المساعد الشخصي الرقمي

مشاهدة النسخة كاملة : مرتب المهندس الزراعي



amrelsisy
02-07-2007, 09:51 AM
السلام عليكم ورحمة الله وبركاته

لماذا كل هذا الاستغلال من الشركات الزراعية واصحاب المزارع ؟ :donno:

هل يعقل ان يكون مرتب الباشمهندس الزراعى الذى ترك المدينه وذهب الى حياة الصحراء ولا يعود الى المدينة الا 4 ايام فى الشهر هو


350 - 400
هل استطعتم ان تروا المرتب ام لا

تخيل ان هذا المرتب سيخصم منه مواصلات طعام استهلاك ملابس ماذا سيبقى :thinking:

اتمنى ان تشارك برايك لماذا وصل الحال الى هذا الحد ؟
هل العيب فى زماننا ام العيب فينا

amonaa
02-07-2007, 04:14 PM
للاسف العيب فى مستوانا المادى العام حتى لزراعتنا وصناعتنا كله منخفض وعلى فكرة اقل اجور معروفه فى العالم هى اجور العمال المصريين للاسف ...............ربنا يرحمنا من عنده

hazem2007
03-07-2007, 01:56 AM
طلعا يا دكتور حاجه تكسف الصراحه
بس انا سمعت ان المرتب بيزيد بعد كده ويكون معقول ده غير الحوافز ياريت لو حضرتك استغالات في مزارع تتكلم عن طبيعه العمل والمرتب والنظام بدل ما ادور واعمل لنفسي مشروع واعيش منه لحد ما اسافر

amrelsisy
03-07-2007, 03:57 AM
السلام عليكم ورحمة الله وبركاته

اشكرك جدا على ادخالك السرور والتفائل إلى فأنا لم احصل على هذا اللقب ( دكتور ) رسمياً حتى الآن .
* ولو عندك مشروع شغلنى فيه بمرتب كويس ونا مش هعارضك فى اى موضوع على المنتدى

:laugh::grin::laugh::grin::laugh::g rin:

بصراحة هو مش موضوع استغلال من قبل احدى المزارع وعلى الرغم من اننى مؤمن جدا بأن سنوات التعلم ( الخبرة ) لا ينظر فيا المهندس الى المادة بقدر ما ينظر الى ما يحصل علية من خبرة ولكن كل شئ له حدود .

لا اريد ان اجعلك متشائما ولكن إذا قرات فى جريدة الأهرام يوم الجمعة إعلان نصه انه مطلوب مهندسين زراعيين حديثى التخرج وسيقوم بنقل المهندسن من امام فلفله بالهرم وعندما تذهب الى هناك وتجدد اعداد ضخمة منتظرة معك قدوم الطائرة التى ستقوم بنقل الباشمهندسين وعندما يلوح لك سائق اتوبيس متهالك من الجانب الاخر للطريق فعلم ان هذا هو الاتوبيس الذى سيقوم بنقلك الى ارض الاحلام وعندما تجد ان الجميع فى الاتوبيس يسألون نفس السؤال ولا احد يجيب عليهم اين نحن ذاهبون ؟ وعندما يقف الاتوبيس امام منتجع السلمانية وتاخذ نفس عميق فقد وصلت الى ارض الاحلام وعندما يقوم المسئول بعمل المقابلة الشخصية معك ويقوم بسؤالك هل تستطيع الوقوف فى الشمس فترة طويلة ؟ او ممكن ترينى ملمس يديك ؟ فلا تتعجب من هذه الاسئلة فستعرف السبب وعندما تتجول قليلا داخل المنتجع اثناء انتظارك لمعاد المقابلة وترى احد الاشخاص يقوم بجمع الحشيش من الارض وبسئواله يتضح انه مهندس زراعى فبالتاكيد قد عرفت سبب الاسئله فلاتتعجب وبعد كل ذلك عندما تعرف انا المرتب الاساسى هو 350 جنية مصرى بالتمام والكمال + وجبة فاترك لك الاختيار هل ستتعجب ام ستندهش :no:

م/أحمد البطراوي
03-07-2007, 11:29 AM
أنا من رأيي لا توافق علي مثل هذا العمل إلا كمرحلة مؤقتة جداً لحين حصولك علي شهادة التخرج او لحين ميعاد تقدمك للجيش إذا كنت حديث التخرج تماماً .

وأنصحك بالبحث في أماكن أخري فقد يرزقك الله بأفضل من ذلك ولكن لا تدفن نفسك في مثل هذا المكان إذا كان فعلاً كما تقول وليس له مزايا اخري.

ولكن إن لم تجد فرصة أفضل فلا مانع من تغيير طبيعة العمل فليس من الضروري لأنك خريج كلية زراعة ان تعمل في مجال الزراعة. فكر في مصلحتك فهذا العمل كما تقول ليس هو المكان الذي حتي ستحصل منه علي خبرة ، فالمهندسين هناك دورهم جمع الحشيش. إذن فما هو دور العمال ؟!!!! وما هي الفائدة المادية أو المعنوية التي ستعود عليك ؟!!!!

