة غالبا للتصنيع ويتفق مع مزارع مسبقا وخصوصا فى عمليات التسميد والمبيدات وغيره لانها يمكن ان تؤثر على قرار تصديرك للمنتج او طرحه فى السوق فيما بعد والارشادات بتكون فى كتيبات تبع وزاره الزراعه للصنف المستحسن (http://www.agr-egypt.gov.eg/PublicationsAll.aspx)
اتباع شروط الاستلام فى المصنع للمادة الخام من حيث البروده وعدم التعرض للشمس
اتباع شروط النظافة من حيث الغسيل بماده مطهرة والغسيل الجيد
العصير والتركيز والاهم اتخاذ الازم من الاحتياطات للحفاظ على درجات الحرارة التى لا تؤثر سلبا على لون العجينة المنتجة او تكون بقع بنية نتيجه ارتفاع الحرارة والطعم الغير جيد (الهاسب......النقاط الحرجة )
العبوات المستخدمة تكون مجهزة بالشروط المناسبة لصلصة الطماطم او المعجون (الاناميل )
المخازن بعد الانتاج تكون مناسبة للمنتج
اعتذر لاختصارى ولكن ان شاء الله اشارك بالتفصيل قريبا

[م- عمرو نجيب]

الاخت أمونا تحية طيبة الكلام بتاع حضرتك كلام جميل وممتاز بس دة كلام كتب ومحاضرات ممتاز وينفع للدكتوارة والماجستير بس مش بتاع مصانع وأنتاج تجاري المصانع الصغيرة بتجيب المعجون 32 وتحلة ل20 وترفع تاني بالملح والسكر لحد 22 وتعقم او تسخن وتبيع بالنسبة للأخ محمد جدو الخط غلط وهينفخ المنتج معاك في الحر مترجعش المنتج تاني لتنك الخلط طالما عاملت بالحرارة وبالشكل الي انت بتقول علية محتاج 200 جرام بنزوات و200 سوربات للطن عشان البطرمانات متنفخش منك وممكن تحط 20 جرام اديتا بدل السوربات وبعدين متحطش نفسك في خانة اليك وتعمل مبادل حراري بالشكل دة عشان مستحيل تتحكم في درجة الحرارة والوقت حلة دبل جاكت بمقلب سريع وكساحة وكوشة بتوجاز تحتها وسخن مع التقليب ل95واستنى 10 دقائق وعبي زي مانت عاوز لكن انك تتحايل ع الخطوط بالشكل دة لا لا لا وانت الوحيد الي هاتخسر ومحدش هيدلك ولا ينفعك أتمنى المعلومة تكون واضحة ...

[Dr.Ahmed Abdo]

عودا حميدا يا بشمهندس /عمرو
*************

[اموون 11]

تحياتي لك م . عمرو
اوافقك علي هذا الكلام
واحييك علي اسلوبك الرائع

[عماد حمدى]

السلام عليكم ورحمه الله وبركاتة
تحياتى لكل الأخوه الافاضل ولهم منى كل الاحترام
أخى الفاضل مهندس / محمد .. انا شغال فى شركة من شركات مركزات الطماطم والصلصة .. بمعنى انى بستلم خام الطماطم .. ثم تركيزه حسب الحاجه ثم تخزينه ثم اخراجه مره اخرى عند الحاجه للتعبئة برطمانات 300 جم أو 320 جم او صفيح 3 كجم او صفيح 850 جم .. وكل منتجاتنا بدون مواد حافظه .. يا ريت لو عندك سؤال انا تحت امرك .. تحياتى للجميع

[عماد حمدى]

السلام عليكم ورحمة الله وبركاتة
تحياتى للجميع
mohammedgido ، أموون ، م/ عمرو نجيب ، amonaa
وأخويا الكبير م/ أحمـــد عبـدة

فى البداية ربنا يوفقك أن شاء الله أخى الفاضل والخط المصغر يبقى خط كبير متكامل لإنتاج الصلصة
وعندى بعض الملاحظات :-




أولاً التحضير : لو تقدر حضرتك تحضر تحت تفريغ Under vacuum أفضل وذلك للأسباب الأتية :-

