هل يؤثر الكلوروفيل على لون الجبنة؟

[yasserattia]

السلام عليكم ورحمه الله

بعد اذنكم جميعا احتاج لاجابه على مجموعه أسئله محيره بالنسبه ليا واكيد هتكون في اجابتها افاده للباقى

1- قرأت ان الكروفيل يؤثر على لون الجبنه ويؤدى لان الجبنه تكون بيضاء اللون حتى لو مصنعه من لبن بقرى
هل ممكن الاستفاده من الموضوع ده باننها نصنع زبادى من لبن بقرى مع اضافه الكروفيل لتحسين اللون الى الابيض ؟

2- انا بشتغل فى الزبادى البلدى . ومازالت المشكله اللى بتواجهنى هيا بهدله الزبادى اثناء النقل والتوزيع .
هل ممكن اضافه مثبت يحسن القوام ويساعد على التماسك ؟ ايه نوع المثبت وايه كميته لكل 100 كيلو لبن ؟

3-قرأت عنوان جميل خالص اسمه اسرار الزبادى . دخل الموضوع لقيت مفيش اى اسرار ولا اى حاجه . مفيش غير انسان مشكور عمل كوبى وبيست . ونقل الطريقه التجاريه لتصنيع الزبادى والموضوع ده مغرق الانترنت فى اى حته هتلاقيه .
يا جماعه يا ريت بجد نشوف الاسرار ايه . يعنى اسمع ولم اجرب . ان اضافه ملعقه ملح ده مفيد فى التصينع . هل ده صح ؟؟
يعنى ياريت لو حد متخصص يفيدنا بانه يكتب موضوع متكامل بجد ومفيش يعنى نعمل ايه ونضيف ايه ونشتغل ازاى ونجيب المعدات من فين ووووو ميسبش صغره تتعب اللى بيحاول يتعلم ويشتغل

اشكركم
ياسر عطيه

[الناصر]

هو الكروفيل اشتغلت بية فى الجبن بس فى الزبادى اعتقد انة صعب هو يعمل معاك لون بس الطعم والقوام معرفش عنهم حاجة بالنسبة للزبادى انت اشتغل بلبن كويس دهن وبروتين عالى شوية وادى الزبادى حقة فى التبريد وهو هيظبط معاك شوية ولو احتجت مثبت ممكن تضيف نشا بنسبة 1%كتجربة بس فى مشكلة انك لازم تتصرف وتجنس اللبن او تضمن دوبانة كلة علشان ميعملش مشاكل معاك فى الطعم

[yasserattia]

واللهى يا استاذ ناصر
انا بشكرك كتير
لانك قدرت الموضوع وقدمت الرد من علمك الكريم
اشكرك

بخصوص الكروفيل . انا عمرى ما جربته ولا اعرف اجيبه من اى مكان ولا هو عباره عن ايه بودر ولا سائل . معلوماتى عنه زى معلوماتك بالظبط عن اللغه الصينيه :)
فياريت توضح ليا هو عباره عن ايه . واضافته على الجبن بتكون مع اللبن ؟؟ ولا بعد التنفيح ولا ايه . يعنى مرحله اضافته بتكون امتى بالظبط ؟؟
ونسبته للبن البقرى بتكون قد ايه لكل طن او لكل 100 كيلو . لانى هاجرب

اما بخصوص النشا . فاللى قريته بيقول نشا معدل مش النشا العادى .. وانا مش عارف اجيبه من فين ولا هو ايه بالظبط .
بس عموما جربت النشا العادى واشتغل سب طبعا اثر فى الطعم وانا مش حابب كده

ياريت لو فى مثبت محدد ومكان اجيبه من فين . او توضيح ايه النشا المعدل ده .
اشكرك اخيرا ولك جزيل الشكر
وياريت لو المتخصصين يشاركوا معانا الحوار لانى مهتم بتقديم منتج جيد وفى نفس الوقت الابتكار اللى يفيد الكل

[م- عمرو نجيب]

نشا مين بس يا جماعة الخير في ناس بتستخدم البكتين وفية ناس بتجيب خلطات مثبتات جاهزة من أكتر من نوع النشا ايس مثبت النشا مغلظ قوام والفرق كبييييييييييييييييييييييييييييييير

[Dairy Man]

