اخى المهندس ارفع راسك فقد مضى عهد الاستهبال

[حسام فتحى]

الى كل اخوانى فى المنتدى
السلام عليكم جميعا
سامحونى على العنوان بس فعلا الكل بيستهبلنا وبيعروضوا علينا رواتب هبله زى مانكون ولاد البطه السوداء
دعوتى اوجهها الى اصحاب الخبرات الضعيفه لكى يزدادوا خبرة والى اصحاب الخبرات العاليه لكى يستذكروا ويذكروا
عاوزين نحط شوية خطوات عمليه لرفع خبرة المهندس الزراعى او مهندس الرى عشان سعره يزيد فى السوق
بدال ما هو الخمسه بقرش كده (سامحونى يعنى انا زى اخوكم)
المهم انا مثلا بشتغل مهندس رى فى مجال اللاند سكيب وساعات بشتغل مهندس لاند سكيب
وكان سعرى فى الارض
عملت ايه بقى..........
اولا رفعت مستوايا فى الانجليزى قوى
ثانيا احترفت برنامج الاوتوكاد وداخل على الفوتو شوب
ثالثا اشتغلت بايدى فنى تركيب مواسير
رابعا ذاكرات مراجع اجنبيه فى تصميم شبكات الرى من شركات كبيره
خامسا عملت علاقات مع مهندسين كبار ومع فلاحين صغار وبتعمل من كله
سادسا عملت تصميمات بايدى لمشاريع كتيره على الكومبيوتر بتاعى
ثامنا سافرت طبعا بره مصر ودى اهم نقطه
تاسعا اتعلمت السواقه ومعايا رخصة قيادة اماراتى
النتيجه ان الراتب دلوقتى كويس والحمد لله وخبرتى عاليه
المهم انا مش بحكيلكم قصة ابوزيد ولا بعرفكم مغامرات حسام فتحى لا والله
انا بس عاوز اعمل دعوه فى المنتدى للتدريب العملى على شغل الشركات الكبيره واللى عنده معلومه يقولها للتانى
انا قلتلكم الخطوات اللى تحطكم على اول الطريق
بعد ما نعملها
نبدا بقى ننفذ مشاريع
طيب اى حد عند مشروع يعرضه فى المنتدى ونشترك جميعا فى تصميمه وتبادل التصاميم
ونشوف احسن تصميم وننتقد بعض باسلوب كويس عشان نتعلم
ونخلص مشروع وندخل على التانى وكده نرفع خبرة بعض
وانا بقترح للاخوه المراقبين اننا نعمل منتدى فرعى يكون اسمه التدريب العملى ونشوف بقى مشاريع كبيره ونقب على وش الدنيا
بدال ماحنا قاعدين نندب حظنا زى الولايا
والله انا اعرف مهندسين رى فى الامارات راتبهم معدى عشرين الف درهم
انا بعتبر نفسى متوسط الخبره والدخل كمان او فوق المتوسط شويه
المهم اتمنى احصل على موافقه ورد من اللى حابب فكرة التدريب العملى ده
واى حد عنده تعليق على الخطوات اللى قلتها فى الاول عن مشروع كفاحى يقولى عادى
اشكركم جميعا
اخوكم المهندس المطحون/ حسام فتحى
ثانك يو

[الاسطوره الخالده]

مشكور يازميل حسام واحييك على فكرتك اللي تعكس طيب اخلاقك واهنيك على مسيرتك ونضالك واعتبرني واحد من معجبيك ومناصريك في درب العلم واني اشجع فكرت المنتدى العملي

[الاسطوره الخالده]

مشكور يازميل حسام واحييك على فكرتك اللي تعكس طيب اخلاقك واهنيك على مسيرتك ونضالك واعتبرني واحد من معجبيك ومناصريك في درب العلم واني اشجع فكرت المنتدى العملي

[حسام فتحى]