جعل المخلوط هش وسهل التقليب مما لا يزيد الحمل على القلاب ( هاااااام جداً )

الوصول لمخلوط متجانس فى أسرع وقت ( الوقت = المعدلات )

الحفاظ على اللون خصوصاً انك رافع درجة الحرارة الى 60 ْ م ( ذوق المستهلك )

ذوبان الملح

ثانياً البسترة : ( المبادل الحرارى )





يستحسن التسخين بالماء الساخن أفضل من البخار المباشر وذلك لتلافى تكوين فيلم رقيق من الصلصة المحترقة بالجدار الداخلى لمأسورة المنتج حيث تتلاشى وتتهشم هذة الطبقة بإستمرار مرور المنتج فى الخط وتظهر فى المنتج النهائى على هئية Black spots ويتكون فيلم جديد ثم يتلاشى .... ألخ وذلك حسب سرعة المونو


ثالثاً درجة حرارة البسترة : تتوقف درجة حرارة البسترة على عده عوامل :-


الخامات المستخدمة وعلى سبيل المثال وليس الحصرهل المركز المستخدم أسيبتك أم مجمد أم راجع خط مجمد ...... ألخ ، درجة نقاوة الملح ........... وهكذا
طول مأسورة المبادل وقطرها
درجة حرارة المياة الساخنة
سرعة المونو
رابعاً التعبئة : انا شايف أن درجة حرارة التعبئة حضرتك اللى هتحددها بنفسك لانك أعلم واحد بخط الإنتاج
ولكن نأخذ فى الإعتبار ان لا تزيد درجة حرارة التعبئة عن 90 ْ م لعدم فوران الصلصة وأكيد حضرتك فاهم أقصد ايه ( مشكلة الاوزان المعتادة )
راجع الخط : تصرف سليم جداً ولابد من تناسب كلاً من ( سرعة المونو و التعبئة ) بحيث سرعة المونو تكون على التعبئة مباشرة وليس الى الراجع وذلك للمحافظة على اللون لأن اللون هو المقياس بالنسبة للمستهلك العادى
التعقيم بعد التعبئة : درجة الحرارة / الوقت ( لا تقل عن 95 ْ م / 7 دقائق ) ، التبريد لا يزيد عن 45ْ م
أخى الفاضل : أهم خطوة هى التحضين وتحليل عينة حتى لو مكلفة لتثبيت درجات الحرارة ثم العمل بإستقرار وبقلب مطمئن



وبعدها اهنيك


فأنت لا حاجة للمواد الحافظة


والله المستعان



مع خالص إحترامى وتقديرى

[م- عمرو نجيب]

المصيبة أن أغلب الاخوة المهندسين كلامهم جميل لاكن مبيخدوش بالهم من موضوع التكاليف والانتاج التجاري والتسويق خط زي اللي حضرتك بتشرح فية ياهندسة يعملة مستريح200 ألف منها 50 الف غلاية فورث هاند يا جماعة تبسطوا في الكلام مع الناس شوية الكلام علمي سليم لكن السائل عامل خط بتكاليف لاتتجاوز 4000 جنية أقوم انا أنصح بملاين هوة دة كلام برضة ... المقصد نصيحة للأخوة المهندسين لازم يتحك في المصنع من أول الموريدن وحتي المستهلك ولا يقصر نفسة في مكان كدة يفهم أكتر وسعرة يكبر وأن الله مع الصابرين

[جمال عبد العظيم]

مهندس عمرو كلامك سليم حيث ان السائل يسال علي امكانيات بسيطة ولابد ان يكون الرد علي نفس مستوي السائل وان الخطواط السابقة تستخدم للخطوط الكبيرة وليس معمل صغير ولابد ان يكون السؤال امكانيات السائل مشروع كبير ام مشروع صغير والله الموفق للجميع
اخي العزيز مهندس عمرو لي اقتراح قد يكون خيالي ولكن املي ان ينفذ وهو تكوين لجنة فنية في المنتدي تتكون من جميع الاقسام في المنتدي ووظيفة تلك اللجنة الاستشارات الفنية وتكون الاجابة علي اي استفسار من خلال تلك اللجنة حتي يكون الرد علمي وعملي حتي تكون هناك مصداقية في الاجابة وكذلك المصداقية العلمية في المنتدي