الاخ/ ياسر
السلام عليكم ورحمه الله وبركاته
1- الكلوروفيل يمكن استخدامه ولكنه غالى الثمن .
2- للحصول على قوام المتماسك للزبادى والذى تبحث عنه يمكنك استخدام خلطه مثبت تحتوى على بكتين+ نشا معدل .
3- للعلم النشا المعدل يعطى ابيضاض للون اللبن البقرى واذا استخدمته ان شاء الله لن تحتاج الى كلوروفيل
4- اذا كنت تريد الحصول على المثبت كلمنى على تليفونى -0100074071

[yasserattia]

نشا مين بس يا جماعة الخير في ناس بتستخدم البكتين وفية ناس بتجيب خلطات مثبتات جاهزة من أكتر من نوع النشا ايس مثبت النشا مغلظ قوام والفرق كبييييييييييييييييييييييييييييييير


اولا شكرا ليك يا باشمهندس عمرو
بس عندى كلمتين وقفين فى حلقى زى النشا اللى بيغلظ القوام ده ...
انا بقالى سنتين بدرس هنا فى المنتدى .. واتعلمت من حضرتك كتير قوى قوى قوى قوى كتير خالص .
بس لاحظت كتير انك بتتكلم من برج عاجى يا عمر . واضح انك راجل عشت القصه من تحت السلم لغايه ما دلوقتى بقيت فى مكان مفيهوش غلط من اساسه . وكاله ناسا الفضائيه مثلا.

بص يا باش مهندس ... تقدر تقولى انا وغيرى استفادنا ايه من دخولك لموضوعى وتعليقك الجميل . دخلت علشان تقول ايه جديد ينفعنا من علمك ؟؟؟
هل قرأت اسألتى اساسا علشان تجابونى ؟؟؟

يا استاذ عمر يا باشمهندس . انا راجل بتاع كمبيوتر وجرافيك من سنه 84 . يعنى لما تسألنى فى مجالى الاساسى هاقدم ليك الرأى الحقيقى بوضوح . مش هادخل اقولك انت مش فاهم حاجه وفى فرق وووو . ياعم لو دخلت منتدى فتكات هيقولوا ان النشا بيغلظ القوام ... ايه الجديد من علمك يا باش مهندس ؟؟؟؟؟

انا مش بتحامل عليك ولا فى شئ شخصى بينى وبينك . بس زعلت جدا من انى اشوف اسكلوبيديا فى علم الالبان داخل يقول معلومه ملهاش قيمه ومنتشره . احنا تلامذه وانت استاذ . يبقى تقوم بالدور لا متقومش من اساسه يا استاذى اللى اتعلمت منه كتير .

اشكرك ياسر

[yasserattia]

الاخ/ ياسر
السلام عليكم ورحمه الله وبركاته
1- الكلوروفيل يمكن استخدامه ولكنه غالى الثمن .
2- للحصول على قوام المتماسك للزبادى والذى تبحث عنه يمكنك استخدام خلطه مثبت تحتوى على بكتين+ نشا معدل .
3- للعلم النشا المعدل يعطى ابيضاض للون اللبن البقرى واذا استخدمته ان شاء الله لن تحتاج الى كلوروفيل
4- اذا كنت تريد الحصول على المثبت كلمنى على تليفونى -0100074071

عشره على عشره . اموت فى التحديد والنقاط والاسلوب . قدمت ووضحت ونصحت . اشكرك من كل قلبى والله يبارك فى علمك يا رب

[م- عمرو نجيب]

