تجربتى فى طريق اسيوط الغربى

[HAMDYZYADA]

فى منتصف عام 2007 اشتريت 29 فدان بطريق اسيوط الغربى فى زمام سمسطا بنى سويف وقمت بعمل الشبكة الرئيسية وحوض المياه وزرعت كازورين يحيط بالارض فى شهر 12 عام 2007 وقسمت المزرعة الى 7 اجزاء كل جزء 4 فدان والطرق استهلكت الفدان الباقى وزرعت 6 فدان عنب فليم على حديد حرف U فى فبراير 2008 ومانجو زبدية وصديق وبرتقال صيفى فى 6 افدنة فى ابريل ومايو 2008 وطماطم ارضى 765 فى اغسطس 2008 فى 4 فدان وطماطم سلك فى سبتمبر 2008 فى 4 فدان و 7 فدان خوخ فلوريدا على نيما جارد فى فبراير 2009 و 4 فدان يوسفى موركت فى ابريل 2009 وكررت زراعة 4 فدان طماطم سلك فى سبتمبر 2009 وزراعة طماطم سلك فى ارض المانجو والبرتقال الصيفى فى سبتمبر 2009 وهذا العام زرعت نفس المساحة طماطم سلك فى سبتمبر 2010 والحمد لله سارت الامور كالاتى العنب مصاريفه للان 141000 جم شاملة كل شئ من الالف للياء حتى الان من حديد وخراطيم وسباخ ومصاريف للان وقد قمت ببيع المحصول فى مايو 2009 بمبلغ 72000 جم وبيع المحصول فى مايو 2010 بمبلغ 100000 جم يعنى تم استرداد راس المال بالكامل مع تحقيق ربح 31000 جم والطماطم الارضى فى 2008 تكاليفها 39000 جم ويراداتها 42000 جم والطماطم السلك 2008 تكاليفها 92000 جم وايراداتها 125000 جم والطماطم السلك 2009 تكاليفها 160000 جم وايراداتها 207000 جم يعن الامور بفضل الله تسير فى الطريق السليم والحمد لله

[mohamed refaat]

شكرا لنقل التجربة ومنتظرين المزيد

[د. ياسر التلمسانى]

ا. حمدي زيادة

كلام حضرتك محترم جدا و واضح و مرتب و كلام الارقام دائما لا يكذب و لا يحتمل التأويل.

ارجو ان لا تحرمنا من تفاصيل (رقميه) اكثر لتجربتك الممتازة لانه من النادر في الحقيقه ان اري رجلا يتكلم بالارقام و انما الكلام دائما مرسل و انشائي.

مرحبا بك في المنتدي و ننتظر مشاركاتك القادمه.

تقبل تحياتي.

[HAMDYZYADA]

انا والحمد لله حاليا عندى 6 فدان طماطم سلك زراعة 22/9/2010 وماشية عال وان شاء الله اواليكم بما يكرمنى به الله بمنتهى الامانة لتشجيع الشباب على الزراعة الفعلية وانا داخل على تقليم الخوخ ثم العنب ان شاء الله

[INVESTCORP]

السلام عليكم

واللهي كلام حضرتك مشجع جدا

انا نفسي من زمان يكون عندي مزرعة , لاني بحب الزراعة جدا

بس للأسف المبلغ اللى عندي فى حدود 200 الف جنية , يا تري ده ينفع علشان ابتدي زي حضرتك

طبعا انا ماليش فى الزارعة انا خريج كلية تجارة

ممكن تنصحنى

ولك جزيل الشكر

[HAMDYZYADA]

ممكن حضرتك تبدأ بمساحة صغيرة 5 فدان مثلا او زيادة المبلغ شوية والبدا بمساحة 10 فدان وانا على استعداد للمساعدة فى اى سؤال عن الزراعات التى ذكرتها فقط فى المشاركة لانى لى سابق تجربة بها ولكن لتعلم ان الاسعار الرخيصة للارض تعنى انها وضع يد فتحرى الدقة عند الشراء وتأكد ان الارض فى ولاية الهيئة العامة لمشروعات التعمير وقم بالزراعة فورا ولاتترك الارض بدون زراعة وان شاء الله مش هاتندم ةبالنسبة للزراعة فانا على استعداد للقيام بذلك بس تكون الارض بجوارى فى نفس المنطقة واقوم بتسليمك الارض منتجة ويكون لى 15% من الربح الذى يحققه المحصول والله بينى وبينك