[عماد حمدى]

تحياتى م / عمرو نجيب
أكيد ان الله مع الصابرين وأوعد حضرتك انى احتك بالسوق أكتر من كده علشان أفهم أكتر

وفى الحقيقة انا لم أقم بشرح خط تكلفتة 200 الف . ولكن كلامى مثلاُ فى التحضير : قولت التفريغ أفضل وليس حتماً ، البسترة : قولت ان الماء الساخن افضل من البخار المباشر ( السائل قال :- المأسورة الخارجية يمر بها البخار او المياه )
الخلاصة :-
انا دخلت وكنت بحاول إبتغاء مرضاة الله وحسيت أنى ممكن أفيد السائل ولم أقصد مطلقاً تعقيده ولكن انا بعمل الشغل ده كل يوم بأيدى وكمان لو عرفت معلومات زيادة عن طبيعة شغل السائل هقدر ان شاء الله افيده ونتحايل على (((((كل))))) الظروف بأقل التكاليف ومثال على ذلك هو عامل مأسورتين داخل بعض انا كنت ممكن اعمل مأسوره واحده وكمان مش مهم غلايات أصلاً ... وهكذا


تحياتى للجميع
لا اله الا أنت سبحانك أنى كنت من الظالمين

[جمال عبد العظيم]

المهندس عماد لك من تحية طيبة واشجع فيك افادة الاخريين بلا شك جزائك كبير عند الله طالما تبتغي مرضاة الله وفقك الله وافاد بعلمك الجميع واناشخصيا استفيد جدا من تلك النقاشات واخذ خبرة جيدة دون العمل فية لك الشكر انت والمهندس عمرو

[عماد حمدى]

أخى الكبير
مهندس / جمال عبد العظيم
شكراً لذوق حضرتك ورفع المعنويات ولحضرتك كل التقدير والإحترام

تحياتى

[amonaa]

الاخت أمونا تحية طيبة الكلام بتاع حضرتك كلام جميل وممتاز بس دة كلام كتب ومحاضرات ممتاز وينفع للدكتوارة والماجستير بس مش بتاع مصانع وأنتاج تجاري المصانع الصغيرة بتجيب المعجون 32 وتحلة ل20 وترفع تاني بالملح والسكر لحد 22 وتعقم او تسخن وتبيع بالنسبة للأخ محمد جدو الخط غلط وهينفخ المنتج معاك في الحر مترجعش المنتج تاني لتنك الخلط طالما عاملت بالحرارة وبالشكل الي انت بتقول علية محتاج 200 جرام بنزوات و200 سوربات للطن عشان البطرمانات متنفخش منك وممكن تحط 20 جرام اديتا بدل السوربات وبعدين متحطش نفسك في خانة اليك وتعمل مبادل حراري بالشكل دة عشان مستحيل تتحكم في درجة الحرارة والوقت حلة دبل جاكت بمقلب سريع وكساحة وكوشة بتوجاز تحتها وسخن مع التقليب ل95واستنى 10 دقائق وعبي زي مانت عاوز لكن انك تتحايل ع الخطوط بالشكل دة لا لا لا وانت الوحيد الي هاتخسر ومحدش هيدلك ولا ينفعك أتمنى المعلومة تكون واضحة ...

اخى الكريم المهندس عمرو اشكرك للافادة ولكن اعاتب عليك فى المهاجمة لان اكثر الاجابات اجتهادية من الاعضاء ..............واما لكلامى فيه اختصار شديد واعتذرت عنه لضيق الوقت فى الرد .......... والماجستير والدكتوراه ما هى االا عروض لحل المشاكل وليس ترتيب لخطوط تصنيعية........ وكل مصنع له طريقة فى التعامل مع منتجها وخط تصنيعها وكذلك مع اسعارها وطريقة تسويقها ولا يوجد مصنع مثل الاخر فى خططه فارجوا الافادة بالراى لحضرتك ونتشبع من خبرتك معنا دون الاشارة لاى من الاعضاء او التعليق على ارائهم الا عند الخطأ المؤدى الى الخسارة الكبيرة فتعلق بحق افادة العضو السائل ...............واشكرك جدا لعرض خبرتك وافادة الاخرين وهو لوجه الله تعالى كما باقى اعضاء المنتدى
اما بالنسبة لراى اخى جمال بتنظيم لجنة فاعتقد انه قد تم طرحها سابقا امام مبلغ مالى رمزى لتطوير المنتدى والاستعانة بالخبرات الاعلى فى كل الخطوات التصنيعية ...............اما حاليا فكل المعلومات اجتهادية من الاعضاء لوجه الله تعالى