لا..مطلقا ليس القصد هو مكان خالي من الاخطاء .. بس في حاجة أسمها مبادئ أساسية ونظام تقل فية الاخطاء ،وناس فاهمة الصغيرة قبل الكبيرة لتجنب المشاكل ،والمنتج الغذائي منتج في النهاية رايح لبشر وأي خطأ قد يتسسب في ضرر للمستهلك وخسارة مادية للمنتج قد تصل لسحب الترخيص وأغلاق المنشأة وليست صورة وردية وليست برج عاجي حضرتك لو تعرف أن نظام تعبئة أكل الكلاب في الدول المحترمة يخضع لرقابة صارمة أكثر مما تخضع له الاغذية عندنا في الوطن العربي .. بالنسبة للنشا المعدل عشان تكون عارف اكتر من 110 نوع وكل نوع له تركيب كيماوي مختلف ينساب طبيعة كل منتج ولا يضاف منفردا الا في حالات بسيطة وقد يخلط معة الكارجين أو البكتين أو أي مادة اخري تناسب طبيعة المنتج وهذا ما كنا لا نعرفة وكلة كان نشا وخلاص، ولو أخبرتك بكل هذة التفاصيل وأنا اعلم أن مجال دراستك بعيد عن التخصص أعتقد أنة سيكون سوء تقدير مني وقد تظنة تعالي لذا في حالة عدم المعرفة بكيفية عمل خلطة مثبت مناسبة مش عيب تستخدم الخلطات الجاهزة - وهذا ما نصحت بة- وأكبر الشركات العالمية تستخدمها.. ولو رحت لأي مندوب مبيعات مضافات أغذية وقلت له مثبت زبادى هيعطيك بدل المثبت ألف وأسعار مختلفة .. ومعلومة لحضرتك وغيرك من الاخوة موضوع الجودة موضوع خطير جدا وليس هامشي وكلام علي ورق كما في مصر وأغلب الدول العربية .. وبعدين منتدي فتكات صحيح ممكن يقولك كدة بس مش هتعرف تشتغل بية ولا هيقولك نسب اضافة ولا هتعرف تفهم أصلا.. ولو حضرتك متابع كويس هتلاقي في المنتدي مواضيع عن الكلام دة وكتب جيدة وأخيرا أحنا هنا كلنا بنكمل بعض، وكل المشاركات بتكمل بعض ومفيش حد بيستأثر بالعلم ولا بيبخل بيه أصلا ... وعشان تكون في الصورة بعض الاخوة والاصدقاء وأصحاب مصانع زعلوا منى جدا لفتح بعض المواضيع وذالك بسبب انها خبرة سنين ومينفعش واحد ياخدها ع الماشي في سطرين وبعض الاخوة بالفعل تعرضوا للتهديد بالطرد من العمل بسبب بعض المواضيع لدرجة انى لم أعد أراهم لكن الواحد بيحاول يعلم الناس عشان يفهموا ويعرفوا يعنى إية انتاج جيد وأنتاج قذر.

[yasserattia]

لا..مطلقا ليس القصد هو مكان خالي من الاخطاء .. بس في حاجة أسمها مبادئ أساسية ونظام تقل فية الاخطاء ،وناس فاهمة الصغيرة قبل الكبيرة لتجنب المشاكل ،والمنتج الغذائي منتج في النهاية رايح لبشر وأي خطأ قد يتسسب في ضرر للمستهلك وخسارة مادية للمنتج قد تصل لسحب الترخيص وأغلاق المنشأة وليست صورة وردية وليست برج عاجي حضرتك لو تعرف أن نظام تعبئة أكل الكلاب في الدول المحترمة يخضع لرقابة صارمة أكثر مما تخضع له الاغذية عندنا في الوطن العربي .. بالنسبة للنشا المعدل عشان تكون عارف اكتر من 110 نوع وكل نوع له تركيب كيماوي مختلف ينساب طبيعة كل منتج ولا يضاف منفردا الا في حالات بسيطة وقد يخلط معة الكارجين أو البكتين أو أي مادة اخري تناسب طبيعة المنتج وهذا ما كنا لا نعرفة وكلة كان نشا وخلاص، ولو أخبرتك بكل هذة التفاصيل وأنا اعلم أن مجال دراستك بعيد عن التخصص أعتقد أنة سيكون سوء تقدير مني وقد تظنة تعالي لذا في حالة عدم المعرفة بكيفية عمل خلطة مثبت مناسبة مش عيب تستخدم الخلطات الجاهزة - وهذا ما نصحت بة- وأكبر الشركات العالمية تستخدمها.. ولو رحت لأي مندوب مبيعات مضافات أغذية وقلت له مثبت زبادى هيعطيك بدل المثبت ألف وأسعار مختلفة .. ومعلومة لحضرتك وغيرك من الاخوة موضوع الجودة موضوع خطير جدا وليس هامشي وكلام علي ورق كما في مصر وأغلب الدول العربية .. وبعدين منتدي فتكات صحيح ممكن يقولك كدة بس مش هتعرف تشتغل بية ولا هيقولك نسب اضافة ولا هتعرف تفهم أصلا.. ولو حضرتك متابع كويس هتلاقي في المنتدي مواضيع عن الكلام دة وكتب جيدة وأخيرا أحنا هنا كلنا بنكمل بعض، وكل المشاركات بتكمل بعض ومفيش حد بيستأثر بالعلم ولا بيبخل بيه أصلا ... وعشان تكون في الصورة بعض الاخوة والاصدقاء وأصحاب مصانع زعلوا منى جدا لفتح بعض المواضيع وذالك بسبب انها خبرة سنين ومينفعش واحد ياخدها ع الماشي في سطرين وبعض الاخوة بالفعل تعرضوا للتهديد بالطرد من العمل بسبب بعض المواضيع لدرجة انى لم أعد أراهم لكن الواحد بيحاول يعلم الناس عشان يفهموا ويعرفوا يعنى إية انتاج جيد وأنتاج قذر.