اولا اشكر الاخ الوحيد اللى علق على الموضوع وهو " الاسطورة خالد "
الحقيقه انا ملاحظ حاجه غريبه جدا
لما بيكون فيه موضوع استشاره ولا استفسار الكل بيتبرع ويفتى بمعلومات ممكن تكون صح وممكن تكون غلط
لكن لما بنتكلم عن مشروع عن تطوير المهندس الزراعى اللى بقى سعره فى الارض الكل بيطنش زى ما نكون مكسوفين اننا نتعلم ونتطور نفسنا
طب اللى عند حل ننتشل بيه المهندس الزراعى من اللى هو فيه يقولى عليه
كان نفسى اشوف اى نوع من الايجابيه من الاخوه المهندسين نقف مع بعض ونعمل قوه زراعيه وكوادر ننافس بيها العالم كله او حتى عشان نفرض نفسنا على السوق ونرفع سعرنا
طب قارنوا كده بين المهندس الزراعى وبين مهندس مدنى وانتم تعرفوا احنا موقعنا ايه على خريطة المهندسين
على العموم شكرا للجميع ويارب نكون كلنا عند مستوى الخبره المطلوب

[stevia]

شوف يا باشمهندس حسام أنا خريج أمراض نبات 2008 , وبعتبر نفسى متوسط الخبره , مفتاح السر معاى كان اللغة الإنجليزية التى فتحت معارف كثيره عملية قبل العلمية عن طريق التواصل مع الخبراء الذى يزورون الشركة التى عملت بها ( كنت لا أحتاج الى مترجم مثل باقى الزملاء للحديث مع الخبير وكنت أطرح الكثير من الأسئله , منهم من كان يتقبل ذلك ومن لا) كان بعضهم يعرض على الشركة نتائج المؤتمرات التى يحضرها وانه سمع وراى وتناقش وأنا كنت أقرأ وأذاكر وبشوف نتائج اللى هما بيعملوا )
ثانيا معرفتى بأهم مصادر المعرفة فى مجالى والحمد لله لآن الخبير مثل بيكون عمل دراسات على اللى بيطبقوا ( بعضهم بيقول حاجات مش بتتطلع سليمه وده برضه عادى مش عيب ) وعلى فكره الدوريات العلمية فيها منها ذو توجه تطبيقى ومنها ذو توجه علمى بحت , يعنى ذى ما فى دورية أو مجله Nemticide & Fungicides Tests ودى بنتنشر تقارير ونتائج عن أهم المبيدات المطبقة على عدد من الأمراض الفطرية والنيماتودية وكفائتها كما المواد المضافه اليها من مواد مساعده أو محفزه ودى جميله جدا . وثلا فى بجث أنا إستمتعت بيه من شويه صغرين (Gonzalez, C., Y. Zheng and C.J. Lovatt. 2010. Properly timed foliar fertilization can and should reult in a yield benefit and net increase in grower income. Acta Hort. 868:273-286.) وده تطبيقى جدا جدا.
ما طولش عليك زهقت من نظره الناس الى أن لسه صغير بالسن ( فين أمريكا لو جبت لواحد كلمه السن فى الشغل تتسجن) فكره آخد شهاده إسمها Certified crop adviser وده إختبار أو شهاده معتمده تمنحها الجمعية الأمريكية للزراعة عشان تشرف على عمل أو تتولى إداره مزرعة وراسلتهم وردوا عليها ان الشهاده دى فى الولايات المتحدة بس, ما فيش مشاكل سألت على الموضوع ده فى النقابة عندنا عرضا ً كده قالوا لى لازم يمر عليك 15 سنه كعضو نقابة!!!!!!!! على فكره الشهاده الأمريكية تشرط خبره سنتين بالإضافة الى الإختبار وكان معى (الدليل المعرفى) بتاع الإختبار ما فيش حاجه فى الزراعة ك Agronomy ما فيهاش أسئله بالإضافة ل case study4 لازم تبدى رأيك و تكتب تقرير ( برضه كتابة التقرير ليها قواعد مش تحكى وخلاص).
الحمد لله راضى بما قسمه الله لى وأسعى دائما الى التطوير فعو فى حد ذاته متعه.

[حسام فتحى]

بصراحه تجربتك ممتازه وربنا يوفقك واشكرك على اهتمامك وياريت الكل يشارك زى ماحضرتك شاركت عشان كلنا نستفيد
الناس شكلها نايمه فى العسل وراضيه بالوضع الحالى
شكرا للجميع

[tarekhabashy]