[amonaa]

تحياتى م / عمرو نجيب
أكيد ان الله مع الصابرين وأوعد حضرتك انى احتك بالسوق أكتر من كده علشان أفهم أكتر

وفى الحقيقة انا لم أقم بشرح خط تكلفتة 200 الف . ولكن كلامى مثلاُ فى التحضير : قولت التفريغ أفضل وليس حتماً ، البسترة : قولت ان الماء الساخن افضل من البخار المباشر ( السائل قال :- المأسورة الخارجية يمر بها البخار او المياه )
الخلاصة :-
انا دخلت وكنت بحاول إبتغاء مرضاة الله وحسيت أنى ممكن أفيد السائل ولم أقصد مطلقاً تعقيده ولكن انا بعمل الشغل ده كل يوم بأيدى وكمان لو عرفت معلومات زيادة عن طبيعة شغل السائل هقدر ان شاء الله افيده ونتحايل على (((((كل))))) الظروف بأقل التكاليف ومثال على ذلك هو عامل مأسورتين داخل بعض انا كنت ممكن اعمل مأسوره واحده وكمان مش مهم غلايات أصلاً ... وهكذا


تحياتى للجميع
لا اله الا أنت سبحانك أنى كنت من الظالمين

اشكرك جدا للافادة اخى بارك الله فيك ...............بعض الخطوات التصنيعية هامة جدا وعند فرض التكلفه الكلية الكبيرة نسبيا فى خط طويل الامد لمنتج ممتاز غير خط تقليدى بمنتج تقليدى اكيد وبه عيوب قد لا تظهر للتصنيعى جيدا ولكن تظهر للمستهلك بدرجة كبيرة ............................تحياتى اخى

[amonaa]

السلام عليكم ورحمة الله وبركاتة
تحياتى للجميع
mohammedgido ، أموون ، م/ عمرو نجيب ، amonaa
وأخويا الكبير م/ أحمـــد عبـدة

فى البداية ربنا يوفقك أن شاء الله أخى الفاضل والخط المصغر يبقى خط كبير متكامل لإنتاج الصلصة
وعندى بعض الملاحظات :-




أولاً التحضير : لو تقدر حضرتك تحضر تحت تفريغ Under vacuum أفضل وذلك للأسباب الأتية :-

جعل المخلوط هش وسهل التقليب مما لا يزيد الحمل على القلاب ( هاااااام جداً )

الوصول لمخلوط متجانس فى أسرع وقت ( الوقت = المعدلات )

الحفاظ على اللون خصوصاً انك رافع درجة الحرارة الى 60 ْ م ( ذوق المستهلك )

ذوبان الملح

ثانياً البسترة : ( المبادل الحرارى )

يستحسن التسخين بالماء الساخن أفضل من البخار المباشر وذلك لتلافى تكوين فيلم رقيق من الصلصة المحترقة بالجدار الداخلى لمأسورة المنتج حيث تتلاشى وتتهشم هذة الطبقة بإستمرار مرور المنتج فى الخط وتظهر فى المنتج النهائى على هئية Black spots ويتكون فيلم جديد ثم يتلاشى .... ألخ وذلك حسب سرعة المونو