[mrdmohamed]

بارك الله فيك واليك .... وحفظ ارض ومالك ورعاهما ورعاك

ممكن اعرف حضرتك نظام المياه لديكم الان هل هي بئر جوفي ام مياه نيل ام تصل اليكم المياه بالمتر المكعب من شركة معينه وهل نفس التربة ونظام الري هو نفسه في اول الطريق الغربي اسيوط ولكن من ناحية الجيزة وكم سعر الفدان الان الغير مزروع والقريب او البعيد عن الطريق الرئيسي

مرحبا بك في منتدانا المتواضع http://mangomango.ahlamontada.com/index.htm

[HAMDYZYADA]

نظام المياه عندنا بحارى بالتفاهم مع مسئول الرى والمياه متوفرة بالترعة حوالى 5 ايام فى الاسبوع واحيانا كثيرة متوفرة دائما ولكن يوجد ايضا 2 بئر ارتوازى على كل بئر موتور 180 حصان والاخر 220 حصان وذلك فى حالة عدم وجود المياه بالترعة لضمان وجود المياه باستمرار ومياه البئر درجة الملوحة بها 312 جزء بالمليون وهذا هو النظام الموجود بالمنطقة مياه بحارى غير قانونية ومياه ابار اساسية ونظام المحاسبة على المياه هو حساب تكاليف التشغيل من كهرباء وادارة وحراسة وصيانة ثم قسمة الناتج على مساحة الارض المنزرعة يكون نصيب الفدان حوالى 600 جم سنويا وبالنسبة للتربة فهى رملية وسعر الفدان الغير مزروع ولكن به وصلة المياه السعر يتراوح بين 12 الف الى 20 الف حسب القرب من الطريق او البعد عنه

[بحراجاج]

ربنا يبارك فيك انت قدوه حسنه لشباب البلد ربنا يحافظ عليك وان شاء الله من نجاح الى نجاح مشرف

[HAMDYZYADA]

اشكر فضل الجميع للمشاركة واعدكم بنشر اى تجربة اخرى ايجابيا اوسلبيا حتى تعم الفائدة لجميع شباب البلد

[HAMDYZYADA]

الحمد لله بدأنا جمع الطماطم السلك يوم 3 يناير 2011 ومصاريف الطماطم حتى 7 فبراير 2011 كان 98900جم وقد قمت ببيع طماطم حتى الان 12 فبراير بمبلغ 116400جم وقد قمت ببيع ماتبقى من الطماطم فى مساحة 4 فدان لتاجر عرش بمبلغ 70000جم وتبقى لى محصول 2 فدان بمعنى اننى قمت بتحصيل مبلغ 186400 جم حتى الان بربح 87500جم بالاضافة الى محصول 2 فدان اقوم بالجمع منها وبيعها بالسوق وهذا من فضل ربى له الحمد والشكر

[ahmedbatoos]

استاذ حمدي هناك شئ لم افهمه حضرتك تكتب تكلفه 5 فدادين من الطماطم او غيرها 85 الف و 75 الف وهذه مبالغ تكاليف طائله ارجو شرح هل هذه تكلفه بسعر الارض ولا تكلفه ايه بظبط وارجو
توفير حتي عن محصول واحد تفاصيل تكاليفه من سعر الارض حتي الانتاج ان امكن
ومشاء الله الله يذيدك يارب

[himaa25]

مطلوب شريك او ممول لمشروع زراعى وأنتاج حيواني

لمساحة 20 فدان بالفرافرة بالوادى الجديد

للأستعلامت:20126086853

himaalove4u[at]yahoo.com

[himaa25]

ادى أرض بالفرافرة بالوادى الجديد 20فدان وأريدممول او يريك حتى اتمكن من زرعتها واقامة مشروع انتاج حيوانى بها
للأستعلام ت:20126086853

himaalove4u[at]yahoo.com

[HAMDYZYADA]