شكرا الاخ حسام وجميع من شارك معك
مهندس الرى الزراعى انسان بينحت فى الصخر عشان يتعلم وترجع خبرتة الى مدى معانتة وصبرة وتعلم على ايد مين وطور نفسة ازى اى الموضوع اولأ كرم المولى عز وجل ثانيا عزيمتة وانا لوهحكى انا اتعلمت ازى فية ناس انا هصعب عليهم ومن ابسط الاسباب واطرفها ان انا قسم شعبة عامة وعمرى مادرست الرى فى الكلية رغم من المفترض ان انا عندى فكرة عن كل اومعظم الاقسام حسب تخصصى ال هو مش تخصص اصلا وحتى لا اطيل على احد بفضل اللة تخصصت فى مجال الرى وبفضل اللة اصبحت ممن يمتلكون اسم وشهرة فى هذا المجال بصفة عامة و دخلت ايضا مجال تجارة لوازم الرى ولى بفضل اللة اسم لا بئس بة فى سوق تجارة شبكات الرى وعملت وكنت سبب فى انشاء كيانات كبرى مع مصريين وعرب واجانب واصبحت بفضل اللة ممن يجيدون التصميم والتنفيذ لكبرى المشاريع سواء خاصة اوحكومية و بفضل اللة ايضا قمت بتوريد كل او معظم ما يخص شبكات الرى فى داخل مصر وخارجها مع العلم انى لم اسافر خارج مصر ابدا ولكن بفضل الرحمن عرض على السفر بشروطى ولكنى لم اخض تلك التجربة وانا حاليا المدير التنفيذى لشركة صن استريم التركية بمصر وهى شركة مصنعة لمستلزمات شبكات الرى
ومنفذة لمشروعات الرى فى مصر وخارجها
وانا على اتم الاستعداد لنقل ماتعلمت الى من عندة الاستعداد مع العلم انى لسة فى مرحلة التعليم الى ان يتوفنا اللة عز وجل واشكرك واشكر كل من تعلمت منهم وعلى رأسهم المهندس ماهر اسماعيل ومستر كيان وغيرهم من الدكتور الى العامل فكلهم اصحاب فضل بعد اللة عزوجل واللة الموفق
م/ طارق الحبشى
eng.tarek_habashy[at]yahoo.com

[بحر الامل]

جميلة ققص الكفاح ولو هنسمع هنلاقي حاجات تشيب ولكن الى الان لم يتم تطوير المعلومات الزراعية الاكاديمية التي تتدرس في كليات الزراعة واظن دة من اكبر الاسباب لحالة اللا خبرة واللا علم الذي يتخرج بها المهندس الزراعي فيبداء بتعليم نفسة وتثقيفها زراعيا فيضيع عشرة سنوات من عمرة على الاقل حتى يكون جدير بكلمة مهندس زراعي مع ارق تحياتي لكل من م/حسام فتحي و م/ طارق الحبشي مع مزيد من التفوق

[DARKKNIGHT2016]

انا مهندس زراعي و اريد ايميلك او رقم المحمول للتواصل في مواضيع في غاية الاهمية

[م/محمد الليثى]

بأسم المهندس / حسام فتحي
صديقي العزيز:
انقل تحياتك لكل أعضاء المنتدى الذي وصتني ان ابلغهم السلام و مدى الشوق لهم.
و اتمنى لك سفرا سعيدا و قصة نجاح كبيرة و تنقل للمنتدى الصورة الجديدة بعد مضي العصر السابق.
و نبدأ رحلة جديدة فيها المهندس الزراعي هو موضع الاهتمام العام و الخاص.
نتمنى لك العودة الحميدة يا مهندس زراعي /
حسام فتحي

[aboasiel]

اخي المهندس
اشكرك على الكلام الرائع , انا في بداية تعيني في مديرية الزراعة , ولكن للاسف شغلي عبارة عن تواقيع على الورق
مثل ما اعملت انت , انا كمان اخدت دورة في الاتوكاد و بعمل على الفتوشوب وكمان بحاول امارس 3d max
لكن للاسف طموحاتي لا اقل فشلت كوني اهتم بتنسيق الحدائق , بل ذهبت ما وراء السحب ان صح التعبير
فكرتك جميلة جدا , وان انشالله اخوانا العاملين في المنتدى يتابعوا هذه الافكار وان دلت انما تدل على ان العقل العربي الزراعي موجود ينقصه الدعم
زميلك المهندس / أ.ف.م

[حسام فتحى]

سلامى الى كل اعضاء المنتدى وسلام خاص الى اخى المهندس محمد الليثى
اخوكم مهندس حسام فتحى من الامارات الشقيقه