ثالثاً درجة حرارة البسترة : تتوقف درجة حرارة البسترة على عده عوامل :-


الخامات المستخدمة وعلى سبيل المثال وليس الحصرهل المركز المستخدم أسيبتك أم مجمد أم راجع خط مجمد ...... ألخ ، درجة نقاوة الملح ........... وهكذا
طول مأسورة المبادل وقطرها
درجة حرارة المياة الساخنة
سرعة المونو
رابعاً التعبئة : انا شايف أن درجة حرارة التعبئة حضرتك اللى هتحددها بنفسك لانك أعلم واحد بخط الإنتاج
ولكن نأخذ فى الإعتبار ان لا تزيد درجة حرارة التعبئة عن 90 ْ م لعدم فوران الصلصة وأكيد حضرتك فاهم أقصد ايه ( مشكلة الاوزان المعتادة )
راجع الخط : تصرف سليم جداً ولابد من تناسب كلاً من ( سرعة المونو و التعبئة ) بحيث سرعة المونو تكون على التعبئة مباشرة وليس الى الراجع وذلك للمحافظة على اللون لأن اللون هو المقياس بالنسبة للمستهلك العادى
التعقيم بعد التعبئة : درجة الحرارة / الوقت ( لا تقل عن 95 ْ م / 7 دقائق ) ، التبريد لا يزيد عن 45ْ م
أخى الفاضل : أهم خطوة هى التحضين وتحليل عينة حتى لو مكلفة لتثبيت درجات الحرارة ثم العمل بإستقرار وبقلب مطمئن



وبعدها اهنيك


فأنت لا حاجة للمواد الحافظة


والله المستعان



مع خالص إحترامى وتقديرى

بارك الله فيك

[amonaa]

المصيبة أن أغلب الاخوة المهندسين كلامهم جميل لاكن مبيخدوش بالهم من موضوع التكاليف والانتاج التجاري والتسويق خط زي اللي حضرتك بتشرح فية ياهندسة يعملة مستريح200 ألف منها 50 الف غلاية فورث هاند يا جماعة تبسطوا في الكلام مع الناس شوية الكلام علمي سليم لكن السائل عامل خط بتكاليف لاتتجاوز 4000 جنية أقوم انا أنصح بملاين هوة دة كلام برضة ... المقصد نصيحة للأخوة المهندسين لازم يتحك في المصنع من أول الموريدن وحتي المستهلك ولا يقصر نفسة في مكان كدة يفهم أكتر وسعرة يكبر وأن الله مع الصابرين

يابشمهندس دى مش مصيبة لانه لفظ غير مناسب حضرتك تقدر تفيد وغيرك يفيد واكيد مش كله زى بعض لان اللى اشتغل فعليا غير اللى درسه غير اللى تدرب عليه غير اللى مجاله صناعات غذائية ولكن لم يعمل الا فى مجالات محدده منها .......واكيد العامل بالتصنيع الغذائى لابد من التدريب فى احد المصانع الحقيقة او الاستعانة بمستشار كمهندس تصنيعى متخصص فى المنتج مع بعض الاسئله التى قد تفيده فى المنتدى ولكن ليس الاعتماد على راى الاعضاء الاجتهادية فى المنتدى (الخبرة ليها حساب اخر عن اكثر الناس للاسف).......ونشكرك مرة اخرى للمشاركة برايك التصنيعى وخبرتك المفيدة...........تحياتى

[عماد حمدى]

أختى الغزيزة
مهندسة / amonaa
شكراً لحضرتك جداً


تحياتى

[جمال عبد العظيم]

عودا حميدا انا دلوقتي نفسي انفتحت بدوامي الدائم للمنتدي برجوع الدكتورة اماني والمهندس عمرو اكبر مشاغب في المنتدي وتواضع المهندس احمد عبدة والخبرات العلمية للمهندس الجميلي والمهندس القوي محمد الهواري وجميع الاخوة المهندسين ذو الحضور القوي في المنتدي صح النوم يامنتدانا بالخبرات القوية لمهندسينا

[م- عمرو نجيب]