فكر في أي عمل أخر وإن لم يكن لديك المقدرة علي إنشاء مشروع صغير تتاجر فيه بأي شئ. فإشتغل عند الناس في تجارة اي شئ وليكن إدارة إحدي محلات السوبر ماركت أو محلات الملابس أو غيرها. وأعتقد أن الراتب لن يقل عن ما قلته إن لم يزيد.

وفقك الله للخير

hazem2007
03-07-2007, 05:33 PM
عندك حق يا باشا مهندس احمد في عمل المشروع الخاص دي لو ربحه 30 حنيه في اليوم احسن من العمل في الشركات لو بالمنظر ده
الصراحه حاجه تكسف
4 سنوات من العذاب واخذ 350 دول مش هيعملوا حاجه خلاص

النسر المميت
04-07-2007, 01:31 AM
اه هو المشروع الخاص فى رايك ياحازم

النسر المميت
04-07-2007, 01:51 AM
انا مثلا طالب حديث التخرج+اول دفعتى السنه اللى فاتت+تخصصى مهم وحيوى <وقاية نبات> هل تفتكر انى هلائى فرصة عمل بمرتب كبير؟ لااعتقد انما المفروض انى اكتسب كميه كافيه من الخبره
وبعدين ادور على المقابل المادى بالرغم انى فى ظرووف لايعلمها الا الله.
لكن انا الان بدور على شغل بغض النظر عن امقابل المادى الكبير لحد ما اخد شهادتى وشوف مقوفى من الجيش وباذن الله الظروف تتحسن بعدها.

رودس
04-07-2007, 02:55 AM
إخوانى ألأفاضل
دعونا نكون أكثر صراحة مع أنفسنا خريج زراعة الآن لا يرتقى بنفسه و لا يريد أن يتعب نفسه يجب أن تكون على درايه كامله بكل نواحى الزراعة لا تقول أنا تخصص كذا و لا أفهم إلا فى تخصصى نعم التخصص مطلوب و لكن يجب أن تكون على درايه كافية بكل نواحى الزراعة من أراضى و بساتين و محاصيل و إقتصاد كل شىء لماذا أقول ذلك أنا أريد الآن مهندس زراعى لمزرعة 40 فدان مزروعة مانجو و زيتون و موالح رى بالتنقيط يتولى الإشراف الكامل عليها من تسميد ورى و أمراض و خلافه من بيع المحصول و شراء الأسمدة و المبيدات هل منكم أحد يجد نفسه قادر على ذلك ليس مطلوب منى و فوق طاقتى أن أستعين بمهندس وقاية للأمراض و آخر بساتين للشجر و آخر للتسميد و الرى و آخر ........و هكذا لذلك نريد الخريج الفاهم و الزراعة الآن تتطلب الفهم و الفكر أكثر من المجهود و العضلات
لذلك إليك بعض النصائح إن أردت أن يكون لك مكان و شأن بعد توفيق الله تعالى
أولاً يجب أن لا ترتبط بالتخصص و ترتقى بنفسك فى جميع نواحى الزراعة
ثانياً يجب أن تكون على دراية كافية بكافة نواحى الزراعة
ثالثاُ يجب أن تجتهد فى اللغة و تحسنها قدر الإمكان و كذلك إستخدام الكمبيوتر و الإطلاع على
كل ما هو حديث فى مجال الزراعة
رابعاً إبحث عن العمل بنفسك و لا تهين نفسك لأحد كن فخوراً بعلمك و خذ الخبرة دائماً و لو بدون
مقابل و إختر مجالاً معيناً وركز و إجتهد و تفوق فيه
خامساً أسمع لرأى الآخرين فى مجالك و لا تقلل من رأى أحد و فى بداية حياتك العملية أسمع
كثيراً و تكلم قليلاً
العامل فى مجال الزراعة يجب أن يكون على دراية بكل ما يحيط حوله من سياسة و إقتصاد و زراعة و تكنولوجيا كل شىء
أخيراً أبحث عن العمل فى الشركات الكبرى مثل شرق العوينات و توشكى و هناك فرص عديدة بها و أخيراً أقول لجميع المهندسين أن الإستثمار فى المجال الزراعى زاد أكثر من 25% خلال الخمس أعوام السابقة و ما زال فى زيادة و أقسم بالله أن هناك مهندسين زراعيين حديثى التخرج يعملون فى مجال الزراعة يتقاضون الآن من 3000-7000 جنيه يا من تقول 300-400 جنيه
خريج زراعة هو الوحيد الذى لا يجلس فى بيته يوماً واحداً بدون عمل و إبحث عن زملائك الذين تخرجوا الأعوام السابقة لن تجد منهم أحداً لا يعمل إنسى طبعاً العمل الحكومى و إسعى فى المزارع الخاصة و المشروعات الكبرى و محلات المبيدات و غيرها و غيرها و لا تجلس فى بيتك و إن ضاقت بك السبل
أرسل إلى إيميل أو رسالة خاصة و سأساعدك إن شاء الله و لكن العمل فى مصر و بالتحديد فى المزارع الخاصة و الدخل جيد جداً يبدأ من 700 جنيه فى بداية حياتك أتمنى لك التوفيق

