ارجو المساعده باسرع وقت ممكن

[fatw]

اعيش في استراليا الطقس بارد ما الفواكه والخضروات التي يمكنني زراعتها في الشتاء ارجو منكم الرد:donno:

[الابلج]

الكريز
التفاح
الكمثرى
الخوخ
البرقوق
المشمش
والعنب
واي تفاصيل عن اي محصول انا في الخدمه

[fatw]

مشكور اخي الكريم على الرد اذا ممكن تعطيني تفاصيل عن التفاح والعنب كيفية زراعتهم

[الابلج]

الاخت الفاضله
اولا : التفاح
ميعاد الزراعه: اذا كانت الشتله ملش (اي ان الجذور لا يوجد حولها تربه) فلا تزرع الشتلات الا في اخر الشتاء واول الربيع(وانا بصراحه معرفش الفصل ده بييجي في اي شهر في استراليا) ولكن ده متروك ليكي لانك انتي اللي عايشه هناك
اما اذا كانت الشتله مزروعه في كيس زراعه والجذور حولها تربه فان الزراعه تصلح في اي وقت من اوقات السنه مع مراعاة عدم زراعتها في اثناء ارتفاع درجة الحراره
طريقة الزراعه:
وتخلي بالك انك تشيلي الكيس بحذر ومتعرضيش التربه للهواء وتروي الشجر بعد الزراعه على طول
واذا كنتي هتزرعي في الشتا شتله ملش فدي مفهاش مشكله خالص المهم بمجرد ما تزرعي الشتله تروي التربه باي مبيد فطري لامراض الاعفان وعموما هتلاقي مبيد عندكم اسمه
rovral وده تحطي منه 20 جرام على لتر ماء وتسقي حول الشتله جيدا طبعا المعامله دي تعمليها اذا زرعتي باي طريقه
طيب زرعنا خلاص والشتله بدأت تخضر بعد 15 يوم من بداية التخريج هنروح لاقرب محل اسمد زراعيه وهنجيب اي سماد مركب 20-20-20 وهنجيب منه كيلو واحد بس عشان المصاريف وهنسمد بـــــ 20 جرام / لتر ماء كل اسبوع مره وهتستمر الرعايه بالمعدل ده لمده شهر ونص وبعد كده تبقي تبلغينا بالنتيجه واحنا كلنا تحت امرك
ثانيا: العنب
نفس طرق الزراعه ومعدلات التسميد
بس خلي بالك اذا رحتي بكره المشتل واشتريتي شتلة عنب او تفاح وفرحانه لانك هتزرعيهم لازم نعمل تعديل بسيط خالص وهو اننا نغمس الشتله وهي لسه في الكيس في الحلول الفطري اللي احنا قلنا قبل كده وبعد كده نزرع بحرص وبعدين نروي ونراعي ان الزراعه تكون اخر النهار مش الصبح بدري ونبدأتسميد بعد 3 ايام من الزراعه
وشكرا.............................. .وانا تحت امرك وربنا يرجعك لبلدك بالسلامه

[mohamad_ali]

لابد من التصويم قبل الاثمار