هو ده اللى منتظره . عمر نجيب يتكلم فى الصح ويقول معلومه :)

بص يا عمور . اخوك اشتغل اكتر من 7 سنوات فى تصدير الجبن الحلوه للخليج .. كانت بتتصنع فى مصر وكان دوره التغليف والتصميمات والقصص دى .. وشفت القصص من داخل الموضوع شويه . وكنت عندك فى الميديا سيتى وشفت الوضع فى البرج العاجى ايه .

واتفرض عليا قصه الزبادى واللبن دى . وحبيتها كتير واتعلمت كتير . والجوده هيا مصيبتى الكبرى . لانى مستوعب قوى يعنى ايه جوده . خصوصا لما تبقى راجل بتاع كمبيوتر وكمان ديزينر . يبقى الكونتراست مهم جدا فى كل امور حياتك . مابالك بقى فى الالبان .

تخيل انى اتعلمت تصنيع حاجات كتير من المنتدى ... منك اتعلمت ومن غيرك .. تصدق انى اول يوم ليا فى المعمل العبيط اللى عندى . كنت واقف بلابتوب وبقرى الخطوات وانفذ . والدنيا زى الفل معايا .. حمار بيحرت فى البحر ههههههههههه

عموما بشكرك . وياريت تدخل تانى وتالت وتقول معلومات . والخبره اكيد بفلوس . والعلم اكيد بفلوس . واصحاب المصانع اكيد هيزعلوا منك .
بس لو فكروا شويا هيفرحوا ... لان كل المناقشات دى هينتج عنا منتجات كتيييييير قوى وتعديلات كبيره خالص للمنتجات دى

يا عم عمرو .. سؤالى اللى مهم عندى جدا وعند اصحاب المصانع اللى بيزعلوا . وممكن يبقى موضوع كبير من الهوا .. الكروفيل شئ مهم جدا ومفيد .. وواللبن كمان شئ مهم جدا ومفيد .. طب الاتنين على بعض هيحقق المنتج الجيد بالمزاق الجيد بالشكل الجيد وكمان بسعر اقل ؟؟؟ مهو اللبن البقرى هيبقى مش اصفر هيبقى ابيض

هنا السؤال ..... وعايزين الاجابه

تصدق وتأمن بالله ... انا كلمت واحد فى دار العلوم علشان يقولى ازاى احول البيتاكاروتين لفيتامين الف وبشكل يفيد الجسم .. وقلت له على الكروفيل .. عارف رد قال ايه ... استخلاص الكرولفيل سهل .. ورق شجر اخضر واديله اسيتون تركيز 85% .. بالله عليك ده كلام يدخل العقل ؟؟؟؟ اسيتون وورق شجر .

علشان كده بسأل هنا .. وببحث هنا .. وبطور هنا ... اه انا مش لبان بس بطبيعتى فى حياتى مطور وبتاع تصميم .. ولو ده تصميم هينفع الكل يبقى يالا ندور فيه . ايه العيب يعنى .