mloshm
04-07-2007, 08:52 AM
ياسلام دة حاجه كويسه جداااا
الايميل ياباشا
mloshm[at]yahoo.com (mloshm[at]yahoo.com)
اناتحت امرك
بس انا بصراحه لسه statement بالاضافه الي التجنيد
ينفع يعني اشتغل بدون دولن حتي الحصول عليهم
ياريت يابشمهندس والله انا تعبان من الموضوع دة
باي مرتب يابشمهندس ماتفرق عندي
المهم اشتغل
يارب

mohamrd
04-07-2007, 12:28 PM
ياجماعة هي الدنيا كدا في الأول بعد التخرج كي تعلم النعم بعد ذللك رضا بالقليل وان كانت وظيفه او اي مشروع ولكن عليكم ان تفكرو في الزراعة فوالله هي كويسه بسي عاوز شوية فلوس صعير الف واحد او اثنيت واقطعة ارض ازرع نوع من انواع الزراعه الناد اسال نفسك وانزل الأسواق واعرف السعار الخضار وتابع السوق وانت سوف تعتي بجد مش كلام انا طالباعلام واندم اني دخلت اعلام الأكمل تعلمي عرفت بعد فتره انا كليه زراعه دي جميله فلما كل هذ التشائم الدنيا وردي بسي مع الي يشغل دماغو وبالأخص الزراعه مثال البركولي هذ نبات سعره معقول في السوق لما لم تجرب في الزراعه البطاطس هذه جميله جدا واظن دي سهله لخريجي زراعه بنجر السكر دا جميل في شركات تتبنا زراعتو ايه ياجماعة انا الي هقول لكم انتم في عالم الزراعه جرب واحسب بدون خوف وتوكل عليه صاحب الرزق هو الي هيعطيكو منه اندر من الربح سوف يابرك الله اعملو اي شيء لا تقفو مكتوفين الأيدي فمنكم من يقول دا لسه الجيش ومنكم من يقول دا لسه مستني الفلوس ياجماعة ابداو والله ربنا سبحانه هينصركم (بيس ارمي حملك علي الرزاق) كلنا بنحلم براحه ولكنه لم تاتي الأ بعد التعب في البدايه والله البلد لسه بالخير بسي انتم متشامين شويا جرب وهتقول محمد قال ازراع اي نوع من انوع السهله بسي اهتم بها وسةف تنجحو يا شباب مصر والله الموفق

hazem2007
04-07-2007, 04:02 PM
لازم برده يامحمد اشوف جيشي
ما ينفع ازرع او اخذ ارض عارف ليه
اولا افرض الجيش طلبني اعمل ايه في الارض وسوف تكاليف فدان خضر بيكلف كام مثل اقل من 5/6 الاف جنيه
فاعتقد انك لازم تاخذها خطوه خطوه واشوف اي عمل موقت لحد اما حدد موقفي من الجيش
ويا حبذا لو هذا العمل في الزراعه
ام الاخ اللي بيتتكلم عن المرتبات العاليه احنا محتاجين مساعديك ونستغل وعايزين نصف المرتب اللي بتقول عليه
haz_rizk[at]yahoo.com
دي ايملي اهوو راسلني عليه

amrelsisy
05-07-2007, 11:58 AM
السلام عليكم ورحمة الله وبركاته
أعتذر فى البداية على هذا الانقطاع لظروف عملى

ولكنى سعيد جداً بردود اخوانى الكرام حفظهم الله من كل سوء
وايضا سعيد جدا جداً جداً بالمشاركه الإيجابية من زملائنا الاخ ردوس والاخ الابلج واتمنى الاستفاده العامه للجميع

واود ان اوضح اننى لم اكتب عن مشكلتى الخاصة ولكن هذا ما وجده عند زملائى مما احتكوا بسوق العمل الزراعى .
اما انا فلشديد الاسف لم اقم بالعمل كمهندس زراعى باجر حتى الان حيث اننى اقوم بعمل الماجستير فى معهد الدرسات والبحوث البيئية مدينه السادات وشغلى كله فى مزرعة المعهد للتجارب الخاصة بى , مما لا يسمح لى الوقت بالعمل لدى مزرعة تتطلب الاقامه والتفرغ التام

وبعد ما شفت المرتبات الكبيرة ده ( قولت فى نفسى ماجستير ايه وكلام فاضى:grin: ) بالتوفيق للجميع

amrelsisy
05-07-2007, 12:46 PM
السلام عليكم ورحمة الله وبركاته

اجمل ما فى هذا المنتدى ان ترى اخ فاضل مثل م / احمد البطراوى


يسدى لك النصح كما لو كان اخ اكبر يسعى لان يجعلك فى احسن الاوضاع


جزاك الله كل خير

mohamrd
05-07-2007, 01:05 PM
مطوروا المستقبل للتوظيف وإلحاق العمالة بالخارج

Future Developers [Fudevs]

مطلوب أفراد امن للأمارات

تطلب للتعيين:
أفراد امن Security

الشروط :-
- مؤهل عالى (شرط هام) .
- الالمام باللغة الانجليزية والحاسوب .
- جاهز للسفر فى خلال اسابيع .

