هام لكل مهندسين الرى

[حسام فتحى]

السلام عليكم جميعا
بعد ان طرحت موضوعى بعنوان " اخى المهندس ارفع راسك فقد مضى عهد الاستهبال " وكان لغرض تطوير المهندس الزراعى والاصلاح من شأنه
واكتشفت والحمد لله اننا كلنا مش محتاجين تطوير والكل 100 فى ال 100
قلت نبدأ بقى فى مشروع صغير كده ونشوف تصميمات المهندسين وتعليقهم
وهو عباره عن فيلا لرجل اعمال مهم
ارجو من المتخصصين انهم يشاركوا ويساعدوا بخبرتهم عشان تعم الفايده
شكرا للجميع

[حسام فتحى]

السلام عليكم جميعا
فينكم يا باشمهندسين
عاوزين نتفاعل مع المشاريع المعروضه
خلونا نستفيد من بعض
شكرا للجميع

[MMM]

اهلا اخي وشكرا للموضوع
ممكن شرح اكتر عن تصميمك ؟

[حسام فتحى]

المطلوب من التصميم تصميم شبكة رى كاملة وعمل جميع الحسابات اللازمه وحساب الكميات والاحتياجات المائيه
يعنى باختصار عمل مشروع رى كامل

[fahad ksa]

وهو عباره عن فيلا لرجل اعمال مهم
نعرف انه يكون سياسي مهم دبلوماسي مهم اما رجل اعمال فأضنه هم وليس مهم
ثم القياسات في المخطط غير واضحه وهناك سياره (عربيه)ما ادري وش دخلها في المخطط الا اذا هي دليل اهميه رجل الاعمال
اضن ان عهد الاستهبال مازال ساري المفعوووول هنا
تحياتي فهد الksaمهندس ري وعضونقابه تجمع عمال المناجم بخريص وحرض

[حسام فتحى]

الاخ المحترم صاحب التعليق المحترم المهندس فهد
اولا مافيش داعى للسخريه احنا عاملين دعوه للتدريب العملى وعشان نستفيد من بعض مش عشان نترسم على بعض
انا حاولت ارفع الملف بصيغة الاوتوكاد عشان المقاسات ماعرفتش لان الرفع هنا بيحدد حجم معين للملف وهو كان كبير فانا كنت مضطر لتحويله وضغطه عشان اعرف ارفعه
ياريت بقى تورينا مهاراتك العاليه فى تصميم شبكات الرى عشان نستفيد منك
المفروض لو الرسم فيه مقاس واحد تقدر تستنج الباقى بس جايز تكون الارقام مش واضحه فانا ممكن احاول ارفع الملف بصيغه تانيه بس طبعا انت ممكن ترسم على الاقل الخط الرئيسى والخطوط الفرعيه واماكن المحابس والرشاشات ولوحات التحكم ويتبقى فقط الحسابات
مره تانيه احنا بنستفيد من بعض مش بنتحدى بعض
اما بقى موضوع رجل الاعمال المهم فهو فعلا مهم جدا ومش محتاج يثبت لحضرتك انه مهم لان مع احترامى ليك رايك فى الراجل مش مهم المهم رايك فى التصميم ويكون رايك موضوعى شويه مش تقولى السياره عاوز تفهمنى ان مهندس الرى لما يشوف مخطط اول ما يلاحظه هو السياره ياراجل حرام عليك بعدين اعتقد ان الاستهبال مكانه معروف قوى
المخطط ده مش مخططى ده من عمل الشركه الرئيسيه للمشروع ومافيش داعى اقولكم التصاميم دى بتتكلف كام ولكن عشان الاخوه اللى بيسخرو كفايه قوى تعرفوا ان اللى صمم البرجوله فقط واخد 64 الف درهم
المهم
اى استفسار بشكل محترم وموضوعى عن المشروع انا تحت امر الجميع
انا هارفع المشروع بشكل تانى وهاحط عليه قياس احد الابعد والاخوه الافاضل يقدروا يستنتجوا الباقى
شكرا للجميع

[حسام فتحى]

السلام عليكم جميعا
لقد قمت باعادة رفع الملف ويوجد فى اعلى يمين الرسم غرفة المجلس العربى وقياس احد ابعادها وهو 1510
ويمكن الاستفاده منه فى تحديد الحسابات المطلوبه
شكرا للجميع

[fahad ksa]

ارجوتوضيح مصادراومصدر المياه
والمفترض ان المخطط خاص للمساحه المطلوب عمل الشبكه لها
وسواء كان الشخص مهم اوغير مهم فكل الموضوع شبكه ري فقط ولا اتفق معك بان تكلفه تخطيط الري وتصميمه يكلف هذا المبلغ
ولكن انا اقتنعت بان كلامك صحيح وان عهد الاستهبال قد مضى وتعليقي السابق لورود كلمه الاستهبال فيه
واعتذر عن دخولي هنا واتركك في مشروعك الضخم

[حسام فتحى]

مصدر المياه موضح بالرسم وهو عباره عن خزان يحدد ابعاده مصمم الشبكه وهو موجود فى الرسم على شكل صندوق به حرف X ومكتوب تحته tank for irrigation
والاخ فهد ياريت ما تزعلشى مننا احنا اخواتك واهلا بيك فى اى موضوع
شكرا

[fahad ksa]

ونعم الاخوه اخ حسام واسلوبك راقي ولا اعتقد ان يكون في البال شي بمجرد انتها النقاش هنا فالكبار كباردائما ياكبير