وشكرا يا باشمهندس

[م- عمرو نجيب]

هية الناس عوزاة أبيض .. انا نادرا مابشوفش لبن أصفر دة بيحصل في الشتا بس لما الناس كانت بتعلف برسيم الوقت السيلاج والمركزات .. وبعدين تدعيم الاغذية يتم بأضافة مباشرة وليس تحويل ثم أن التحويل يتم في جسم الحيوان .. والكلوروفل يمكن ان تشترية من أي مندوب ووظيفتة انة بيفتح اللون وهو فعلا بيستخلص بالطريقة دي بس مينفعش تعمل كل حاجة .. دانت عاوز تخترع العجلة من البداية .. العملية اسهل من كدة بشكل كبير.

[جمال عبد العظيم]

الاخ العزيز ياسر عطية اهلا بيك في منتدي زراعةنت
اسمح لي ان اتدخل في الموضوع ان ما يميز ذلك المنتدي هو ان القائمين علية والمشرفين والاداريين بعملون بكل جهد ان تصل الصورة للجميع في مجال التصنيع الغذائي او الزراعي بكل يسر وان يحبب الجميع في تلك المهنة التي هي اساس حياتنا والتصنيع والجودة والانتاج والاستهلاك حلقة متكاملة لايمكن ان نغفل عن فروعها وان كل مايقدم في ذلك المنتدي هو ناتج خبرات وجهد من القائمين فارجو من حضرتك ان تقدر اي معلومة تعطي لك انها من رجال يعطون دون ان بؤخذو مقابل ذلك العطاء وان التركيبات التي تؤخذ علي طبق من فضة لمهندسين الانتاج يدفع فيها الافات تعرف انني حتي احصل علي تركيبة بورجر او لانشون او فرانك تركيبة واحدة 10000 جنية وبدفع حتي اطور واحصل علي الجديد مابالك هنا الاعضاء لايدفعون شئ ويتم الحصول علي تركيبة ببلاش وتعرف ان من النقاش الذي بحدث من خلال ذلك المنتدي اعرف ناس عملو مصانع ومشاريع من خلال تلك النقاشات التي لو تمحصنا فييها نخرج منها بالكثير واعتقد ان منتدي فتكات لايتم تسويتة برجال ذو خبرات عالية واخذت منهم عمرهم في ذلك المجال
الخلاصة اخي العزيز لاتزعل مني فانت محتاج لاستشارة وتتقبل من محدثك ان يتكلم من برج عالي او منخفض بس المهم ان تصل للنتيجة ومهما كان محدثك يتحدث لك بالقليل فلابد ان نستفيد من كل كلمة تقال ونكون متحضريين
كما هم اولاد الغرب مرة اخري انا اسف بدخولي النقاش وارجو ان تصل الي الاجابة الشافية لاسالتك
اخوك جمال عبد العظيم

[yasserattia]

الاخ العزيز ياسر عطية اهلا بيك في منتدي زراعةنت
اسمح لي ان اتدخل في الموضوع ان ما يميز ذلك المنتدي هو ان القائمين علية والمشرفين والاداريين بعملون بكل جهد ان تصل الصورة للجميع في مجال التصنيع الغذائي او الزراعي بكل يسر وان يحبب الجميع في تلك المهنة التي هي اساس حياتنا والتصنيع والجودة والانتاج والاستهلاك حلقة متكاملة لايمكن ان نغفل عن فروعها وان كل مايقدم في ذلك المنتدي هو ناتج خبرات وجهد من القائمين فارجو من حضرتك ان تقدر اي معلومة تعطي لك انها من رجال يعطون دون ان بؤخذو مقابل ذلك العطاء وان التركيبات التي تؤخذ علي طبق من فضة لمهندسين الانتاج يدفع فيها الافات تعرف انني حتي احصل علي تركيبة بورجر او لانشون او فرانك تركيبة واحدة 10000 جنية وبدفع حتي اطور واحصل علي الجديد مابالك هنا الاعضاء لايدفعون شئ ويتم الحصول علي تركيبة ببلاش وتعرف ان من النقاش الذي بحدث من خلال ذلك المنتدي اعرف ناس عملو مصانع ومشاريع من خلال تلك النقاشات التي لو تمحصنا فييها نخرج منها بالكثير واعتقد ان منتدي فتكات لايتم تسويتة برجال ذو خبرات عالية واخذت منهم عمرهم في ذلك المجال
الخلاصة اخي العزيز لاتزعل مني فانت محتاج لاستشارة وتتقبل من محدثك ان يتكلم من برج عالي او منخفض بس المهم ان تصل للنتيجة ومهما كان محدثك يتحدث لك بالقليل فلابد ان نستفيد من كل كلمة تقال ونكون متحضريين
كما هم اولاد الغرب مرة اخري انا اسف بدخولي النقاش وارجو ان تصل الي الاجابة الشافية لاسالتك
اخوك جمال عبد العظيم