المميزات:-

- تبدأ الرواتب من 1250 درهم اماراتى شهرياُ فيما فوق.
- بدل إقامة داخل دولة الامارات.
- سكن كامل وشامل على اعلى مستوى.
- تذاكر السفر .
- مكافأت وحوافز وامكانية التدرج الى وظائف اخرى

مدة العقد: سنة \ سنتين \ ثلاث سنوات. (ويجدد)
مكان العمل : دولة الامارات


ترسل السيرة الذاتية الى بريد HR[at]Fudevs.com (http://by143fd.bay143.hotmail.msn.com/cgi-bin/compose?mailto=1&msg=A89EFEA9-48E7-4EC5-8F40-6D5C231FB287&start=0&len=20812&src=&type=x&to=HR[at]Fudevs.com&cc=&bcc=&subject=&body=&curmbox=00000000-0000-0000-0000-000000000001&a=90225d66f294db3793e9fee9a94e4be5d 22de1058bc2dd98c78a5630e45f5757)
HR [at] Fudevs .Com
او الاتصال على هاتف محمول 010 56 46 56 9
تبدأ المقابلات يوم الخميس 5/7/2007 القاهرة



( نرجوا ارسالها الى كل الاصدقاء والمعارف لعلها تكون فرصة لك ولغيرك .. والدال على الخير كفاعلة

moha20052010
05-07-2007, 10:53 PM
السلام عليكم و رحمة الله و بركاته
رأيي انك تحافظ على الوظيفه دى مؤقتا و تتقن فى عملك لان الانسان اللى بيتقن عمله ربنا باذن الله هيزود فى رزقه
و حاول تحافظ على الوظيفه دى لحد ما تلاقى وظيفه احسن منها باذن الله علشان ما تندمشو باذن الله مش هاتندم لان الشغل دلوقتى صعب و مش موجود فى اماكن كثيره

مع دعواتى لك بالرضا

amonaa
09-07-2007, 09:09 AM
شكراااااااااااااااااالك اخى الابلج للعرض الجميل وشكرا لك اخى amrelsisyلردك الساخر على الموضوع رغم انه فيه معلومات صحيحه فى الحاصل فعلا فى مجتمعنا ولكن لا ارجح موضوع ترك الماجستير ده لانى بامل انه يكون نافذة اكثر وسعا لمستوى علمى واجتماعى ارقى صحيح هو بيخرب بيتك عادة بس اهو امل على مستقبل مشرق ده لو ربنا اراد وخلانا نشوفه..........شكرا للموضوع والمناقشة الجميل جدا دى

م/أحمد البطراوي
09-07-2007, 09:57 AM
نص مقتبص:
السلام عليكم ورحمة الله وبركاته

اجمل ما فى هذا المنتدى ان ترى اخ فاضل مثل م / احمد البطراوى


يسدى لك النصح كما لو كان اخ اكبر يسعى لان يجعلك فى احسن الاوضاع



جزاك الله كل خير

شكراً لك أخي الكريم ووفقنا الله وإياكم إلي ما فيه الخير.

gamal amin amin
17-07-2007, 03:23 PM
اخوانى خذ اى خطوه المهم البدايه والا حضرتك شرف البيت وكمان المشكله عامه وليس خريج الزراعه فقط
اقولكم كلمه حسبنا الله ونعم الوكيل

ابو سكندر
02-11-2007, 03:20 AM
بصراحة مش عارف اقول اية لان كل دة انا مريت بة وبمر بة وكل الى اقدر اقولة حسبيا الله ونعم الوكيل وشكرا

عضو موقوف
09-11-2007, 07:25 PM
انا اول مرة اسمع عن هذه مرتبات انا اعرف بعض الاصدقاء مرتباتها داخل مصر تصل 5000 دولار

اما اقل مرتب اعرفة 1200 جنية مصرى

بس 450 صعب اوى مستحيلة

ALais
29-11-2007, 07:50 AM
والله يا جماعه هيا فعلا مشكله لكن مجالنا كزراعيين اساسا مفيش اهتمالم بيه اصلا ومع ذلك كل الى اقدر اقوله ان العمل بالشكل ده سنوات خبره هنستفيد منها بعد كده لكن متطلبات الحياه صعبه رغم ان المفروض ان الاهتمام بالمهندس الزراعى لازم يكون من ضمن اولويات الدوله الظاهر احنا نسينا اننا دوله زراعيه وابتدينا نفكر ف حاجات تانيه خالص

salma_ali270
29-11-2007, 03:50 PM
يا جماعة حسسونا بالتفاؤل شوية دحنا لسة مش اتخرجنا ههههههههههه

herohema
29-12-2007, 08:46 PM
السلام عليكم ورحمة الله وبركاته

لماذا كل هذا الاستغلال من الشركات الزراعية واصحاب المزارع ؟ :donno:

هل يعقل ان يكون مرتب الباشمهندس الزراعى الذى ترك المدينه وذهب الى حياة الصحراء ولا يعود الى المدينة الا 4 ايام فى الشهر هو


350 - 400
هل استطعتم ان تروا المرتب ام لا

تخيل ان هذا المرتب سيخصم منه مواصلات طعام استهلاك ملابس ماذا سيبقى :thinking:

اتمنى ان تشارك برايك لماذا وصل الحال الى هذا الحد ؟
هل العيب فى زماننا ام العيب فينا

kifak-inta
29-12-2007, 11:08 PM
طيب
صراحه انا اصدق
وتتوقع ايه يعني
انا خريج 2002
و رحت لمزرعه نزلت اعلان في السنه التاليه من تخرجي
و اول ما شافني صغير ولسه خريج
قال ايه مرتبي 250 والاكل والشرب عليا
تخيلوا ؟؟؟
اصلا
ايه اللي يغري صاحب مزرعه في مهندس ممكن ميكونش شاف البطيخ والخيار وميعرفش يفرق ما بينهم
المشكله في التعليم
ولكن الحمد لله
هناك اصحاب شركات ياخدوا المهندس ويعلموا ويعلوا من قدره
فانا مثلا وفي سنه 2003
اشتغلت في مزرعه اللي حكي عنها الابلج (بلكو)
بالمرتب 540
والان وصل 1000

و شغال مسؤول نظم جوده
جاب وتسكو
الزراعه مجالها كبير
بس اللي عايز يشتغل

لكن مرتب مهندس زراعي يوصل 300 و 450
اه في
للاسف

ango
29-12-2007, 11:23 PM
فانا مثلا وفي سنه 2003
اشتغلت في مزرعه اللي حكي عنها الابلج (بلكو)





دى فرع من مزارع البلتاجى وشريف البلتاجى فى كيلو 84 صحراوى مدخل طنبول

abdassi
03-02-2008, 12:10 AM
اخي الكريم الابلج ممكن من فضلك استفسار عن الراتب
540 جنية اسبوعيا؟؟؟؟؟
متكفيش
كيلوغرام واحد من الخبز سعرة 4.5 جنية تقريبا
يعني ب 3 دولار نشتري 2 كغم خبز هنا في فلسطين
يعني صاحب عيلة ما تكفي 540 جنيه بالاسبوع
الله يكون بعون العباد
والله الحياة صعبة
بحب اقلك انو في نهاية كل نفق معتم لا بد ان تجد بقعة ضوء خلي الامل سلاحك والتقوى زادك

هيما
03-02-2008, 12:58 AM
موضوع جميل فعلا
وردود رائعة
بس اكيد مش لازم نتشائم
ماحدش عارف بكرة فية اية

اه صح
بالنسبة لموضوع التخصص او الشعبة العامة
انا شعبة عامة وملم بكل الى بيتقال
بس لما اجى اروح مزرعة هيقولو لى انتى تخصصك اية
وهنا بقى هتكون المشكله
وبكدة بقى انا احتاج سنتين استكمال فى اى قسم على شان ادر احصل على عمل فى هذا المجال
وللاسف ياجماعة فية فعلا مرتبات 400 جنية واقل
ولو زاد المرتب وبقى 600 بيكون فى مكان بعيد جدا
وطبعا كلنا عارفين متطلبات الحياة وظروفها ومشاكلها
بس على العموم احنا فعلا لازم نزود خبراتنا
وندور على شغل
فى اى مكان ولو مؤقت ومانقعدش فى البيت نستنى الشغل يجيلنا
وعلى فكرة برضوا ية مناطق ومزارع وشركات زراعية بتكون مرتباتها كويسة
يعنى مثلا انا لسة طالب
ورحت اشتغلت عامل فى شركة كنوع من الخبرة
وكان مرتبى 500 جنية فى الشهر
كويسين
بدل مانا اقعد فى البيت
وانا لسة طالب
واخيرا تحياتى للجميع

waleed
03-02-2008, 09:58 AM
السلام عليكم ياجماعة
والله مش عاوز أقول إن هناك بعض التعليقات أصابتني بإحباط شديد ، خصوصا وأنا خريج جديد .
ولكن أرجع و أقول أن أتفاءل و يكون أملي بربي كبير لأنو ما بيضيعشي حد و ما بينساش حد.
وأحاول أسعى _ وربنا يسهل

