المساعد الشخصي الرقمي

مشاهدة النسخة كاملة : ما رأيكم بمشروع تسمين العجول الهجينة؟



أبو كمـال
16-09-2010, 06:14 PM
السلام للجميع . انا عامل مشروع التسمين من سنتين تقريبا وكل دورة بحاول اطور فى الحوش والكمية وخلافة
دايما بفضل الهجين لانة الافضل والجميع ينصح بقتنائة .. لكن فى احد المراحل كنت اربط العجول ثم صممت حوش اكبر للرعى الحر وحررت العجول فية طبعا دا تسبب فى بعض المشاكل ونقص الوزن نوعا ما .. المشكلة الان انى لازلت تترابط عندى الدورات بمعنى دورة تباع منها البعض واشترى من جديد ولكن يكون مربوط فترة 3 شهور يمكن لحين تفريغ الحوش الكبير من باقى العجول وبيعها ثم احرر العجول بما تنصحونى .. استكمال المربوط كما هو ام احررهم بعد بيع باقى الدورة القديم خصوصا انى لا استطيع تحرير الجديد فى وسط عجول العلف
وياريت تفيدونى حابب اشترى ميزان عجول لكن كثير من الناس يقولوا لى انة تكاليف دون فايدة لكن جشع التجار والجزارين بيخلينى اصر انى اشترى الميزان .. هل اشترى الميزان . وكم هو سعر الميزان ان امكن
وربنا يبارك فيكم جميعا انا بجد مبسوط انى لاقيت منتدى يهتم بالمجال دا لانى بدات دون اى خبرات ولى سنتين الان واريد ازدياد الخبرة .. وشكرا
اخوكم ابو كمال:thumb1:

أبو كمـال
16-09-2010, 06:18 PM
معلش سؤال .كمان
هل الذرة الصفراء والردة والاملاح المعدنية وملح الطعام تصلح كعلف جيد يحتوى على نسبة بروتين عالية ويعطى اوزان جيدة ؟؟

أبو كمـال
16-09-2010, 06:22 PM
السؤال التالت وعارف انى غلست عليكم بس ياريت بجد تفيدونى
اسعار العجول حاليا فى تزايد كبير يمكن وصل ثمن العجل 200 كجم 7000 جنية كمان الاعلاف والغلال اسعارها ارتفعت يتكلف الطن اكثر من 1600 جنية بالنقل والناولون والتبن كمان يعنى كلة فى الزيادة وانا الدورات عندى بتاخد وقت كبير يمكن 10 شهور واحيانا اكتر هل فى اى طريق للتوفير لان هامش الربح انخفض جدا

أبو كمـال
16-09-2010, 06:26 PM
هل من الضرورى تتابع التحصينات بصورة دورية لى قرايب يقولوا كل 6 شهور .. انا بصراحة بحصن مرة واحدة بعد الشراء وبعد كدة بسيبها على الله هل دا كويس ولا لازم التحصين كل فترة ؟؟؟

أبو كمـال
17-09-2010, 02:50 PM
يا عالم حد يعبرنا :( انا بجد محتاج رايكم

ابو الروووس
11-10-2010, 07:43 PM
ابو كمال ..... لا تزعل يا عم ... اكيد الاعضاء ما انتبهو لأسئلتك ...

ما بعرف ايش شاغلهم ,,,, بس الغايب عذره معه ...


بنستنى الاجابة من السادة الخبراء

لا تتأخرو علينا من فضلكم ...

تحياااااااااااااااااااااااااااتي