هذه التكاليف هى تكاليف زراعة 6 فدان طماطم سلك زراعة 22 سبتمبر والتكاليف حتى 7 فبراير 98891 جم ( 18200 شتلة 2040 سباخ 6160 خيط 36076 كيماويات ومبيدات 34219 عمالة 2196 جاز موتور ) وهذه التكاليف مخفضة هذا العام لوجود سباخ سابق فى الارض ولذلك لم احتاج الا لزيادة السباخ الموجود وكذلك لوجود القوايم الخشب من العام الماضى وهذه هى التكاليف النهائية وللعلم لقد بعت باقى المساحة 2 فدان عرش ب 35000 جم وكانت المحصلة النهائية للمبيعات 222189 جم والمصاريف 98891 جم بربح 123298 جم ولله الحمد من قبل ومن بعد

[ahmedbatoos]

السلام عليكم استاذي الكريم ياريت هتعبك معايا وتعمل لسته للمبتدئين باهم الحاجات والخطوات للنجاح واهم الاشياء التي يجب الابتعاد عنها
كذلك ما رئيك في فكره شراء ارض بلواحات البحريه محافظه 6 اكتوبر سواء من نوع الارض او بعد المسافه عن المدن . . .
وبماذا تصنح لتحقيق ربح مجدي في مناطق مثل هذه . . . وياريت توفرلنا معلومات عن ملوحه الارض عند حضرتك والميه وايه الحاجات الي تكلفتها عندك كبيره وهي تكاليف متغيره يمكن الاستغناء عنها يعني في ناس بتقول انا هقلل من العمال وفي يقول انا مبيدات اكتر عشان الارض عايزه كده وهكذا . . . يعني ايه التكاليف المتغيره وليه عند حضرتك زياده او قليله عن المعتاد
واخر شئ ما هو الفرق بين الطماطم العاديه و بين الطماطم التي تزرع علي سلك
واسف لجهلي :)

[ahmedbatoos]

استاذي الكريم اسف لتتقيلي عليك ولكن جزاك الله خيرا . . . لكن ما هي انتجايه الفدان بهذه المنطقه وشكرا من الطماطم مثلا

[mrdmohamed]

نظام المياه عندنا بحارى بالتفاهم مع مسئول الرى والمياه متوفرة بالترعة حوالى 5 ايام فى الاسبوع واحيانا كثيرة متوفرة دائما ولكن يوجد ايضا 2 بئر ارتوازى على كل بئر موتور 180 حصان والاخر 220 حصان وذلك فى حالة عدم وجود المياه بالترعة لضمان وجود المياه باستمرار ومياه البئر درجة الملوحة بها 312 جزء بالمليون وهذا هو النظام الموجود بالمنطقة مياه بحارى غير قانونية ومياه ابار اساسية ونظام المحاسبة على المياه هو حساب تكاليف التشغيل من كهرباء وادارة وحراسة وصيانة ثم قسمة الناتج على مساحة الارض المنزرعة يكون نصيب الفدان حوالى 600 جم سنويا وبالنسبة للتربة فهى رملية وسعر الفدان الغير مزروع ولكن به وصلة المياه السعر يتراوح بين 12 الف الى 20 الف حسب القرب من الطريق او البعد عنه


شكرا لك استاذ حمدي علي هذه المعلومات القيمه

لي سؤال لسيادتكم
ماهي موقع الارض بالضبط تقريبا التي ذكرتها
وماهي قانونيه الاوراق للارض
وماهي مستوي الماء في الابار المفحوته لديكم
اسف لازعاجك

[محمد سكر]

ما شاء الله ما شاء الله هو ده الكلام اللى يحفز ويشجع بارك الله لكم وجزاكم عنا خير الجزاء

[el3osemy]

ما شاء الله لا قوة الا بالله ربنا يكرمك ويباركلك فى ربحك ويزيدك بإذن الله والله شجعتنى وفرحتنى علشان انا ناوى ابتدى ومحتاج حاجه زى كده وانا ارضى فى زمام سمالوط على الطريق الغربى برضوا ودعواتك ان شاء الله

[mahamed216]

ربنا يوفقق ويكرمك واتمنى المزيد من النجاح

[ناصر فتحى]

السلام عليكم استاذ حمدى لوسمحت لو موجود ارض فى زمام هذه المنطقه ياريت تساعدنى فى الشراء ولك جزيل الشكر