abdalla youssf
01-10-2008, 05:50 AM
الاخوان العزاء انابدي اعرض تجربة فعليه احنا مشلاقين عمال فنين للعمل في المزارع وراتبرالعاملرالمبتديء يبدأ من 600 جم شهريا ويتشرط عليك ويقولك انا مسئول عن الري بس لما تطلب منه اي عمل اخر وهو يتمسكن لحد ما يلتحق بالعمل ثم يتفرعن واول ماتديله ضهرك ما تلاقهوش طبعا في قله منضبطه وامينه لكن ايدي علي كتفك مش لاقي
ولدينا مزرعه تحتاج مهندس يشرف عليه اشرافا كاملا مقابل مرتب مناسب ونسبه في الارباح في كل محصول يتم بيعه علما ان المزرعه منها 15 ف مانجو ويوسفي و5 ف كمثري وجاري انشاء 11صوبه كبيره علي 1.5ف من يجد الامر مناسبا يمكنه التواصل علي العنوان : abdyoussf[at]gmail.com او م 0101729298ونسأل الله لنا ولكم السداد وكل عام وانتم واسرة المنتدي بخير
اللهم انا نسألك ان تعيد الحقوق المسلوبة الى ذويها وان تنصر المستضعفين في الارض علي الخونة والمستعمرين وان تحرر ارض العراق وفلسطين من دنس الامريكان والاسرائليين

اسعدالفقى
01-10-2008, 10:54 AM
يا بلاش يامهندسين ارجو ان نحفظ ماء الوجة بان ننمى خبراتنا وقدراتنا اكثر وان نتعفف عن الجرى وراء اتلوظائف وخصوصا من واضعى الاعلانات لاثارة السخرية والقلاقل

geme
02-10-2008, 01:06 AM
انا المهندس احمد جمال نفسى افهم الناس مش قادرة تفهم احنا درسنا وتعبنا ليه مش لقينا نصبنا من الدنيا لية كدة مع العلم باننا لو نشتغل صح ولى لينا فرصة عمل هنعمل حاجة لبلدنا

geme
02-10-2008, 01:09 AM
نفسى توعدونا احنا نكون لينا مستقبل علشان نعيش بقى فى الدنيا ونحاول نعمل ونبنى

alyhaby
02-10-2008, 02:29 AM
اخوانى الاعزاء
لم تصبح المرتبات المذكورة مرتبات موجودة حاليا
فبداية تعيين المهندسيين الان 500 وبعد 3 شهور تتم اول زيادة
ثم الزيادات الاخرى حسب الكفائة

وقد يصل الى 1250 جنية بعد مرور 2 سنة فقط فى نفس المجال
وهذا بالنسبة للمهندس العادى

geme
08-10-2008, 06:37 PM
الف شكر على الكلام الجميل يخلي فى امل بعد ما كان الامل خلاص انتهاء
انا فى الفرقة الثالثة زراعة ونفى اشتغل فى مزرعة لكى يكون عندى خبرة

عبداللة جعفر
09-01-2009, 12:25 AM
واللة ياجماعة اذا كان فية عيب فى موضوع المرتبات دا فاحنا كلنا مسؤلين عنة لان احنا اللى بنرضا على نفسنا ناخد مرتب صغير زى اللى حضراتكوا بتقولوا علية دا

hamaya
09-01-2009, 07:49 AM
الاخ العزيز
السلام عليكم ورحمه الله وبركاته
كلامك مظبوط بس هناك فرق تدنى مرتب المهندس الزراعى ده بيرجع الى عدم خبره بعض المهندسين فى مجال العمل فى المزراع ولذللك بيكون مرتبهم ضعيف واصحاب المزارع او الشركات الزراعيه بيعتبر المهندس ده بمسابه ريس عمال بس متطور لحين ان يكتسب الخبره
واذا اكتسب الخبره فعليه ان يشق هوه طريقه بنفسه بحيث ان يتفق على مرتب اعلا فى مزرعه اخرى او يدخل كشريك فى مزرعه
ولكن عامه يوجد تدنى جدا فى مرتب المهندس الزراعى سواء فى العمل الحر او الخاص او الحكومى ولنا الله
وشكرا على موضوعك