استاذى الجميل خالص استاذ جمال عبد العظيم

انا لا اقصد نهائى انى بأى طريقه من الطرق التقليل من المنتدى واللى فيه . عارف ليه لانك لو رجعت لكلامى هتلاقينى قلت بالفم المليان انا اتعلمت من هنا كتير قوى . وكنت بغيظ عمرو نجيب بكلمه فتكات لانى اخر حاجه اتوقعها منه انه يدخل علشان يقول كلمه ونص موجوده فى كل المنتديات والحمد لله عمرو استوعب وجه نظرى ورد فى الصميم وبمعلوماته الجميله .
يا استاذ جمال انا مديون للمنتدى ده بحاجات كتير متتقدرش بتمن عندى وقيميتها اكبر من تركيبه بورجر لان التركيبه انت عايزها علشان تطور من نفسك .. اما انا المعلومه كنت بحصل عليها من الصفر خالص علشان افضل رافع راسى اولا امام نفسى ثانيا علشان اقوم موضوع اتدبست فيه من الالف للياء .و الحمد لله اهوه بنناضل والله المستعان .

عموما يا سيدى انا عندى عرض هاعرضه عليك وعلى كل اللى بيقدموا هنا فى المنتدى عرض بدون مقابل غير الدعاء .. تصميمات جرافيك لمنتجاتكم من الالف للياء ببلاش . وده مش كلام فعل بإذن الله. انا عندى خبره فوق 14 سنه فى المجال . وانشاء الله اقدر ارد شئ من جميلكم عليا . .

وكده يبقى محدش عليه حاجه لحد وشكرا لاهتمامك الجميل يا باشمهندس جمال

[yasserattia]

هية الناس عوزاة أبيض .. انا نادرا مابشوفش لبن أصفر دة بيحصل في الشتا بس لما الناس كانت بتعلف برسيم الوقت السيلاج والمركزات .. وبعدين تدعيم الاغذية يتم بأضافة مباشرة وليس تحويل ثم أن التحويل يتم في جسم الحيوان .. والكلوروفل يمكن ان تشترية من أي مندوب ووظيفتة انة بيفتح اللون وهو فعلا بيستخلص بالطريقة دي بس مينفعش تعمل كل حاجة .. دانت عاوز تخترع العجلة من البداية .. العملية اسهل من كدة بشكل كبير.

وحياتك يا عمرو انا مش اخترعت العجله بس
انا للاسف اتزرعت فى موضوع الله يقدرنى عليه والحمد لله قادر لغايه دلوقتى وبعمل كل شئ بنفسى . والله المستعان . عموما شكرا جزيلا على الاجابه والله يعطيك كمان وكمان من العلم
اشكرك جزيلا

[جمال عبد العظيم]

الاستاذ ياسر عطية
السلام عليكم شوف الكلام الجميل يخلي الواحد يطلع اللي عندة ودة صفة جميلة في المصريين شعب عاطفي جميل جدا كلماتك وطبعا انت دبست نفسك في موضوع التصميمات وانا اول واحد سوف استغل ذلك الوعد
لك مني الشكر الاحترام اخوك الكبير سنا جمال عبد العظيم
الكلمة الطيبة صدقة

[م- عمرو نجيب]

وهو السوق عندك شغال في الاسماعيلية أنا بورسعيدي علي فكرة وبفكر جديا ابطل غربة وانزل اشتغل في مصر

[جمال عبد العظيم]

علي فكرة ياعمرو انت شكلك راسم علي كبير وعاوز تشارك الراجل في عملة ياعم انت تقوم وتعمل مصنع كبير لمنتجات الالبان وانا معاكم وبلاش تاكل اللقمة لواحدك

[م- عمرو نجيب]

لا والله يابشمهاندس بس انت عارف الغربة ومشاكلها وخاصة أنا لسة متزوجتش وعاوز بجد أعمل حاجة لي في مصر بس مشوش وخايف بشكل كبير والمشكلة ان بلادنا برغم مافيها من مشاكل ستظل بلادنا وسنعود اليها في حالة الناس دول يستغنوا عننا أو بعد خروج السر الاعظم