جميل جدامهندس جمال وأنا معك ماديا وفنيا بس والله مش مشاغب ... و الاخ حمدي لم أتعرض للمادة العلمية بشيئ من التقليل بل علي العكس صحيحة جدا ومحترمة وهذا ما أفعلة يوميا ولكن القصد هو تبسيط المعلومة للناس لأن ناس كتيرة أتصلت بي أثناء أجازتى الماضية في مصر والحمد لله نفذت لها خطوط جيدة وأستفادوا من ذالك ولم أتقاضى منهم مليم أحمر سواء في المربات أو الخل أو منتجات الطماطم و الجبن و الشامبوهات والحمد لله مازلت علي اتصال معهم حتى ليلة أمس و بالنسبة للأخت أمونا ليس هجوم علي أي أحد و لكن لما يكون السائل علي قدة ويطلب المساعدة وأقوم أرد وأقولة أصناف جيدة و نشرات وزارة الزراعة والنظافة وضربات الشمس وكمان نظام هاسب وهو مش عارف يعنى أية دبل جاكت من أصلة... حطي نفسك مكان السائل وتوقعي الرد ......لابد أن يكون الجواب علي نفس مستوى السائل وليس علي نفس درجاتنا العلمية والعملية وليس المقصد أبدا فرد عضلات ولا أستعراض خبرات لا لا كلنا لازلنا بنتعلم والشخص اللي يقول عندي كل حاجة أعرف أنة أنسان فاشل بالمرة ومش عيب أبدا تكون النصيحة قاسية حبة ... لأن في المنتدي بجد حبة أراء تودي ورا الشمس لو طبقت في المصانع والناس للأسف معندهاش الخبرة الكافية للفهم والفتاوي كتير جدا وكلة بيفتي في غير تخصص يا جماعة دة علم ولة أصول وناس بتدفع عمرها عشان تتعلم وناس بتخسر فلوس علشان رأي خطأ وليست حسابات أخري " للأسف" ولكن صنايعي فاهم شغلة أحسن أحيانا من 10 مهندسين قارئ كتب فقط... مع فائق الاحترام والاعتذار للكل

[جمال عبد العظيم]

اخي العزيز مهندس عمرو انت تعرف جيدا كم انا اعزك واتمني ان يديم علينا الحب والصداقة وطبعا كما قلت الكلام الذي يقال والاستشارات التي تقولها ويقولها كل الاخوة في المنتدي بالطبع لحبنا لذلك المجال وحبنا لنشر العلم وخبراتنا ولكن هناك نقطة ان كلامنا هذا يساوي ملايين تدفع من اجل الحصول علي تلك المعلومات لذلك لابد من عمل لجنة من الاستشاريين للرد العلمي والعملي ولابد ان يكون النقاش مع بعض علي مستوي المسئولية

[م- عمرو نجيب]

الله يخليك ياهندسة والله نفس الشعور وأكتر حبة ومعلش الموبايل بيفصل عشان اليومين دول قاعد في صحراء واسعة وأقرب شبكة تقوية ياااااااااااااااادوب تلقط المسدات وهحاول أكلمك قريب وعلي فكرة انا حذفت الهوت ميل بتاعي

[جمال عبد العظيم]

انا في انتظار اتصالك ولك تحية حب وتقدير ويكفيني الموقع اللي بعتة افادني كتير ودة لوحدة يساوي كتير قوي ---------------------------------------

[م- عمرو نجيب]

ولكن هناك نقطة ان كلامنا هذا يساوي ملايين تدفع من اجل الحصول علي تلك المعلومات لذلك لابد من عمل لجنة من الاستشاريين للرد العلمي والعملي ولابد ان يكون النقاش مع بعض علي مستوي المسئولية
صحيح جدا وأنا ناس بتتصل بي من سوريا والجزائر والسعودية بس لضيق الوقت مش بكون فاضي وأحيانا بتخنق من بعض الأسئلة منخفضة الجودة بس بحاول أساعد ويشهد الله أنى لم أخذ فلس ولا هللة ولا مليم من حد وكلة خالص لوجة الله وعل هذا يكون بداية مشروع مادي مربح للأستشارات الفنية يشترك فيها الاخوة الكرام مثل مهندس محمد الهواري وأخي احمد والأخت امونا والأخ حمدي وغيرهم من النشطاء بالمنتدي

[amonaa]