IBRAHIM.KORTOBI
13-01-2009, 04:49 PM
السادة الافاضل مشكلة العمل وقلة المعروض دة من زمان ودة حال الدنيا فاكرين فلم محمد افندي وفاطمة رشدي وكان بيدور علي شغل ومش لاقي والقصة الي احنا شفناها 100 مرة انا مقيم في السعودية من فترة كبيرة ونفس المشكلة عند الشباب السعودي مافيش وظائف والحكومة بتعمل كل جهدها عشان تتيح وظائف بس ذي ماقلنا دة مشكلة من زمان وفي كل الاماكن الحل اية اشتغل اي حاجة قريبة من تخصصي والشغل بيجيب شغل واتعرف علي ناس اعمل معهم شغل ولازم اكون واثق اني طالما بشتغل وعملي خالص للله يعني بعمل وانا عارف ان ربنا سبحانة وتعالي هو الي بيراقبني مش صاحب العمل اكيد ربنا هايوفقني والتوفيق دة حاجة كبيرة جدا لو مافيش توفيق من ربنا يبقي مافيش حاجة . المهم انا بكتب لكم دلوقتي عشان بفقر في حاجة اريت لوتشاركوني في الرئي انا عندي ارض زراعية في جنوب حلوان نقول 40 فدان فيها المية من ترعة الصرف الصحي المنقاة نظام الزراعة هناك بيسموة المزارعة ان واحد من المدينة يدخل معك مشاركة هو علية الكيماوي والعمالة وكل مصاريف تصرف تخصم وبعد كدة يباع المحصول وكل واحد ياخذ النصف انا عامل كدة في 20 فدان الفكرة بقي دلوقتي انة نجمع 8 مهندسين بواقع مهندس لكل 5 فدان ونعمل سكن مؤقت اول سنة ممكن يبقي سكن دائم تاني سنة وممكن يبقي سكن عائلي ثالث سنة ونعمل اول سنة زراعة وترتيب الامور وبعد كدة نعمل مشاريع دجاج غنم بقر اي مشروع انتاج لحم اناعلي جميع المصاريف والانشاءات وانتم بالمجهود ويقسم الربح ذي نفس طريقة المزارعة انا النصف وال8 مهندسين النصف وكل ماهيزيد انتاجكم هايزيد الدخل للجميع دة فكرة بدل ما المزارع بيجيب عمال ويدفع لهم حاجة بسيطة وبيقسم معي اخر الموسم في الحالة دة هاقسم مع ال8 مهندسين و8 مهندسين عشان تبقي الحياة حلوة يعني يبقي في 8 شباب مع بعض وان شاء الله يبقو 8 اسر احسن مايبقي العدد 2 اوثلثة وطبعا الزيادة في العدد هاتخلينا نعمل مشاريع اكثر والعائد يبقي اكثر انا مستني الاراء ولو في نية انا مستعد نرتب كل حاجةوانا في السعودية ولما انزل اجازة في شهر يولية نبدأ العمل .

نبيل ابراهيم
14-01-2009, 09:59 AM
عندما يعمل بضمير فلابد من اعطائه مرتب ممتاز وهذا اقل ما ناخذه

وخير الكلام ماقل ودل

الخضاري
14-01-2009, 11:13 AM
[السلام عليكم [ورحمة الله وبركاته
ولكني سعيدجدا بردود اخواني الكرام حفظهم الله من كل مكروه
اود ان اوضح لاخواني الكرام بان كما تعانونمن قلة معاش المهندس في مصر
ونحن اخوانكم من دولة الكويت كذلك نعاني من قلة المعرفة الزراعة ونحتاج المهندسين الزراعين بان يشاركوننا بالزراعة واعطاء الاسمدة الصحيحة للعمالة التي تبعثرالسمدة على الاتربه وتميت الزراعةمن كمية كبريه على الشتلة وكذلك الارتفاع الاسمدة القير معقول لكل يوم .وان كان هناك اي شخص من المهندسين من هذه الاسرى الطيبة المشاركة على المنتدي وشعورى من الناحيتهم بانهم صادقين واذا عملو عملو كما يرضى الله وانا لدي مزرعة في الكويت واتمنا ان يكون واحد من هذه الاسرة ان يعمل مع اخوه وسف نعوضة ونكافئ على جهودة من معاش وسكن واقامة والاكل[/color][/color]

hamaya
14-01-2009, 01:57 PM
الاخ العزيز /خضارى
السلام عليكم ورحمه الله وبركاته
انا اخوك المهندس صلاح ابراهيم خبره فى زراعه الخضر ويسعدنى العمل معكم
والرجاء الاتصال او ترك اميل حضرتكم لارسال السيره الذاتيه
وشكرا

nour-elhouda
16-02-2009, 10:59 PM
السلام عليكم انا مهندسة زراعية جزائرية حبيت انقول لكم ان مرتب المهندس الزراعي من المفروض كباقي المهندسين بصح للاسف الشديد الكل يستغلنا خاصة الخواص هم حابين اكثر انتاج باقل التكاليف......

MADY74
06-09-2009, 04:35 AM
زملائى نحن اصحاب هذه المشكله ونحن يجب ان نساعد بعضنا فة هذه المشكله وانا من سأبدا من يريد ان يعمل بمرتب يبدأ من 800 جنيه على الاقل بدون اى خبره اطلاقا يتصل بى 0188589540
م / محمد محمد جوده

محمد الشيخ 999
06-09-2009, 06:28 PM
ايه طبيعه العمل؟؟؟؟؟؟؟؟؟؟؟؟؟؟؟؟؟؟؟؟

MADY74
07-09-2009, 08:36 AM
هناك مجالين للعمل احدهما فى الموالح والاخر فى الدواجن ورقمى مره اخرى 0188589540م محمد محمد جوده والراتب 800 جنيه والمواصلات على حساب الشركه من وادى النطرون الى منيا القمح شرقيه مرورا ببنها وشبين وهذا الكلام احاسب عليه واتمنى من الزملاء الذين وجهتهم للعمل هناك ان يردوا ماذا حدث معهم لتوضيح الصوره اكثر واكرر بدون خبره

وليدالشرقاوي
07-09-2009, 01:24 PM
اخي العزيز عامر ...
كلامك جميل لكن المرتب اللى بتقول عليه مش مرتب مهندس ده مرتب عامل زراعي لان اجرة العامل يوميا اذا كان راح يجمع او ينظف او ما شابه ذلك فعلى الاقل عشرة جنيهات في اليوم ...
اما العامل الذي لديه مهارة في اكثار نباتات الازهار بالعقل او يالعين او ما شابه ذلك او من خدمة العنب ما شاء الله اجره اذا قلت لك يمكن مش راح تصدقني ...
المهم لازم تسعى لتحسين وضعك بان تتخصص و تتقن تخصصك و ان شاء الله تصل الى ما تريد .