[Dr.Ahmed Abdo]

ياجماعة محدش له دعوه بالباشمهندس/ عمرو نجيب
الراجل زهقان من البلد بما فيه الكفاية :-)
وبعدين ده اخويا وحبيبي مع اننا اتقابلنا مرة واحده


تحياتي لك مهندس /جمال عبد العظيم
استاذ / ياسر اين تسكن في الاسماعيلية ؟؟

[م- عمرو نجيب]

هاها أضحكتني ... الله يجازيك بالخير

[yasserattia]

الاستاذ ياسر عطية
السلام عليكم شوف الكلام الجميل يخلي الواحد يطلع اللي عندة ودة صفة جميلة في المصريين شعب عاطفي جميل جدا كلماتك وطبعا انت دبست نفسك في موضوع التصميمات وانا اول واحد سوف استغل ذلك الوعد
لك مني الشكر الاحترام اخوك الكبير سنا جمال عبد العظيم
الكلمة الطيبة صدقة


اخى الجميل
انا والحمد لله اللى طلع عينى فى حياتى كلمتى والحمد لله لسه قادر اقدمها واوفى بيها
انا مش بتكلم بهزار ولا كلام وخلاص انا تحت امرك وتحت امر المنتدى كله فى موضوع التصميمات
وانشاء الله تكون حاجات حلوه ( على فكره فى بعض المنتجات فى السوق المصرى والخليجى كانت ومزالت شغاله بالتصميمات بتاعتى)
واسماء والحمد لله كبيره مش من اللى تحت السلم .

بص يا سيدى ده رقم تليفونى علشان تبقى الدعوه عامه وبكررها تصميمات ببلاش ولن تنتهى بنفاذ الكميه :D
0108083840
وانا تحت امرك يا اخى الكريم
ياسر

[yasserattia]

بص يا يا ابو عمر
الاسماعيليه منفذ للقناه كلها وسيناء جنوب وشمال
ممكن تنفذ فيها مشروعك الخاص كويس وتقدر تعمل عمليه تسويق جميله فى المنطقه . بس تسمع كلام اخوك .. الناس هنا عندهم فكر المؤامره كبير خالص يعنى لو انت معاك قرشين مش هينفع لازم استثمار بجد يعنى راس مال متكلف واشتغل فى اى شئ . لان كل اللى هنا بيجى من الوجه البحرى وقليل قوى مصانع موجوده بتشتغل وبتنتج كويس هنا . وعموما اعتبر الاسماعيليه نقطه تحرك لسينا والقناة . يا عم عمر خط القناه فى فلوس منتنه مش لاقى اللى يطلعها . قول بس انت يا رب وادخل بقلب. عموما حدد الفكره اللى عايز تشتغل فيها وهاجمعلك البيانات اللى تحتاجها
اما قصه الشراكه يا استاذ جمال . يبقى يوم المنى . اقولك تعالى خد الموضوع وريحنى منه . بس هتاخد ايه بس ده انا عندى معدات حجريه من زمن الفراعنه يعنى انا بخترع العجله صح . وانا موافق على اى عرض عايزه عمر او انت عايزه ده يوم المنى لما اكون شريك

اما ما يخص انا فين فى الاسماعيليه فانا فى مدينه المستقبل
حاجه كده معموله علشان تبقى بروفه لجهنم فى الارض وربنا يطلعنا منها على خير

[م- عمرو نجيب]

عارفها فيها مكرونة المهندس بتاعة زمممممممممممممممممممممماااااااااااا اااااان

[احمد66]

لتحسين قوام الزبادى يجب ان تصنع من لبن عالى الكثافة وعالى الجوامدالصلبة ويمكن رفع الجوامد الصلبة وتعديل القوام عن طريق اضافة لبن بودر بنسب بسيطة - بدل من النشا ومشاكله

[م- عمرو نجيب]

الاخ أحمد حضرتك عارف كيلوا لبن البودر بكام... الوقت هيعدي 16 جنية .. طب أزاي.. التكاليف أهم قصة.. خلي بالك.. علي فكرة الزبادي ممكن يتعمل من لبن فرز كمان

[yasserattia]

مكرونه المهندس موجوده بالفعل بس الراجل المهندس يقى بيشتغل فى كل حاجه عصير والبان وغيره

وتعلالى بقى يا عم عمرو وفهمنى قصه الزبادى من اللبن الفرز دى . ازاى بقى تتعمل ؟؟؟؟ ومفيش لا جوامد ولا بروتينات ولا اى حاجه
عموما النهارده هاجربها واشوف القصه هتبقى ايه . بس اكيد هيكون فى اضافات .