جميل جدامهندس جمال وأنا معك ماديا وفنيا بس والله مش مشاغب ... و الاخ حمدي لم أتعرض للمادة العلمية بشيئ من التقليل بل علي العكس صحيحة جدا ومحترمة وهذا ما أفعلة يوميا ولكن القصد هو تبسيط المعلومة للناس لأن ناس كتيرة أتصلت بي أثناء أجازتى الماضية في مصر والحمد لله نفذت لها خطوط جيدة وأستفادوا من ذالك ولم أتقاضى منهم مليم أحمر سواء في المربات أو الخل أو منتجات الطماطم و الجبن و الشامبوهات والحمد لله مازلت علي اتصال معهم حتى ليلة أمس و بالنسبة للأخت أمونا ليس هجوم علي أي أحد و لكن لما يكون السائل علي قدة ويطلب المساعدة وأقوم أرد وأقولة أصناف جيدة و نشرات وزارة الزراعة والنظافة وضربات الشمس وكمان نظام هاسب وهو مش عارف يعنى أية دبل جاكت من أصلة... حطي نفسك مكان السائل وتوقعي الرد ......لابد أن يكون الجواب علي نفس مستوى السائل وليس علي نفس درجاتنا العلمية والعملية وليس المقصد أبدا فرد عضلات ولا أستعراض خبرات لا لا كلنا لازلنا بنتعلم والشخص اللي يقول عندي كل حاجة أعرف أنة أنسان فاشل بالمرة ومش عيب أبدا تكون النصيحة قاسية حبة ... لأن في المنتدي بجد حبة أراء تودي ورا الشمس لو طبقت في المصانع والناس للأسف معندهاش الخبرة الكافية للفهم والفتاوي كتير جدا وكلة بيفتي في غير تخصص يا جماعة دة علم ولة أصول وناس بتدفع عمرها عشان تتعلم وناس بتخسر فلوس علشان رأي خطأ وليست حسابات أخري " للأسف" ولكن صنايعي فاهم شغلة أحسن أحيانا من 10 مهندسين قارئ كتب فقط... مع فائق الاحترام والاعتذار للكل

اشكرك اولا مهندس عمرو لافادتك للاخرين ..........لوجه الله طبعا ..........واظن اننا كلنا لوجه الله الحمد لله ...........ثانيا اخى فى المنتدى الكثير يرى الامور من كذا وجهت نظر مش من وجهة واحده فقط والكتب هى اساس العلوم لانها مش مجرد اساسيات ولكن ايضا عبارة عن مجهود خبراء عمليا ليستفيد به الاخرين ............ اما بالنسبة للسائل فقد حدد سؤاله فى اى نصيحة للعمل ولم يسال على خطوات انتاج معينة وكل واحد شايف من وجهت نظره الخطورة تكمن فى اى اتجاه وبالتالى يسدى النصيحة بها .............انا عملت فى القطاع الخاص وبسبب اخطاء فى التبريد واستلام المواد الخام والتخزين للناتج اضطر انه يعدم بضائع بحوالى 5 مليون جنيه ولا عزاء للفاقد .................فارجو من حضرتك افادتنا من خبرتك ويسعدنى انا شخصيا الاستفادة منك وافيدك انا الاخرى واستفيد ايضا من المهندس جمال وباقى الاخوة المهندسين ...............( بس معلش مش واحد داخل يسال وواضع خط تصنيع والشركه بتدى معاه دورة تدريبية للخط وتقولى مش يعرف دابل جاكيت ولو مش يعرف يسال يعنى ايه وحنجاوب برحب صدر (ونعتذر لضيق الوقت فى بعض الاحيان نضطر للاختصارات ويجى زى حضرتك تعوض عننا ومش عيب لاننا كلنا لنفس الهدف المساعده لوجه الله ).........ولكل صناعة عديد من الخطوط الالى كامل او نصف ألى او يدوى كامل وكلا حسب امكانياته التصنيعية والمادية ............وبالنسبة للنشرات او غيره من الابحاث فهى طريق للمعرفة وخبره الاخرين مثل حضرتك وان شاء الله اتوقع من حضرتك تكتب عن خبرتك لتفيد بها الاخرين وكما قلت انا اول من يريد المعرفة لاننا لحد الممات لن ينتهى العلم والتعليم واكتساب الخبرات اخى ...........تحياتى

[hossamrzk]

أشكركمعلى هذه المداخلات واستفدت من المناقشة وانا الان فى طريقى مرة اخرى للرجوع الى تصنيع الصلسة بعد انقطاع دام 5و2 سنة

[على العكلى]

شكرا على جهودكم موضوع جميل شكرا على جهودكم