م / محمد بدر
07-09-2009, 02:29 PM
لا اله الا الله

سيدنا محمد رسول الله

م / محمد بدر
07-09-2009, 02:30 PM
بالنسبة لموضوع تدنى مرتب المهندس الزراعى
انا اول مرة اسمع موضوع 350 و 500 جنية دة
دا اقل مرتب 800 جنية حاليا لمهندس زراعى
وصدقونى حاليا المرتبات تبدء من 800 جنية الى 1200 جنية لحديثى التخرج على حسب الأختصاص ودا كمان غير الحوافز وبدل الأنتقالات
وتذيد هذا المرتب الى 1500 جنية بعد 6 شهور


ولكن كل دة يكون عن طريق المهندس نفسة
هو عمل ايه للشركة
اثبت نفسة ولا لا
أضاف جديد ولا
فى تطور مستمرولا لا
يقوم بتنفيذ المطلوب منه ولا لا


المهم اللى عاوز اقولة ان اى مهندس هو فى ايدة كل حاجه حتى لو بدء بمرتب صغير المهم مينتظرش العمل المناسب زى مبيقول


وصدقونى اى صاحب عمل اذا وجد مردود عالى من المهندس الذى يعمل معه ووجد انه على دارية بكل الأمور ويعمل بجهد عالى ويعمل على زيادة الأنتاج وزيادة الأرباح وتحسين سمعة الشركة ووووووووووووووووو


هل يبخل عليك صاحب العمل بشىء اذا وجد فيك هذة الصفات


صدقونى لو تسببت فى كل المميزات دى هيكون مرتبة جيد وجيد جدا كمان



المشكلة فينا احنا صدقونى

hasabama
07-09-2009, 02:48 PM
شكرا لك على بث التفاؤل في اخوانك المهندسين و انا بدوري احب اطرح عليك مادة مفيدة للزراعة و خاصة الاشجار المثمرة مثل المانجو و غيره و يمكن ان تزيد الانتاج لاكثر من 30% و هذه دعوة للجميع و ساطرح موضوع لاحقا لشرح هذا المنتج المفيد جدا و هو خالي من اي مادة كيماوية
شهر مبارك و غفران انشاء الله و الى لقاء

mohamad_ali
07-09-2009, 04:07 PM
يمكنك طرح المركب بالقسم المتخصص عرض وطلب ان كنت تريد تسويقة

zahim
07-09-2009, 05:04 PM
اسأل الله العلي القدير ان يعين الجميع في تحقيق آمالهم ولا تنسو ياخوان الاخلاص في العمل لانه سوف يسبب لك الجاح في الدنيا واللآخره بأذن الله وتقبلو مروري

moatazelkashef
07-09-2009, 05:58 PM
يا أخوانى لاحظوا أن الموضوع الأساسى بتاريخ 2/7/2007
والكلام المكتوب كان واقع فى وقته و يجب ملاحظة أن مبلغ 1000 جنيه حالياً لا يساوى 500 جنيه فى عام 2007 قياساً على معدلات إرتفاع الاسعار فى هذه الفتره وعلى سبيل المثال أسعار البنزين التى ارتفعت مرتين خلال هذه الفتره وبمعدل خرافى ...... مما سبق يتضح أن الحال تحول إلى أسوأ عندما يصبح مرتب المهندس الزراعى الان هو 800 جنيه ولا حول ولا قوة إلا بالله

محمد الشيخ 999
07-09-2009, 07:01 PM
لا حول ولا قوه الا بالله
أستغفر الله العظيم الذى لا اله الاهو الحى القيوم واتوب اليه
حسبى الله ونعم الوكيل

الحديقة الغناء
07-09-2009, 11:38 PM
بصراحة كنت أبحث عن مثل هذا الموضوع حتى آخذ تصور
وكنت طرحت موضوع تمنيت أنه لاقى اهتمام على الرابط
http://f.zira3a.net/showthread.php?t=14057
وبصراحة تفاجأت من الرواتب المذكورة للمهندسين
أنا سألت واحد وقال : مش أقل من 3500 جنيه و أخذت بكلامة واتخذت قرار خاص بناءً على كلامه

sereen_0011
18-01-2010, 04:45 AM
طب سؤال
لو حد عنده الارض ويقدر يزرع ارض بس معندهوشخبرة وطلب من مهندس زراعى
انه يعمرها ويكون شريك بالمجهود ياترى يوافق

ahmadsobhy
03-01-2013, 12:32 PM
انا لدي خبره في عنب التصدير واود العمل في توشكي او العوينات

ارجو من الاخ رودس مساعدتي وده ايميلي

ahmadsob7y[at]yahoo.com