[م- عمرو نجيب]

اي مندوب مبيعات هيجيبلك مليون مثبت والله والعظيم وأعتقد فية اخ كان حاطط تلفونة في المنتدي من عدة أشهر .. اللعبة كلها في المثبتات .. وبعدين الجوامد الكلية تنقسم fat ,snf دهون وجوامد لا دهنية أنصحك بجد نصيحة أخوية لازم تقرأ في المجال حبة مدام نويت تشتغل فية .. كل الي احنا عملناة في الحليب ان أحنا شلنا الدهن والباقي زي ماهو .. أنا والله لولا بعيد عن مصر كنت شفتلك اسم المثبت بس هحاول أشوفلك حد أعرفة قريبا.

[yasserattia]

انا ربنا كرمنى بصديق عزيز هنا من المنتدى مهندس Dairy Man والراجل حدد ليا ايه اللى محتاجه وانشاء الله هيكون فى تعاون بينى وبينه لانه بسم الله تبارك الله فى العلم اللى اعطاه ليه والراجل مش متأخر فى شئ عنى

بس عموما ايه المانع لو تقولى يا عمر مقادير مثلا 100 كيلو لبن . بقرى او جاموسى او فرز . يكون ايه الخطوات بالظبط وايه الاضافات بالتحديد وتوثيت كل شئ . بحيث اطبق ده عملى واشوف ايه الناتج بالظبط.

[م- عمرو نجيب]

المثبت المطلوب لابد أن يحتوي علي e471و e440و النشا المعدل ....... والجوامد لاتقل عن 8,2 بس المهم أنك يكون عندك مجنس محترم..

[yasserattia]

وصلنا لاهم نقطه . وهيا المجنس .. بس يا عمور للاسف انا المعدات اللى معايا حاجه هبله قوى . يعنى مبرد غلايه ديب فريزر كبير حضان ثلاجات. يتبقى المجنس ده . بس لا اعرف تمنه ولا اعرف انواعه ولا اعرف اجيبه من فين ... هل ممكن ابدأ بدون المجنس ؟؟؟ يعنى انا لما استخدمت النشا العادى . كنت بضربه كويس جدا فى الخلاط مع اللبن . وبعد كده بمضرب بيض لغايه ما يدوب جدا واضيفه يتبستر مع اللبن. فانا بقى مش عارف هل ممكن ولا لأ
ورايك ايه فى النقطه دى ؟

[م- عمرو نجيب]

عشان أكون صادق معاك اللي انت بتعملة دة أسمه خلط حتي لو جبت متور قوي فهو مازال خلط وكلما زاد زادت الكفائة لكن التجنيس شيئ أخر حقيقة وهو ببساطه عبارة عن مجموعة مطارق تتوالي الطرق علي كمية معينة من الحليب بضغط لا يقل عن 2000psi ويساعد هذا مع المثبت في أعطاء الملمس القشدي الناعم وتثبيت شبكة المثبت ... طبعا العملية ليست بهذا الشكل بس حاولت أبسطها لك أرجو أن أكون فلحت... وممكن تبدأ من خيرة مدام انت شغال ب100 كيلو فتكون مش محتاج لكن لو طن أو أكتر يبقي لازم .. بس هو أنت بتشتغل بنشا أية .. عادى... علي فكرة لا تققل من شأن معداتك أبدا والله كنا بنطلع جبن ممتازة وبتروح فنادق بمعدات عبيطة جدا.. الشاطرة تغزل برجل .... .

[ايهاب جمال]

الى كل القائمين والعاملين بمجال صناعه الالبان ارجو الافاده فى سؤال يحيرنى ما هو الضغط الامثل للتجنيس عند صناعه الجبن الابيض؟ وشكرا

[amirtaher]

موجود عندى نشا معدل
امير طاهر
01222404836